الوصيـــــــــــه

[وهمى]

	قصه على الربابه بخاطرة بقدمها ليكم عن الوصيه بقدم دروس فيها واتمنى منكم اللى يشارك يطلع لينا الدروس اللى بيها الله يرحمها قالت له : اوعى تفرط فى اختك اختك " شرفك يا ابنى ميلها يميل بختك " راحت وارتاحت من الدنيا الام الغاليه وسابتها له سابها و تاه فى الدنيا واتلم على واحدة واتجوزها فى ثانيه باع عفش المرحومه لاجل ما يرضى خاطر السنيورة والاخت المظلومة جت لها اللى تكدرها تشخط تنطر فيها وتشيلها الهم وتفضل تبكى وتقول طول الليل على فراق الام فينك يا امه يا غاليه تيجى تشوفى اخويا خلى مراته فى بيتنا هى الحاكم بينا باعت عفش البيت حتى سريرى اتباع وسط حيطان شقتنا بشعر بالضياع وانا خدامه ليهم و قاعدة اربى فى العيال عدت خمس سنين والغلبانة الصابرة يوم وراء يوم تتحمل الغندورة القادرة وفى يوم يا سادة ويا ستات خبط على الباب افندى يطلب ايدها رد الاخ و قال انا موافق خلصنى منها وخدها فرحت الاخت و قالت نجدة وجت لحدى مهما يكون مكتوبى هرضى ببختى ووعدى كتبوا الكتاب من غير زفه وزيطه قالت اهو ضل عريس احسن من ضل حيطه خدها على اوضه فيها سرير ودولاب فرحت وقالت اوضتى احلى ما فيها الباب هقفل بابى عليه و اتدارى من الناس واملأ الاوضه سعادة ومحبه واحساس قفلت بابها وفى قلبها حنان وامان و ظهر جوزها القاسى على حقيقته كان غرقان فى الادمان و لما يعوز الشمه يتحول بركان يجرى يلم اصحابه و يجبهم فى اوضتها وان رفضت تخدمهم من الضرب يموتها خافت تحكى لاخوها مهو سايبها من جوازها وان راحت له هيجبها تانى لخدمتهم و فى يوم فتحت باب الاوضه و قالت نار الشارع ارحم من العيشه السوداء جرى جوزها لاخوها وقال له اختك فارقتنى اختك طالق بالتلاته من بعد ما فضحتنى و فجاه اتغير دمه لما اتذكر وصيه امه واخته فى الشارع فاقدة كل الاحباب بس دعوة امها فتحت ليها الابواب قالت اروح لصاحبه امى زمان تستر عرضى من ايد الشيطان ست عجوزة وعارفه الله لمتها من الشارع وقساه وليها واد وحدانى فى الغربه مفارقاه بعتت له اتجوزها واخدها وياه سنين كتير وعدت رجعت من غربتها لقت الباب بيخبط خبطه عجيبه فتحت لقت ست عجوزة مريبه قالت بعد ما نظرتها سبحان الله مش عارفانى دانا مرات المرحوم اخوك الغالى بس زمانى كسرنى وهزمنى فى عيالى والناس دلونى عليكى وقالوا دت ست كريمه جيت اطلب احسانك دا انتى يا حاجه كريمه الواد طفشان من فضيحه بنتى هربت مع عيل فاشل وانا بقى لى سنين قاعدة لوحدى وشقه امك بعناها وسكنت فى عشه وصرفت المال وما لاقيه حتى اتعشى نزلت دمه من صاحبتنا وافتكرت كل الماضى وقالت حكمت يارب وبعدلك كنت القاضى اغفر لاخويا وسامحه من قلبى يارب سامحته وان كان فرط فيا حافظ على عرضه فى بنته يا للى انت حافظت عليا من بعد ابويا وامى استر عرضها واحميها دى حبيبتى لحمى ودمى مش طالبه خلاصك منهم حقى انا متنازله عليه لكن عرضها من عرضى مش ممكن افرط فيه

[مها روزي]

احزنتني وكنت راح ابكي ,,,,




الوصايا كثيره ياوهمي بس مين اللي يوعى



للأسف الأب يتزوج غير زوجته ينسى اولاده وزوجته وام عياله



الأخ يتزوج ينسى امو وبوه وحتى اخواته


ولا كأن كان في يوم في وسطيهم وصحن واحد يكفيهم



وغطى واحد يدفيهم


القلوب قست ...الله لا يقسي قلوبنا




وهمي يعطيك الف الف عافيه


تقبل خالص تحياتي

[وهمى]

مها

شاكر تفاعلك مع الخاطرة

وردك الكريم عليها

عن جد مها اشكرك

اخوك

وهمى

[لمياء 02]

وتفضل تبكى وتقول طول الليل على فراق الام
فينك يا امه يا غاليه تيجى تشوفى اخويا


و الله هالكلام يعمل حزن

الله لا يحرمنا من ست الحبايب

يا رب

شكرا يا اشرف و انا اسفه لعدم تواصلي معك متل الاول

بس اعدرني انا شرحت الك السبب

[نص نص]

اخي وهمى
الصراحه اتاثرت بالقصه

ويارب تفرج هم المكروبين..
تخيل الظلم من اقرب الناس
يكون اصعب واصعب

ومشكور على الوصايا
والى الامام دائما