ســهــالات يادنيـــــا ســـهـــالات ..

[كـافـى صـدمـات]

 

[center]بسم الله الرحمن الرحيم ..
شرفوني بقرائتها ..
وياليت تحوز ع رضاكم ..


يا بنت .. والدنيا دروب ومتاهات
ويا كثر من يمشي بدرب .. السخافه

تعالي .. نكتب دامها شعر وأبيات
لو ما على حزن القصايد .. كلافه

نكتب على (صدر الخيانة) .. سهالات
ونكتب على (صدر المحبّه) .. حسافه

وش لك بطول السالفه .. والحكايات
"الحب منهو يجهله .. ما يخافه" !!

أنتي ضحيّة حب .. ما له نهايات
وأنا ضحيّة حلم .. ظالم .. وتافه

من كثر ما صادفت كذب .. وخيانات
أصبحت أحس الصدق كذب وخرافه !!

أمشي وأكابر لو تطول المسافات
ولولا الصداره .. ما كرهت الوصافه

لكنّي .. لا من شفت وسع السماوات
أقول يا ممشاي .. منت بمسافه

اعزي جروحي وأقول التعب فات
بس التعب شوفيه .. بأول مطافه

لو هو بقى في قلبي الميت .. نبضات
ما كان خفّى عن هواك .. إعترافه

قلبي على ضفاف (نهر الهوى) مات
من سؤ حظّه جاه .. (ليلة جفافه)

انتي تبيني أعترف فالطموحات
وانا أخاف الكذب .. والكذب آفه

هذا أنا من ذقت مر الخيانات
وأنا (أحس) الصدق مثل الخرافه !!

يا ليت (لإحساس) المخاليق .. عملات
ويبدّل إحساسي (محل الصرافه) !!


وسلامتكم

ودي ..

K[/center]

[ذات الخال]

 

من كثر ما صادفت كذب .. وخيانات
أصبحت أحس الصدق كذب وخرافه !!


صباحك سكر..

ـــــــــــــــــــــــ
الاعتراف بالحق فضيلة..انا ما افهم كثير بالشعر..اقرأ لنزار فقط ..
بس هذي فهمتها -على ما اعتقد-
حزينة وفيها حكم حلوة..
واتمنى الحزن اللي فيها ماينطبق عليك ..
لأنك دائما ً تردد "سهالات يا دنيا سهالات "..

باااااااي حبيت اسلم بس..
خسارة مقدر اتفلسف هنا ماعندي سالفة بالشعر

[الحلم الواعد]

 

سهالات يادنيا سهلات

ويا كثر مابها الدنيا متاهات,,,,,

ناس تموت وناس تعيش باهات،،،،

وناس تنام وناس تاخذ شهادات،،،،

ناس تفرح وناس تبكي على مافات،،،

كلام يروح بدقايق وكلام يبقى بساعات،،،

وناس ماتحكي ابد يحكي القلب بأنات،،،،

وناس تعيش بقصور وناس في حارات،،،،

يموت الحب والقلب بعده ما مات،،،

وفي النهايه سهالات يادنيا سهالات،،،

[وله الرياض]

 

يعطيك العافيه
سي يووو

[((*فروووحه*))]

 

كــــاافـي صدمــــــــــااات

يعطيك العااافيه اخوووي ع هالقصيده الروووووووعه


تقبل مرووووري