 |
|
 |
| ||
| ||
|
|
|
|||||||
| التسجيل | التعليمـــات | البحث | مشاركات اليوم | اجعل كافة المشاركات مقروءة |
| القصص و الروايات ما يبدعه قلمك من القصص والروايات |
 |
|
|
LinkBack | أدوات الموضوع |
|
#21
08-05-2008, 24- 20:03
|
||||
|
||||
كانت تتعامل معه طبيعي ولاكأن شي حصل.. كانو جالسين بالصاله ... (نجد) تهمس لعبير: شخبار السهره؟؟ (عبير) بغصه بس كانت متماسكه : أحلى من اللي صار مافيه ضحكت نجد على رد عبير... خالد اللي كان جالس سمع كلامهم ,,وحس بغصه من ردها بس مع كذا كبرت بعينه لانها ماتكلمت على الأقل مو قدام خواته... (خالد) بعصبيه : يمه أنا بطلع تامرين بشي؟؟ كان يناظر في عبير على أمل انها تناظره بس كانت مطنشه ولا كأنه بالغرفه .. قامت ومرت من قدامه وأخذت جوالها بتكلم أهلها ردت عليه أمه اللي مو فاهمه شي وطلع بعد مارقع بالباب بقوه... دخلت غرفتها وطاح القناع وجلست تبكي على فراشها / / / / يدق عليها ماترد ,, يرسلها بعد ماترد في النهايه قرر يروح بيت أهلها عشان يكلمها تفاجأ بطلعتها من البيت ماتوقع انها بتتركه.... موضي قالت لأهلها كل شي من أول يوم لها مع هالأنسان لين اخر ليله لها بذاك البيت... بعد اصرار والحاح أخوانها... ثاروا اخوانها عليه حتى أحمد بس اللي تولى الموضوع أحمد وراح يعرفه قدره.... موقادر يتحمل تطنيشها له قرر يروح بيت أهلها عند باب البيت (الخدامه): بابا مافي ... انقهر جاسم لانه عارف انهم بالبيت وسياراتهم واقفه عرف انها طرده .. (جاسم): هين والله لأوريهم وأعرفهم من جاسم بن حمود... كان ينافخ على الخدامه اللي خافت ودخلت البيت ماقدر فراس يمسك أعصابه وطلع لجاسم اللي كان يهدد ويتوعد.. تفاجأ بالبوكس اللي جا على وجهه طاح على الأرض وكان فراس بيعطيه ضربه ثانيه مسك أحمد يد أخوه... (فراس): يالنذل يالخسيس ولك عين تجي بعد !! (جاسم) وهو طايح بالأرض: أنا ماأتفاهم مع أطفال وين كبار البيت ؟؟ أحمد اللي كان واقف عند الباب.. (أحمد): كبار البيت أكرموك وعزوك وش قابلتهم به !! انحرج جاسم من أحمد (أحمد): اسمع ياولد الناس ورقة طلاق موضي توصلني بأسرع وقت وخلنا نفترق بمعروف مثل مادخلنا بالمعروف وغير هالكلام لاتزيد ... ولو ماحصل اللي نبيه صدقني بتندم..... ودخل مع أخوه البيت وتركو جاسم واقف عند الباب.. جاسم :بسيطه والله لأدفعك الثمن غالي يافراس... ودخل سيارته واختفى بسرعه جنونيه من قدام عين موضي اللي كانت مراقبه الموقف من شباك غرفتها.. / / / / / / عند أهل الشرقيه استقرت الأوضاع في بيت بومتعب وتفاهمت خلود مع زوجها وانتشر خبر حملها بالعايله.... وكانت رهف تزور البنات وأحيانا يطلعن السوق سوا يقضون للبيبي.. / / / / / (في بيت بو متعب) أحدق في السراب .. وأنظر يمنه ويسار لاأرى الا نفس الأشياء .. وشاحي ينتظرالأرتداء.... وتلك الورده الصفراء..... ذابله فقد أتعبها الأنتظار مثلي ألهكني البقاء دون حراك.... أحدق في الفراغ وأنظر بكلتا العينين .. لاأجد الاذات الأشياء....... معطفي الجلدي بلا ألوان.. وذاك القرط اللؤلؤي........ مازال مكانه في سكون..... ينتظر أن أحركه ايذانا بارتدائه لاستقبال من استعذب أمر الرحيل... تركت القلم وقفلت دفترها اللي تحبه.. تحس بضيقه غريبه ,, معقوله اشتاقت له !! ماتدري بس اليوم تفكر فيه بزياده .. يمكن عشان رهف اليوم زارتهم وبكت يوم جابو سيرته قطع حبل أفكارها دق على الباب.. (فيصل): ممكن أدخل؟؟ (مشاعل): تفضل.... كان باقي لبندر أسبوع ويرجع وفيصل للآن ماكلم أخته فقرر يكلمها...ويشوف رايها.. (فيصل): ياعيني وش هالأجواء الرومانسيه !! بصراحه يابخت من بياخذك,, أمه داعية له انحرجت مشاعل من كلام أخوها بس ضحكت على أسلوبه (فيصل): على طاري اللي بياخذك ,, تراه كلمني ويبي رايك؟؟ مشاعل في بالها انه يكمل تريقته وماأخذت كلامه بجديه (مشاعل): قله موافقه وماعندي شرووووط.... (فيصل): أجل على بركة الله والله ان بندر رجاااال والنعم فيه... (مشاعل): نعععععععععععععععععععععم.. تفاجأت.. تمنت تنشق الأرض وتبلعها ولا قالت اللي قالته (فيصل): ايش فيك بسم الله ..!! ماتبينه قولي بس لاتصيحين... (مشاعل): لا ...أنا ماقلت كذا بس.......تفاجأت سكتت لانها انحرجت من نظرات أخوها (فيصل): شوفي يابنت الناس قبل لايسافر كلمني عنك عشان أجس النبض قبل مايحرجك ويتقدم رسمي,, بعطيك مهله تفكرين والقرار اللي بتاخذينه أنا معاك فيه بس ترا الرجال شاري وماينعااااااااااب... طلع من غرفتها وتركها تستوعب كلامه....... / / / / لها ثلاث أيام في غرفتها ماطلعت منها ماتكلم أحد.... دق باب غرفتها وهو متردد (موضي) بصوت مبحوح: أدخل... دخل أحمد وتفاجأ بمنظر أخته... جلس جنبها على الفراش .. (أحمد) بحنيه: مايهون علي أشوفتج يالغاليه بهالمنظر.. ارتمت موضي بحضن أخوها وجلست تبكي دمعت عينه على حال أخته حاول يهديها قد مايقدر ... (أحمد): الدنيا وأنا أخوك ماتوقف علشان رجال وبالذات لو كان بأخلاق جاسم انت المفروض ماتزعلين عليه بالعكس الحمد الله انك كشفتيه على حقيقته قبل لايربطك فيه طفل... (موضي): صعبه ياخوي والله صعبه..... أنا....... أنا ماابكي جاسم أصلا أنا الى اليوم ماأحمل له في قلبي أي مشاعر تفاجأ أحمد من رد موضي بس توقعها لسه متأثره باللي حصل كملت موضي بصعوبه وهي تحاول تكتكم دموعها الحاره (موضي): أنا أبكي عمري .. أيامي .. وفائي واخلاصي لشخص مايستاهل ماقدر تضحياتي و تنازلاتي... أبكي نفسي الطيبه اللي كانت تسامح وتغفر دوووووم هو ماينلام ظن سكوتي غباء مني .... استغل طيبتي ياأحمد صعبه انك تحس انك مغفل... صعبه... كانت كلماتها سكاكين تخترق قلبه... وين كان وأخته تتعذب بهالطريقه ,, ليه ماحس فيها ؟؟ (أحمد): صدقيني حقج مابيضيع وولد حمود حسابه عندي والله لاخليه يندم على فعايله... (موضي): واللي يخليك أنا ماأبي منه شي أكبر عقاب له انه يطلقني وبس.. أوعدني ياخوي انك ماتسوي أي شي وتتهور (أحمد) وهو مو مقتنع بكلام أخته... طلباتج أوامر ياالغلا... باس راس أخته وطلع من الغرفه ... / / / / / (في الخبر) لها فتره وهي تفكر بكلام أخوها وأخيرا توصلت لقرار وماراح تندم عليه .... وافقت مشاعل على بندر أكثر وحده فرحت بهالخبر رهف يمكن أكثر من المعرس نفسه.... بندر مو مصدق عمره أخيرا بتصير هالبنت من نصيبه بعد وصوله بيومين بس طار على بيت عمه مع ابوه وأخوانه يخطبون مشاعل رسمي.... 
|
|
#22
08-05-2008, 24- 20:07
|
||||
|
||||
|
(الفصل الثالت) باقي على رمضان أياااااام معدووووده نزلت مشاعل وقضت مع السواق ,, كانت مبسوطه أخوها متعب بيجي مع زوجته والبنات وحشوها من زمان ما شافتهم كانت تبي تجهز كل شي بنفسها هذا أخوها الغالي وأهله / / / / كان التجمع العائلي في بيت بو متعب لأنه الأكبر وهاذي عاده سنويه ... الكل موجود أبوراكان وأهله + متعب وأهله خلود وزوجهااااااا خالد وزوجته وأهله والأجواااااء ولا أروع في المطبخ كانت معفوسه واقفه مع الخدامات وتشرف على الأكل.... (رهف) : يااااااااااااااااااااااي ويش هالريحه شعوووووله بندر بيطيح علينا اليوم.. هههههههههههههههههههههههه انحرجت مشاعل وضربتها على كتفها (مشاعل): أقول لايكثر بس وتراك مشغلتني (رهف): أفاااااااااااااا يابنت عبدالله تطرديني هاذا وانت ما خذتي أخوي بعد !! دخلت عليهم عبير وسمعت اخر جمله.. (عبير): رهييييييييييف ووجع شعندك مع خطيبة الغاااالي..؟؟ (مشاعل) اللي راااااح وجهها ألوان,, لاحووووول مابتفكوني اليوم (عبير + رهف) ههههههههههههه شغل حموااااااااااااااااااااااااات.... طلعو البنات من المطبخ وهم يضحكون على طاولة الطعاااااااااااااام (سميره): تسلم ايدك شعوووووله تعبناااااااك والله اني قايله لمتعب ماندخل عليكم بهالوقت... (مشاعل): اشدعوه ياأم غلا ماسوينا الا الواجب وبعدين تبين الوالد يزعل !! (فوزيه): ماأخطى بندر يوم أختارك والله ,, فيديتك حبيبتي مشاعل اللي كانت تحس باحراج فظيع من كلام عمتها استأذنت وقامت من الطاوله على أساس بتجيب عصير للبتول اللي كانت تبكي تبي عصير وأمها مو راضيه... كانت خلود المسكينه يالله تتحرك وطفشاااااااااااااااااانه... ونجد ورهف يقزونهااااااا قز لين دخلت المطبخ ومستلمينها تعليقات... / / / / / (في مجلس الرجاااااااال) بعد ماخلصو فطور الشباااااااااب داخلين جو بالذات مع وجود راكان اللي ينكت ومااااااااااااااخذ الجو... كان يكلم فيصل ويسولف عليه وفيصل ميت ضحك.. (راكان): اسمع اسمع ,, يقولك في نمله ناشبه في مغناطيس ليييييه؟؟؟ (فيصل): أكيد شايفه وجهك المسكينه وتخرعت...ههههههههههههههه (راكان): هئ هئ ماتضحك انت وخشتك ,, لالا مركبه تقويم...ههههههههه في وسط المجلس كان بو متعب وبوراكان جالسين بندر همس لأبوه عشان يكلم عمه (أبوراكان): أكرمك الله ياأبو متعب... (أبو متعب): بالعااااااافيه ياأخوي... (أبوراكان): حمد الله على السلامه يابو غلا (متعب): الله يسلمك عمي والله لكم فقده (أبوراكان): العيد ان شاء الله عندنا... (متعب): أكيد باذن الله.. لف أبو راكان على بو متعب (أبوراكان): بمناسبة هالجمعه الحلوه ودام العيال خلاص قررو وش رايك نحدد الملكه (بو متعب): الولد ولدك ومشاعل بنتك ,, انت تفصل واحنا نلبس.. تدخل بندرهنا وقال من بعد اذنك يبه ومن بعد اذن عمي ودي الملكه تكون بالعيد مدام بوغلا بيعيد معنا دقه راكان بكوعه (ياعيني على الحب ,, مستعجل هاااااا) ناظره بندر بنظره ,, يعني انثبر ماهو بوقتك.. (أبو متعب): ماعندي مانع بس خلني أسأل البنت تدري خبصة البنات وحوستهم حوسه (أبوراكان): خذ راحتك من حقها واحنا موافقين باللي تامرون به احنا أخذنا لولدنا أميره (أبو متعب): تسلم ,, وأحنا شارين رجاااااال (أبوراكان): خالد ياولدي.. (خالد): سم ياعمي ؟؟ (أبوراكان): سم الله عدوك ,, ودي أزيد القرب ياولدي وأخطب بنتي الجازي لولدي راكان.. عم الهدووووء فتره في المجلس والكل سكت يناظرون في راكان ماعدا أبوه كان مصدوم بس حاول يبين طبيعي ماوده يجرح خالد (خالد): فاجأتني ياعم بس.... راكان والنعم فيه والله.. ابسأل البنت وارد لكم ولف على راكان اللي ابتسم في وجه خالد (راكان): تكفى رد بسرعه ترااااااااااااااااني مستعجل... ضحكوا الكل على كلامه وناظره ابوه بامتناااااااااااااان وهم طالعين عند الباب مسك يد ولده.. (أبوراكان): تربيتي ماضاعت ,, كفو وأنا أبوك... ابتسم راكان في جه أبوه ,, اللي سواه كان واجب مو معناه انه راضي لانه مارضى يخالف شور أبوه قدام هالجمع ماتربى على هالشي وزاد قدره عند أبوه وأخوانه ....... / / / / / فضى البيت والكل راح بيته الساعه 2/صباحا (في غرفة مشاعل ) كانت منسدحه على الفراش وبنات أخوها كل وحده من جهه (مشاعل): حراااااااااااااااااااااااام عليكم أبي أنااااااااااام والله تعبانه من الصبح واقفه.... (غلا): والله وحشتيناااا يالخايسه.. طيب أسويلك مساج (سحر): وهاذي أول ليله وبتنامين وتخلينا... (مشاعل): يالمفتريه الساااااعه 2/ لسه في راسك سهر!!! وبعدين ياام مساج انت مو مستغنيه عن عمري (سحر) ههههههههههههههههههههههههههه (غلا + سحر): بدرررررررررررررري (غلا): في جده تو السهره تبدى.. (مشاعل): هذا في جده حبيبتي ,, انت في الخبر (سحر): اففففففففففففففف خلاص نااااااااااامي ذليتينا مايسوى علينا (غلا): شعووول فاكره اخر مره جينا فيها... وجلست تضحك.... سو اللي مايتسوى بذيك الاجازه كانت تتكلم وتسولف .. (غلا): شعووووول انت معي !! لفت عليها لقتهااااا في سابع نومه حطت راسها على المخده وحاولت تناااااااااااااااااااااااام.. / / / / / / / وافقت مشاعل على موعد الملكه القريب بعد الحااااااااح بنات أخوها عشان يكونون معها بهالليله وطبعا حنة رهف ........وانتشر خبر ملكة بندر على مشاعل قضت فترة رمضان مبسوطه بالجو العائلي بوجود متعب وأهله حتى فيصل صار يجلس بالبيت مبسوط على الجمعه... كانت تطلع مع البنااااااات السوق وتقضي اللي تحتاجه كانت خلود تتطمن عليها بين فتره وفتره لان حركتها ثقلت شوي والطبيبه موصيتها بالراحه بالذات في الشهور الأخيره... / / / / / كانت في حاله هستيريه دخلت مها مفجوعه من المنظر العطورات مكسره في الأرض الملابس منثره في كل مكان الغرفه معفوسه فوق تحت فتحت النور ولقت ساره تبكي بأنين حزنت على أختها ,, كسرت خاطرها راحت لها وجلست جنبها حطت ايدها على كتفها بس نفضت ايدها ساره كأنها حشره وخايفه تجرثمها (ساره) بصوت مبحوح وعصبيه : جايه تتشمتين صح روحي .. روحي باركيلها هي أحسن مني وأحلى مني أكيد بياخذها وما يطالع فيني مها واقفه مفجوعه من ردة فعل أختها العنيفه بس عذرتها لانها لسه مصدومه (مها): ياما نصحتك وحاولت أصحيك بس.... انت كنت عايشه بحلم وردي رفضتي تسمعيني ... كنت متوقعه هالنتيجه ,, أنا أختك واخر وحده ممكن تشمت هدت ساره وتهجد صوتها... (ساره) بين دموعها,, بس.. أنا أحبه .. ليه سو فيني كذا.. ليه!! أكرهه .. أكرهها ايه أكرههااااااااااااااا لانها أخذت شي مو لها بتندم ... بتندم... مسكت صورته اللي كانت بحظنها وأشرت عليها (ساره): هاذا لي .. لي أنا وبس فاهمتني ؟؟ (مها): ويأست من أختها,, الظاهر مافي فايده الله يهديك بس لاتظنين اني مااحبك بالعكس عشاني أحبك أنصحك ورمت على الطاوله اللي جنب الفراش كرت (مها): هاذي دعوة الملكه اللي مابحظرها مراعاة لشعورك يابنت أمي وأبوي وطلعت من الغرفه تاركه ساره بحسرتها ودموعهااااااا..... / / / / / / / اتفقو العوايل يطلعون الشاليهات بعد ملكة بندر ومشاعل اللي تحددت ثاني العيد خالد كلم الجازي عن راكان و اتفاجأت بالخبر ,, هو عارف رايها بهالموضوع بس خالد انحرج من عمه ... عطاها فرصه تفكر ووضحلها وضعه مع عمه ومدح راكان اللي كان معجب فيه وبااخلاقه والجازي الى الآن ماردت على أخوها... وخالد ماوده يضغط عليها بشي في النهايه ذي حايتها وهي حره .... / / / / / / (ليلة العيد) البنات متجمعين عند مشاعل رقص وغنا وتجهيزات في عز هالخبصه والحوسه تذكرت موضي وحبت تعايدها لانها بتنشغل الأيام الجايه وتعلمها بالملكه...بالمرررررررره تركت البنات في الصاله وطلعت غرفتها تكلم... في غرفتها (مشاعل): مرحباااااااا ألوووووف ببنت الحمايل... (موضي): حياج الله حبيبتي ,, شلونج عساج بخير كيف أهلج وبيت عمج؟؟؟ (مشاعل): وحده وحده ,, ضحكت موضي على مشاعل: والله انك واحشتني وكان صوتها بدى يتهجد... (مشاعل): احنا كلنا بخير وطيبين .. وعندي لك خبر حلووووو........................................... ..... بندر خطبني.. (موضي)...............!! (مشاعل): الوووووووو انت معااااايه؟؟ (موضي): الف مبرووووووووووووك ,, معليش بس تفاجأت.. وحكتها مشاعل على كل شي صار وعلى جية أخوها وفرحتها فيه وفي أهله اللى طلعة الشاليهات ... (مشاعل): راح تكونين أول الحاظرين طبعا ؟؟؟ (موضي): ........ماأظن ,, وتهجد صوتها... (مشاعل): ليه ؟؟ صاير شي !! كانت طول الوقت تتكلم وموضي ساكته وتسمع.... (مشاعل): موضي حبيبتي فيك شي.. صوتك مو عاجبني... (موضي): ............................ طاح قناع موضي يوم عرفت ان مشاعل حست فيها وما قدرت تخبي على صديقتها وقالتلها كل اللي صار... (مشاعل):........................ مذهوله وهالخسيس للآن ماطلق..!! (موضي) بين دموعها ... لا,, تخيلي يبي يزيد بعذابي أكرهه .. أكرهه يامشاعل عمري ماحقدت على أحد مثل ما أحقد على هالأنسان دمرني .. ودمر كل شي حلو فيني.... حاولت مشاعل تهدي صديقتها وتواسيها بهالمحنه وصكت السماعه بعد ماحست انها ارتاحت نوعا ما... مشاعل بخاطرها,, ليه موضي الانسانه الطيبه النقيه يصير فيها كذا اااااااه يابندر ياترى بسعد معك ولابيجي اليوم اللي تتخلى فيه عني وتنساني...؟؟ نزلت للبنااااااااااااااااات وصدرها ضايق على صديقتها... (نجد): وهي تقلب بالتلفزيون ... خير الحلوووو ليه زعلان حاولت مشاعل تتماسك وتعدي الليله على خير.. (غلا): عرووووووووس .. (الجازي + عبير) هههههههههههههههههههههههه دخلت عليهم رهف وهي تصاااااارخ (رهف): عبووووووووووور الحقي... خالي سلطان في بيتنا (عبير): لااااااااااااااااااااااااااااااااااااااااا تمزحين (رهف): والله العظيم ,, توني قافله من راكان هو اللي قاللي جاي بيحظر ملكة بندر....... فز قلب الجازي يوم سمعت اسمه ماتدري خوف أو قلق... انتبهت عبير لملامح الجازي اللي ارتبكت يوم جابو سيرة راكان... كملو البنااااااااااااات سهرتهم وجاهم راكان ياخذهم.. عند البااااااب .. (عبير): يالله يابناااااااااااات راكان برا.. لبسوا عباياتهم وتوادعو من مشاعل وبنات متعب.. كانت الجازي قلقانه.. مرتبكه... (في السياره) كان يسولف مع خواته اللي ماتو ضحك على كلامه وسوالفه كا العاده الجازي سااااااااااااااااكته ,, هدوء العالم نزل عليها بذيك اللحظه تراقبه من تحت طرحتها تبي تشوف هالانسان اللي ممكن انها ترتبط فيه ويصير من نصيبها بس ذكرى جرحها القديم تزورها كل يوم كانها تحذرها تعيد الكره وتعيد نفس الألم مااتخليت نفسها معها وماقدرت تتقبل الفكره... وصلو البيت ونزلت عبيرو نزلو معها البنات (نجد): يعطيكم العافيه وسلمت على رهف (الجازي) بهمس ,, تصبحون على خير انتبه لها وهي نازله كان يناظرها لين دخلت البيت (رهف): ياأخينااااااااااااااااا .. نحن هنا (راكان): هي دايم كذا.. (رهف): شلون يعني كذا؟؟؟ (راكان): أقصد هاديه وصوتها بعد هااااااااااادي (رهف): ياعيني هذا وانت ماشفتها ... (راكان): رهيييييييييييييف اعقلي الغلط علي اكلمك... ضحكت رهف على أخوها اللي باله كان مع هالبنت ياترى هل بيقدر يحبها / قراءه ممتعه
|
|
| مواقع النشر |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
المواضيع المتشابهه للموضوع: وانت يالفجر البعيد نااامت عيونك...للكاتبه ذبول الورد
|
||||
| الموضوع | كاتب الموضوع | المنتدى | مشاركات | آخر مشاركة |
| تبين عيونك تلمع كأنك لابسة عدسات ادخلي وشوفي بنفسك | جرح العمر | العناية بالبشرة و الجسم | 4 | 14-04-2008 24- 21:33 |
