منقووووووووووووووووووووووووووو ووووول
هاي يافراشات ياحلوات
انا لي زماااااان عنكم ... بس رجعني الحنين
عزيزاتي بقول لكم على خلطه من صنعي وتجربتي من خلال قرائاتي الكثيره عن هالموضوع
اهم شي تكفون ادعوا لي اذا اعجبتكم وجربتوها .. ادعوا لي بالتوفيق والسعاده وان ربي يخلي لي امي
المهم
اقول لكم انا كانت عقدتي جفاف اقدامي واختلاف لونها عن باقي جسمي وقريت كثير وجربت كثير
لحد مافكرت وقررت اعمل انا بنفسي خلطه اكون مقتنعه فيها وعارفه مكوناتها
الخلطه بصراحه بسيطه جدا ويمكن اكون اقتبستها من خلال كل اطلاعاتي
بس والله ان نتيجتها ممتازه ومريحتني مره
المهم مااطول عليكم
المقادير :
علبة جليسوليد الاحمر وسط +علبة كريم جليسرين الاحمر برضه وسط
+صابونة الطاووس + كاسة ماء ورد +فنجان قهوه زيت زيتون اصلي
+2 فنجان زيت جيلسرين +فنجان قهوه زيت لوز مر
+فنجان قهوه زيت جنين القمح (واذا حبيتي حطي ملعقة فكس..جربتها مره..كويسه )
الطريقه :
ابشري صابونة الطاووس واضيفي عليها كاسة موية الورد وخليها من الليل لحد الصباح
وبعدها اضيفي عليها كل المكونات السابقه واخلطيها زين .. وحطيها بعلبه
واحتفظي فيها (مو شرط الثلاجه اهم شي ي مكان مكيف )
وادهني اقدامك في الليل .. ادهنيها زين وكثري .. واستني شوي لحد ماتشرب الاقدام الخلطه وبعدها البسي شرابات
وخليها لحد الصباح واغسليها بمويه بس
(انا بصراحه احطها بالليل واحيانا بالنهار لما اكون جالسه بالبيت او لما اروح اعمل رياضه احطها والبس البوت )
المهم بعد شهر .. والله صرت البس الصندل وانا وااااااااااااااااااااااااثقه ..
بياض ونعووووومه واستعرض باصابعي ورجولي .. ماشالله علي
قولوا ماشالله
بس فيه تعليمات ثانيه
حاولو يابنات ماتلبسون صندل مفتوح وانتم طالعين مكان فيه تراب وغبره وسخم
يعني البسوا بوت احسن واحفظ للاقدام من الوسخ والشمس
يعني خلي الصندل للعزايم والفيصليه والمملكه
واهم شي يابنات الاستمراريه .. يعني انا الحين لي شهور استعملها
وماراح ابطلها .. قد مااقدر .. صحيح احيانا نشغل يومين او ثلاثه
مااحطها بس ارجع واستعملها
وبس وسلامتكم
خلطه ازلة السواد الي فيى الرجلين
