حب من غير فهم

[الحنون]

[size=4]اخواني هذه القصة كنت المفروض اكتبها في موضوع للاخت اجنن بلد عن الرومانسيه والاخلاص بالحب
بس صارت طويلة ففضلت اني ابدائها مع الجميع في القسم الصحيح وان شاء الله ماتكون ممله ( يعني شجعوني )


هذه هي القصة ( والله هذه اول مرة بحياتي اكتب قصة بس واقعيه )
كنا في الجامعة في جدة
كان زميل السكن مؤدبا وخلوقا ومتيدنا بالفطره ( يعني على البركة ) جاي من البيت خام مرررره
من المسجد الى الدراسة الى الجامعة ومجتهد جدا نظرا لوضعه المادي بحيث انه كان يقتطع من المكافة الى اهله برا بهم ووصل به التدين الى درجة انه بالمبلغ البسيط الذي يقتات به اذا اشترى علبة بيبسي يتصدق بمقابلها ريال لانه يعتقد ان الببسي من الترف الزائل .
المهم انا كنت اضع اسمي معه في السكن لاني اسكن خارج الجامعه مع الشلة المحترمه ( سوبر شله )
في فترة الامتحانات كنا نروح احيانا للسكن الجامعي للجو العلمي ( بس لا تصدقوا نغير جو ) وندور المذكرات الناقصة
والنجاح هذيك الايام سهل امره ( طبعا ندرس ساعة ونتكلم عن حواء ثلاث ساعات وسهر ولعب بلياردوا الخ و حاملين هم الامتحانات مساكين )
مرة اول سنه على خير ناجحين والحمدلله والفضل لله وثم لـ هالشاب المسكين ماشاء الله محبوب من الجميع ومحترم وتوقعاته بالسئلة ماشاء الله عليه اللي يتوقعه يجي بالاختبار !
عشان كذا كنا حريصين عليه هذيك الايام ( اصحاب مصلحة وبس ) نقول له ان الله هدانا وبطلنا دخان وموسيقى ....والخ
والمسكين يصدق ويفرح والله كان اخلاقي لابعد درجة وما يقصر كل اللي عنده يعطينا اياه !
في نصف السنه الثانية فجاة انقطع عن الصالة الرياضية سالنا عنه لقيناه مكتئب وحزينا وبصراحة شفت
حالته كذه تركته وما سالته لاني ما احب اني اتدخل في شئون غيري
وبعد فتره صار يغيب عن المحاضرات وكمان سمعت انه صلاته في المسجد خفت وبصراحة شفت حالته كذا تبدلت سالته
خير ايش فيك واحنا كنا نغار منك بالتزامك الديني وادبك واجتهادك ودايما انت مستلمنا بالالتزام واننا كلنا الى جنهم سائرون ..الخ ودخان ممنوع عندك والاغاني حرام ...........الخ
فجاه الناس تصير الناس تصحيك لصلا ة الجمعة والله انك واقع في مصيبه
( قال اقلبوا وجيهكم ) قلنا له طيب (جود لك )
فجاه انضم لشلة فاسده صح وصار معهم حتى اهله ما يزورهم حاقد على الدنيا واللي فيها
يوم شفناه كذا خفنا على سمعتنا وقلنا له انت بطريق واحنا بطريق .
وما عاد يسلم علينا وكاننا اعدائه
المهم مرت الايام وصار الرجال هيكل عظمي من كثر ما يدخن مع ازمات قلبه يعني يبي ينتحر باي طريقة
والله يعلم بحاله صار من الراسبين في الكلية ومتاخر ومهموم والله حاله يشفق .
فكرت بنفسي يا ايها الشاب الطيب ( احم ) اكسب فيه اجر !
بصراحة روحت له وقلت له يا ولد تبي تتقول ايش فيك والله ثم والله لكسر راسك اللحين واعلمك الادب صير رجال انت شكلك مريض نفسي وعندك قلب
مهو بناقصك هالخرابيط ولاانت قد هالشلة اللي انت ماشي معها يضحكوا عليك والله لتورط نفسك وسمعة اهلك وحرام عليك اللي انت تسويه بحالك اللحين
انت املهم الوحيد بعد الله وينتظرونك وخايفين عليك ان تسوي بنفسك كذا ليش قوللي ايش فيك وانا اساعدك قال عطني سيارتك قلت له خذ السياره وتعالي من باكر وقوللي وش سويت
المهم وصلني البيت وراح .
اليوم الثاني روحت اخذت منه الساره وسالته وين رحت قال رحت البحر
انا بصراحة حسيت بان الموضوع فيه ان ولكن وكيف ولماذا واين
رحت بعدين عزمته على احد المطاعم مع شلة الانس وجلسنا في المطعم هذاك اليوم مسويين مسابقة اللي يا كل اكثر ما يدفع .
واحد من الملاعين جلس ياكل البيتزا ابن اللذين فاملللي سايز ( والله يمكن فوق ثلاث ) ( ماشاء الله عليه ) المهم ضحكنا هذاك اليوم ضحك يسوى الدنيا وما فيها ( شلة سفن ستارز )
وروحنا وهو معي في السيارة ما دري هالكلمة كيف طلعت من عندي قلتله يا فلان اذا ودك تنزل وتنحط لا تنسى كل شيء كنت عليه من اول .
والله حسيت انه جلس يبكي في نفسه وبعدين شفته كذا قلت بجرب وشغلت اغنتية الصوت الجريح ( لقافه)
فجاة الرجال صار يبكي بحرقه
( قلت بنفسي لاحول ولا قوة الا بالله ) وش هالورطة السودا معاه خفت ليسوي بنفسه شيء جبت الطبلون على مكه وصيلنا الفجر بالحرم ...........


اليوم تعبت بعدين اسبوع بكمل فلم الواقع

وساعدوني على الاسم يغني اقترحوا من عنكم اسم ( بس بعدين )
والله احسن لكم من ستار اكاديمي كه كه كه كه [/size]

[كيــ اروع ـــان]

الحنوووون ليش تتعب هههه
الله يرجك والله اني متحمسه
وقاعده اقرا ودي اشوف خويك
وش فيه ...(( لقااافه))
بسرررعه لاتتاخر علينا
الله يهديك.

[عبث طفله]

حنون والله ان كفو
صديق والنعم فيك

بس كمل وش صار فديتك

[نـبـض الـروح]

الحنوون ياليت تكمل ووربي حمستني على القصة

ننتظرر يالغلا

[الحنون]

المشاركة الأصلية كتبت بواسطة كيــ اروع ـــان

الحنوووون ليش تتعب هههه
الله يرجك والله اني متحمسه
وقاعده اقرا ودي اشوف خويك
وش فيه ...(( لقااافه))
بسرررعه لاتتاخر علينا
الله يهديك.

تامرين امر اخت كيان