ஐ ‏ لا تقول اني ذكرت .. ولا تقـول انـي نسيـت !! ஐ ‏

الحبيبه · 19-06-2008, 24- 11:01

اقـــــــــــــــــــول :

لا تقول اني ذكرت .. ولا تقـول انـي نسيـت

كيف يعني .. يذكرك انسان لحضـه مانسـاك

ادري اني صدق احبك .. وادري انك مادريـت

اني حتى ضد نفسي صـرت ياعمـري معـاك

لو اقول اشكثر احبك ! ما تصدق لـو حكيـت

داااام حبي فـووق والله مستـواي ومستـواك

(كل حرف ٍ لك كتبت ) و (كل حرف ٍ لي قريت)

(في شي ٍ من عناي) و(فيه شي ٍ من غـلاك)

في غيابك ... ياحبيبي ياكثـر ماقلـت لييـت

وياكثر ما قيييل عني في غيابـك وش بـلاك

مو مهم اللي جرى لي ... المهم انك رضيـت

دام يزعلني زعلّك ... ودام يرضينـي رضـاك

انت دمع ٍ في عيوني .. مابكيتـه لـو بكيـت

وانت كل اللي كتبته ... وانا بس اللـي قـراك

وانت درب ٍ من بديته فـي حياتـي منتهيـت

وانت تعني لـي بهالدينـا نجاتـي والهـلاك

جيتك أتأسف حبيبي .. وأعترف انـي خطيـت

جيتك اسبق لهفة اشواقـي ويسبقنـي غـلاك

وانا مدري ( شلت قلبي لك ) بعد عمري وجييت

والا ( قلبي شالني لك ) يابعد عمـري وجـاك

جيت اقول ( اني احبك) شفت عينـك استحيـت

في عيونك قدرة الله ... واشهـد ان الله عطـاك

لا تقول اني ذكرت ...... ولا تقـول انـي نسيـت

دام قلبي ماذكـرك ....... ودام قلبـي مانسـاك .

منقووووووووول

شاعر المرأة · 19-06-2008, 24- 11:06

الحبيبة

يسلمووووووووووووووووووو

على الاختيار الرائع

كل التحاياااااااااااااااااااااااااا لشخصك

منور مون · 19-06-2008, 24- 14:26

لو اقول اشكثر احبك ! ما تصدق لـو حكيـت

داااام حبي فـووق والله مستـواي ومستـواك

رووووووووووووووعه

وله الرياض · 22-06-2008, 24- 04:28

ابدعت باختيارك
ونقلك الرائع سلمت لاعدمناك
بانتظار جديدك