غلطة عروسة...للمتزوجات

العنود · #1 05-09-2006, 24- 08:01

أهلاً بالجميع المتزوجات و الغير متزوجات

طبعاً الدخول مسموح للمتزوجين والعزاب ولكن المشاركة تقتصر على ذوات التجربة من المتزوجات ...

عزيزاتي

تجهيز العروس ... طبعاً كل عروس في جهازها غلطة غلطات ماتحب لأحد يكررها أو حصل لها موقف ليلة الزواج لأنها ماكلنت مستعده في التأكيد على الحجوزات مثل تأخر المصورة أو فرقة الأناشيد وكل هذا طبعاً ناتج عن القلق وزحمة التجهيز

في هذا الموضوع نريد من كل عروس تتكلم لنا عن شنو الشي اللي عملته بجهازها وندمت عليه

وهنا تجربة أحد الأخوات (منقوله)

بالنسبه للمكياج لا تصيرون مثلي ترى انا مره ندمانه الان على الاشياء اللي شريتها كل المكياجاللي شريتها ماركه قسم بالله راح ربع المهر على مكيااااااااااااااااااااااج فقط طبعا قمه الدلاخه والسباهه فانصحكم يابنات مو لازم ماركات كلها مثلا عشان الايام العاديه وعشان مايشوفك ابو الشباب:
إلا وانت في احلى طله طبعا طله طبيعيه عندك ميك اب ميبي لين اللي على شكل موس مره مره مره حلو ويعطي شكل طبيعي وطبعا سعره مره ممتاز تقريبا 50 وحجمه صغير ممكن ينحط في شنطه اليد احتياط في الخرجات
مكياج السهرات عادي اشتري ماركه جربي جريلان او شانيل بس اذا حابه تسمعين نصيحه انا اشوف ديرما كول تغطيه مره مره ممتازه وطبيعيه

الشدو عندك لوح الشدو اللي يصير فيه كذا لون في مطفي وبلمعه بعد ومايكلف علبتين تقريبا ب100 ريال ولا تضيع فلوسك على شدوهات ماركه وهي نفس الشي

أو بعض المواقف المحرجه التي تحصل دون أن تحسبي لها حساب فأحد التزوجات تقول (منقول)
خذي احتياطك في الفوط الصحيه نصيحه لله ترى قسم بالله يوم جتني الدوره في شهر العسل طاح وجهي قلت لابو الشباب تكفى ابي الصيدليه قام عاد وقعد يتليكع ليش وش عندك قولي لي واشتريه لك انا زوجك عيب عليك وعليها لين كتبتها له في ورقه وحلفته مايقراها الا في السياره من الفشيله قسم بالله كنت خبله

انا غلطتي اني شريت كميات كبيره من الملابس وحملت بعد خمس شهور وماقدرت البسهم

ممكن نستفيد ياعرايس من تجاربكم

كل وحده متزوجه تكتب اخطاء تجهيزها للمهر علشان الكل يستفيد

عشق السحايب · #2 05-09-2006, 24- 12:26

تسلمين حبيبتي

ينقل الى قسم العروس

نديـــم الليل · #3 05-09-2006, 24- 15:02

الف شكــــــر على الموضوع ,,

والله يعطيك العافيـــه ,,

شهد الدموع · #4 05-09-2006, 24- 16:42

والله يعطيك العافيـــه

يسلووووووووو

نوني · #5 05-09-2006, 24- 20:02

تسلمين العنود

كثير من البنات مايعرفون يتصرفون بالمهر

ويشترون اشياء ما منها فايده