تعـــــــبـــت ....

[احلى مصرقعه]

 

تعبت من القصيد .. من الجروح .. من انتظـار طـال
تعبت استقبل طعـون الزمن .. واربت على كتفـه

تعبت من الكلام .. من السكوت اللي يهد ّالحـال
تعبت أكثر من الحزن الذي.. ما ينتهـي عزفـه

تعبت من الوعود .. من الصديق الطيّب المحتـال
تعبت أعرف كل اللي .. تعرف الناس بالصدفـه

تعبت من العدو اللي عجز.. يدخل معي بقتـال
تعبت من الظـلام اللي قتلت .. ولا لقى حتفـه

تعبت أسأل من المخطي ..؟! تعبت اردّد المـوّال
ما دامك ما سـقيت الزرع .. ما لك حق في قطفـه

تعبت القى الجواب المقنع اللي ماعليه جـدال
تعبت القى .. طـريقٍ ما يكون بآخـره شـتْفَـه

تعبت أغـازل البسمه على ثغر البكـا .. تخـتـال
تعبت أشـوف شوفي ينهزم رغمِ على انــفــه

تعبت اجامل ايامي .. ولو ورّتنـي .. الأهـوال
تعبت أقـول عن حملٍ ثقيل .. اتفه من الأتفـه

تعبت أهـزّ راسي غيظ ! والقى في يديّ اغـلال
تعبت أسـير خلف الوهم.. لو غيري ركض خلفـه

تعبت أشـد وانزل.. ما ظهر لي طيّـب المنـزال
تعبت من الدروب اللي مشيت .. وكلّها صـلفـه

تعبت أرسم حروفي شمس.. والمح بالوجيه ظـلال
بعض ناسٍ .. تعـرف النور .. بس تقول ما تعرفـه

تعبت وقلت كل اللي اظنّـه " يا صاحبي" ينقـال
تعبت ابغى القط انفاسي .. اذ لابد من وقفـه

[كويتي كول]

 

احلى مصرقعه صح لسانج وقلبج وكلج
تسلمين على النقل الراقي والمميز
قصيده جميله بحزنها ومميزه بأهاتها
شرف لي تواجدي هنا واسعدني ذلك
فلج جزيل الشكر غاليتي على ابداعاتج
بأنتظار القادم وتمنياتي لج بالتوفيق

[*غــmــوض*]

 

تعبت ...تعبت.....تعبت.....تعبت
تعبت وأنا أقرأهذه الرائعة معك
شعرت حقاً بالتعب من كل ماذكر في الخاطرة
اتمنى أن نجد في حياتنا متسع للراحة
ودمتي في سعادة وراحة غاليتي

[شاعر المرأة]

 

صح لسانك

احلى مصرقعة


يسلموووووووووووووو



كل التحايااااااااااااااااااااا لشخصك

[احلى مصرقعه]

 

أسعــــدني تـــواجد الجميـــع

الله لايحرمنـــي تواجدك الــــرائـــع

حيـــاكم الله