 |
|
 |
| ||
| ||
|
|
|
|||||||
| التسجيل | التعليمـــات | البحث | مشاركات اليوم | اجعل كافة المشاركات مقروءة |
| القصص و الروايات ما يبدعه قلمك من القصص والروايات |
 |
|
|
LinkBack | أدوات الموضوع |
|
#11
04-05-2008, 24- 11:00
|
||||
|
||||
الفيلا.... ماخلت مكان مادورت فيه راحت بعدها تدوربندر لان عزيز قاللها ان شريط الزفه معه...,,, بدون أي تفكير درعمت للباب الخارجي ونادت على بندر اللي ماجاها دقت على جواله مايرد,, وش السواه يعني ,,, نزلت على الدرج وهي مستعجله وفجأه صرخت متألمه ,, طاحت على وجهها المسكينه بكت مرتبكه وحزينه على روحة أختها وكلها تجمعت,, فيصل اللي كان يلاعب محمد ولد خلود كان مراقب الموقف من بدايته في البدايه ضحك بس بعدين كسرت خاطره أرسلها منديل مع محمد اللي يوم شافته ابستمت في وجهه مسحت وجهها بالمنديل وعدلت فستانها وقامت انصدمت في الواقف قبالها صح المسافه بينهم كبيره بس كانت ملامحه واضحه شكلها كان من جد يموت ضحك لفت بكل هدوء ورجعت لباب الصاله الرئيسي الاوبندرقبالها .... (بندر) : رهيييييييف وش جابك هنا ؟؟ (رهف) : هااااا... وشو ....ايه ..تذكرت الشريط شريط زفة عبيروينه..؟؟؟ طلعه بندر من جيبه وعطاه رهف المفجوعه .... / / / عند العروووووس.... (مشاعل) : عبووور حبيبتي الناس وصلو.. (عبير) : بربكه وعمتي شيخه؟؟؟ (مشاعل) وهي تضحك ,,ايه وتقلد على صوت عبير وعمتي شيخه ..وجلست جنب بنت عمها على السريرومسكت ايدها البارده.. (مشاعل) : عبير ياقلبي هدي شوي وان شاء الله تعدي هالليله على خير ,, (عبير) : خايفه يامشاعل صحيح هو ولد عمتي بس ...أنا مأعرف عنه شي مأدري شلون بتكون حياتي معاه؟؟؟ لاتلوميني (مشاعل) : فيصل يمدح فيه مرررره يقول رجال من ظهر رجال ,, انتي ماتشوفين اهتمامه وعنايته بأمه وخواته ,, ناسيه فزعته مع أخته الجازي ,, اللي بداها على نفسه ترك وظيفته وجلس معها من مكان لمكان ومن دكتور لدكتورعشان مرضها؟؟؟ لاتزعلين مني بس خوفك ماله داعي ابد ...وان شاء الله حياتك تكون سعيده معه وبعدين من مايحب عبوووووور ,, ومسكتها مع خدودها الثنتين.. تكلمت عبير بعد فتره وناظرت في مشاعل بامتنان.. (عبير) : الله يريحك مثل ماريحتيني.. ضحكت لها مشاعل وقالت: ماسوينا غير الواجب يابنت العم...وبلاش دلع أنا بنزل أمك من اليوم تدق علي وضمت بنت عمها بقوووووه .. (مشاعل) : الف مبوووووك يالغاليه.. وطلعت قبل لاتصيح عبير وتخرب المكياج المتعوب عليه.............. وقفت قدام مرايات المدخل الكبيره شافت نفسها مره أخيره وحست بالرضا ,, كانت قمه في الأناقه والفخامه...... سلمت على أم خالد وخواته اللي تحبهم وبالذات جازي يمكن لانها متعاطفه معها ولان أخلاق هالبنت صافيه نقيه مثل قلبها الأبيض الصافي اللي مايعرف الكره.... كانت ملفته للنظر,, ومحط اهتمام الحريم بالمجلس شكلها ,, رزتها ,, ذرابتها ,, كل هالصفات مع برائة طفوليه رائعه كانت مزيج رائع غريب متجمع بشخصيتها,,,,, الكل كان موجود (سلمى وبناتها,,وشيخه وبناتها وخلود وعمااات زوجها عبدالمجيد اللي أعجبو في مشاعل وحطوهااا بروووسهم,,, بالاضافه لصديقات عبير ورهف ومشاعل ) سلمت على البنات وجلست سوالف معهم هي ورهف... ساره اللي كانت بتموت من مشاعل من اناقتها وخصوصا ان العين كانت عليها تكرها من قلبها ,,كانت لابسه فستان عنابي ضيق ومفتوح من تحت كانت تحاول تغايض مشاعل اللي كانت متجنبتها قد ماتقدر... الحريم سوالف وضحك والبنات رقص وغنى وجوهم ولاأروع..... هاذا اللي شايف نفسه .. ماشي ولامعبرني..يتمشى هنا وهناك.. ولاكانه شايفني..والله لأوريكم فيه ..والله والله ماأخليه.... (رهف) :عاااااااااااااشوا ياأحمر,, (مها+نجد) : تصفيق حاااار وانفعال مع الأغنيه (مشاعل وجازي) كانو يرقصون وداخلين جوووو وكل شوي تقوم وحده تنوب عن الثانيه.. / / / جت اللحظه الحااااااااسمه انطفت انواااار الصالات البيضا وعم الهدوء نوعا ما,, وقفت بأول الدرج بفستانها الفرنسي السكري المذهب وطرحتها المنسابه من أسفل شعرها ,, نزلت درجه درجه على الأنوار الصفر الخافته .. كانت الزفه لعبدالله الرويشد ,, البنفسج... تنزل بهدوء وتوزع ابتسامات خفيفه على الحاظرين.. يابنفسج يامساء الياسمين..في محيا من بها الدنيا تزين .. هالعروس اللي خذت كل الوصوف..ريم دين وريم قد وريم عين...الف صلى الله على الهادي الأمين......مقبله وعيوننا برد وسلام..لازم نصلي على سيد الأنام..على النبي التحيه والسلام...قولو معي يالحاظرين..فتنة ربي خلقها للعيون..من رذاذ الغيم وبرووق المزون ....قدرة الخالق بخلقه شئون.... فتنة سبحان ربي العالمين...... وصلت للمكان المخصص تجلس فيه واقبلو عليها المعازيم يسلمون ويباركون..... / / / / / بعد العشااااا... (رهف) : شخباركم نجد من زمان عنكم والله ,,كيف الدراسه معك ؟؟ (نجد): والله وانتو أكثر,, ابد الدراسه على خبرك مافي أشطرمني ولانسيتي (رهف) وهي تضحك : لاأفا عليك وأنا أشهد,, (نجد كانت تدرس مع رهف ومشاعل درست معهم لين المتوسط وبعدها تفرقو لانهم سكنو بحي جديد, كانت نجد تنجح على الحفه والدراسه اخر همومها كانت مشاغبه بس خفة دمها وشخصيتها الحلوه كانت تشفعلها مقالبها اللي كانت تسويها بأستاذاتها.. جلسو يتذكرون ذيك الأيام ويضحكون..... في نفس المكان بس باخر المجلس ... (مشاعل): شلونك جازي ؟؟ (جازي): الحمدالله عايشين لسه,, اسم الله عليك شعول كل مالك تحلوووين... مشاعل اللي انحرجت من كلام جازي ,, هاذي سوير وذي خلاقينها ,,هههههههههه راح الوقت بالسوالف والضحك والكل مبسوط ومشاعل تحمد ربها لان سوير ناسيتها شوي ,, الهانم مشغوووله بحبيب القلب.... (رهف): ووجع ان شاء الله ,, شوفي شوفي مسويه نفسها راعية البيت من اليوم رايحه جايه مع أمي ,, (مشاعل): الله يهداك خليها بحالها بلانكد شوفي شلون تناظرنا.... دق جوال رهف وكان المتصل راكان يستعجلها عشان خالد يبي يدخل... (دخلو الرجال المجلس والبنات واقفين مع عبير عند الباب وبالموت دخلت ,, تحس بكل نبضه بقلبها بتطلع مع كل خطوه تخطيها اتجاهه... تفاجأ فيها وتفاجئت فيه وقف الزمن للحظه بينهم ماكأن في غيرهم بالمجلس... كان يناظر بهالبنت اللي دخلت عليه ,,ابتسمت عبير بوجهه من شكله المصدوم..... (خالد): الف مبرووووك.. (عبير) بهمس : يبارك بعمرك.. خف توتر عبير وخالد نوعا ما,,قطعو الكيك وتصوروا كم صوره هي وياه وهي وخوانها,, استأذن خالد من عبير بأدب وقال لها بيعطيها وقت عبال ماتجهز وبعدين دخلو البنات وباركولها وتصورو معاها............. عدت الليله على الكل وحاولت (فوزيه) تتماسك لآخر لحظه وهي تودع بنتهاااااا,,الكل بكى على عبير ودعوها ووصلوها لين باب الفيلا الخارجي لين ركبت السياره مع خالد.... / 
|
|
#12
04-05-2008, 24- 11:01
|
||||
|
||||
|
ولدها بس رفض يتركهم لحالهم شهر واكتفى بحجز شاليه في درة العروووس بجده وبياخذ اهله معه بعد ,, عبير ماعترضت ولا فتحت فمها بكلمه ,, لانها تحب عمتها الطيبه وبناتها... دخلت الجناااح الفخم كان رومانسي وراايق بطريقه مريحه للأعصاب وعجيبه,,, تمشي بهدوء بفستانها الناعم ,, جلس خالد يتأملها كان متوقع كل شي الا انها تكون بهالنعومه والحلا ,, انحرجت عبيرمن نظراته الجامده,, قطع عليهم دق على الباب,, كانت خدمة الغرف ,, أخذ الشنط خالد وصك الباب وراه ماصدقت عبير على الله فتحت شنطتها وطلعت لها بيجاما ودخلت الحمام.... (خالد): وهويناظرها وهي تدخل الحمام,, واذا يعني حلوه , أنا باأعاملها بما يرضي الله وبس .. مي فاهمه نظراته وش تفسيرها ,,دعت في قلبها انها تسعد مع هالانسان...... / / / / بعدها باسبوع ... كانت شيخه وبناتها لسه في بيت بوراكان لين مايروحون جده مع خالد وعروسته ,, كفايه انها بتكون معهم بجده حبت تخليهم براحتهم... كانت سلمى زايره بيت أختها كان معها ساره أما مها فكانت تعبانه شوي وجلست بالبيت...... اضافه لمشاعل اللي ماتركت رهف من يوم العرس كانت كل يوم تزورها لان نفسيتها كانت مش ولابد.. الكل كان متأثر ماعدا وحده كانت جالسه وبكل غرور العالم ولافي قدها,, (ساره) كانت جالسه ومي معبره أحد ,, بهالوقت دخل بندر اللي ماكان يدري بوجودها بالصاله,,وبكل بجاحة العالم كانت بلبسها المكشوف وبدون ماتحسب حساب أي أحد ممكن يدخل,, (ساره) بفرح وجرأه ومياعه ماصخه : كيفك بندر؟؟ واحشنا,, رد بندر بقرف ويحاول مايطالعها : بخير دامي بعيد رهف كانت واقفه باخر الدرج وهي عارفه بنت خالها الشينه وخابزتها,,شناويه عليه بس تهبى الا هي,, (رهف): احم احم ... بندر هلا والله متى جيت؟؟ ولفت على ساره متفاجأه بتحرجها كانها ماشافتها يوووووه بندر ارجع ارجع ساره هنا شكلك ماانتبهت لها ,,(حركات حريم ياكاااااااافي) (بندر)وهو مرتبك ,, وكأن رهف أنقذت الموقف قبل لايذبح هالبنت....ايه ..ايه عن اذنكم وحط رجله..... رهف وهي تناظر بساره باحتقار فظيع أحرج ساره اللي ماتنحرج بس ذي رهف من يقدر عليها,, (رهف): مره ثانيه ياحلوه خذي معك احتياط (طرحه ,,شرشف ,,أي هباب يسترك,, ترى البيت مليان عيال,, هي قالت الكلمتين ذي وتركتها بدون ماتسمع ردها .... ساره المقهوره في نفسها والله لأوريك يالمغروره ان ماأدبتك ماأكون ساره بنت محمد وراحت لأمها تستعجلها يرجعون البيت متعلله بصداع في راسها............ / / / / جلس بوراكان كالعاده مع زوجته بالصاله كان يقرى بالجريده ويشرب الشاي... (بوراكان):خير يام راكان وشبلاك؟؟؟ (فوزيه) والحزن مبين بيعينها ,, والله ماادري شقولك؟؟ (بوراكان) :بقلق وش فيك عسى ماشر العيال فيهم شي؟؟ (فوزيه): اااااه من العيال في غير همهم..شف خالد ماشاء الله ولد أختك تزوج وفرح أمه وأرضاها وأنا.. أنا لي سنه مع راكان الله يهداه مو راضي يسمع,, ودي أفرح فيه,,فيهم كلهم بس ماودي أغصب عليه.. ضحك زوجها ,,(بوراكان): بس ذا اللي مضايقك ولاتشيلين هم عروسة راكان عندي وبياخذها وهو مايشوف الدرب... (فوزيه): ياسعد مافي شي يجي غصب بالذات الزواج وبعدين من العروس اعرفها؟؟؟ (بوراكان): زينة البنات والله وبيجي الوقت المناسب وتعرفينها واذا على راكان خليه علي ,, من متى عيالنا يطلعون عن شورنا... / / / / / لها فتره ماتكلمه بعد الكف اللي جاها وهو بيموت من القهر يبيها تعطيه وجه ,, غريب أنسان غريب أويمكن مريض بس الأكيد موصاحي ... من اليوم يمر قدامها يستفزها بأوامره وهي هدوء تاااااااام ,,خلاص ملت من الكلام دامه مابيجيب فاديه في كل مره ترضخ ويصير اللي يبغاه هو,, الى متى بتصبر ماتدري..... دق التلفووون وردت موضي لانها كانت قريبه منه,, (موضي) : الوووو (المتصله): الوووو,, سحر موجوده؟؟ (موضي):بقرف لا غلطانه,,وقفلت السماعه وهي تناظره ,,لها كم يوم على هالحال يدق التلفون والصوت نسائي ونفسه يتكرر كل مره ,, مرت من جنبه بدون ماتتكلم .. (جاسم): من على التلفون؟؟ (موضي): غلطانين ولازادت عليها كلمه رن التلفون بعدها بدقايق كانت موضي بترد بس سبقها وقال بصوته الحاد خليه,,, (خالد) : نعم ؟؟ (المتصله) : اخيرا خلوووودي رديت.. (خالد) وبارتباك بان على ملامحه,, هلا.. هلا بوماجد (المتصله): الحين انا بو ماجد ,,اها اجل النسره جنبك ؟؟ (خالد): وهو يبعد عن موضي الواقفه وتناظره ,,ايه .. بعدين اكلمك.. وصك التلفون وأخذ جواله من الطاوله ومفتاح سيارته وطلع من دون مايعبرها.... / / / / (في بيت بوراكان) الكل ناااايم كانت رهف في غرفة عبيروتبكي والبنات حولها يهدونها,,, (مشاعل): ترا لوماسكتي برجع بيتنا خلاص.. (نجد): رهوووف والله لاخلي أخوي يرجعها لكم. (رهف):وبفجعه ,, فال الله ولافالك يالخايسه.. فتحت مشاعل درج الأشرطه وشغلت سيدي لعباس ابراهيم وجلسوا البنات يسمعونه... المحبه عندي غير ..عندي غير اللي في قلبك ..المحبه عندي خير ياللي ماتدري بحبك ..المحبه احساس صادق عاشق اتهنى بعاشق..ياللي ليلك غطى شمسك..وانت ماتحب الا نفسك... صرت يامحبوبي تجرح ..صرت اتألم وتفرح..وصار يومك مثل أمسك..وانت ماتحب الانفسك وين ماتبغى تروح ..انا حبيت الجروح ..بس لاتنسى حبيبي عشقي باقي فيه روح ..يمكن من الجرح ابرى..من جروحك وانت ادرى..هذا ماسواه ياسك.. وانت ماتحب الانفسك..... هدوء غريب اجتاح الغرفه حتى رهف هدت ,,لفت مشاعل على الجازي اللي كانت سرحاااانه وبعالم اخر,,هالكلمات رجعت فيها سنه ورى.. تذكرت ذاك اليوم كانت فرحانه بنجاحها وتخرجها بامتياز بالرغم من معرفتها بمرضها قبل التخرج بفتره قصيره بس كان فيها عزيمه واراده غريبه,,وكانت بتبشره حبيبها وخطيبها وكل شي بالنسبه لها هواللي وقف جنبها وساندها(نفسيا ومعنويا)...كان كل ذا وهم .. كذب... كانت نازله من الدرج وتصلبت مكانها يوم سمعت أخوها خالد يصارخ ومعصب بطريقه فظيعه ماقد شافت أخوها بذا الحال,,كان يتكلم على واحد ويسب فيه ماعرفته الابعدين كان خطيبها وليد.. (خالد): النذل,,يمه يقول مايبي يربط مصيره بوحده مريضه,, كانت اخر جمله تتذكرها لانها طاحت بعدها من قوة الصدمه ,, انهارت ماتوقعت عشرة ثلاث سنوات كانت أحلى سنوات عمرها معه ماتوقعتها بتنتهي في لحظه تتلاشى قدامها مثل الحلم ,,انهارت معها كل لحظة أمل ,, بعد ثلاث أيام بس استوعبت اللي حصل ,, تحبه بس كرامتها ماسمحتلها كانت فوق كل شي,, ارسلتله كلمات هالأغنيه مع دبلتها في ظرف مع أخته اللي ماعد شافتها من ذاك الوقت,, كرهت كل شي ممكن يذكرها فيه ,, نزلت دمعه على خدها ,,نستها الدموع فتره أو هي تعودت عليها عشان كذا تزورها من فتره لفتره تذكرها بجرحها اللي مابرى تلهب نار بصدرها مااحد حاس بحرارتها اللي لو فجرتها أكلت الأخضر واليابس من شدتها.. ابتسمت لها نجد بحنيه ,, خلاص انسي ..انسي حبيت نجد تغير الجو اللي تكهرب جلست تعلق على ساره وحركاتها بالعرس ,,ضحكو البنات عليها وانجروا في السواليف.... (نجد كمان كانت تكره ساره والسبب ,,ان فوزيه ام راكان كانت دايما من ونجد صغيره تقول ذي عروسة بندر والمقوله صارت متداوله في العايله ياترى بتتحقق فعلا ولا لا ؟؟؟... ساره كانت تتعمد تفشلها قدام أي أحد وتتكلم عليها بشي ينقااال وشي ما ينقال,, مريضه الله يكفينا الشر...... / / /
|
|
#13
04-05-2008, 24- 11:06
|
||||
|
||||
|
(ساره): يامها قاهرتني انت لو شفتي كيف كلمتني والله ماتدافعين عنها .. (مها) واخيرا ردت ببرود لأنها تعرف أختها: انت أكيد غلطت عليها ولارهف ذربه ماتغلط على أحد ,, كملت طريقها بتطلع من الغرفه ولفت على أختها: مااحنا ناقصين مشاكل ماصدقنا رجعت العلاقات مع بيت خالتي ,, اعقلي الحب مو غصب ,,رهف الى الان مانست حتى لو نسو اهلها وبندر ....وطلعت ..... ماردت على اختها ورمت نفسها على الفرااااش وهي تفكر كيف تكسب وده وتخليه يحبها (البنت مصممه) هل بيظل الحال بين موضي المسكينه ورجلها على هالحااال؟ بندر هل حب مشاعل ولا بس عجبته ؟ جازي بتقدر تنسى ماضيها المؤلم بالذات انه مااحد يدري بمرضها غير أمها وأخوانها بس ؟ من العروس اللي نقا ها سعد لولده راكااااان؟ (الجزء الثاني) (الفصل الثاني) (اخر ليله لشيخه وبناتها في بيت أخوها بوراكان) البنات يتجهزون كلهم بيطلعون يتعشون برا ,, نجد جالسه بالصاله بعبايتها هي ومشاعل ينتظرون البقيه يخلصون دق جوال نجد وهم جالسين,,, (نجد): ياهلا بالعريس,, أخيرا تذكرتنا مابغيت.. (خالد): ههههههههه,,والله انكم واحشيني موت بالذات لسانك الطويل من زمان عنه .. (نجد): بنعديها هالمره عشان معرس بس لاتتعود .. كيف العروس؟؟؟؟؟؟ مشاعل جالسه على أعصابها وتسمع,, من يوم زواج عبير ماكلمتها عشان ماتزعجها بس قلبها عليها ودها تعرف أخبارها أشرت لنجد تسأله عن عبير (نجد): أقووول خلوووودي شخبار زوجتك؟؟؟ (خالد): ماعليها بخير هاذا هي جنبي وتسلم عليكم,, يالله مابطول سلمي على أمي وجازي ,,دقيت على جوالها وماردت واسمعي ترانا بنجي بكره 9/ الصبح ,, لان الرحله الساعه 11 قولي لامي ,, لانتأخر.. (نجد): ان شاء الله على خشمي ,, بااااااااااي وقفلت نجد من أخوها.. مشاعل ماتعرف خالد بس من طريقة أخته بالحكي معه تبين انه شخص حنون وبسيط معهم ولاماتمون عليه وتكلمه بهاالطريقه بالرغم من فارق السن الكبير بينهم,,, ارتاحت نوعا ما ,, ودعت في قلبها لعبير لانها تستاهل كل خير....... / / / طلعو البنات كلهن وتوجهوا للكورنيش ,, فرووو بكل المطاعم الموجوده (في السياره) (رهف): خلونا نرووووح تشليز,,, (نجد): لالا ,, هارديز أحلى,, وبعدين زحمه موووووت وكل وحده تقول مكاااان ,,, وأخيرا ,, مابغو يستقرون على راي وقفت اللكزس عند باب المطعم ونزلو البنات (ابل بيز) سوالف وضحك ,, مابقى شي ماطلبوووووه ,, أكثر وحده كانت مبسوطه بهالجمعه مشاعل لأنها مفتقده هالجو ,, كانت تضحك من قلب كانت تاكل بشهيه مفتوووووحه ,, أول مره تاكل بهالكميه ,, جلست رهف تراقبها وكانت مبسوطه انها تشوف صديقة عمرها مرتاحه ... (رهف): اااااااااااااه خلاص بطني . (نجد):ههههههههه عليك منظر يجنن. كانت نص مسدوحه على الكرسي وماسكه على بطنها (رهف): احس بتخمه شديده ,, (مشاعل): بنات وش رايكم بكاسة شاي معتبره بعد هالأكل (الجازي): جبتيها والله ..مشينا دفعوا حسابهم وطلعوووو ,, / / /
|
|
#14
04-05-2008, 24- 11:07
|
||||
|
||||
|
بس ماهي معاه ,, لاحظ شرودها,, (عبير) ماني قادره أفهمه مرااات أحن منه مافيه,, ومرات ينقلب تتحول حنيته لجفاف ,, قساوه وكاني انسانه غريبه عنه نفسي أعرف وش بخاطره ليه يسوي كذا ,, أنا في ايش مقصره معه؟؟ (خالد): عبير.... عبير انتبهت له يناديها (عبير) : .... هلا (خالد) : وين وصلتي؟؟؟؟ (عبير): صدقني قريب ,, وابتسمت بتصنع لزوجها اللي كان يناظرها مو فاهم شالسالفه....... / / / / لفو بالسياره على الكورنيش بعدين دخلو المرديان .... (مشاعل): يابنااااات أمووووت على هالمكان راايق خلونا نتمشى شوي (رهف): وهي تمشي وماسكها بطنها كانها بطه,, مااااااافيني (مشاعل) بلهجه مصريه : المدام حامل البنات بصوت واحد ,,ااااااااه هههههههههههههههههههههههههه جلست رهف اللي مي قادره تمشي خطوتين على بعض ومعها الجازي,, أما مشاعل ونجد راحو يمشون شوي ويلفون في المكان,, دخلو دورة المياه عدلو غطاويهم وطلعواا وهم راجعين للطاوله اللي فيها البنات,,الا واثنين من الشباب باين عليهم كبار..وكشخه,, تكلم واحد فيهم : اذا الحلوين لحالهم ويبون رفقه ترانا في الخد مه.. (مشاعل) وهي تجر بنجد : الله يخليك لاتعطين هالمصاطيل وجه (نجد) مقهووووره الا ماترد عليهم لو بكلمه بس مشو الثنتين بسرعه ,, بس الشباب لسه وراهم كان مراقب الموقف من بعيد ماعجبه واستحقر هالمخابيل وقفت وسط المكان وبصوت عالي ,, (نجد) : ياحيف على المرجله اذلف انت وياه لأنادي الأمن يشحطونكم برااااا الشاب الثاني خاف وبعد عنهم ,, أما خويه اللي تكلم انقهر من رد نجد أول مره وحده تكلمه بها الطريقه ولا تنافخ بعد,, وقف قبالها ومسك يدها بقوه ,, لاشعوريا عطته كف على وجهه توقف الزمن فتره .... مشاعل واقفه متصنمه .. نجد عاجزه عن الكلام....ومغمضه عينها خايفه من ردة فعله الشاب واقف ويناظر بنجد مو مصدق .. ضحك ونزل راسه ,, ( الشاب ):أنا اسف ,, عز الله ان اللي رباك رجال وتركهم ومشى.......... (مشاعل): يالخبله ايش سويتي...؟؟؟ (نجد).................... ماقدر يمسك نفسه أكثر قام من مكانه وراح للبنات الواقفات.. عسى ماشرأختي هالنذل سوالكم شي؟؟ (مشاعل): مشكور أخوي مافي شي.. (مشاعل) مصدووووومه : أحمد ؟؟؟ أحمد وكانه يعرف هالصوت ,, مشاعل؟؟ (مشاعل): ايه .. انت وش جايبك هنا ؟؟ قصدي .. انت لحالك موضي مو معك....؟؟ ضحك أحمد عليها لأنها تكلمت بعفويتها وانحرجت منه.. (أحمد): لا أنا لحالي جاي بشغل ,,لي يومين تقريبا وحاجز هنا (مشاعل): اها ,, خلود ومجيد يدرون ؟؟ (أحمد): ايه بس اليوم علمتهم... (مشاعل): على العموم حياك الله ,, وطالعت بنجد اللي لسه واقفه محلها احنا نستأذن بنمشي... (أحمد): لحظه .. لحظه يامعوده , انت بخير ؟؟ رفيجتج فيها شي أنا شفت اللي صار,, بس بصراحه أهني رفيجتج على جرأتها (مشاعل) مستغربه: ليه ؟؟ انتبهت نجد لأحمد وهو يتكلم.. (أحمد): اللي ضربته رفيجتج ولد أكبر التجار هنيه..(مشاري بن....) مااحد قد تجرأ وسواها من الشباب (اللي بيني وبينه شغل) ,, بس يستاهل اللي جاه مأذي بنات الناس وياويلها اللي تعانده يظن ان الناس كلها تنشرى بالفلوس.. نجد لسه يادوب تستوعب كلامه ,, دق جوال مشاعل وكانت الجازي تستعجلهم,, استأذنت من أحمد اللي كبر في عينها بتصرفه ,, رجعت للبنات ,, شربو الشاي بعجله وطلعو من المكان....... جلس يراقبها لين ماطلعت ,, حط ايده على خده يتحسس الكف اللي جاه ,,, معقوله انا .. رجال بشنبات ماسووها ,, بنت تضربني,, أستاهل ماجاااااااني أستاهل.... وراح طيران بعد ماتأكد من طلعتهم لأحمد اللي شافه واقف معهم (مشاري): وهو مستحي ومنحرج لان أحمد شاف الموقف ,,انت تعرفهم؟؟ (أحمد): ايه اعرف وحده فيهم لانها تقربلي وانت شعليك؟؟ مو كافي اللي سويته... (مشاري): والله نادم ,, كف هالبنت صحاني من غفلتي... وطلع من الفندق بسرررررررعه...... / / / / / سافرت شيخه وبناتها مع خالد وزوجته ورجع البيت وفضى ,,, جلست مشاعل مع رهف بعد موافقة أبوها لان رهف لحالها.... / / / / في غرفة بندر والوقت متأخر ,, موقادر ينام ,, ياربي هالبنت ايش سوت فيني انا اللي البنات كانوا يجون حدي وأرفض,, تشغلني بنت ماشفتها الا كم مره,, بس ذي غير فيها شي يجذب الواحد غصب,, اطلللللللللللللللللللعي من راسي جنننننننتيني.... سمع صوت الآذان قام توضى عشان يطلع يصلي..... / / / حاولت تنام بس ماقدرت وكانها غفت شوي ,, فزت من مكانها ناظرت بالغرفه لقت مشاعل نايمه جنبها ,,دورت عليها مالقتها ,, كانت تدور عبير وكانها ناسيه انها تزوجت... فتحت الباب وركضت على غرفتها ,, حست مشاعل بحركه وقامت مالقت رهف دورت عليها ولقتها بغرفة عبير تبكي على الفراش... / / / / وهو نازل الدرج سمع صوت وكلام وكأن أحد يبكي.. كانت غرفة عبير استغرب لانها المفروض تكون فاضيه,, فتح الباب رهف ومشاعل كانوا يبكون ,, بندر واقف مبلم ذي وش جايبها هنا؟؟؟ لايكون من كثر ماأتخيلها صارت تطلع بكل مكان ,, انتبه على صوت رهف اللي صاحت عليه ورجع ورا الباب... (بندر) بخوف : خير وش صاير؟؟؟ (رهف) بنفخه : مافي شي انت ايش تبي ؟؟؟ أول مره تنافخ على أخوها وتكلمه بهالطريقه ... (بندر) مصدووووم (بندر): عدلي أسلوبك بالكلام ماني أصغر عيالك ,, مشاعل هنا تدخلت خافت أحد يقوم على أصواتهم .. (مشاعل) بهمس : معليش بندر امسحها بوجهي اعصابها شوي تعبانه ..... نزل بندر ولا قال شي زياده وهو في طريقه للمسجد كان يفكر ,, كانت تكلمني ,,امسحها بوجهها ياملح وجهك والله.... / /
|
|
#15
04-05-2008, 24- 11:09
|
||||
|
||||
|
(مشاعل): اللي سويتيه غلط وله الحق يزعل عليك.. (رهف): أدري والله أدري أنا أصلا ماادري كيف كلمته كذا بس والله أعصابي تعبانه شوي عبير اللي راحت وماادري وين بتسكن لان خالد احتمال ينقل عمله جده ,, والبيت اللي فضي علينا فجأه بروحة نجد وجازي وعبدالعزيز حتى انت مو بقاعده يومين وبتروحين....وبندر كلها أسبوع ويرجع كندا,, بجلس لحاااالي (مشاعل): بهدوء ,, يارهف ياحبيبتي مو اخر الدنيا لواتزوجت عبير بدال ماتدعيلها بالتوفيق قالبتها مناحه.... انت بعد نصيبك بيجي وتتسهلين ,,وهاذي سنة الحياه... سكتت بتردد ,, بعدين كملت :أنا طول عمري بالحالي... احمدي ربك انها عايشه وبصحه وفراقها لك فراق دنيا مو فراق اخره ,, شاأقول أنا ..أنا اللي ماشفتها ماتهنيت بوجودها جنبي تركتني بسهوله وكانها ماتبيني ..ماخلتني أشبع من وجهها وحنانها وكل شي فيها ,, ذبحت فيني كلمة يمه...اااااااه واااااحشتني هالكلمه عروووقي ضميانه لها ... ابيها ترد وتجلس معي .... تطبطب علي لازعلت ,, تشاركني الفرح لافرحت,, تحس بالآمي وجروحي وكل مافيني ,,, ضحكت بسخريه ... تدرين أحيانا أضحك على نفسي لما أتذكر اني كنت استنكر جية أم تسال عن بنتها لما كنا بالمدرسه ,, وكنت ظانه ان الوضع الطبيعي هو وضعي أنا وحيده أنا اللي اهتم بعمري ....... رهف ساكته عاجزه عن الكلام ... مصدومه من انفجار مشاعل ,, استحقرت نفسها واستحقرت حزنها وألمها اللي مايجي نقطه في بحر الآم مشاعل..... / / / / / / السالفه لها فتره ومو قادر ينساها وينسى كفها على وجهه,, هالبنت هزت فيه شي كان ميت من زمان ... له فتره وهو يفكر بهالبنت ,, قطع حبل أفكاره دق على باب غرفته... (مشاري): أدخل ...... (ملاك): سلام ياأخويه العزيز.... (مشاري) هلا ملووووكه أدخلي.. جلست على الكرسي مقابل أخوها المنسدح على فراشه.. (ملاك): الحلووو في ايش يفكر؟؟؟ مشاري كان يفكر بينه وبين نفسه يقولها ولا لا... (ملاك) : ايش بلاك ياخوي في شي مضايقك؟؟ لك فتره مانت عاجبني.. (مشاري): بتردد ,, بتوكل على الله وأقولك بس اتمنى تفهميني... (ملاك): جرب ... حكالها مشاري السالفه من أولها...... (ملاك): بصراحه تستاهل مالك حق وانا لويجيني واحد مثلك بيجيه اللي جاك وأزود يمكن....... (مشاري): بس.... انت تدرين اني بعد تهاني .. وسكت بس كمل ...تهاني دمرتني ياملاك .. خيانتها لي كانت في الصميم .. قام وهو معصب ويأشر على قلبه ,, النار اللي هنا مااحد حاس فيها نار شابه مابعد تبرد ياملاك..... (ملاك) حزنت عليه ,, كسر خاطرها ,,حطت ايدها على كتفه وجلست جنبه على السرير ... (ملاك): يااخوي الدنيا لسه بخير ومو كل البنات مثل تهاني الحقيره.. وأكبر دليل لكلامي هالبنت وتصرفها معك... (مشاري): هدى نوعا ما ,, كل مايتذكر تهاني ينجن ويعصب..لانه يشعر بمهانه واستغفال ... (مشاري): أقولك شي بس مادري مو متأكد,, أنا أعرف واحد يقرب لهالبنت وممكن يجيب لي رقمها... (ملاك) مصدووووومه ,, مشاري البنت شكلها بنت ناس وماعندها خرابيطك وش ناوي عليه؟؟؟ (مشاري): صدقني أول ماأتاكد من اللي أحسه وأتوصل لقرار راح تكونين أول وحده تعرف وانت اللي بتساعديني,, والبنت ماراح أضرها بشي... (ملاك): أنا مصدقتك بس ماودي تجربه فاشله تأثر عليك طول عمرك ,, و الله يكتب لك اللي فيه الخير... وطلعت من غرفة أخوها اللي حس براااحه كبيره بكلامه مع اخته.... (مشاري ,, 29/سنه ,, رزه مرررره وشخصيته جذابه متوازنه تجمع الجد والمزح بنفس الوقت ,, ماسك شركات ابوه المريض,,عنده ثنتين خوات (ملاك)17/سنه ,, (جنى)8/سنوات,, يحبونه وهو يمووووت عليهم) مشاري ماهوشخص سئ مثل ما يتوقع أغلبكم ,, بالعكس كان خاطب تهاني اللي ماتقرب له كانت اخت واحد من أصحابه ,, شافها صدفه وحبها ,, خطبها واتزوجوا ,, ماكملت معه سنه لانه اكتشف كذبها المستمر عليه غير مشاكلها مع اهله والأهم خيانتها له.... كرها وكره كل الحريم من بعدها ,, غاب فتره وصار وضعه مأساوي تغير صار شخص ثاني ,, يعاكس .. ويرقم البنات في الأسواق واشتهر بهالشي لانه ولد شخصيه معروفه ولها مكانه بالمجتمع .... مرض ابوه وطااااااح فتره بالمستشفى ,, صحصح لنفسه بعدها وحاول ينقذ نفسه ,, تحمل المسؤليه وتولى شركات ابوه بس حقده كان أكبر,, وانتقامه أشد ... كان اذا شاف بنت مايمسك نفسه ويحاول يوصلها بأي طريقه وكأنه بهالشي ينتقم منها ,, طبعا تهاني انفضحت بين اهلها وجماعتها والمسكينه من الصدمه مرضت وتتعالج الان في مستشفى للأمراض النفسيه............ (لما شافته نجد في الفندق كان عنده عمل بالمنطقه ,, وهم ساكنين بجده)
|
|
| مواقع النشر |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
المواضيع المتشابهه للموضوع: وانت يالفجر البعيد نااامت عيونك...للكاتبه ذبول الورد
|
||||
| الموضوع | كاتب الموضوع | المنتدى | مشاركات | آخر مشاركة |
| تبين عيونك تلمع كأنك لابسة عدسات ادخلي وشوفي بنفسك | جرح العمر | العناية بالبشرة و الجسم | 4 | 14-04-2008 24- 21:33 |
