السلام عليكم ورحمة الله وبركاته انتو شوفوا صورة الحلى وتحته الطريقة 
المقااااادير والطريقة على طول :
تحطين بقدر نص فنجان زيت او اكثر بشوي .. وتحطيه على النار ولما يسخن حطي فوقه ملعقتين كبيرة دقيق ..
وحركي لحد ما يصير المزيج ناعم ولونه اصفر ...
بعديه عن النار .. وضيفي له ملعقة ونص كاكاو بودرة وكاس حليب ( انا حطيت بكاس ملعقة حليب نيدو وصبيت فوقه مويا )..و6 ملاعق سكر بودرة وحركيه والسكر انتي ذوقي اذا يحتاج زيدي
وحركيه بملعقة سلك ( حقت البيض ) وحركيه لحد ما ينعم المزيج ورجعيه على نار هاديه جدا .. لحد ما يثقل قوامه ...
وبعدين بالصينية صفي 3 حبات بسكوت جنب بعض على شكل مستطيل ,, وحطي فوقهم من صلصة الشوكلاته اللي سويتيها ..ورصي فوقهم ثلاث
حبات بسكوت وفوقه صلصة شوكلاته .. وتقريبا سوي 5 او 6 طبقات .. بذي الطريقة ,,, اتمنى تكونوا فهتموها على فكرة انا سويت الحلى بصينية ثانية وبعد ما بر نقلته على هذ الصينية لان الصينية الاولى بتحوس معك من صلصة الشوكلاته
وبالاخير صبي المزيج على الجوانب .. وحطي بالثلاجة.. لحد ما يبرد تماما .. وطلعيه وقطعيه كل بسكوته بطبقات لحال وزينيه بالفستق او جوز الهند...
طبعا صلصة الشوكلاته راح تكوني كثيرة شوي .. عشان كذا تقدري تسوي طبقات زيادة
وبالعااااااااااااااااااااااااااااااافية ... شووووووووو راااااااايكم
حلا لذيذ بالصور
