افكار هالحرمه

[صحاري المملكة]

اعرف وحده يابنات تشتري سجاد واذا راحت قسم انتظار بالمستشفى ( وياكثر اللي ينتظرن دورهن ) تحط هالسجاده بالقسم وتتركها والحريم يصلن عليها لادخل الوقت اعداد هائله

وتاخذ معها سجاده لاجوا يسافرون وتخليها بالفندق لاجا احد سكن بعدها يصلي عليها

وتاخذ معها نشرات وكتب ومطويات وكل ماتحصل زايد عندها بالبيت سواء باللغه العربيه ولا الانقليزيه تخليه بدروج اي فندق تسكنه يجون العماله ينظفون يلقون الورق يقرونها يمكن يتاثرون يسلمون ولا اللي يسكنون بعدها يستفيدون منه

وتقول بعد انها تترك نشرات وكتب لادخلت تصلي بالمساجد تتركها يمكن احد يستفيد


واخر شي تقول انها لادخلت المسجد وشافت قراطيس تشيلها وتنظف على شان تكسب اجر وتذكرون قصة المراه اللي كانت تقم المسجد بعهد الرسول صلى الله عليه وسلم
1/ التبرع بالدم يعتبر صدقه جاريه واجرها عظيييم
2/ حطي في بيتك حصاله اذا جاء معك فكة ريالات او هلل حطيها وكل شهر عطيها احد محتاج
3/ تقدرين تشترين كرسي معاقين سعره بحدود 300 وتتصدقين فيه .... وين ما راح وجاء المعاق بيكون لك اجر فيه
4/فكرة السجادة في صالات الانتظار حقت المستشفى عجبتني
5/المطويات والنشرات القديمة جمعيها وحطيها في مسجداو صالة انتظار
6/حطي في شنطتك حلاو صغير لو صادفتي طفل في صالة انتظار عطيه لان تفريح الطفل لك فيه اجر
وحابه اشارك في افكار لصدقه جاريه

1_ممكن تشتري سماعات وميكرفونات للمساجد
2_ممكن تشتركي انتي وكم وحده وتشترين مكيفات جديده للمسجد (والله في مساجد مكيفاتها قديمه او قليله
والناس يشتكون من الحر خاصه في رمضان عشان كثرة المصلين)
3_ مره قريت انك تحفظين طفل صغير سوره صغيره مثل( قل هو الله احد) وراح تاخ\ين اجر كل ماقرأ هالسوره
واحنا عارفين عظم اجر هالسوره انها تعدل ثلث القران..
تخيلي هالطفل (ممكن يكون اخوك..ولدك.. ولد اختك او اخوك) راح يقراها طول عمره ويعلمها اولاده من بعده
وسبحان الله هالسوره كثير تقرأ في الصلاه

وفي افكار ثانيه
**زي انك الزايد من غداك او عشاك لاترميه سخينه وارسليه لسواق.. او حارس العماره
بس المهم يكون الاكل نظيف مو يكون بقايا او مو حلو وترسلينه للمسكين عشان حرام ترمينه
لازم الصدقه تكون من افضل الموجود
** ولما يصير عندك بقايا لحم وعظام حطيها في كيس وخليه جنب القمامه حقت الشارع راح تاكلها القطط
وممكن تحطين صحن بلاستك فيه مويه كمان تشرب منه القطط

منقول