قصة واقعية لفتاة اتزوجت - تموت من الضحك
هذي القصة يا جماعة حقيقة وواقعية وبعد ما سمعتها حبيت أنقلها لكم
في هالمنتدى الرائع عن زواج بنت وبقول لكم عن قصة زواجها المضحك والغريب
هذي البنت سلمكم الله عندها أخوات أكبر منها وأصغر منها وهي توها متخرجة من الثانوية المهم بالبنت ما عندهم خدامة كل يوم الدور على وحدة من هالبنات تطبخ وبعدين ترمي الزبالة عند الباب المهم جاء دور هالبنت اللي أتكلم عنها كانت سهرانة مع أخواتها الين الساعة 2 الصبح وبعدها أخواتها طلعوا ينامون فوق وهي قعدت تنظف المطبخ وتشطب عليه، وقامت وطلعت الزبالة عند الباب .. المهم البنت قالت ليش أحطها عند الباب خليني أتشجع وأرميها بالزبالة أحسن .. وطلعت بره بالشارع .. وكان الشارع فاضي مرة وهدووووووووء ما فيه أحد وكانت الساعة 3.30 صباحاً المهم يوم جت تطلع ترمي الزبالة قفل باب بيتهم ههههههه وقعدت المسكينة بالشارع .. فكرت ترن الجرس بس خافت أبوها يهاوشها ويسوي لها شيء ( لأن أبوها عصب مررررررة ) .. وهي بالشارع ما عليها إلا عباية حقت أختها الصغيرة لا وقصيرة بعد عليها والشيلة تمشي الحال يعني كانت مستعجلة ماهي ناوية السهرة والكشخة ههههههههههاي .. المهم سمعت إن فيه صوت يقرب منها .. صوت سيارة !!.. قامت مسكت الزبالة وقبلتها ودخلت جواتها المهم كان اللي جاي ولد الجيران .. كان توه جاي من الإستراحة .. المهم جاء ولد الجيران وقف السيارة وطلع المفتاح علشان بيدخل البيت إلا سمع صوت يتحرك بالزبالة .. وأستغرب إن الزبالة مقلوبة قام وقرب منها .. وجاء بيرفع الزبالة .. إلا صرخت وقالت: لا لا لا لا لا، قال: بسم الله الرحمن الرحيم .. إنتي إنس ولا جن قالت: إنس .. قال: إنتي وش جابك هنا ؟؟؟...
وقالت له القصة كلها وهي متغطية بالزبالة وترجت ولد الجيران يساعدها قال خلاص لا تخافين .. قام قرب السيارة من باب البيت وركب فوق السيارة ونقز يفتح باب البيت للبنت .. وقال لها: إدخلي بسرعة لا أحد يشوفك .. قامت المسكينة ما صدقت رمت الزبالة .. وطلعت كذا قدام ولد جيرانهم المهم دخلت وقفلت الباب على طووووووول .. وولد الجيران واقف ما تحرك .. يناظر فيها .. المهم ما مر على هالسالفة يومين إلا وجاء يخطبها من أبوها وتزوجها ههههههههه ...
والله قصة زواج غريبة وعلى فكرة ترى هذي السالفة حقيقية وحصلت بالفعل
|
29-10-2006, 24- 15:49
المواضيع المتشابهه للموضوع: قصة واقعية لفتاة اتزوجت - تموت من الضحك
