انتي أجمل في عيوني ....

روزانا · #1 15-09-2006, 24- 13:01

هو فيه مثلك .. ياللي الحسن ظلك
ليه العطر ؟!
وانتي انفاسك دخون
وليه الكحل
وانتي ماغيرك عيون
وليه تفكيرك يكون
انك تكوني دايم اجمل

انتي اجمل
من جمالك
من دلالك
من خيالك
ياللي كل افراح قلبي والحزن
في المسافة بين فرقاك ووصالك

وليه يالقلب الحنون
تاخذك فيني الظنون
ضيعتي عدلك .. هو فيه مثلك .. ؟!
انتي ماغيرك عيون
وانا احبك .. وانتي انفاسك دخون

ياللي احبك .. ليه احبك ؟
او ليه ماحبك .. ؟!
وانتي علـّمتيني ان الحب كله اسئلة ما تنتهي
ليه ما احبك .. ؟!
وانتي علـّمتيني ان الحب لا غدا لمثلك .. ابد ماينتهي
ياللي علـّمتك عذابي والهجر .. ليه ما احبك ؟!
ياللي علـّمتك تكوني ..في ضعف ضعفك .. اقوى مني

يا انتي ضحكاتك تغني .. وابتساماتك شعر
يا انتي ضحكاتك تغني .. وكل ما شفتك اصر
انك اجمل من جمالك .. من خيالك .. من دلالك

على حبك انا .. بقفل ابوابي
وبطيوفك انا.. بسقي اهدابي
يا انتي .. يا انتي احبابي

تصدقين .. تصدقين .. صدقي
قلبي لكي وحدك . .صدقي
ماقوى على بعدك دقايق .. بس دقايق
ياظلي .. يا داري
يا اجمل ..افكاري ..
تظلميني لوتقولي اني عاشق .. بس عاشق !!

ياللي وحدك تسمعي صمتي وكلامي
ياللي ضيك ..اتعب همومي وظلامي ..
صدقي اللي في قلبي لك ِ ..
اكبر من افكار القصايد والحكي

تصدقي انك اجمل في عيوني من جمالك من خيالك من دلالك
لا يالقلب الحنون
لا تاخذك فيني الظنون

من روائع عبدالرحمن بن مساعد ....

عاشقة الشعر والشعراء

زي العسل · #2 15-09-2006, 24- 16:42

يسلمووووووووووووووو روزانــــــــــا

عبد الرحمن بن مساااااااااعد

من الذين اقراء لهم باعجاب

انه نبض الشوارع والحواري نبض الانساااااااان

البسيط العااادي

كم هورائع هذا الشاعر الانسان

روزانا · #3 15-09-2006, 24- 18:57

شكرا على مرورك زي العسل
وانا ايضا من المعجبات بالشاعر

سعدت بتعليقك

جرح الزمن · #4 15-09-2006, 24- 19:43

الله عليك روزانا... هذه من اجمل اغاني اخطبوط العود عبادي..
..
يسلموووو

**الألماسه** · #5 15-09-2006, 24- 20:01

حبيبتي..روزانا..

يعطيك الف عافيه على هاذي الكلمات..

تقبلي شكري وتقديري..