قصيده...

[مملوح]

هذه قصيدة.. للشاعر محمد سليمان الخضيري..
..
تمنيت لو أني انا اللي كتبتها.. قصيدة أعجبتني كثيرآ... واحفظها.. عن ظهر قلب ..
..
وهنا أنزلها... اهداء خاص........

كان وجهك من يقين,وكنت أنا بعض احتمال=قلت ابتأكد من أني صدق جنبك,واقتربت
شفت وجهك كل ممكن من كثر ماهو محال=شفتني:دنيا تساؤل من كثر ما أنا أجبت
ارتميت بحضنك أشكي هالحقيقة للخيال=كيف ما أصدق في حياتي الا يوم اني كذبت
احتويني بس يكفي,ما أبي حتى: تعال=ايه ابينا نكون واحد لو تغيب فـ يوم غبت
لا تلومين اندافاعي كان حالي أمس حال=لا تلومين ارتباكي يوم جيتي واضطربت
تعرفين اللي تخوّف من نهاية قام قال=بابتدي منها طريقي وان نزفت شوي طبت
تعرفين اللي يخاف ان الاحد يوم الوبال=كيف ظنك يبـا يشوف اليوم,لو اليوم سبت
تعرفين اللي شبابه شبه لـ بنت الحلال=كود ترتاح بدفاه ..وبس قالت له : تعبت
تعرفين اللي استمالت قلب صادق,يوم مال=تلعب بقلبه وتحلف والله اني ما لعبت
تعرفين اللي وصل غاليه من عقب ارتحال=دور فـ عينه حنين ومالقى إلا ويش جبت
تعرفين اللي تسامح مع حبيبه لين طال=الخطا واصبح خطيئه ما رقتها تبت .. تبت
تعرفين أني عشقتك يابعد ذيك الليال=أعذريني فز قلبي يوم شفتك واستربت
كل فزه تحت صدري حركت طعنه وسال=دم يقطر من شكوكي في نواياك وهربت
والله ادري ظالمك بس كان ظلمي لك حلال=وقتها ما كان همي غير أنا ليه انجذبت
كانت ذنوبك براءة في طفولة في جمال=اقترفتيها في قلبي, ضقت مني واكتربت
خفت يرجع ما مضى من زيف من وهم وخيال=خفت من ماضي غرامي لا أعيده وانسحبت
بس فجأة اكتشفت العشق عندك ما يقال=اكتشفت أن العواطف غير ذيك اللي كسبت
اكتشفت أن الحقيقة ما بها حلف وجدال=ماهي فـ حرب الظنون اللي اذا خابت أصبت
كيف كنتي تغمريني في حنانك باعتدال=كيف كنتي لا هطلتي ما حسبتي كم شربت
كيف تعطيني قبل ينطق من عيوني سؤال=كيف تعطيني وانا للحين حتى ما طلبت
كيف صرتي لي هدى من قبل ما اشكي لك ظلال=كيف صرتي لي وطن من قبل ما اصيح اغتربت
احتويني في يقينك .. ما أبي أي احتمال=ايه ابتأكد من اني صرت طفلك يوم شبت
تعرفين انك: عظيمة.. لامست حد الكمال=كيف ابنصف نصف وجهك لو كتبت أو ما كتبت.!!

وسلامتكم.....

[روزانا]

والله ادري ظالمك بس كـان ظلمـي لـك حـلال
وقتها ما كـان همـي غيـر أنـا ليـه انجذبـت

كانت ذنوبـك بـراءة فـي طفولـة فـي جمـال
اقترفتيهـا فـي قلبـي, ضقـت منـي واكتربـت


اوه ماي قاد

رووووووووعة هالقصيدة تخليني ابحث عن قصائد اخرى لنفس الشاعر ..

شكرا لك مملوح عالقصيدة المعبرة .....

[مملوح]

يسلموووو على مرورك..
...
وتشريفك على صفحتي..
...
دمتي بود...

[ميمي ام عبودي]

احتويني فـي يقينـك .. مـا أبـي أي احتمـال
ايه ابتأكد من انـي صـرت طفلـك يـوم شبـت

تعرفين انـك: عظيمـة.. لامسـت حـد الكمـال
كيف ابنصف نصف وجهك لو كتبت أو ما كتبت.!!



رائع اختيارك يعطيك الف عافيه

[مملوح]

شكرآ للمرورك اختي ميمي..
..
تحياتي لك