خطط جهنميه لاصطياد المعرس..لايفوتكم صبااياا00

[احلى مصرقعه]

[align=center]خطط جهنميه لاصطياد المعرس..

مرحبااااااااا

صبااااااااااااياااااا...

كل بنت تفكر بزووج المستقبل وكل وحدة تخااف ان القطار يعدي ويتركهااا ..ههههههه ..

عشان كذا يابنوتاات جبت لكم خطط مضمونة مئة بالمئة تضمن لكـ زووج المستقبل ..

لكن انتي أحسني الأختيار ومن ثم نفذي الخطة .. "يعني أختاري واحد علية القيمة "...

أتركم مع الخطط أخواااتي العزيزات ..


**كيف تصطادين المعرس؟؟؟

**أهم شي نشني على العجوز الي حاطه عينك على ولدها ثم نفذي مايلي:

1-خليكي مع امك ولاتروحين مع البنات وتتهيبلين اصبري عنهم كم شهر لين تتم العملية.

2-امشي وانتي حاطه راسك بين كتوفك ولا ترفعينه ابد حتى لو عورك خلي الفكس دايما في متناول يديك.

3-كلمه خاله خليها دايما على لسانك خاصة لام المعرس عشان تحس بنوع من التميز عن باقي العجايز.

###ملاحظه###

.لامانع تنادين عجوز ثانية بخالة عشان اذا مانجحت الخطه مع العجوز نمبر ون تنجح مع نمبرتو الاحتياط واجب وانا اختك....

4-اذا بدت امك تتكلم انغزيها بكوعك عشان تدخلك فالسالفة حتى لو مالك داعي تطبيقا للمثل <كثر الدق يفك اللحام>دارية المثل ماله داعي بس مالقيت غيره.

5-اخوانك الصغار لاحقيهم وطامري معهم وين مايروحون حتى لو ماهي عادتك بس تصرفي معهم كأنك امهم عشان العجوز تاخذ فكره انك حريصة على ذريتك .

6-كل ما اكلت امك من اكله زينه خليها تقول:نفس الأكله الي تسويها بنتي حتى لو الأكل من مطعم صيني او مكسيكي.

7-اذا جيتي بتمدين ايدك توجعي وخلي امك تقول:قايلتلك وانا امك ماله داعي تنظفين جدران البيت الخارجية {اقول نظفي غرفتك اول الي تقولين ثايره فيها قنبلة ذرية}.

8-اذا تكلموا الحريم عن العرس اكتمي نفسك لين تحمر خدودك عشان يقولون البنت تستحي ومالنا حق تكلمنا عندها{بس لاتكتمي نفسك مره اخاف تروحي فيها واصير قتلت نفس بغير حق}.

9-مهما كان موضوع الحوار حماسي لاتبدين رايك خليك مثل البكما لان اللقافه تجيب اجل الخطة.

10-شعرك افردية لاتخلينه طاير ولاتجعدينه مهما كانت الموضه لان العجايز مايحبووون الا الي شعورهم ناعمة.

11-اذا ادلت العجوز{ام المعرس المتوهق}بأي رأي سواء سياسي والا وطني والا اقتصادي وافقي عليه حتى لو انه ماسخ وماله داعي.

#مثال# :تقول العجوز: بوش متقهوي عندنا البارح ..

قوليلها:وليه ماعلمتينا ياخاله نجي نساعدكم؟!

12-في العروس اضغطي على نفسك واقضبي ارضك ولاترقصين واعتبري الرقص عيب وشق جيب.

13-اذا جاء طاري السوق وهولازم يجي الطاري لانه ملح الجلسه عند الحريم خلي امك تقول:بناتي مايحبون يطلعون السوق ابوهم يجيب اغراضهم.

***الحين العجوز بتكون وقعت فالفخ***

نروح للمعرس الحين.
1-اهجدي في بيت اهلك ولاعاد تطلعين واذا جا المعرس بيشوفك خلي ابوكي

يقول :والله ودي تشوف البنت بدون ماتدري عشان تاخذ راحتك وانا عمك وبعد تشوفها عالطبيعه ماتقول غشيتوني.

2- قبل يجي اليوم الي بيشوفك فيه بحوالي اسبوع او اكثر طامري من صالون لصالون صبغ فرد تنظيف بشره..إلخ.

3-اذا جا المعرس خلي اخوكي يوقف جنبه عشان مايطيل التبحلق وذلك تطبيق لنظرية {اللمحة ذبحه}.

4-في نهاية المشهد خلي ابوكي يقول:معليش وانا عمك ترى البنت شوي محيوسه{معليه يالشايب تنصب عالمسكين}.

وبهاللحظه الولد بينط على راسه ويبوسه لين يشفط مخه ويقول متى العرس ياعم؟




....{تحذير مهم}....
###ابتعدي عن امهات العيال المتعلمات راعيات الشنطه نفس لون الجزمه هذولا يبيلهم خطط بعيدة المدى......








وأتمني ان الخطط تعجبكم ...
وبنتظار تعليقاتكم...:[/align]

[ام رسيل]

هههههههه ...حلووووووووة الخطط ...بس رقم ستة ...ماراح تمشي مع العجايز...عارفين الجيل جيل همبرغر وشلته ,,,,

يعني امممممم ...ماراح تمشي,,,

يسلمووو على الموضوع وبإنتظار الخطط الجهنمية الجديدة...

تقبلي مروري..

[الحب الخالد]

ارهاااااااااااااااااااااااااااااااااب

ههههههههههه

[قصيمي1]

هههههههههههههههههههههههههههههههههههههههههههههههههه ه

خطط السحالي تروووووع

ونا اقول ليش العريس يقول بسرعة متى العرس >> قصدي من الهم ههههههههههههههههههه

حلووووو احلى مصرقعة

الحين عرفنا خططكم ما رايح تمشي علينا هع هع

[حطام السنين]

واذا امه كبيره في السن وماتشوف وبعدين ليه التعب هذا كله عشان تمساح يغلبني هوعياله

الجلسه في البيت اهون واريح اذا ماجاء هوبنفسه ماراح نطارد وراه ورى امه هههههههههههههههههههه