ضيف جديد,,يحمل لكم قصيد يتمنى ان تنال اعجابكم..ويهمني رايكم.!!

[اليـــتــم]

مات الغلا في داخلي مات وحفر قبره بيديه=مات بشبابه للأسف لما زمانه ماعطاه
قبل المنيه مانسى نادى رفيقه قال أبيه=تكفى دخيلك صاحبي درب المحبه لا تطاه
كفن خفوقي صاحبه وعاش العزا دمعه فعينيه=يذكر ليالي صحبته يوم الغلا عايش معاه
يصرخ ويصرخ والألم دنيا رداها مبتليه=كل ما تخيل دنيته دون الغلا نومه جفاه
راح ولجا لعظم إله ومنهو لجا يلجا اليه=صبر خفوقي ياكريم وارحم فقيده يا إله
بعد الغلا قلبي خلى مابه أمل يبقى عليه=كل الأمل عنده سراب والا بعد يمكن نساه
قلبي فقد أغلى شعور أغلى غلا كنت أحتويه=سبة زمن ناسه قست والا زمن يفرض قساه
حكم القدر فوق البشر غصب علينا نرتضيه=دنيا بها الواحد يموت... وواحد يجي لأرض الحياه
عشت بزمن كله غدر والأقنعه وذيك الوجيه=اللي بها غيره وحسد واللي بها كذب ووشاه
لما رحل حس الرفيق صاب الخفا غربه وتيه=عشت بشعور المغترب اللي هجر أرضه وتاه
والا فقير مالقى منهو على بابه يجيه=عشت بشعوره لا فقد من هالزمن زاده وماه
والا أنــا دمعة يتيم يبكي على فقد والديه=وشعوري شعور من مثلي فقد امه واباه
ايه اذكرك ياصاحبي لا قلت لي خلك نبيه= لا يغبنك درب الهوى دام الهوى ظلم وجناه
في هالزمن شح الوفا وشحت نفوس تشتريه=أحفظ كلامي وابتعد لا يخدعك سود العباه
صنت الوصيه داخلي ودرب المحبه وش لي فيه=وش لي في درب ما عطى ذاك الغلا بسمة شفاه
راح العمر وأنا احتضن ذكرى غلا كنت اهتويه=راح العمر كله وفا واكبر وفا دمي رثاه
مات الخفوق بعزته منهو السبب قولو ياهيه=موت الضماير والوفا والا الزمن يرمي بلاه
مات الغلا ونبض الخفوق واللي بقى دمعه وليه=ليه الغدر ضد الوفا وليه الكذب يمشي بعزاه
هذا مثل لعظم وفا واللي وفا بيفهم عليه=أما أنــا جثه بقت واللي رحل راح لـــغلاه

وسلامــــتكم.,,

[تباشير]

شكرا لك اليتم

وتسلم على الكلمات رائعه

[اليـــتــم]

تبــــ اااشيشي...


اكتملت روعتهااا... لما ,, عانقتيها... قبل الجميع..



شكرآ لـــ مرورك....

دمتي بود .... بود دمتي

[احســاس]

*
*
*

أسعد الله صباحٌُكَ
/
جرحُ الأيام
يمعنُْ في التغلغلَ
بين مشاعراً
تستشعرنا بكمناً
من الآهات والآلام
/
\
اليتيم

قد يخونني التعبير
ويقف مدادُ قلمي القاصر
في زوبعتي حروفكْ
\
/
كونْ بِحماهَ إينما كُنتَ
/
\
احساس

[اليـــتــم]

احساس...


اسعدني مرورك...


دمتي بود.... بود دمتي