قصيده سبع ساعااااااااااات ... روووعه

قصيمي1 · 18-07-2008, 24- 02:07

قصيده سبع ساعااااااااااات ... روووعه
------------------------------------------------------------------

سبع ساعات اسولف واتكلم واستخف دمي وهي تسمعني وتضحك ومبسوطه على الاخر

سبع ساعات اعلمها عن احزاني وعن همي واسلوف عن حكايه طفل..كان وصار هالشاعر

سبع ساعات تتساقط حروف الصدق من فمي على صحرا مسامعها سحاب العشق متناثر

سبع ساعات تحلف لي براس العشق وتسمي تقول انت الوحيد اللي ملكني حبك الساحر

سبع ساعات نادتني باسمه ماهو اسمي تناديني(فهد) وانا للاسف جابر

تشنج كل شي حولي ومسمعي يدمي ركز خنجر فهد في مسمعي عن صوته الخادر

تخدر فكري وجسمي وذاب بداخلي عظمي وصرت اسمع صدى صوت يردد غلطه الشاطر

يردد غلطه الشاطر بعشره واقعي وحلمي وترددها زوايا غرفتي والواقع الغادر

كثير اصوات شقت جسمي اللي يحتضن لحمي صراخ الباب والدولاب والشباك والساتر

وونات القلم والدفتر اللي يلتفت يمي وخايف وش ابي اكتب بوسطه من هنا الباكر

وكانت ساكته وصوت النفس من خشمها لخشمي ربع ساعه وبحت الصوت
وقالت خير وش صاير

وطرى في بالي عبدالله وخالد واحمد ونشمي واخرهم فهد تسعه وانا مدموغها العاشر

وقلت ابدن ماغير الخير ولكن امسحي رقمي اكيد انه فهد جالس سبع ساعات وهو ناطر

وقالت لي اقول….. وقلت انا اقول وذا علمي عجب الناس وش هالناس تخطي وبالخطا تكابر

انا يابنت بنثر لك حياتي واجمي ولمي بعضها بنثره في مسمعك هالحين ومن خاطر

ترى عمري انا تسعه وعشرين وكذ رسمي ولكن عشت ايامي دبلها مقبل وعابر

اصيل وكل اصيل مايبي مدحي ولا ذمي وسبع انعام في هالناس واخص الحامدالشاكر

انا من نجد وربعي هم عتيبه وخالي الدحمي وبرقا لحمي ودمي وانا من روق ومع ناصر

انا جابر ولد هايف وسلم الطيب هو سلمي ابوي اللي مربيني الجزلات واتفاخر

انا راعي مجاهيم يشع بفخذها وسمي راعي خيل وراعي بير وبيت مبغضه كافر

على الرمضا حفت رجلي بارض عاشقه ضمي وشمس تشرق وتوقف على راسي وانا صابر

عرق وجهي يصب وامسحه بشماغي وكمي والد عيوني عن ناس سرقني يمها الناظر

وانا شاعر ولو اكتب عجز كل فكر في نظمي ولاني بالغرور احكي ولكن واثق وقادر

عرفتي ليه انا طاهر لانك همي وغمي ولان الدنيا في عيني جبل نرقاه ونغامر

يابنت الناس شفتي كيف بليا اسلاح مانرمي ولانوقف بوجه البندق المليان ونخاطر

خلقنا الله بشر بعقول وذا واقع وذا وهمي وكل يتبع مراده وفينا رابح وخاسر

وقالت لي فمان الله شعلت النار في جسمي فمان الله يالطاهر ومثلك قله ونادر

ورحت اخذ كتاب الله واحلف ليه ياأمي لوأن اسمي (فهد)بالله ماكان احلى من جـابر

وش رايكم بهاالقصيده اعجبتني وقلت لازم انزلها لكم؟؟؟

ريمي am · 24-07-2008, 24- 03:38

يسلمو قصيمي1 بصراحه كتير حلوه
بس بعض الكلمات مافهمتها...

كربوشه · 26-07-2008, 24- 01:18

الله يعطيك العافيه ماقصرت
لاخلا ولاعدم

قصيمي1 · 26-07-2008, 24- 01:23

اسعدني وسرني حضوركم وهو وقودي واشكركم على التشجيع
وشرفني تواجدكم - ريمي - كربوشه - لا خلا ولا عدم يالغوالي

بدون القاب · 28-07-2008, 24- 01:57

رووووووووووووووووووووووووووووووووووووووووووووووووو عة جدا ياقصيمي تسلم اناملك يالغالي