 |
|
 |
| ||
| ||
|
|
|
|||||||
| التسجيل | التعليمـــات | البحث | مشاركات اليوم | اجعل كافة المشاركات مقروءة |
| القصص و الروايات ما يبدعه قلمك من القصص والروايات |
 |
|
|
LinkBack | أدوات الموضوع |
|
#96
27-06-2008, 24- 22:21
|
||||
|
||||
رد: وانت يالفجر البعيد نااامت عيونك...للكاتبه ذبول الورد
كمليها الله يوفقك 
|
|
#98
12-07-2008, 24- 18:58
|
||||
|
||||
|
رد: وانت يالفجر البعيد نااامت عيونك...للكاتبه ذبول الورد
بليييييييييييييييييييييييييييييييييييييييييييييييي يييييييييييييييييييييز
|
|
#99
15-07-2008, 24- 10:06
|
||||
|
||||
|
رد: وانت يالفجر البعيد نااامت عيونك...للكاتبه ذبول الورد
(الفصل الأول) كل بهمه مو عارفين وش يقولون لها محد تجرأ يعلمها ...ماعندهم أي كلمات ممكن تسعفهم بهاللحظات الاليمه اللي تمر عليهم ...مالهم غير الصبر والانتظار وأصعب شي الانتظار ينتظرون انقشاع غيمة الحزن اللي طلت بسما فرحتهم فجأه معلنه عن هطول الحزن وبغزاره تولى هالمهمه الصعبه بندر ومن غيره كان بيقدر يكلمها تمنى انه ماانولد لحظتها ولاشاف النظرات اللي شافها بعيونها يوم نقل لها الخبر هو وعدها بالسعاده الدائمه بس الزمن مايعرف لهالكلمه قاموس و بدل ماينفذ وعده لقى نفسه هو اللي يصدمها صدمة العمر ويخبرها بحادث اختها ووفاة زوجها سعادتي أين أنت ...!! الى أين هاجرت ورحلت..؟؟ ألم يرقك المكوث معي ..؟؟ أم أنك تريدين تعذيب قلبي..!! سعادتي ماكل هذه القسوه اللا معهوده... وماهذا الجفاء الذي يخالف طبيعتك ؟؟ أنسيت الأيام الحلوه التي عشناها معا ..!! أتذكرين كم مره ضممتك الى صدري فتفطر قلبي فرحا بك ...!! أم تراك تستمعين بالسفر هنا وهناك بعيدا عني ؟؟ سعادتي.... أناجيك وأناجي معك كل لحظه جميله عشناها معا أناجيك وأناجي معك كل معاني الرحمه والحب التي أغدقتها علي أناجيك بقلب كسير وعين دامعه ووجنتين تقرحتا من البكاء فهلا أجبتني....!! تجر خطواتها جررر..في أكره مكان على قلبها ....المستشفى ..ريحته تجيب لها الغثيان... المستشفى يذكرها بالموت ...بأمها اللي قضت اخر لحظات حياتها بين زوايا وجدران هالمكان... عيونها شاخصه تناظر في اللي حولها بصمت وكأنها تبي أي أحد يقولها ان هذا حلم وبتصحى منه بس للأسف الحقيقه ان اللي فيه واااااقع ومن سابع المستحيلات يتغير... لازالت تناظر وبمحاجرها الدمع يستعد للهطول ممزوج بقطرات من الأمل يمكن يغير اللي حصل ...ولكن الدمع انهمر على خدها بحراره معلن بدايه لرحلة الحزن... ايدها على مقبض الباب تجمدت مكانها مو قادره تتحرك ...تدخل وتنصدم باللي قلبها حاس به ..ولا تتراجع وتندم طول العمر لانها مادخلت وعرفت خلود وش تبي ...!! في هاللحظات اللي مرت عليها سنوات أخذتها الافكار وجابتها ...حست على ايد تنمد وراها وتنحط على كتفها وسمعت صوته الرجولي اللي من زمان ماسمعته وبنبرة حنان (متعب): مشاعل استهدي بالله وشوفي خلود وش تبي ؟؟ ان شاء الله مافيها الا العافيه وبترجع تقوم وتصير أحسن مني ومنك ...بس لاتطولين عندها لان الدكتور موصي على هالشي حاولي ماتجهدينها بالكلام.... انسكبت دمعه حاره على خدها الابيض الصافي وماكان منها الا الصمت اللي لازمها من يوم عرفت بالخبر...غمضت عيونها بقوه وسحبت نفس وفتحت باب الغرفه تجولت بعيونها في أرجاء الغرفه البااااارده مافيها أي منظر يوحي بالحياه طاحت عيونها على الفراش الابيض اللي كانت خلود نايمه عليه والاجهزه الطبيه من حولها بكل جهه والشاش الابيض مغطي وجهها بالكامل.... ركضت جهة أختها ومسكت يدها برقه وجلست تبوسها ودموعها الحاره تنزل حست خلود بدموع مشاعل اللي كانت تنزل على يدها وتحركت بصعوبه لين صار وجهها مقابل لمشاعل.... (مشاعل) بصعوبه بين دموعها:... سلا..متك...ياروح مشاعل... (خلود) كانت بتتكلم بس مشاعل حطت ايدها بخفه على فمها : اششش انتي تعبانه الحين والكلام مو زين لك ...ارتاحي ...وقدامنا طول العمر نتكلم ...صح ..!!...انتي قويه .... أنا أدري مابتتركيني... (خلود) اللي الوقت كان يداهمها ومصممه تتكلم قالت بصعوبه : ....مشاعل الله يخليك...خليني أتكلم...أحس نهايتي قربت ..أرجوك...خليني أتكلم... مشاعل كانت هالكلمات تنصب عليها كالصاعقه اللي تذبح وتزيد من ذهولها ... ووسط دموع مشاعل اللي زادت تكلمت خلود بضعف شديد: وحطت يدها على خد مشاعل وجلست تتحسسه وكأنها تبي تملي عينها من وجهها (خلود) : عمري ماحبيت أحد مثلك ..انتي بنتي اللي ماجابها بطني.. أنا اللي ربيتك ...حضنتك بصغرك ....وزفيتك لزوجك بكبرك ..كنت أمانة المرحومه أمي ويعلم الله اني بذلت كل اللي دوني وقدامي عشان أكون قد هالامانه... سامحيني ...سامحيني لو بيوم أهملتك ..أنا أدري انك جلستي فتره وحيده بالذات بعد زواجي بس والله وهو الشاهد اني أحبك وأخاف عليك حبي وخوفي على عيالي... كملت خلود والعبره بصوتها : مجيييد...رااااح ....رااااح شفته يحترررق قدام عيوني وماقدرت أسوي شي.....ماقدرت..... وصيتي لك عيالي يامشاعل .. .عيالي أمانه برقبتك معد باقى لهم أحد ....لاأحد يقهرهم أويغلط عليهم بوجودك ..وانا ادري انهم بأمان بين أحضانك وأحضان أبوي سبحان الله وكأنه الزمن يعيد نفسه ...في يوم من الأيام أمي وصتني عليك ...والحين جى اليوم اللي أوصيك فيه على عيالي.... مشاعل اللي صارت تبكي بحراره : خلود الله يخليك لاتقولين هالكلام ..انتي بتعيشين انتي اللي بتربينهم..وتزفين كل واحد فيهم بليلة عرسه ...انتي مو أحد ثاني... (خلود): فاكره ....فاكره يامشاعل يوم تقولين لي اذا حملتي وجات بنت بتسمينها خلود عشان تتأمرين عليها بس ... ابتسمت مشاعل بين دموعها ابتسامة غصة والم ...فاكره ولايمكن أنسى....بس انتي.. قاطعتها خلود اللي بدى صوتها يضعف وقالت: ماابي اخر شي أشوفه دموعك ...أمس كنت أحلى عروس ...خليك قويه لاتعودين نفسك على هالدموع ....لاتصيرين ضعيفه ...بهالزمن لازم تكونين قويه ولا ماراح تعيشين ... أبي أشوف ابتسامتك اللي ترد الروح ....خليني أخر شي أشوفه على وجهك مشاعل اللي زاد بكاها: لاتقولييييين كذااااا.....انتي بتعيشيييييين ...فاهمه بتربين عيالك وعيالي بعد ...لاتخونيني وتتركيني انت وعدتيني ماتتخلين عني.... كلكم خاينين كلكم تركتووووني ...انتي ..وأمي ...ليييييه .....ليييييييه....!! توقفت مشاعل عن الكلام وشافت خلود ترخي عيونها بهدوء معلنه نزول الستار على اخر لحظة أمل...لحظة فرح ....لحظة تفاؤل.... (مشاعل) وهي تهز خلود من كتوفها: ....خلود...خلود...حبيتي قومي ..لاتخليني لحالي لاتكفين...أبوس رجوووولك ...خلووووود اصحي ....ذبحتيني ..قتلتيني... قومي ..أنا بعدك جسد بلا رووووح.... كل هالكلام وخلود جثه هااااامده ماتصدر منها أي حركه صرخت مشاعل صرخه هزت أركان المستشفى ... لو كانت جدرانه تحس كان ذابت من الحزن لقوة الالم بصرختها طلعت من الغرفه مثل الضايع اللي مو عارف وين يروح.... ووسط حظور الكل متعب وسميره ..وفيصل ورهف ..عمها وأبوها ..وبندر اللي قلبه يتقطع على حبيبته فراس وأحمد رااااحت تركض لابوها وطاحت عند رجله : يبه ....خلوووود راااااااااااااااااااااااااحت ...راحت يبه تركتني مين لي بعدها يبه ميييييييييييييييين...!!! هاللحظه كانت أقوى من أي فعل ممكن يصدر الكل دمعت عينه لرحييييل خلود .... خلود راحت وانطفت معها شمعه بحياة مشاعل..... انهارت مشاعل أمام أنظار الكل وماحست بأي شي بعدها ________________________________________ لما رحلتِِ وتركتني وحيدة ذهبت وفتحت بقلبي كل الجراح انزف ولا اتوقف ابكي ولا انتهى اصرخ ولا اتوقف رحلت دون سابق انذار قررتى رحيلا ما بعده فرار قررتى وكان اصعب اختيار كسرتى ما تبقي لي من فرحه الايام وما تساوى الايام سواكي من دونك اعيش بعالم الاحزان تجتاحنى ذكرياتى تعذبنى اهاتى تغمرنى دموعي تكسونى جراحاتى اغترب كي انسى الامى فلا اجد سوي حضنك مرسى اغفو فى بحر الدموع واستيقظ على ترانيمك العذبه اشتعل القلب حنيناُوما عاد يطيق الوحده امتلئت العيون نظرات واحده نظره الملهوف كي يرتوى من نبع حنانك ... / / / / / / / / / / / / / انتشر خبر وفاة خلود وعبدالمجيد والكل تألم لهالخبر اللي كان صدمه للجميع وأولهم بنات العايله وشبابها قامت أيام العزا الثلاث في بيت بو متعب اجتمعت العوايل ووقفو وقفه وحده ومن يعز عليهم ...لأن المصاب واحد...والحزن واحد كانت وكأنها ثلاث سنين موأيام رحيل خلود وعبدالمجيد ترك أكبر الاثر في الكل عيال خلود مو عارفين شي يسألون عن أمهم وأبوهم بس مو لاقينهم وجيهم المليانه أسئله مقطعه قلوب الكل محد قدر يتجرء ويقول شي لهالاطفال اليتامى اللي مالهم أي ذنب باللي صار سوا ان خلود كانت أمهم وعبدالميجد أبوهم ..الكل يحاول يداريهم بأي طريقه.... الجوري ....اااااه يالجوري بين الايادي تنتقل من عبير لسميره لرهف لأم راكان وأم خالد هالطفله اللي مالحقت تهتني بقولة يمه ... يبه.. راااح الحضن اللي كان يلمها وهي ماكملت السنه ... الكل مؤمن بان اللي حصل قضاء وابتلاء من رب العالمين بس لازالو في ذهول الصدمه مو قادرين يتعودون على غيابها
|
|
#100
15-07-2008, 24- 10:07
|
||||
|
||||
|
رد: وانت يالفجر البعيد نااامت عيونك...للكاتبه ذبول الورد
البيت مليان حريم ورجال يعزون ويقومون بالواجب البنات كل وحده جالسه بزاويه والدمع رفيقهم ... الصاحب اللي ماتركهم لحظه يذكرهم برحيل خلود ... خلود الطيبه اللي قامت بدور الام والأخت وبكل شي ...تحملت المسؤليه وكانت قدها ... خيمت أجواء الحزن وبقووووه على البنات كل وحده بهمها وحزنها من جهه وأكثر وحده تعبت نفسيتها رهف اللي كانت متعلقه بمشاعل بالرغم من طيحتها بالمستشفى يومين كامله ماتدري عن أحد وبالرغم من ضعفها وانكسارها الا انها أصرت تحضر اخر ايام أعز الناس على قلبها .... آآآآآهــ مااقسى تلك الدموع التي تنساب على وجنتي تحرقها بدون رحمه قد تشبه بركان ثائر ذوحمم ملتهبه يخرج من عين مرهقه كم هو البركان ساخن يذيب كل عائق يعترض طريقه ويقضي على من يحاول منعه.... أوربما كشي حبس في داخلي يبدأ بالتمرد عندما يحل الظلام يثور كمدمن تنقصه جرعه مخدر أوكذالك الأعمى الذي عجز عن معرفه طريقه فيحدث فوضى وألما لايحتمل ثم يطلق الآهااااااااات ويصرخ طالبا للمساعده... يتفجرج صدري ألما ويتفطر قلبي لحاله وتبدأ رحله الألم ببدأ ذاك الإعصار.....!! تضطرب العين لفعل تلك الدموع الثائره فتفقد السيطره وتفتح مجرى الدمع وتفسح المجال للخروج بدون أي مقاومه أوعنف فينساب على خدي بحراره وبمذاق شديد الملوحه وبخروجه يهدأ الإعصار لحظات.... ويظهر الدمار لايشعر بهذا الدمار ولايراه إلا من سالت تلك الدموع على وجنتيه واجتاح ذالك الإعصار قلبه جالسه وسطهم مثل الغريب التايه تناظر بجميع الوجيه تعرفها ظلت عيونها تدور وتدور وجه تبي تشوفه تحس بالحنييين بالشوق ...قامت بخطوات ثقيله من مكانها وراحت تمشي بين هالناس اللي ملو البيت رهف وعبير يناظرون في بعض مستغربين قامت رهف من مكانها ولحقت مشاعل (رهف) بحنيه مسكت مشاعل مع كتوفها وقالت : حبيبتي وين رايحه ..تبين شي ؟؟ ناظرتها مشاعل بعيون غزاها الدمع واستوطنها وماردت رجعت رهف اللي علا صوتها شوي : وين بتروحين ؟؟ (مشاعل) وفكها بدى يهتز : أأ..أبي ..خلود...اايه ...خلووود وينها وين راااحت ..؟؟أبي أشوفها هي فوق ..؟؟ أكيد ..وفكت مشاعل ايدها من ايد رهف وصاحت ..انتو تكذبون علي كلكم ...ايه انا عارفه ...خلووود ماتروح وتخليني هي قالت لي مابتخليني ...ليه ...ليه ترووووح ؟؟؟ وطاحت مشاعل على ركبها وهي تبكي وتصارخ بطريقه هستيريه ودفت رهف على الارض رهف ماقدرت تتحمل منظر مشاعل اللي كان يقطع القلب وجلست تبكي لبكاها دخلت عبير مع الجازي على الصوت وحاولوا يهدون مشاعل ويشيلونها غرفتها وكل هذا قدام عيون رهف اللي لازالت على الارض ومتصنمه مكانها حاطه يدها على فمها وتبكي بحراره مو قادره تصدق ان اللي قدامها مشاعل ...رفيقة الطفوله والصبا وأعز الناس على قلبها .... رجعت عبير ووجها مقلوب وناظرت برهف وساعدتها عشان تقوم وقالت بحزن : معليه لاتشرهين عليها اللي فيها مو قليل والله يصبرها ويصبرنا معها..أضطريت أعطيها ابره مهدئه عشان تنام وخليت جازي معها...الله يهديه بندر قلت له لايسمع كلامها ويطلعها من المستشفى ...لانها لازالت تعبانه (رهف) بصوت فيه الرجفه : ماقدر يشوفها تترجاه ويرفض .. ارتمت رهف بحضن اختها وجلست تبكي وعبير تهديها وتمسح على شعرها وتقرى بعض الايات والادعيه ...لازم تكون قويه هي الكبيره ولازم تهون عليهم بالرغم من انها هي نفسها محتاجه مواساه لان خلود كانت عزيزه على الكل........ دخلت موضي ودموعها تحكي عن حالها وقوة حزنها حتى هي خسرت وخسارتها بأكبر خوانها كبيييييييره ماتحملت المنظر وطلعت بسرعه جري للحديقه الخارجيه كانت تبكي وشهقاتها المتقطعه تتسابق مع انسكاب دموعها الحاره على خدها ظلت تجري بدون وعي منها لين وصلت لحافة المسبح ووقفت فجأه وهي قرررريبه منه .. مجييييد رااااح ....وخلووود رااااحت وبدون مقدمات .... ليه ...؟؟؟ليه اللي أحبهم دوووم يروحون ويخلوني ليه...؟؟ فواز راح وخلاني ...حتى جاسم اللي عطيته كل شي .... خلووود .......ومجييييييد ااااااه يا مجيييد راااااح كلهم راحوااااا ..... كلهم راااااحو..... ضغطت على راسها بقووووه وهي تشوف صورهم تمر قدامها موقادره تتحمل أكثثثثر ...لفت الدنيا فيها وماصارت تشوف غير السواااااااااااد وفقدت توازنها ولانها كانت قريبه من المسبح طااحت على وجهها في المويه صرخت رهف اللي لحقتها وشااااااافتها طايحه في المسبح بدون أي حركه ظلت رهف تصارخ بصوت عالي ومو قادره تتحرك من مكانها من الرجفه اللي سرت بجسمها طلع عبدالعزيز من مجلس الرجال على الصوت وهو يناظر برهف ومو عارف وش السالفه صار يشوفها تأشر جهة المسبح ... لف بيناظر ويشوف وش السالفه تمنى انه ماناظر وشاف اللي شافه رمى عبدالعزيز القميص والجاكيت الرسمي اللي عليه وراح جري ونط في المسبح وبحركه وحده منه قدر انه يسحب موضي جهته لين وصل لطرف المسبح طلعت عبير وهي مفجوعه من صراخ اختها وانفجعت أكثر يوم شافت عبدالعزيز شايل موضي جثه هامده صرخ في وجه عبيرلان رهف استحاله كانت بتقدر تسوي أي شي بهالحاله ودخل المطبخ وهو يقول طلعي الخدامات برى وصكي الباب ... طلعت عبيرالخدامات والصدمه لازالت على وجهها حط عبدالعزيز موضي على الارض وبدى يسوي لها تنفس صناعي لان ماكان فيه الا هالحل ولا يمكن يفقدونها بالذات انه شافها ماتتحرك في البدايه ماكان فيه استجابه منها بس بعد لحظات كحت بقووووه وطلعت المويه من فمها عبدالعزيز بتوتر: رووحي جيبي مناشف ولفيها زييين لاتمووت البنت من البرد ..وطلع بعدها من المطبخ مايشوف دربه من قوة اللي شافه .... مرت الساعات ببطء شديد وفضى البيت من النااااااس ورجع كلا لبيته بعد يوووم حافل بالاحداث وغابت شمس هاذا اليوم لتعلن رحيل اخر ايام العزا لتعلن عن بداية أقوى وأعمق الاحزان.... تلك الاحزان التي قد لانجد لها نهايه فترافقنا مدى العمر لتظل تذكرنا بمن رحلوا عن العين ... تظل تتألم قلوبنا بذكراهم ...فتجرحنا الذكرى... وتظل قلوبنا تنتظر عودتهم.... فلا تجد سوى السرااااااب... فتظل متعطشه لرؤيتهم طال بها الزمن أو قصر... (في بيت أبو متعب) طلب أبو متعب من أبو عبدالمجيد ان موضي تجلس عندهم كم يوم لانها مريضه والبنات بيهتمون فيها لها يومين ماقامت من فراشها الا للصلاه أو تشرب عشان لاتمووووت تحت اصرار رهف وعبير اللي ماتركوها من يوم طيحتها بالمسبح فتحت عيونها وطالعت بالساعه اللي جنبها كانت 8/ الصباح قامت عشان تتوضى وتصلي دخلت بعد ماصلت وأخذت شور يمكن تصحصح شوي ولبست تنوره سودا قصيره مع توب أسود مذهب راحت جهة التسريحه وجلست تمشط شعرها المبلول ... حطت الفرشه على التسريحه وظلت تناظر بوجهها بتركيز لا ماجان حلم البنات يجذبون علي أنا متأكده ... حسيت بأنفاسه ...حسيت بقربه ...شفته وهو يناظرني بتوتر مستحييييييييل اللي شفته يكون حلم ..مستحيييييييل ... معقوله حزني أثر علي وماصرت قادره أفرج بين الصدج والحلم ... غمضت عيونها بقوووه وسحبت نفس تبي تبعد هالافكار اللي براسها... بس وش اللي يابه صوبي وش اللي حصل .....؟؟؟ طقت باب الغرفه بهدوء وظلت تنتظر الاجابه (موضي) بصوت مبحوح : تفضلي دخلت عبير بابتسامه : صباح الخير على الناس الحلوه ردت موضي بطيف ابتسامه : صباح النور راحت عبير وجلست جنبها وقالت : كيف الحلوين اليوم ان شاء الله أحسن ؟؟ (موضي) بنفس الابتسامه : الحمدالله من الله بخير سكتوا شوي كل وحده تبي تبدى بس مو عارفه كيف (موضي) بتردد:..... عبير... بسألك ... (عبير) وكأنها حاسه باللي تبي تسأله موضي : اسألي ياقلبي (موضي): أنا يمكن مريت بضغوط الفتره اللي راحت عشا..عشان اللي راحوا...بس...ليه أحسج تجذبين علي كانت عبير بتاقطعها بس ردت موضي وقالت : عبيييير أنا اللي شفته مو حلم موووو حلم أنا متأكده اخر شي أذكره اني كنت واقفه بالحديقه وسمعت صراخ رهف اختج وبعدها حسيت جنه أحد رفعني ماأدري جنت حاسه فيكم بس مو قادره أبطل عيوني ... (عبير) وهي تناظر بموضي اللي بدت محاجرها تتمتلي بالدموع : بقولك الصدق بس مانبي دموووع الله يخليك كافي ...كااافي دموووع والله مو قادره أتحمل انتي من جهه ومشاعل وعمي من جهه (موضي) وهي تمسح دموعها : والله مو بيدي مو قادره..اللي حصل فوق احتمال الكل ضمت عبير موضي بقوه وهي تقول : والله عارفه والله بس استهدي بالله واطلبي لهم الرحمه ...الميت ماتجوز عليه غير الرحمه وانت انسانه مؤمنه وعارفه ان اللي حصل قضاء وقدر رب العالمين بعد ماهدت موضي جلست عبير تحكي لها كل اللي حصل وان اللي شالها عبدالعزيز موضي من الصدمه ماقدرت تتكلم اكتفت بالصمت والافكار اللي بدت تروح وتجي في بالها وتسيطر عليها كانت حاااسه وكلام عبير أكد لها احساسها ياترى وش بيفكر فيها الحين انها حاولت تنتحر بس هي فقدت وعيها وماكانت حاسه بنفسها ابد ..... حاولت تطرد هالافكار من راسها وطلعت عبير من الغرفه وتركتها بحيرتها اتمنت انها ظلت على احساسها ولايتحول الى يقيييين عدت أيام العزا ومرشهر كامل على رحيل خلود والحزن في بعض القلوب ماتغير والجرح لازال ينزف بندر كان أكثر واحد متألم كل يوم يروح يجلس عند باب غرفتها أحيانا كانت تثور وتبكي بهستيريا ... وأوقات كانت تلتزم الصمت وكأنها ماعرفت الكلام بيوم ...كان يشوفها وقلبه يتقطع على حالها ...حزنه عميييق لقوة حزنها وألمها بس مابيده شي ...لو كان يقدر يرجع اللي راحوا ماكان تردد عشان ترجع الروح لحبيبته بس ماكان يقدر...ماأحد يقدر...
|
|
| مواقع النشر |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
المواضيع المتشابهه للموضوع: وانت يالفجر البعيد نااامت عيونك...للكاتبه ذبول الورد
|
||||
| الموضوع | كاتب الموضوع | المنتدى | مشاركات | آخر مشاركة |
| تبين عيونك تلمع كأنك لابسة عدسات ادخلي وشوفي بنفسك | جرح العمر | العناية بالبشرة و الجسم | 4 | 14-04-2008 24- 21:33 |
