محتار

Challenger · #1 28-10-2006, 24- 22:18

مرحبا اخواني وخواتي الاعضاء
انا ماعندي مشكله بس محتار في شغلة اتمنى انكم نصحوني
اهو عندي بنت عمي اهي انسانة عاجبتني واعتقد انها المناسبه حقي
بس ....
بس انا خايف من شغلة انها اهي وايد قريبة مني يعني قصدي اهي بنت عمي وبنت خالتي بنفس الوقت فما ادري
لاني سامع ان كل ماكانت العلاقه قريبة يكون احتمال وجود تشوهات عقلية في الاطفال
فعشان جذي انا محتار انا لحد الحين ما تقدمت لها فما ادري اخطبها واتوكل على الله ولا اشوفلي وحده خارج الاهل؟؟

روزانا · #2 28-10-2006, 24- 22:23

هلا فيك تشالنجر ...

زواج الأقارب دائما يحذرون منه بسبب الأمراض الوراثية ...

ولكن اذا استطعت اجراء كشف طبي وكانت النتيجة ايجابية فالأقربون اولى بالمعروف

فالكثير من حالات زواج الاقارب في مجتمعنا ولا يعانون من اي عارض وامورهم تمام ..

ولكن من الأفضل اجراء كشف طبي للتأكد فقط وخاصة فيه حالة وجود امراض بالعائلة ...

تمنياتي لك بالتوفيق ..

--------------------

Challenger · #3 28-10-2006, 24- 22:31

مشكورة اختي روزانا على ردج عشان جذي اعتقد انها مناسبه لي لان كل واحد فينا يعرف الثاني
وشكرا مرة اخرى

الأماكن · #4 28-10-2006, 24- 23:32

وفقك الله اخي تشالنجر

مثل ماتفضلت الاستاذة روزانا عليك بالفحص قبل الزواج

وقبل ذلك الاستخارة فما خاب من استخار الخالق

تمنياتي لك التوفيق مع من تحب

همس الاحساس · #5 01-11-2006, 24- 04:39

فعلا زواج الاقارب دائما يحذرون منه لكن اذا كانت عائلتكم ما فيها امراض وراثيه فتوكل على الله لكن بعد اجراء الفحص الطبي وانا بنت عمي زوجها ولد عمها وولد خالتها في نفس الوقت وعندهم الحين بنت وولدين ياخذون العقل ما شاء الله عليهم وانصحك اخوي بصلاة الاستخاره صليها حتى ترتاح لقرار حتى لو صليتها اكثر من مره عادي اهم شي ترتاح والله يوفقك