مواقف تموت قهرررر..في أحلى ليالي العمرررر...

[سلاسل من ذهب]

السلام عليكم ورحمة الله وبركاته....


كيفكم ياأعضاءنا الحلوين ..عساكم بخيرررر..

الموضوع اليوم يخص اللي دخلو ا القفص الذهبي ...الحكايات كثيرة بس حكايات ليلة العمر غيررررر...

السؤال من غير لف ولا دوراااان ..إيش المواقف اللي تتمنى يرجع فيك الزمن لورا عشان تصححها وندمان أنها صارت

ذيك الليلة؟؟؟ الموضوع مايخص ليلة العرس بس.. شهر العسل كله ايش المواقف البايخة اللي المفروض ماكانت تصير؟

يلااا خلونا نضحك وغيرنا يستفيد وما يكرر البياخة اللي صارت...

...اللي فتح الموضوع أنا وصاحبات لي جدد جلسنا نسولف والموضوع جرنا على هالكلام..وقعدت أسمعهم وأنا

فاتحة عيوني وأضحك وأقوووول معقوووول؟؟؟؟ وجلسنا نضحك...

وحدة تقول انه في يوم زواجها ( طبعاً زواجها كان تقليدي) بعد العرس و الهيصة راحوا الفندق..الأخت لبست شرشف الصلاة .. تصلي وما خلت سنن ولا رواتب الين أذن الفجر وصلت الفجر واستمرت في الركوع والسجود ( جاتها الطواعة فجأة).. وعريسها قاعد يشوف اللي يصير..المهم خلاها في خشوووعها وراح نام ...ثاني يوم قامت الحلوة من النوم ..لقت عريسها صاحي تدرون ايش سوا عطاها السجادة وطلع ...بداية حلوة لحياة زوجية رااائعة..


اسمعوا الحكاية الثانية...العروس القمر في كامل زينتها في القصر وصارت الزفة وكل شي وتعشو ا الضيوف المهم

المعازيم بدو ا يروحون خلاص انتهى العرس وراحوا كلهم ..تدرون مين بقى في الصالة ..تخيلوا .. العروس في الصالة وقعدت معاها أمها وخالتها..ومسكينة خلاص بتبكي بس خايفة على مكياجها يخرب..خلا ها العريس الدلخ وراح يوصل
الطقاقات...تخيلوا السخافة..الطقاقات بيتهم آخر الرياض ...والعريس عنده اللي يقوم بتوصيلهم ...بس ثوااااارة...وآآآآآخر تطنييييييش..

وانتووووواااااااا ...أكيييييد عندكم سواليف مثل كذا ...يلا نبغى نستانس...



للجميع مني أحلى تحية..

[يمي كوكي]

حلوووة فكرتك وبأنتظر معك عشان نضحك سوى!!!هههههه!!!

[سلاسل من ذهب]

المشاركة الأصلية كتبت بواسطة يمي كوكي

حلوووة فكرتك وبأنتظر معك عشان نضحك سوى!!!هههههه!!!

تسلمين يمي كوكي على مرورك ...بس ماني شايفة تفاعل ..وين الناااااس؟؟؟؟

[عبث طفله]

الله موضوعك شيء بصراحة

كله كوم واللي تصلي كوم ههههههههههههههههههه حركات معروفة بس هو نذل ليش سوى لها كذا ماعلينا


ابي اذكر لكم موقف لوحدة من صديقاتي هي مسيكينة تلبس نظارات وتكره العدسات قلنا لها ليلة العرس لا تلبسن النظارة وش يقول عنك

قالت اوكية ترى ماتشوف كثير على الله بس

المهم يوم راحو الفندق قعدت على كرسي وهو مو جنبهافي الجهة الثانية المهم كان فيه طاولة عليها عصير

راحت هي تبي تضيف شيء حلو على الليلة

المهم يوم هي قامت هو خذ الكرسي حقها وحطة جنبة

هي ماتشوف على بالها الكرسي موجود المهم اقعدت وهي تطيح على الارض والعصير انكب عليها

هو ضحك من قلبه وهي مسيكينة بكت

ياليت تضحكم فيه كثير مواقف بس اذا ذكرت ارجع واقول

[سلاسل من ذهب]

هلا والله فيكي يا عبث طفلة ....

عاد تدرين اللي قعدت تصلي السنن والرواتب على بالها بيفهمها ويتصرف معاها برومانسية ..قام زعل يعني اثنينهم تفكيرهم مختلف...

بس المسكينة اللي قامت تجيب العصير هههههههـ ..حرااااام والله ..وقدام المعازيم والله فشلة..

تسلمين ياغالية على مرورك الحلو..