الكشخـــه مفتاح النجاح

[وصيت قلبي]

 

[color=#3300CC]

الموضوع للجميع
حياكم الله


في احد مر عليه يوم ماناظر في المرايه ؟؟
اللي بيجاوب يرفع اصبعه

تعددت في السنوات الاخيره دور الازياء نظراً لكثرة الإقبال عليها من جميع فئات المجتمع , وزاد ايضاً عدد الشركات المنتجه للماركات من مكياج وملابس وعطور واحذيه فمابين ليلة وضحاها اصبح لدينا مئات الماركات وان دل هذا على شيء فإنما يدل على كثرة الطلب عليها <<< تسمى مقدمة الموضوع

نخش في موضوعنا
قبل المقدمه سألتكم سؤال عن اللي يمر عليه يوم ماشاف خشته ؟

طبعاً الاشخاص الطبيعيين هم اللي يناظرون في خششهم كل يوم ،احد يقول تفو باسم الله <<( الشيون)
واحد يقول وهـ فديتني والله << ( المزايين )

بصراحه الناس صارت تقيم بعض حسب المظهر يعني لو اثنين رايحين يقدمون على وظيفه وحده، واحد منهم لابس وكاشخ وحاط احلى عطر والنظاره ماركه والقلم اللي بجيبه ماركه حتى الشماغ ماركه ( جيفنشي ) يعني بصريح العباره كشخـــــــــــــــــــــه
والشخص الاخر توه صاحي من النوم ماحلق شماغه كاويه قبل امس وشكله مش ولا بد واسنانه صفر من الدخان

مين بالله راح ياخذ الوظيفه اكيد اللي شكله مرتب لأنه واجهه والمظهر يدل على الشخص ان هذا الشخص نشيط والاخ الثاني تحصيل حاصل


الا على طاري الكشخه تذكرت الشاعر عيضه السفياني الله يمسيه بالخير الله ماعطاه شكل بس يعرف يتشيك ويلبس ومع كذا تقبلوه الناس مو بس عشان شعره حتى الشكل له دور بعكس اخونا في الله عبدالله السميري اللي لا شكل ولا شياكه ولا لباقه كل شيء عنده مفقود مفقود مفقود

بس فيه ناس وسيمين ومع كذا يعرفون يتشيكون مثل الفنان جواد العلي

مو بس عند الرجال هالكلام يصير حتى عندنا المجتمع النسائي ويمكن اكثر من اللي يصير عندكم

تخيلوا لو وحده رايحه مثلاً عند ناس اول مره تروح لهم وهي ماهي متشيكه يعني شعرها لامته في بكله او شباصه ولا مكياج ولا كحل ولا روج والملابس من محلات ابو عشرين
وش ردة فعل الناس عنها اكيد بيقولون مسكينه وجاهله حتى لو كان عندها ماجستير فلسفه
ترى الشياكه والكشخه علم صدقوني

انا اتذكر في الجامعه الاستاذات والدكتورات يحكمون على البنات بأشكالهم ويتذكرونهم من اشكالهم والبنت اللي دايماً شياكه على طول يحفظون اسمها مو كذا وبس ممكن تحصل على امتيازات من الكليه زي مثلاً تكون هي صوت الطالبات في مجلس القسم


حتى في التوظيف صاروا يختارون على حسب الشكل وخصوصاً المدارس الاهليه لأن البنات يحبون المعلمه اللي شكلها حلو وتلبس ماركات وتحط مكياج وتلبس كعوب
وحده من جاراتي قالت انها لقت لي مدرسه اهليه طالبين مدرسات بس المديره تقول لازم اشوفها بالأول قلت خير بتخطبني ذي تسوي لي مقابله بالتلفون بدال ما اطق مشوار .
على طاري الوظيفه والله ياني تبهذلت مع الشركات اذا لقيت لي وظيفه سنعه براتب حلو قالوا بس ترى فيه اختلاط طبعاً تعرفون مجتمعنا
احترت الطروش خذوا عنا الوظايف وحنا نطالع
خروج عن الموضوع

وش كنا نتكلم فيه ؟؟

ايه ذكرت


طبعاً الشياكه لازم تكون كامله يعني ماتجي وحده لابسه ماركات وحاطه مكياج وشعرها مجعد ماتعرف تستشوره او تمشطه مثل الناس او يكون عندها قشره ومنتشره على الشعر او حتى قمل

او ما يكون الواحد لابس ومتأنق وريحته والعياذ بالله تقول فارك جسمه بثوم

حتى بالزواج صارت البنت اللي تنخطب هي البنت اللي مهتمه في نفسها ودايماً انيقه

والولد بعد تلاقون سمعت الولد اللي يتشيك واصله حتى مدارس البنات ومايهون ياسر القحطاني

هيا عاد تصدقون ما اتذكر اني شفت واحد شياكه واذا شفت طلع اجنبي

امس وصلتني رساله من اختي تقول { معاً يداً بيد لمقاطعة الشباب السعودي والمطالبه بفتح المجال للزواج بالأتراك ،،من شاف دموع مهند ويحيى ما رجى من هالضبان خير << اللي هو انتم يالسعوديين }
اثر الاتراك مزايين والله يا جمالهم انه خارق ( راحوا فيها توم كروز وبراد بيت )اول كنا اخذين عنهم فكره سيئه والسبب اللي يشتغلون في المطاعم


برايفت للجميع
*الشياكه : يعني الأناقه مهيب ماركة الشياكه المعروفه
*لحد يجيني مدرعم ويقول الرجال برجولته ومواقفه موب بلبسه ،، ماقلنا شي بس موب كل الناس تعرفك انت منت قاعد بين ربعك دايم بتروح وبتطلع وبتسافر محد بيعرفك الا بشكلك
*اللي عنده راي او موقف يجي يحطه هنا
*من منكم يلبس ماركه او تهمه في لبسها
*ارائكم اهم عندي من الموضوع







تحياتي للجميع
ام دانه


منقوووول للأمانه

[الناموس العربي]

 

بصراحه

قريت الموضوع كامل وقاعد اضحك

الاسلوب اعجبني كثييييييييييييييييييييير

لانه ارتجالي

هذا دليل على الذوق

طبعا لي عوده
بعد الاخوان المشرفين والمشرفات

[عبث طفله]

 

لي عودة للموضوع

ينقل للقسم المناسب

[عبث طفله]

 

هلا وغلا حبيبتي اسلوب رائع اهنيك على النقل هذا ان دل دل على ذوقك لا تحريمينا من هذا الشيء
>>>>>>>>>>>>>>>>>>>> اخلصي علينا خخخخخخخخخخ

المهم الموضوع شيق ودلع كله

ابي اعرض عليك حوار بين بنتين

موقف مألوف:
الصديقه (م): أووف أووف أووف يابنات شوفوا لبسها يهبل.
الصديقه (ب) : ياسلام هذي الكشخه والحركات ولابلاش شنطه Fendi أخر موديل ولا بعد من الlited editions و الله يعزج جوتي Gucci روعــــــه سعره $$$$ شايفته بلندن توني قبل مارد هالصيف.
الصديقه (م): ماشاءالله جمال وأدب و أخلاق وذوق وبنت ناس بس غريبه شوفي صديقتها....كلش مو ماشيه مع ستايلها مدري شلون ربع لبسها كلش شييب.
الصديقه (ب): الله يهديها بس ليش ترافج هالاشكال كلش مو ستايلها لو أنا منها ما أرضى هالستايل المتواضع يمشي معاي.

الماركات تحكمنا....دنيا المظاهر

موضوع بصراحه صرت اشوفه واسمعه في كل مكان..في الجامعه..في السوق..في البيت..

الماركات..
خليني ابتدي واقول..عمري ما حكمت ولا راح احكم على شخص من اللي عنده واللي يمتلكه وعمر هالشي ماراح يحدد مستوى احترامي له..وانا اتوقع انه يعاملني بالمثل..

بعدين انا مب ضد الماركات..وفي نفس الوقت موهي اكبر همي ان تكون عندي "ممتلكات" من ماركات عاالميه..والكشخه ما تعني ماركه..يمكن الماركه تكون عنصر من عناصرها بس في عناصر ثانيه مهمه..وياما ناس يلبسون ماركات بس مافي تناسق في اللبس اللي يلبسونه..
انا اشوف الذوق والاناقه اهم من الماركه..وانا افضل تكون عندي كذا شنطه غريبه وحلوه..من شنطه وحده ماركه..

وبصراحه الواحد مرات يلجأ للماركات..بسبب الجوده..وانا اشوف هالشي بعد مهم..لان الواحد مرات يفضل ان يكون عنده شي..يتم له لفتره اطول..وهالنقطه تؤيد ان الواحد يشتري من الماركات العالميه ..

بس والله مع هذا الشكل مهم يعطيك انطباع جميل حلو الواحد يكون مرتب صح


تسلم يمناك حبيبتي

[كويتي كول]

 

اختي الكريمه الله يعطيج العافيه
موضوع رائع وجميل بصراحه

بس مثل ماقالت اختي عبث طفله

في ناس عندهم ماركات ولكن للأسف مافي تناسق عندهم

طبعا الماركات شي اساسي بوقتنا الحالي وانا مو معاهم ولاني ضدهم

يقول المثل اكل ماتشتهي والبس مايعجب الناس

والأستايل عمره مايضهر شخصيه صاحبه اختي الكريمه

في حياتنا نُعيب البعض في جمالة وننعتة بالقبح ..
لكن ليس ذنبة هو بل الذنب ذنبنا نحن ..
لما إعتدنا من رؤية الجمال و عدم رؤية القبح..!!
لكن تخيلوا لو ان القبح قد تزين بحُسن الكلام...
وبالابداع النابع من اعماق القلب...!!::
::
عندها يمحوا الصورة التي صورناة بها ونغير نظرتنا حولة تماماً ..
هو الحال ايضاً لشجرة التوت ..::
::::
::
فقبح شكلها ليس من صنع يدها ..
فلو كانت كذلك لكانت الغابة الموحشة مكانها الطبيعي...
ولما زرعت في جنبات البيوت وفي بساتينها ...::::
::
::
ويظل يدللها و يربت عليها ويأمل أن تعطي الكم الوفير من ثمار التوت الرائعة..
فجمال ما تنتج من ثمار يغطي قُبح المضمون ..
فهي القبيحة التي يتهافت عليها الجميع ..
طلباً لثمارها التي يستفيدون منها في شتى النواحي ..::
::فهنا حال الانسان إيضاً ..
فكم من إنسان تفوق في حياتة علي ابناء جنسة رغم قبحة...!
لو عُد القبح مقياس للعطاء...
وكفة ترجح الجمال في الابداع فهذا شئ خاطئ

فأنتي ضربتي مثل بعبدالله السميري
صحيح هو ماعنده شياكه وشخص عادي
ولكن محبوب عند الكثيرين تقدرين تقولين لي السبب ؟؟؟؟؟

اختي الكريمه بالأول والأخير الماركات مو كل شي

في ناس مايلبسون ماركات وكوول ورووعه اشكالهم

لج جزيل الشكر
وتمنياتي لج بالتوفيق