انا شوفت انكم مش عارفين اد كدة عن بذر الكتان وشفت ناس كتير بتبالغ فى فوايده فى التخسيس حبيت اديكم نبذه علمية من واقع التجارب و الابخاث ...
1-اولا اسمه باللاتينى يعنى بالعربى بالغ النفع وده دليل على فوايده
2-اهم مكوناته التغذوية و العلاجية من واقع التحليل كالاتى اوميجا 3 وده حمض دهنى غبر مشبع وليه فوايده عاليه جدا هنذكرهاومنجنيز والياف و مغنسيوم واملاح الفولات الهامة والنحاس و الفوسفور وكل حاجة من المكونات ليها فايده كبيرة خصوصا انه بيحتوى نسبة عالية منها ...تعالو نشوف الفوايد باة من غير مبالغه من واقع الابحاث و النتايج الصحيحة ...
3-الفوائد الصحية الثابتة علميا :
--طبعا هوة غنى جدا بالحمض لينوليك وده اوميجا3 دهنى وده اللى بيتحول الى اوميجا 3 الغنى بفوايدة واللى موجود برضو فى زيت السمك ولذا يعتبر البذور بديله عن زيت السمك وده طبعا بتؤيده ابحاث كتيرة جدا ومش عاوز ادخل فى تفاصيل ..
..اقولك انه مفيد جدا فى الاتى باختصار ومنعا للملل
*طبعا الاوميجا 3 دى بتتحول لمركبات اسمها بروستاجلاندينز بس من النوع واحد و تلاته مش اتنين و دى لها دور فعال جدا فى مقاومه الالتهاب على عكس النوع اتنين اللى بينتج من زيوت تانيه زى زيت الذرة و النخيل وزيت دوار الشمس الجوز الهند ...يبقى فايده ممتازة فى حالت التهاب المفاصل الروماتيزمى وعلشان كدة بيدوه فى اوروبا على صورة كبسولات زيت الكتان وانا شخصيا بحبذ اكل البذرة على بعضها مش الزيت بس لاسباب كتيرة مش عاوز اصدعكم بيها ..بيدوه برضو فى حالات الصداع النصفى لنفس السبب
* لمنع ضعف العظام وهشاشتها اثبتت الابحاث فعاليه بذر الكتان بما يحتويه من اوميجا 3 الللى قلتا عليها ...وده بميكانيكية معقدة شويه بلاش نحكى القصة دى لانى بحاول قدر الامكان مزهقكمشى بصداع التجارب و الابحاث وكدة اللى يهمنا ان كل واحدة خايفه على عظمها وبالذات االواتى داخلين على الاربعينات يكترو منه فى وجباتهم ..
*الظريف كمان ان التجارب قالت انها قللت احتمال الاصابه بالجلطة فى المتطوعين بنسبه عاليه جدا ودى حاجة تهمنا جدا بالذات للبدينات المعرضات لكدة
*للمحافظة على نضارة بشرتك اثبتت الابحاث فى اكثر من مركز للبشره انه بيزود مرونه الخلايا ونضارتها ..وده شىء يهمكم طبعا ..
.........هكمله المرة الجايه ياذن الله ...وهقولكم استخدامه الصحيح و محظوراته القليلة لانه امن و الحمد لله ...وليه رجاء عندكم جميعا ...بلاش ارجوكم الفتيا فى مجال الاعشاب يا جماعه بسهوله علشان خاطرى ...احنا علشان نحلل مكونات عشب ممكن نقعد تلات او اربع شهور وعلشان نحقق فايده حاجة لازم نقرا لما نعمى ونتابع حالات ...
ودمتم سالمين
التعديل الأخير تم بواسطة : herbalist بتاريخ 17-06-2008 الساعة 24- 18:55.
الاخت مون شوفى حضرتك هوة فى التخسيس بيشتغل بعدة طرق
* بيعمل كمالىء للمعدة من خلال اخذه قبل الوجبات بساعة مع كمية كافية من الماء و ضرورى يكون غير مطحون
*ثانيا الاحماض الدهنية الغير مشبعة اللى فيه بتساعد على الاحساس بالشبع برضو
**تخديه ازاى : معلقة كبيرة صباحا و مساء على كوب زبادى منزوع الدسم او عصير ....او معلقة صغيرة قبل كل وجبة و لكن ضرورى جدا تشربى معه كمية كبيرة من الماء علشن فايدته وعدم حدوث مشاكل لانه مالىء قوى ..وانا ذكرته فى مقالى الاعشاب الامنة و المؤثرة فى التخسيس
17-06-2008, 24- 18:52
ملف بذور الكتان __1_المعلومة الصحيحة
المواضيع المتشابهه للموضوع: ملف بذور الكتان __1_المعلومة الصحيحة
