وانت يالفجر البعيد نااامت عيونك...للكاتبه ذبول الورد

[no000r]

(في بيت بو راكان)


طقت الباب بتردد وهي خايفه مايستقبلها مثل المره الأولى

(بندر) بصوت فيه البحه : ادخلي رهف

(رهف) وهي تصطنع الابتسامه : وش دراك اني أنا ؟؟

(بندر): هاذي طقتك لباب غرفتي عمرها ماراح تتغير سواء قبل أوبعد ماتزوجتي

تشجعت ودخلت لنص الغرفه وأشرت للخدامه تدخل بعربية الأكل وبعدها صكت الباب وراحت جلست جنب

أخوها وقالت بحنيه : بندر ممكن تقوم عشان تاكل ؟؟ ولابتكسر خاطري مثل ماتسوي بأمي ؟؟

ناظرها بندر بنظرة انكسار وقال : كيف تبيني أحط اللقمه بجوفي وانا أدري انها طايحه بالفراش ماتاكل شي

يحرم علي الاكل يارهف يحرم لين ترجع لي مشاعل

كان يقول هالكلام بكل مايعنيه الالم من كلمه بس حاول يتماسك قدر المستطاع ويثبت قدام اخته الصغيره

(رهف) والدمع بطرف عينها : مايصير اللي تسويه مااااايصير يابندر تعذبنا وتعذب أمي معك


كلنا حزنانين وتعبانين من اللي صار بس اللي صار صار وارادة رب العالمين فوق كل شي



(بندر) بتنهيده طالعه من قلبه : تعبت...تعبت يارهف موقادر أشوفها وهي منهاره بهالشكل وأناظرها مكتف

مابيدي شي أسويه ...ليتها تبكي على صدري.. ليتها تعذبني أنا راضي بعذابها بس لاتعذب نفسها بهالطريقه

موقادر أتحمل نظرة الانكسار والضعف والخوف اللي بعينها لانها تذبحني ..

تنهيني يارهف فاهمه وش يعني تنهيني !!. .شايفها تذبل قدامي بعد ماكانت أحى ورده

مفتحه بحياتي...والللله تعبت مو قادر ...مو قادر أتحمل عذابها وعذابي معها...

حط ايدينه وضغط فيها على راسه اللي يحس انه بينفجر من قوة همه وألمه


(رهف) بألم : اذكر الله واناأختك هاللي تسويه بنفسك مو حل كلنا حاولنا نساعدها ونخفف

عليها بس الصدمه عليها كانت جامده ..يعني ...وكملت بصوت خنقته العبره ..خلود الله يرحمها اختفت بليله

وضحاها ..الموت سرق منا فرحتنا اللي ماتمت ...استغفر الله اللهم لااعتراض على قدرك

اللي أبي أقوله يابندر لازم تكون قوي عشان تقدر تساعدها بضعفها ...

بس لو جلست على هالوضع صدقني يمكن تخسرها وللأبد شوف منظرك كيف صاير ؟؟

هذا الأكل قدامك أتمنى مايرجع مثل ماهو وطلعت من الغرفه ودمعها على خدها ماجف

فتح بندر عينه على الاخر بطريقه تخوف وصدى كلمتها الاخيره يتردد على مسامعه وكأنه توه ينتبه على

كلمتها : أخسرها ...أخسرها

مستحييييييييل ...أخسرك يامشاعل ...انتي روووحي ..وماأحد يخسر روحه ..ماأحد...

قام من فراشه وشاف نفسه بالمرايا

انفجع من شكله وكأنه ماعرف نفسه فعلا تغير كثيييير ماعد اهتم بعمره كل همه مشاعل والباقي بعدها

مايسوى شي بعينه حتى لوكان عمره...لانه يبديها على نفسه وفرحه

أخذ له ملابس من الدولاب ودخل ياخذ شور ويحلق لحيته اللي مالمسها من فتره

ومافي باله غييير صورة مشاعل وبس





(في بيت بومتعب)


نزلت سميره ووراها الخدامه اللي دخلت على المطبخ وهي شايله الاكل اللي ماانلمس

جلست سميره بتعب على الكنب

(متعب) بهدوء : كمان هالمره رفضت ... ؟؟

(سميره) بحزن : ااااه يامتعب حالة اختك ماتسر لاعدو ولاحبيب ...عجزت فيها عجزت مو قادره أقنعها

تحط لقمه بفمها بالموووت شربت كاسة العصير ..لازم تتصرف ولا أختك بتروح من بين يدنا

وقف متعب بعصبيه خساره ثانيه بعد ...غير خسارة خلود ماراح يقدرون يستحملون

قرر يسوي اللي كان يفكر فيه من أيااااام

مسك جواله واتصل على الرقم اللي يبيه وطلع من الصاله للحديقه الخارجه قدام عيون سميره وغلا

اللي ماكانوا فاهمين شي


(غلا) وهي تناضر بجوري اللي كانت بحضن امها وقالت بضيق : يمه قولي لأبوي مانبي نرجع جده الحين

نبي نجلس مع عمتي شوي والله كاسره خاطري وبعدين جوجو يالبى قلبها من بيهتم فيها اذا رحنا وهاذي

حالة عمتي...؟؟

(سميره) بقلة حيله : وخاطري والله بس ويش نسوي بشغل أبوك اللي مايخلص ..وجوري أنا قلت لابوك

بناخذها معنا بس ماادري عنه...!!

دخلت سحر اللي قالت باعتراض : يمه حراااااام عليكم كل مره نضحي عشان شغل أبوي ...المدارس باقي

عليها شهر وانتي ماوراك شي خلاص يروح لحاله ونجلس احنا هنا...عمتي المسكينه تخلونها لحالها

بهالضروف ...؟؟

(متعب) اللي دخل على صوتها: ومن قالك اننا بنخلي عمتك لحالها ...؟؟

(سحر) وهي تحك راسها وبنظرة خجل : قصدي روحي انتي يمه مع أبوي عشان تهتمين فيه واحنا نجلس مع

عمتي بس ..

(متعب): مابروح لا لحالي ولا مع أمكم...

سميره والبنات يناظرون بعض مو فاهمين

(غلا): أجل بنروح كلنا ......!!

(متعب): وانتي الصادقه بنجلس كلنا

غلا وسحر يناظرون بعض والصدمه وااااضحه عليهم

(سميره): وشغلك ؟؟

(متعب): مددت اجازتي شهرين زياده عشان مانترك مشاعل لحالها بهالوضع

قاموا البنات من الفرحه وجلسوا يبوسون أبوهم وحده من يمينه والثانيه من يساره

(متعب) وهو حاظنهم وبألم : الله يخليكم لي ويرحم عمتكم خلود ويوسع عليها في قبرها ويسهل امتحانها

الكل : اميييين يارب العالمين


/
/
/
/
/
/
/
/
/
/
/
/


(في غرفتها)

قامت من النوم ...ماتدري كم ساعه نامت ..؟؟ ومن متى وهي نايمه ..؟؟

ماصارت تنام الا على الحبوب والابر وهالشي أثر عليها وبقوووه

أول ماوطت رجلها الارض سرة الرعشه بجسمها تحس بثقل في حركتها ومي قادره تتوارزن تحس بجفاف

بحلقها وكأنها مجروحه...

أكييييييد لها أكثر من شهر ماطلعت من الغرفه ومافارقت فراشها

تجولت بعيونها تتأمل أرجاء وزوايا الغرفه وطاحت عيونها على سلال الورد الفااااضيه مثل ماكنت بليلة

عرسها بس هالمره فااااااااضيه

هاذي حياتها بعد خلود فااااضيه مافيها أي طعم

غمضت عينها بألم ونزلت أنهار من الدمع الجاري اللي انسكبت على خدها بحراره وحست بالغصه راح تذبحها

اخر مره خلود كانت واقفه جنب هالسلال وبنفس المكان ...

والحين السلال والمكان فااااااضي...

ااااااااااااااااااااه اااااه ياخلود ااااااه يامكانك الخالي....

اعتلت نبرة بكاها ودخلت عليها غلا مفجوعه من منظر عمتها كانت تبي تقول لها ان بندر هنا ويبي

يدخل عليها بس ماعطتها فرصه

طلعت غلا بسرعه من الغرفه ودخل بندر بعدها

كان واقف مكانه متجمد ...أحاسيسه مبعثره مابين انسانه حبها لدرجة الجنووون وبين طيف يذكره بهذيك

البنت اللي كانت احلى ماشافت عينه

راح لها ركض ونزل عند رجلها وهو يقول : طلبتك يالغلا كاااااااافي ..كاااافي حرام عليك تعذبين نفسك

وتعذبيني معك حرااااام ..

(مشاعل) من بين دموعها وشهقاتها الحااااره : ابي خلود ....ابي أمي ...ليه ..ليييييييه خلوني لحالي ..ليييه؟؟

ابي خلود ..انت تعرف وين مكانها صح ..قولي الله يخليك ...الله يخليك وديني لها ...مابكلمها مابتعبها بس

بشوفها ..والله بس أشوفها...لييييييه راااااااحت لييييييييييييييييه ..؟؟

بندر نزلت ولأول مره بتاريخ حياته دمعته نزلت حزن والم على حبيبته

رفعها من الارض وضمها لصدره بكل قوته ...بس اللي صدمه انها كانت تضربه على صدره ووجهه بعنف

شديد وكأنها تجردت من شخصيتها وتلبست شخصيه ثانيه ...ومع ذالك ماقاومها كان فاتح صدره لها وكانه

يقول لها فرغي غضبك وحزنك فيه لانه لك لحالك ....وبعد لحظات جلست تصيح وتبكي بأنين يقطع القلب

وارتمت بصدره مثل الطفل التايه اللي لقى أمه فجأه




جلس يهديها بكلماته الدافيه وهو يمسح على شعرها ويقرى بعض الايات القرانيه

بعد فتره مو قصيره هدت مشاعل ....استغفلها بندر وأخذ ابرة المهدي من الكومدينه وقلبه متقطع ماوده بس

موقادر يشوفها تتعذب بهالطريقه...ضرب الابره في ايدها وبعد أقل من خمس دقايق ماعد حست مشاعل بشي

وعم الهدوء المكان


شالها ورجعها لفراشها وغطاها زييين وباسها على جبينها

وطفى أنوار الغرفه عشان تقدر تنام وظل جنبها على الفراش محتضن يدها



/
/
/
/
/
/
/
/
/
/
/

[no000r]

بعدها بأسبوع


(في بيت أبو خالد)


(خالد) وهو يلاعب ولده الصغير : حبيبتي الله يصبرهم ويرحم موتانا ويغفر لهم ..انتو اللي عليكم سويتوه ..

(عبير) بألم : امييين ... اااه ياخالد مو قادره انسى شكلها اخر مره شفناها فيها مع انه مر وقت على وفاة

المرحومه بس...

تخيل انسانه بلحم وعظم ...روح حيه قدامك بس ميته من الدااااخل مشاعل تغيرت ...تغيرت كثيييير والبنات

يقولون ان بندر متعذب معها وموقادر يساعدها أو ينسيها حتى اللي صار..

ترك خالد متعب بعد ماحطه بفراشه وراح جلس جنب زوجته

(خالد): حبيبتي ....اللي صار قضاء رب العالمين ولااعتراض عليه بس الى متى بتظل مشاعل

حزينه ..!! يمكن هالفتره بس لان جرحها مابعد برى بس ان شاء الله مع الوقت وبوجودكم ووجود زوجها

اللي يمووت على ترابها ان شاء الله تتحسن ...وماابي اشوف هالدموع بعيونك لانك تصيرن شيييينه

ومد يده على خدها مسح دموعها

(عبير) وهي تناظر بخالد : حبيبي ...الله يخليك لي ولمتعب

(خالد) بابتسامه : اميييييييين يارب ويخليكم لخاااالد يارووووحه وقلبه وعينه

حب خالد يغير مزاج عبير وقال

والحين وش رايك نطلع نتعشى برا ... من زمان ماطلعت معك ...طول الوقت مشغوله مع بنات عمانك

احسك مطنشتني وماعد تسألين فيني

(عبير): حرااااام عليك ...أنا .أنا مسويه فيك كذا !! ...واتسعت ابتسامتها

(خالد): ايه انتي وبعدين ليه هالابتسامه العريضه ؟؟

(عبير): لابس تذكرت أيام كنت أتمنى فيها تسأل عني وانت مسوي فيها ثقييييييييييييل

دنيا دواره هههههه

(خالد) بحاجب مرفوووع وتكشيره : قفلي هالموضوع لاني مااحبه

(عبير) وكأنها حست انه زعل : حبيبي اسفه .... مو..قصدي شي..

(خالد) وهو يقرب منها : وقتها كنت أعمى وماأشوف وماعندي نظر ولا في أحد عنده هالزين كله ويجافيه ؟؟

اعتلت الحمره وجه عبير وهذا زادها حلا بعين خالد

(خالد) أمووووووت فيك والله الشاهد

(عبير) وهي تقوم من جنبه تروح جهة متعب : وأنا أمووووت في متعب

خالد وعيونه طايره متر قدام : لالالالا ماينفع كذا ..شكلي بغير راي ومعد بجيب عيال

(عبير) بفجعه : لييييييه ؟؟

(خالد): ماابي أحد يشاركني فيك

(عبير): والله انك عيار

(خالد) ببراءه : أناااااا

(عبير) : لاجدتي الله يرحمها .. سكتت شوي بعدين ناظرته وقالت : حبيبي انت حبيبي ومحد بيشاركني

حبك لين أختفي تحت الثرى وحتى لو اختفيت حبك بقلبي راح يظل

(خالد) بعصبيه : جعل يومي قبل يومك ...وش هالكلام المااااااااصخ ...لاعد أسمعك تقولين هالكلام

(عبير) بابتسامه طفوليه : حاااضر والحين ممكن تطلعني ؟؟

(خالد) : على هالخشم أختاري المطعم اللي تبينه وأنا برسم الخدمه

(عبير) بس تعال : متعب فديته وين أحطه ؟؟؟ لاتقوووووول خدامات من الحين أقولك اسفه

ابتسم خالد بوجه عبير وعجبه ردها : لا مو الخدامات بنحطه عند نجد

(عبير) وعيونها طايره : وشو وشو نجد ؟؟؟

قام خالد وراح فتح دولاب الملابس وطلع له ثوب عشان يلبس : ايه نجد خليها تتعلم شوي بكره النهار بتعرس

وتبلش زوجها وتبلشنا معها


(عبير) : هههههه هههه حراااام عليك فديتها نجد والله بعدين بدري على هالكلام

(خالد): لابدري ولاشي والدليل ان.....وسكت ماكمل

(عبير) تناظره مستغربه : وشفيك سكت كمل ...!! وش الدليل ؟؟

(خالد): ها..لالا بعدين تعرفين ..والحين يالله اجهزي خلينا ننزل

(عبير) وهي تهز بكتوفها ومو فاهمه شي : برااااااحتك

/
/
/
/
/
/
/
/
/
/
/
/

بعدها بأسبوع

(في بيت أبو راكان)

كانت جالسه على الكنبه الحمل أبد ماغير من شكلها بالعكس زاد حلاتها وراكان جالس جنبها وايده على بطنها

اللي بدى ينتفخ خصوصا انها في الشهر الخامس

(الجازي): علامك انت ترا ذبحتني ...!!

(راكان) وهويعدل جلسته : افاااااا أنا ركووون حبيبك ذبحتك...!!

(الجازي) بابتسامه : كل يوم تجيني وتسوي نفس الحركه ...نفسي أفهم ليييييييه وش اللي بيتغير؟؟؟

(راكان): أطمن على ولدي فيها شي ...!! وكمل بابتسامه : شكلك غيرانه ...!!

عدلت الجازي جلستها وقامت جهة الدرج وجلست تطلع منه أغراض وردت وكأنها مو مهتمه : أنااااااا

هههههه مين قال ..؟؟ تراه ولدي مثل ماهو ولدك وبعدين تعال وش دراك انه ولد ؟؟ يمكن تطلع بنت

(راكان): احساسي يقول وبعدين من كثر ماأشوفه يرافس ببطنك صار عندي خبره ولا وش رايك ؟؟

لو انها بنت اتوقع انها تكون اهدى من كذا لانها اكيد بتطلع على أمها هااااديه وخجوله؟؟

(الجازي) ضحكت وماقدرت تمسك نفسها من الضحك على تحليله هذا راكان

وبيظل طول عمره راكان اللي يرسم علىوجهها الابتسامه دووووم حتى لو غايضها ...


تحمد ربها كل ليله على ارتباطها فيه ..

(راكان): دوووووم هالضحكه ياقلب راكان انتي ..

(الجازي): حبيبي لو جت بنت وش بتسميها ؟؟

(راكان): امممممم ..وش رايك البنت أنا أسميها والولد انت تسمينه ؟؟

(الجازي): كأنك عكست الايه بس مافي مشلكه موااااااافقه

(راكان) بابتسامه : لو جت بنت باسميها قمر لانها بتطلع عليك

(الجازي) اللي توردت خدودها وبابتسامه أكبر واذا جى ولد باسميه : الوليد

(راكان) : وش معنى الوليييييييد ...!! من متى المعرفه ؟؟

(الجازي) هههههههه ههههه من اليوم ههههه ..كيفي عاجبني كذا واحس له شان

(راكان): والله انتوا يالحريم غريبين ...يالله الوليد.. الرضيع ...اللي تبينه خخخخخخ

حذفته الجازي بالمخده : سخييييييف تدري ؟؟

(راكان): ههههه هههه منذو مبطي هههههههه ههههه



دق جوالها وراحت ترد عليه وراكان دخل ياخذ له شور لانه بيطلع

(الجازي): هلا نجوووووده هلا حبيبتي ..

(نجد) وهي تبكي من القهر : جازي بسرررررعه الحين خلي راكان يجيبك

(الجازي): اف اف وش بلاك ليه هالصياح وش صار ؟؟ أمي فيها شي ؟؟ خالد وعبير فيهم شي ؟؟

(نجد) بعصبيه : فال الله ولافالك وش فيك صايره متشائمه كذا ؟؟ كلهم بخييييير بس انا اللي مو بخيييييير

ولو ماجيتي الحيين يمكن أحرق البييييييت تعااالي ابيك الله يخليك

(الجازي) وكأنها هدت وارتاحت من يوم حادث خلود صارت تخاف بالرغم انه مر خمس شهور على

وفاتها ...طيب طيب ساعه وأجيكم بس خلاااااااااص عورتي أذني لاتصيحين ..

(نجد) : أنتظررررررررك

وقفلت بوجه جازي اللي مو عارفه شي...


جلست متوتره مو عارفه وش السالفه

طلع راكان وجلس قبالها ينشف شعره بالفوطه : خير ياقلبي ليه هالقلق بعيونك ؟؟

(الجازي) : ماادري بس نجد كلمتني قبل شوي وهي تبكي وكانت معصبه وتبيني أروح لهم الحين

(راكان): خير.. خير ..ان شاء الله ..بس روحتك ثقيله شوي ولانسيتي وش قالت الدكتوره اخر مره

الحركه مو زينه لك .. ليه ماتجيك نجد ..؟؟

(الجازي) : حبيبي حالتها ماتسمح تجيني ولا كان جت قبل لاتكلمني ...وانت طالع طالع بطريقك ارميني عندهم

(راكان): حبيبي انا خايف عليييك لاأكثر

(الجازي) : حبيبي اللله يخلييييك عشاني ولا مالي خاطر عندك ؟؟

(راكان) بابتسامه : اذا انتي مالك خاطر أجل من اللي له خاطر خلاص اجهزي لين البس ونروح

ولايصير خاطرك الا طيب

(الجازي): فدييت قلبك والله أدري ما تردني

(راكان) : ايه ياحلوه بس لاتتعودين ..نبي الولاده تتم على خيييير سامعتني؟؟

(الجازي) بدلع : ايه سمعت عمي أمرك

ضحك عليها راكان وقال : هاذي المره السنعه اللي تسمع كلام زوجها

(الجازي) : كأني عطيتك وجه بزياده ..ترا بنتأخر وانت للحين مالبست

(راكان) وهو يناظرها بنظرات فهمتها : أنا كذا مبسوووط ومروق عندك مانع ولا عندك مانع ؟؟

(الجازي) لانها عارفه نيته : لالالا ماعندي ماااانع ابد خذ راااحتك

/
/
/
/
/
/
/
/
/

[no000r]

(في جده)


(ملاك) وعلامات الدهشه اعتلت وجهها : من جدك ؟؟ كيف ومتى ووين ؟؟؟ ومن ورااااي ؟؟

(مشاري) بابتسامه : حبه حبه يابنت النااااس كليتيني بقشوري

البنت طلعت قريبة صاحبي سلطان ال....

سبحان الله يالصدف كل هالفتره وانا معه ومادريت الا باخر مره رحنا فيها الشرقيه

طبعا سلطان وانت اللي كانوا يعرفون بحكايتي معها

تكلمت مع سلطان وقلت له اني أبي أرتبط فيها واذا يقدر يساعدني عشان أتقدم لها رسمي

وأطلبها من أخوها ..سلطان رايته بيضا ماقصر معي وعرفني بأخوها وبس

(ملاك) وهي مبوزه : والله مالك داعي الحين بعد ماطبخت الطبخه جاي تقولي وش رايك ؟؟

قام مشاري وراح جلس جنب أخته وحاوطها بيده وقال : انتي الخير والبركه ياملوكه ياحبيبتي ..لاتزعلين ..ترا

للحين ماصار شي ...أنا صحيح كلمت أخوها بس اللي صار كلام بس وعشان حالة الوفاة اللي عندهم مارد

علي للحين بس تصدقين أخوها ونعم الرجال والله حتى عمانها وعيالهم ماشاء الله ينشد فيهم الظهر

(ملاك): وانت بتاخذ عمانها ولا بتاخذها هي ...!!

(مشاري) : ههههه سخييييفه تدرين ؟؟

(ملاك): مو أسخف منك ..الاخ مظبط وضعه وتوه يعلمني..

(مشاري): لاحول ولاقوة الا بالله انتو يالحريم ماينقالكم شي والله ومجنووووون اللي يفكر يخبي عليكم شي

(ملاك): اكيييييد حبيبي ولامانصير حريييييييم

(مشاري) بابتسامه : والله وكبرتي ياملاك

(ملاك) تناظره بنص عين : مااحد يظل صغير ولاتبيني طول عمري بالمريول وشنطة المدرسه ؟؟

(مشاري) ههههههه هههههه مو لهاالدرجه...

سكت مشاري شوي وبعدين قال بابتسامه : ماتبين تعطيني رايك فيها ؟؟

(ملاك) : ههههه يمه منك مانسيت لفيت لفيت ورجعت لنفس السؤال ..خلاص بقول ...أخاف تمووت هههه

اممممم ان جينا للحلا فهي حلووووووه

(مشاري) في نفسه .. تعلميني بالزين اللي شفته ياويل قلبي بس الله يصبرني

(ملاك) وهي تأشر بيدها قدام عيونه : هييييييي وين وصلنا ...شكلنا تعدينا الخبر ههههههه

(مشاري) بنفس الابتسامه : كملي وش بعد ..؟؟

(ملاك) : بصراااحه اسم الله عليها كامله والكامل وجهه جمال ودلال ورزه ومرحه بقووووه

فعلا كانت ملفته للنظر بليلة عرس بنت عمها بس .... فيها صفه ماعجبتني

(مشاري) اللي كان منتبه لاخته وكأنه متوقع الاجاااااابه لانه شافها : وشي هالصفه ؟؟

(جنى): مغروووووووره

(ملاك) : بسم الله يالجنيه وانتي وش دخلك هنا وليه ماتطقين الباب قبل ؟؟

طنشتها جنى وراحت لحظن أخوها اللي فتح لها يده وسلمت عليه وجلست جنبه

ياسلاااااام وانا مايحق لي أقول راي يعني ؟؟

مشاري وهو يضحك : افاااا لالا قولي اللي تبين...

(ملاك) وهي تناظره : مو مخربها الا دلعك لها


(مشاري): انتو اللي لي بهالدنيا وان مادلعتكن أدلع من ؟؟؟

(جنى) وهي تطلع لسانها بوجه ملاك : اسمعي اسمعي الكلام السنع وتعلمي..

(ملاك) بابتسامه : لاخلا ولاعدم ياأخوي.

(مشاري): بس تدرون يابنات أكثر شي جذبني لها غرورها ....

ملاك وجنى يناظرون بعض مستغربين هذا أخوهم مشاري اللي كان محتقر كل البنات

ابتسم مشاري من نظرات خواته وقال : ايه غرورها.. ..

(جنى): ياسلاااااااااااام ليه انت وين شفتها ان شاء الله ..أنا اخر من يعلم بهالبيت

(مشاري) اللي انتبه لنفسه وضرب جنى بخفه على راسها : ماشفتها بس حسيت ..ومو لازم تعرفين ياأم لسان


(ملاك): أمووووور الكبار للكبار يالبزر

(جنى): الحيييييين انا بزر ...أجل انتي شيبتي

(مشاري) وهو يضحك على خواته ..طول عمرهم ماراح يتغيرون بيظلون بعينه صغار بهواشاتهم وتصرفاتهم

الطفوليه

(ملاك) : مشوووري ماعليك منها كمل وش كنت بتقول ؟؟

ناظرتها جنى بنظره ولفت على مشاري تسمع وش بيقول..



(مشاري) : هالبنت كان لها الفضل بعد الله سبحانه في صحوتي من الخبال اللي كنت فيه ...وكان بسبب...ال..

قاطعته ملاك بنظره وقالت : الله يسامح الجميع ..

ماعلق مشاري وقام بضيق وقال : ان شاء الله تكون هالبنت من نصيبي ...وناظر بخواته وشافهم رافعين

اياديهم ...وبصوت واحد : امييييييييييين

ابتسم وأخذ شماغه وقال: تبون شي من برا ؟؟

(ملاك): رايح الشركه ؟؟

(مشاري): وفي غيرها مبهذلني؟؟

(جنى) : عيني في عيييييينك ؟؟

(مشاري) بابتسامه يبي يشرد منها قبل لاتستلمه بلسانها : لا مو فاضي الحين لاجيت حطيتها بعينك

وتركهم وهم يضحكون

(ملاك): من زمان ماشفته مبسوط كذا

(جنى): الله ياخذها اللي كانت السبب..

(ملاك): جييييون عييييييب عليك مهما يكون اللي سوته مايصير تدعين عليها بكل وقت

اللي فيها يكفيها وزووووود

(جنى) وهي لاويه بوزها ومو عاجبها الكلام : أنا بروح أتفرج على التلفزيون أحسن لاني ماأحب هالسيره

واستحاله اتفق معك بالراي ..

طلعت جنى وتركت ملاك بالغرفه ..

(ملاك): لاحول ولاقوة بالله ماادري هالبنت طالعه على مييييين الله يصلح حالك ياجنى ويهديك

ويوفقك يامشاري يارب ويسعد قلبك باللي تبيها.....






(في بيت ابو خالد)

(نجد) في غرفتها والجازي جالسه قبالها ومو عارفه تتكلم من عصبية نجد

بعد فتره

(الجازي) بحزم : بتسكتين والا أطلع ؟؟

(نجد): مقهوووووره يالجازي مقهووووره من أخوك ومن هالعله اللي نشب لي ماادري من وين ؟؟

(الجازي) بجديه ممزوجه بهدوء : نجد خليك أنضج من كذا وامسحي دموع الاطفال واهدي عشان اعرف افهم

(نجد) وهي تمسح دموعها : هااا هديت خلاص

(الجازي): ممكن أعرف سبب رفضك ؟؟

(نجد) وعيونها طايره باختها : انتي انتي اللي تسأليني هالسؤال ؟؟ انتي أكثر وحده المفروض توقف معي

لانك عارفه السالفه من أولها ..أصلا خالد يبي الفكه مني وبس أدري...

(الجازي): يانجد ياحبيبتي الرجال وبشهادة كل اللي سألهم أخوك انه تغير وسمعته الطيبه وصلت للشرقيه

خالد ماراح يرميك أي رميه والسلام ولوكان يبي هالشي كان وافق على أول خطيب دق بابنا يوم كنت

بالمتوسط بعدك بزر..تبيني أعدد الخطاب اللي تقدمو ورفضتيهم لاسباااااااب تافهه كلهم عيال ناس وأوادم

بس انتي عنييييييده وراسك يابس خالد في كل مره كان ياخذ شورك ويحرص على أمي انها ماتجبرك على شي

انتي ماتبينه والحين جايه تقولين يبي الفكه مني

(نجد) ودموعها زادت : أنا ماقصدت كذا بس ...بس والله لو مايبقى غير هالمشاري بالكون اني مااخذه

ناقصني على اخر العمر اخذ هالاشكال التعبانه

(الجازي) وهي تضحك : ههههههه

(نجد) بعصبيه : خيييييير ان شاء الله ماقلت نكته عشان حضرتك تكركرين من الضحك

(الجازي) وتحاول تمسك نفسها : تصدقين مستغربه منك طول عمرك تتمنين مواصفات معينه في شريك

حياتك وكل هالمواصفات انطبقت على مشاري اللي مو عاجبك

رزه وجاذبيه ومكانه ...ياسبحااااااان الله

(نجد): ومغزلجي ويتحرش في بنات الناس لاتنسين

(الجازي): نجد ربي يغفر الذنوب ويسامح واحنا عبيده مانسامح ونغفر ؟؟

(نجد) : مو قادره انسى نظرته لي ذيك النظره اللي تشوفينها على وجه الذيب اللي بيهجم على فريسته كيف

تبيني أعيييييييش معه طووووول عمري كييييييييف؟؟

(الجازي): عموما انت الحين اهدي مايحتاج كل هالصياح وماظنتي ان خالد بيغصبك على شي انت ماتبينه

(....) ومن قالك اني ماراح أغصبها ؟؟

تنقلت نظرات نجد مابين خالد والجازي وكأنها تقول شفتي شفتي أخوووك

طلب خالد من الجازي انها تطلع بهدوء من الغرفه وتصك الباب وراها وراح جلس قبال نجد

ومن نظرتها والدمع اللي كان على خدها عرف خالد انه مشواره مع نجد طووووويل

[no000r]

(في بيت أبو متعب)

جالسه على الكرسي الهزاز وتناظر بالشباك المفتوح

والهوى يلعب بخصل شعرها المفتوح ويطيرها بطريقه عشوائيه ويبعثرها على وجهها

مثل أحاسيسها المبعثره ...شعورها غرييب

ألم ممزوج بلحظة أمل ...

صدوود ممزوج بلهفه لأحب الناس على قلبها..

في زحمة أفكارها وعالمها الخاص اللي انعزلت فيه..

جاها صوت مسج مدت يدها وأخذت جوالها وفتحته لقت فوق السبعين رساله وأغلبها باسمه

حست بشعور مو جديد عليها ياااااالله كم لها ماشافته ؟؟

أكيد انه زعلان منها وشايل بقلبه أكييييد ..كم مره صدته ورفضت تشوفه وهو اللي ماتركها لحظه

وحده ...كان معها جسديا ومعنويا ...

فتحت اخر مسج جاها قبل لحظات


¤بأعلمك¤

إن كياني محتويك حتى وأنت بعيد

¤بأوصيك¤

يوم الدنيا تبكيك أبتسم وخلك سعيد

بأعلمك

إن عيني بدمعها تحميك لو إني غايب بعيد

¤وبفهمك¤

إن قلبي بيت دايم يوسعك

وإن فراقك كبير ويبكيني قبل لايوجعك



كانت تقرى كل حرف وتتحس شاشة الجوال وكأنها تتحس ملامح وجهه اللي تعشقها

كيف صارت قاسيه بهالطريقه وصدته كل هالفتره؟؟

معقولة من قوة الحزن نفقد الاشياء الطيبه اللي تميزنا عن غيرنا ونظل نحارب واحنا نتمسك فيها طول العمر

هل للألم بحياتنا يد باتخاذ أصعب القرارات..؟؟

هل ممكن نستسلم لأحزاننا والامنا ونخليها تسيرنا باتجاه وطريق مختلف عن الطريق اللي رسمناه

مع الناس اللي نحبهم ونحب الحياه بقربهم ووجودهم الدائم حولنا...؟؟

هل ..وهل... أسئله يمكن نلاقي لها اجابات من خلال تجاربنا بالحياه ومدى قدرتنا على فهم وتعلم دروسها

بدت تفتح الرسايل وتقرى رساله رساله

ومع كل رساله تنزل دمعه جديده على خدها تذكرها بأحلى الاشياء اللي مرت بحياتها واللي نستها

برحيل أغلى الناس على قلبها

بس هي تعبت ولازم تتخذ قرار وتحط حد لعذابها وعذاب الشخص اللي جالس يتعذب عشانها

ياترى كيف بتكون الايام الجايه ؟؟ كيف بتقضيها ؟؟؟







/
/
/
/
/
/
/
/
/


ومازالت الايام تمر بأبطالي ..تنقلهم مابين ألم وفرح جديد...

فتستمر الحياه ويستمرون

ينتظرون ماتخبئه الايام

أقف هنا لأودعكم على أمل اللقاء القريب في الجزء العاشر

والى ذالك الوقت أستودكم الله الذي لاتضيع ودائعه

لأني أحتمال اسافر بكره

[no000r]

الجزء العاشر)

(الفصل الأول)


دخل جناحه وهو مو شايف قدامه من الضيقه والزعل

(رهف) بدلع : هلا حبيبي وينك للحين تأخرت علي ؟؟

(فيصل) وهو طفشان ويبعدها عنه بجفا : كنت مشغول شوي

جرحها بحركته ماتوقعته يقسى لهالدرجه له فتره متغير بس ماتدري وش فيه

جت وجلست جنبه وحطت يدها بيده وقالت : ممكن أعرف الحلو ليه زعلان ؟؟

قام فيصل من مكانه وقال : يابنت الناس وش فيك كم مره تسأليني وأجاوبك بنفس الاجابه ماتفهمين !!

ماردت عليه رهف وجلست تناظره بنظرات عجز يفسرها اللي قدامها ذا مو فيصل

واحد يشبهه لاالأسلوب نفسه

ولا هالطبع نفس الطبع ومع ذلك تحاملت على نفسها وابتسمت رغم ألمها وعرضت عليه يطلعون يتعشون

برا ويغيرون جو من يوم وفاة خلود والاحداث اللي صارت في العايله ماطلعو مع بعض

(فيصل) بملامح غضب مجهوله أسبابه : والله انك فاضيه انا تعبان باخذ دوش وانام ماني رايق لهالتفاهات

كان يرمي كلماته من دون مايدري انها سهام يغرزها بصدرها تفهات الحين صارت تفاهات

ماقدرت تتحمل تجلس معه أكثر لاتغلط بالكلام وهي ماتبي هالشي انسحبت بهدوء بعد ماطلعت له ملابسه

وتركت له الجناح بالكامل ونزلت تحت تشوف مشاعل وتطمن عليها وهي مقهوره من داخلها

دخل الحمام وبداخله بركان من الغضب ثاير معقوله اللي صار ؟؟ حلمه اللي عاشه وشافه بعيونه ياما حارب

أبوه عشانه معقوله ينهدم بلحظه يختفي يتلاشى وكأنه ماكان بيوم وقف تحت الدوش البارد بعد ماخلع ثيابه

يمكن برودة المويه تبرد نار صدره ....


نزلت ومي شايفه قدامها من القهر هي وش غلطت فيه وش سوت ؟؟ ليش يكلمها بهالأسلوب الجديد وكأنها

غلطت بحقه وجالس يعاقبها تنهدت من قلبها ومسحت دمعه خانتها مرت على المطبخ بتشيك على العشا اذا

جهز ولا ...لقت سميره واقفه مع الخدامات تشرف عليهن وبحضنها جوري والبنات جالسات بالصاله

ومقابلين التلفزيون ...

(رهف) بابتسامه : الحلو وش جالس يسوي ؟؟

(سميره): هلا والله رهوفه وين الناس لك كم يوم مانشوفك هذا واحنا في بيت واحد ؟؟

راحت لطاولة الطعام وسحبت لها كرسي وجلست عليه

(رهف) بنفس الابتسامه : لاأبد بس انشغلت شوي مع فيصل هاليومين ولا انتوا على البال والله سكتت شوي

وبعدين قالت وهي تلعب بطرف خصله من شعرها : الا تعالي وين البنات ماأسمع لهن حس ؟؟

(سميره): تلاقينهن بالصاله جالسات على هالقنوات والافلام أخذت عقولهن وتاركيني بلحالي بس معي هالقمر

وطبعت بوسه بخد جوري اللي كانت تصدر أصوات وكانها كانت تسولف بس بلغتها.. ومدام معي القمر وش لي

بالنجوم ؟؟

(...) ياسلاااااااااااااااام من الحين بدت التفرقه هذا واحنا هنا اجل لاراحت هالنتفه معنا جده وش بتسوين يمه

كانت هاذي غلا ومن وراها سحر ومتخصره وبتأييد لكلام أختها الله يستر شكل نهايتنا الشارع

لنا الله بس الله ماينسى عباده الصاااااااااااااالحين

(غلا): ايه والله الله ماينسى أحد بالذات لاكانو فقارى مثلنا

(رهف) انفجرت ضحك

البنات وهن يناظرن في بعض : خير ان شاء الله وش عندك تضحكين ؟؟؟

(رهف) وهي لازالت تضحك من قلب على منظرهم : قسم بالله انكن تحف ناظري بشكلك انتي وياها تقولون

شحاتات على باب الحرم .. الا وش السالفه بتاخذون جوري معكم ؟؟

(سميره): ههههههههههه هههههه الله يقطع سوالفك يارهيف جبتيها والله فعلا ينطبق عليهن المسمى

الحين ياقليلات الخاتمه عشان هالفقيره المسكينه اللي بيدي قامت قيامتكن وانتن ماخذات الدلع كله !!

ورجعت تناظر بجوري بألم على الأقل أمكن معكن بس هالمسكينه وش ذنبها هي وخوانها تنحرم من هالكلمه

ايه يارهف متعب يبي ياخذها لان مشاعل بحالتها ذي ماراح تقدر تهتم فيها والبنت لسه صغيره ولحمها طري

سكتت رهف واكتفت بهز راسها بتفهم لكلام سميره بس ماتظن ان مشاعل بتوافقهم


ندموا البنات على كلامهم وحاولت رهف تغير الجو اللي تكهرب وقالت وهي تناظر بغلا : مو كانك سمنانه

شوي ؟؟ ولا يمكن يتهيأ لي !!

(سحر) بتأييد : الا الا سمنانه ماغير تزط بهالبطاطس والاندومي حشى شغاله

(سميره ورهف) هههههههههههههههه ههههههههه هههه

وبعد وقت من السوالف والأخذ والعطى عن رجعة متعب جده

طلعت سميره لان جوري بدت تصيح وجهزت لها الرضعه عشان ترضع وتنام وعند الباب مسكتها رهف

تسألها عن مشاعل

(سميره) : على حالها بس على الأقل صارت تاكل وماترمي الصواني مثل قبل وتنهدت من قلب الله يعينها

ويصبرنا على هالحاااال

رهف بصوت مسموع للبنات امين يارب ورجعت جلست على الكرسي مع البنات تبي تنسى جو الحزن شوي

من وين تلاقيها من فيصل وانقلابه المفاجئ ولا صديقة عمرها وبنت عمها والحال اللي وصلت له ولا أخوها

اللي تموت عليه والعذاب اللي يعيشه في بعد مشاعل صحت من سرحانها على هواش البنات

(غلا) بنظرات وعيد لاختها : أعصابك لاتموتين علينا من الضحك وبعدين كيفي اكل اللي أبي محد له دخل

(رهف): ولا جا ولد الناس وش بنقوله مالك دخل ؟؟

(سحر): ههههههه ههههههه قووويه حبتين

(غلا) بثقه وعدم اهتمام : اذا مايبيني مثل ماأنا لايجي لاني مأبيه بعدين حبايبي كثييييييييير

(فيصل): حلو أجل وش رايك ندور لك على عريس من بكره ؟؟

(غلا) والدم تجمد بعروقها من الحيا والفشله ماعرفت ترد

(سحر) بجرأه : ههههههه لاياعم لاتتعب نفسك على الفاضي لانها بتعنس بهالوزن

غلا وهي تناظر بسحر بغيض وتأشر لها بيدها من ورا فيصل اللي كان يشرب مويه

قامت رهف من الكرسي وكانت بتطلع من المطبخ ماهي متحمله وجوده في نفس المكان وبروده ولا

كأنه مسوي شي

(فيصل) وهو يناظرها وبيده كاسة المويه : على وين ؟؟

(رهف) ببرود : بروح أشوف مشاعل

(فيصل) : طيب وش رايك نطلع نغير جو؟؟

(رهف) ماتت من القهر هذا وش فيه مزاجي ومتقلب درجه أولى ؟؟ ردت ببرود وعدم مبالاه تبي تقهره

لابأشوف مشاعل وبعدين بروح أنام تعبانه

(فيصل) باهتمام : تبين أوديك للطبيبه تشوفك ؟؟

(رهف) بعدم اهتمام وتأشر بيدها : لا مو ضروري

(غلا) ببراءه : رهوووف والعشا مابتاكلين معنا ؟؟

(رهف) وهي تناظر بفيصل نظرات فهمها : لا بالعافيه عليكم بس مو مشتهيه ومصدعه شوي

وطلعت من المطبخ قبل لاتخونها دموعها وهالمره مو قدام فيصل لحاله قدام الكل

وهي طالعه لغرفة مشاعل نادتها سميره كذا مره بس رهف من قوة انزعاجها ماردت لانها ماسمعت


دخلت بعد مادقت الباب كذا مره بخفه بس مالقت رد

دارت عيونها بالغرفه الظلام ماليها ماغير نور القمر اللي منور الغرفه لان البلكونه كانت مفتوحه

شافت محمد والبتول نايمين على الفراش ببراءه فظيعه خلت الدمع يغرغر بعينها

ماشافتها بالغرفه معقوله تكون طلعت لا مستحيل ماظلت فتره طويله تفكر وسمعت صوت مشاعل جايها من

البلكونه أنا هنا تعالي

تقدمت رهف بخطوات ثقيله وكأنها ماتبي تشوف اللي رسمته في بالها لها فتره ماتواجهت مع مشاعل

صعبه تلاقي نفسك فجأه بدوامه من الحزن المفاجئ غريق وماأحد قادر يساعدك الايادي تنمد لك من كل جهه

ومع ذلك تعجز يدك عن لمس يد وحده من هالايادي

صعبه تصحى في يوم وتلاقي الحواجز تنبني بينك وبين أقرب الناس لقلبك وأعز الاصحاب

هذا احساس رهف تحس بالعجز تبي تساعد بس مو عارفه لو كانت تقدر تقتل الحزن وترجع البسمه لأصحاب

البسمه ماكان ترددت لحظه بس كلها أماني ولو ماتقدم ولا تأخر

طلعت رهف البلكونه وطاحت عينها على مشاعل وهي جالسه على الكرسي وخصل شعرها الاسود مبعثره

حولها وتناظر بالسما ومو حاسه بأحد وكأنها في عالم اخر غير عالم البشريه

تنحنت رهف ورمت السلام بهدوء وردت عليها مشاعل بهمس

جلست بالكرسي جنبها وظلو الثنتين يتأملون السما وكل وحده فيهم تناجي القمر وتشكي له ألمها

بعد فتره من الصمت

(مشاعل) : من زمان مادخلتي غرفتي

(رهف) وتنهيده هدت حيلها واستنزفت طاقتها : مو بيدي غصب علي

(مشاعل): كلنا غصبن علينا ومو بيدينا هاذي الدنيا تمشينا على هواها ولا هوانا ماطاعته

(رهف): تغيريتي كثيييير

(مشاعل): الخوف اللي بداخلي غيرني غصب ماقلت لك مو بيدنا !!

(رهف) بحنان ورجاء : بس فيه ناس مستعدين يعطونك كل أمان الدنيا وأزود

(مشاعل): الخوف اللي بداخلي أكبر من أي أمان ممكن ألقاه وبعدين لاتضحكين علي وينه ؟؟ وينه الامان اللي

تتكلمين عنه ؟؟ عشت حياتي كلها مابين مد وجزر ..مابين لحظة فرح وسنين حزن وحرمان...