[size=4][font=Tahoma][color=#4169E1]السلام عليكم ورحمة الله وبركاته
حبايبى إيه أخباركم أحب أولا أهنيكم بمناسبة قرب شهر رمضان الكريم وأقولكم كل سنة وأنتم طيبين وبألف بخير
النهاردة جيبالكم معايا وصفة مش روعة بس لا دى فوق الروعة وأنا اللى مجرباها أقولكم عليها عشان تستفادوا المهم يا حبايبى الوصفة اللى أنا جيباها لمواجهة مشكلة المشاكل واللى كلنا بنعانى منها ومش عارفين نعمل إيه ؟؟؟؟
النهاردة جيبالكم برنامج كامل <<لتفتيح الأماكن الغامقة بالجسم>> وعن تجربتى بس الأول أحب أقولكم عشان تفتحى المناطق الغامقة لاااااااااااازم تصبرى لأنى سمعت أخصائى تجميل بيقول الإسمرار دة نتج من سنيييييين ومش فى يوم وليلة هيروح يعنى كل اللى عليكى الصبـــــــــــــــــر والنتيجة هتعجبك إن شاء الله وما تنسيش تدعيـــــــــلى
أنا عارفة إنى رغاااااااااااااية وطولت عليكم ههههههه
أسيبكم بقى مع أروع برنامج ....
أولا: (الصنفرة)
تاخدى شاور وتدلكى جسمك باللوفة بالطريقة العادية
إشطفى جسمك بماء ساخن على قد ما تقدرى
وبعد كدة تجيبى الشاور جيل اللى إنتى بتستعملية ودلكى بيه جسمك
وتجيبى شوية سكر ناعم بس مش مطحون يعنى من النوع الناعم وإستمرى فى التدليك وركزى قوى على المناطق الغامقة
دلكى لحد ما تحسى إن جسمك بيلزق والسكر داب وبعد كدة تشطفى جسمك بماء ساخن وبعدين ماء بارد (مفيد جداااا)
وهتلاقى جسمك أنعم من الحريــــــــــــــر
ثانيا: (الماسك)
رز مطحون (الرز العادى وتطحنيه) + زبادى (الروب) +عصير ليمون
وللبشرة الجافة (الكوع & الركبة) تضيفى على المكونات عسل نحل
إتركى الماسك على بشرتك حتى يجف وبعد كدة إفركيه وإشطفى بشرتك بماء بارد
وكمان ممكن جدا تستعمليه للبشرة (الوجه) ونتيجته هاااااايلة
ثالثا: (الدهان)
حضرى الدهان دة واللى مكوناته
عصير ليمون + عصير بطاطس + معلقة زيت لوز حلو
إخلطيهم وإدهنى بيه المناطق الغامقة طبعا بعد ما تنشفيها كويس
ولو حسيتى إن بشرتك ما إمتصتش الدهان كويس ... رشى على بشرتك بودرة تلك والأفضل جونسون
ووزعيها كويس على بشرتك بس كدة وما تغسليهاش سبيها على بشرتك عادى
والأفضل تعملى البرنامج دة قبل النوم وتسيبى الدهان من المساء حتى الصباح
*************
ولو إستمريتى على الprograme دة مرتين فى الإسبوع بس الدهان حاولى تستعمليه كل يوم وهتدعيلى إن شاء الله
*-*-على فكرة يا بنات أنا خطوبتى قريب يلا باركولى وإدعولى ربنا يتمم بخير وعقبالكم-*-*
أنا فى إنتظار ردودكم اللى بتسعدنى وبتحسسنى إنى فعلا بقدم لكم موضوعات مفيدة
((( اللهم أعد علينا رمضان أعواما عديدة وأزمنة مديدة وإجعلنا فيه من المرحومين ولاااااااا تجعلنا فيه من المحرومين..
اللهم وإجعلنا فيه ممن قبلت صيامه وقيامه وغفرت له سلاته وآثااااااامه وأمنت له الروع يوم القيامة وأسكنته فى الآخرة دار المقامة يااااااااااارب العالمين )))
تحياتى لكم أختكم مشمشة مصر
يمنع وضع الايميل
.....................
أخيــــــــــــــــــــرا لقيت الحل سرى بس للبنااااااااااات !!
رد: أخيــــــــــــــــــــرا لقيت الحل سرى بس للبنااااااااااات !!
