 |
|
 |
|
||
|
||
|
|
|
|||||||
| التسجيل | التعليمـــات | البحث | مشاركات اليوم | اجعل كافة المشاركات مقروءة |
| القصص و الروايات ما يبدعه قلمك من القصص والروايات |
 |
|
|
LinkBack | أدوات الموضوع |
|
#91
21-06-2008, 24- 00:54
|
||||
|
||||
رد: وانت يالفجر البعيد نااامت عيونك...للكاتبه ذبول الورد
تشوف فرحتها وحياتها اللي تتخيلها وترسمها بقربه... (موضي) بابتسامه : بصراحه ماشاء الله على ريلج ذوقه يينن في الورد ...بس توقعته يحط ورده ثنتين....باقه ...بس الله يهداه قلبها حديقه هنيه..ههههه ههههه (نجد) ههههههههههههه ههههه وانتي صادقه قلب الجناح مزرعه (مشاعل) بابتسامه : أمووووت عليه والله ..الله يخليه لي (موضي) وهي تحظن مشاعل : الله يبارج لج يارب ويسعدتج معه (عبير) من عند الباااب : امييييييييييييييين ... واااااااااااو وش هالحلا كله قمر اسم الله عليك ياويلي عليك ياخووووووي .. (موضي) وهي تناظر بمشاعل اللي كانت منحرجه :ههههههه هههههه ماقلت لج !! سلمت عبير على مشاعل : الف الف مبرووووك ياقلبي (مشاعل): الله يبارك بعمرك.. عقبال ماتفرحين في متعب ههههه ههههه ضربتها عبير بخفه على كتفها وبابتسامه : حرااااام عليك خليني أفطمه أول (موضي + مشاعل) ههههههههههههه (عبير) وهي تروح جهة باب الجناح وتفتحه : حياااااااكم تفضلوا شعول في ناس جايين يباركولك مخصوووص من جده مشاعل ونجد وموضي كل وحده تناظر بالثانيه مستغربين من هالضيوف واللي جايين من جده ...!! دخلت ملاك وهي مستحيه مرررره ووراها جنى اللي ابتسمت في وجه مشاعل واتفاجأت بمنظرها اللي يرد الروح...بالفعل ملكة الحسن بهالليله بس تفاجأت زياده وجحظت عيونها يوم شافت نجد اللي كانت جالسه جنب مشاعل ...اخر شي توقعته تشوفها بعد هالوقت..يا سبحان الله (ملاك) وهي تسلم على مشاعل : الف الف مبروك (مشاعل): الله يبارك بعمرك (عبير): هذولا ملاك وجنى ضيوفنا خوات مشاري بن.... أعز أصحاب خالي سلطان (ملاك): الف مبروك والله ....الله يتمم لك على خير (جنى) : مبروك ياأحلى عروس شفتها بالشرقيه ... (عبير) تبي تبعد الاحراج عن البنات فقالت : يالنصابه وين شفتي عروس ثانيه بالشرقيه وتوك واصله ..!! ضحكوا البنات ومدت ملاك كيسه فخمه لمشاعل وقالت : هذا شي بسيط ان شاء الله يعجبك (مشاعل) بامتنان : جيتكم احلى هديه والله ليه تعبتي عمرك حبيبتي ...!! (ملاك): لاتعب ولاشي .. ومبروك مره ثانيه طلعوا البنات مع عبيراللي اهتمت فيهم وبضيافتهم بتوصيه من خالها سلطان الكل التهى باللي عنده ماعدا وحده وقف الدم بعروقها ...غمضت عينها كذا مره تبي تستوعب اللي سمعته معقووووله بعد كل هالوقت أرجع وأسمع اسمه معقوله يكون هو....!! وهذولا خواته !! معقوله ....!! هاذي البنت اللي شفتها في الشاليهات ايه صح ...كيف ماانتبهت !! بس كبرت وتغيرت .. .... ياترى عرفتني!! / / / / / / / / / / / / / / / / .....دقت ساعة الصفر.... وحااااااانت اللحظه الحاااااااااااااااااسمه اللحظه اللي الكل انتظرها بشوووووق ولهفه وترقب وأكثر أشخاص انتظروها هم مشاعل & بندر وذبوووووول (*_*) الكل عيونه على جهة الباااااااااااب بيشوفون وش وراه وأولهم بندر اللي دخل ببشته الأسود وشماغه الأبيض وكأنه فارس بياخذ عروسته على حصااااان أبيض ...يمشي برزه وثقل بين خواته وجلس في الكوشه ينتظر حبيبته تدخل ويستقبلها بكل حب قدام هالجمع الغفير يمكن بندر شذ عن القاعده في انه يدخل بعد مشاعل بس كانت له أسبابه من ورا هالشي وجااااااااهم صوت رج القاعه رج تصدقين ...تصدقين اني على كثر السنين ...غنيت باأشواق وحنين... غنيت بس ماأدري لمين ...غنيت لعيون الأماكن...غنيت بنت النور لكن.... انتي أجمل أحلى ...انتي أحلى ...مذهله...انتي وجه النور...بنت النور... جابعد هالصوت صوت محمد عبده اللي زاد من روعة الجو انفتح الباااااااب الكبير وطلعت أحلى عروووووس وأجمل ماخلق ربي بذيك اللحظه طلعت مشاعل وعيونها على واحد ماهمها كل الحضور عيونها التقت بعيونه والود ودها تطير له مثل الحماااامه فز قلبه يوم شافها ... كان يتأملها ويتأمل كل هالزين وبشفايفه ارتسمت ابتسامه لعيونها وبس... تصدقين ... تصدقين اني على كثر السنين ... غنيت باأشواق وحنين... غنيت بس ماأدري لمين ... غنيت لعيون الأماكن...غنيت بنت النور ولكن.... انتي أجمل ...انتي أحلى ... مذهله... يمكن ولكن... انتي وجه النور...بنت النور... كل النور في كل الأماكن... انتي أروع من تغنيه السنين... تصدقين....!! لحظه لحظه .... قبل ماتكمل كلامك انت مو ناسي أحد...!! مييين يعني..!! أنا أقولك شفت هالدنيا وأهلها... شفت كثرالطيب فيها ... كلها في قلب واحد... وانت مو ناسي أحد الا ناسي... شهم مامثله أحد..وطيبته ماهي بأحد.. يسكنه قلب حنون .. وتعشقه كل العيون.. وانت موناسي أحد الا ناااااااسي.. نااااااسي معرسنا بندر... بدت تمشي خطوه خطوه على أنغام الموسيقى والعيون عليها تهلل وتسمي وعيونها على وااااحد يكفيها من هالبشر ودنياهم ماني ناسي بس نساني حلاها... هالعروس اللي سحر عيني ضياها... هاذي مشاعل من مثلها من مثلها ..!! جل من بالحسن كملها وعطاها... هي بسم الله عليها مااختلفنا ... بس بندر ماينوصف مهما وصفنا.. هذا معرسنا ولو حنا نصفنا... يسوى هالدنيا ويستاهل غلاها... هاذي مشاعل هاذي حسن الكون فيها... وكل عين تشوفها تسمي عليها... لو تأشر للقمر ينزل يجيها... من ضياها منيته يقعد معاها... وفي بندر شان جمع عز ومهابه.. والقمر من قدره العالي يهابه... هذا أطيب من وطت رجله ترابه.. وأعلى من هام النجوم وعلاها... ذي عروس الورد ورده نرجسيه... كأنها الا همسة العطر الشذيه... حلوة شفافة عذبه نديه... غاليه واللي يحليها حياها.... هو له في القلوب أعلى مكانه... وبالتواضع مرتفع قدره وشانه... ماتلاقي مثل أخلاقه بزمانه... هي خذته بحسنها وطيبه خذاها.... هي هدوء الصبح هي غنوة نسيمه... هي رذاذ الما اذا لامست غيمه... من حسنها صار لاسم الحسن قيمه... كأن كل الحسن يمطر من سماها... هومافيه في الدنيا مثيله... والمعاني مالقت حد بديله... نادر في طبعه ونافل بجيله... وتفتخر به دار يسكن في رضاها... مشاعل بنت الجود والشهم السنافي... بنت أبو متعب مل الطيب وافي... دايم قلبه لكل الناس صافي.. ومن وفاه وطيبه وعزه سقاها... وهو من أهل الطيب من أهل المكارم... وفايين قلوب في الشده صوارم... هو بندرابن الكريم ابن الأكارم... دامهم بالطبع والأوصاف واحد.... ودامهم مثل الجسد به قلب واحد... ودام صار الراي في الاثنين واحد... ياعسى الأحلام يتحقق مناها... ياعسى الدنيا لهم حب وسعاده... والفرح يلقى بدنياهم بلاده... والغلا في قلوبهم يزرع وداده... واليالي تزهر بفرحة هناها.... ماكانت تفكر بأي شي الا انها توصل له وتجلس قربه ملكه وملك جمعهم اجمل احساس بالدنيا البنات من يمينها ويسارها وخلود واقفه والدمع بمحاجرها خانها وهي تشوف أختها أحلى عروس بليلة عمرها مرت قدامها صوره لأمها وهي تبتسم وكأنها تبارك لهالليله فرحانه بفرحة الكل جالسه جنبه والفرح يشع بعيونه يناظرها وكأنه مو مصدق انها صارت ملكه له وحده وبس كل اللي قدر يقوله وبصعوبه في اذنها : الف مبروك ياعمري نزلت راسها بخجل وهمست : الله يبارك بعمرك جو البنات وأمهم وسلموا على بندر ومشاعل وبعدها رقصوا لأخوهم وعروسته مر الوقت وعدت أحلى ليله على الكل ودعوا البنات مشاعل بدموع ساخنه وطلعت مع زوجها وسط دعاوي الكل بالتوفيق والسعاده للأثنين / / / / / / / / / / / / 
|
|
#92
21-06-2008, 24- 00:55
|
||||
|
||||
|
رد: وانت يالفجر البعيد نااامت عيونك...للكاتبه ذبول الورد
البنات جالسين في الصاله والكل ساكت وسارح بعالمه الهدوء الوحيد المسيطر على الجو (سميره) وهي تناول جوري لخلود اللي كانت بترجع بيتها : عسى الله يتمم عليهم بخير يارب ويسعدها (خلود) ونبرة الحزن طاغيه بصوتها: الله يسمع منك يارب (غلا) بضيقه : ياعمتي اجلسي معنا الليله .. (سحر): ايه ياعمه اجلسي معنا والله البيت فضى علينا بعد روحة مشاعل (خلود): والله يابنات ودي بس تعرفون ضيوف الكويت عندي ومو حلوه في حقي أتركهم وأبات هنا الليله (غلا) وهي مبوزه وتناظر بمحمد والبتول اللي كانوا نايمين على الكنب التعب هدهم من الصبح وهم مو مقصرين باللعب ..بالفعل كان يوم حافل (سحر): طيب خلي جوري والعيال عندنا الليله تكفيييييين.. (سميره): خلاص يابنات خلوها على راحتها (سحر+غلا): عمه الله يخلييييييييييييييييييييييييييييييييييييييييك (خلود) : هههههه ههههه خلاص بخليهم بس ذي وتأشر على جوري مستحيييييييل (سحر) وهي تناظر بغلا والكلام مو عاجبها (غلا) : خلاص موافقيييييييييييين (خلود): بس على فكره ترى بتول تروح الحمام كثير باليل ومحمد يتكلم وهو نايم يعني ياويلكم بكره تتذمرون ولا تقولون شي ...!! هذاني قلت لكم (سحر): وييييييييييه اجل خلاص خلاص مانبي (غلا): سحر...!! (سحر): هلا (غلا): انثبري لو سمحتي وناظرت عمتها وقالت : ابشري ياعمه العيال في عيوني الثنتين (خلود) وهي تلبس عبايتها : اجل أستأذنكم مجيد حرق جوالي من اليوم يالله مع السلامه ..تصبحون على خير (الكل) وانتي من أهل الخير..... شالت سحر محمد وغلا شالت البتول وسلموا على امهم وطلعو ينامون بعد هالليله المتعبه / / / / / / / / / / / / / / / (الساعه 3 / الفجر) المكان / جناح العرسان جالسه على السرير الفخم بفستانها وهو جالس قبالها وعينه مانزلت من عليها (مشاعل) باحراج من نظراته الجامده لها : بأقوم....أ أغير... (بندر) بهمس : أحبك......... رمشت بعينها كذا مره من قوة ماهي خجلانه وماقدرت ترفع عينها وتبادله نظراته اللي كانت تحرقها مثل شمعه قام من مكانه وراح جلس جنبها وحط ايده على ذقنها يرفع راسها (بندر) : ناظريني ...خليني أروي عيوني من هالحلا رفعت راسها والتقت عينها بعينه كانت بتهمس لكنه حط اصبع ايده على شفايفها وكأنه مايبي يسمع يبي يناظر وبس لو جلس طول عمره يناظرها ماراح يمل منها أبد..... تدلل علينا ياسمـــي الظبـــي وش عــاد ** تدلل ولك بأمر الهوى شافــع عنــدي ولك في خيال العاشـــق المهتـوي ميعاد ** ومجلس على غيمة وليلــة قمر نجدي أسافر معك لبـلاد وأنزل معك في بـــلاد ** ومن غيمــه لغيمــه ولا للسمـاء حدي رسمتك ضحوك الفجر يافرحـه الأعيـــاد ** ولمعة شعـاع ينغمس فــي ندى وردي وغنيت بك صــوتٍ بقلب الهـوى ميــلاد ** ونغمة غرام ذاب فـــي لحنهــا وجــدي أشوفك مطر .. هتـــان .لا برق لا رعاد ** من الوسم يبعث بالصحاري زهر ودي أحبك وصل وأبعاد أحبك رضى وأعناد **ولا يختلف وعــدي ولا ينتقض عهــدي يمكن هالليله كانت غريبه شوي للأثنين ...كل واحد يناظر الثاني والفرح يشع بعيونه...أحيانا من قوة الشعور اللي يجتاحنا مانقدر على النطق أو الهمس حتى ...مشاعرنا تكون كفيله بهالشي ...ومثل مايقولون كلماتنا في الحب تقتل حبنا ان الحروف تموت حين تقال... / / / / / / / / / / / غردت العصافير... وتبدل لون السماء لترتدي البياض من بعد سواد ... أشرقت شمس صباح جديد معلنة رحيل أجمل ليله بحياة أبطالي .... لتزف فااااجعه من نوع اخر ... جرح غائر لايتوقف عن النزف... فهل هي نهاية الفرح ...!! دوامه أخرى من الحزن ....لتحمل أبطالي الى الوجه الاخر لزمن لايثبت على حال .!! هل هناك اختيارات ..!! وان كان فالاجابه تختبئ بين ثنايا سطوري .... صحت مفجوعه على صوت التلفون اللي ظل يرن فتره طويله ناظرت بساعتها كانت 7/ الصباح قامت رهف من الفراش وراحت عشان ترد (فيصل) وهو مازال في الفراش : يالله صباح خير من قليل الذوق اللي متصل بهالوقت (رهف) وهي ترفع السماعه وتأشرله يسكت : نعم.... (موضي) وهي تبكي وتصارخ : الحقوووووو علي (رهف) وهي تفرك عيونها : موضي هدي يابنت الناس وش فيه وش صار !! ليش هالصياح ؟؟ فز فيصل من فراشه وراح وقف جنب رهف يحاول يسمع ويأشرلها وش السالفه ؟؟ طاحت السماعه من يد رهف وطاحت على الكنبه بدون وعي منها والذهول واضح بملامحها فيصل وهو يناظر برهف ...تأكد ان فيه مصيبه صارت أخذ فيصل السماعه : الووو الووووووو بس للأسف ماكان فيه أحد على الخط ..سكر التلفون وراح لرهف الصامته ومتجمده مكانها شاف الدموع بعيونها (فيصل): رهف ....رهف ... وش فيه ؟؟ وش صار ؟؟ من كنت تكلمين ؟؟ (رهف)........كأنها تحولت لجماد ...الدموع على خدها تسيل بدون توقف وماتتكلم (فيصل) وهو يهز رهف بيدينه الثنتين وكأنه صحاها بهالحركه وردها للواقع (رهف) بهمس وبصعوبه : عبد...المج....يد.... مات..... وخلود ....في العنايه بين الحيا والموت (فيصل) وعيونه جحظت ومو مستوعب اللي يسمعه : رهف وش قاعده تخربطين ؟؟ وش تقولين انتي ؟؟؟ (رهف)....................كانت ترتجف مكانها ومافي أي ردة فعل ماأنتظرها كثير لأن حالها ميؤس منه توقف الزمن لحظه مو عارف وش يسوي وين يروح ؟؟ شلون يتصرف !! وش صار ؟؟؟ وكيف ؟؟ ومتى ؟؟؟ لبس ثوبه بسرعه جنونيه وبدون شماغ حتى وجهه ماغسله وراح لغرفة أبوه اللي ماكانت صدمته أقل من صدمة ولده ....وطيران بسيارة فيصل على المستشفى بعد ماأتصل في فارس اللي عطاه العنوان لأنه ماقدر ياخذ شي من رهف المصدومه (في الفندق) فتحت عيونها وناظرت باستغراب المكان اللي هي فيه فركت عينها ولفت بعينها لقته جالس جنبها يناظرها ابتسمت بوجهه (بندر) : صبااااااح الورد ياروحي (مشاعل) وهي تعدل جلستها وبنفس الابتسامه : صباح النور... من زمان صاحي ؟؟ (بندر) بابتسامه : وأنا نمت عشان أصحى ....!! فهمت مشاعل نغزته وابتسمت لانها تذكرت كلام موضي لها وفعلا صار اللي قالته قامت من الفراش واكتفت بهالابتسامه من الاحراج اللي تحسه (بندر): حبيبي على بال ماتخلصين أنا بروح أطلب لنا فطور اوكي (مشاعل) : براحتك طلع بندر وترك مشاعل اللي دخلت تاخذ لها شور وراحت بعدها فتحت شنطتها وبدت تطلع لها ملابس احتارت وش تلبس اختارت لها فستان قصير شوي بموديل فرنسي بلون البنفسج الفاتح لبسته وحطت مكياج خفيف مناسب وتركت شعرها مسدول على كتوفها وهالشي أعطاها منظر طفولي دخل بندر بعد نص ساعه ومعه الفطور ... أشر لها بيده راحت وجلست جنبه وأخذت ال (blak Coofe) وصبت له هي وياه (بندر) وهو ياخذ الكوب من يدها : لاخلا ولاعدم وباس ايدها رجعت مشاعل يدها بحرج : تبي كرواسون بالجبن ولا عادي ؟؟ (بندر) بحاجب مرفوع : أي شي من يدك حلو (مشاعل): أجل خلاص بعطيك بالجبن لأني أحبه (بندر): بشرط ... (مشاعل) وهي تضحك : عرفته من غير ماتقول (بندر) متفاجئ : وشو ؟؟ (مشاعل) وهي تقطع الكرواسون بالسكين : تبيني أوكلك بيدي صح !! (بندر) بضحكه : صح ياحلوه بس وش دراك ؟؟ بدت مشاعل تأكله وحطت أول لقمه في فمه وقالت : عيونك تقول ... (بندر) وهو يناظرها من فوق لتحت : بس ...!! (مشاعل) بدلع : امممممم ايه بس سحب بندر الأكل من يدها ومسكها مع ايدها لين صار قريب منها مرره (مشاعل) : بندررررر (بندر) وهو يضحك : شكلك ماعرفتي بندر للحين ...اذا كنت زمان صابر فهذا زمان وزمان راح اما اللحين محد بيبعدك عني ..خليك شاطره ومطيعه (مشاعل) ما قادرت تفك يدها لانه ضاغط عليها وجسمه الرياضي أثقل من انها تقدر تفك ايده (بندر) عجبه استسلام مشاعل لانه هو المستفيد ...خلاص مو قادر يصبر أكثر وهي دوم تصد عنه بس بهالوقت وهاللحظات لاااااا شاف بندر في نظرات مشاعل نوع من الخوف (بندر) : ممكن أعرف ليه هالنظره !! (مشاعل).......... فك بندر ايدها وتنهد من قلب وقال : حبيبتي ماراح يصير الا اللي تبين بس ماابي أشوف هالنظره بعيونك سكتت مشاعل وماعرفت وش تقول وماكان منها الا انها قربت منه وحطت راسها على صدره (مشاعل): حبيبي اسفه بس محتاجه شوية وقت عشان أتعود على الوضع حاوطها بندر بيديه وضمها لصدره وهو يقول : ماطلبتي شي ياروح بندر ....والحين ممكن تأكليني !! ابتسمت بوجهه ابتسامتها اللي ترد له الروح وهزت له براسها / / / / / /
|
|
#93
21-06-2008, 24- 00:57
|
||||
|
||||
|
رد: وانت يالفجر البعيد نااامت عيونك...للكاتبه ذبول الورد
وبالتحديد قسم العنايه المشدده واقفين بالسيب مابين مصدق وغير مصدق ...الذهول على الملامح طاغي ...والحزن القلوب به تنطق... ايش اللي صار !! وقلب الفرح ...مابين ليله وضحاها موضي فاقده الوعي بأحد الغرف أحمد جالس على كرسيه المتحرك ماسك المصحف بين ايديه ويقرا بخشوع لعله ينشر السكينه بين الموجودين أبو عبدالمجيد وأبو متعب وفيصل وفراس الكل حزين ومتألم (فراس) بألم والدمع بعينه خانه : الحين حالتها مستقره ...ماصدقنا انها نامت مو راضيه تصدق ان....انه ...موقادر أنطقها والله مو قادر ....شلون ....مجيييد راااااح راااااح ...وخلود الله يعلم بحالها مو حاسه اللي حولها يمكن الشي الوحيد اللي مخفف هالصدمه جوري اللي ماجاها أي شي ...ياسبحان الله...!! ضمه فيصل بأقوى ماعنده وكأنه بيخفف عليه ..من يخفف على مين!! ...المصاب واحد .... (فيصل): استغفر الله هذا قضاء الله وقدره ...وانت يافراس انسان مؤمن بالقضاء والقدر ....أطلبوا له الرحمه والله يقوم خلود بالسلامه ... راح فيصل لعمه بو عبدالمجيد واللي حاله ماكان أحسن من حال عياله دمعه غرق شيبه ولحيته البيضا والضعف والانكسار واضح بعينه مثل طير مكسور الجناح كيف ماينكسر وبكره وسنده بهالدنيا راااااح .... !! بصعوبه حاول فيصل يتكلم ...وش يقول !! مافي أي كلمه ممكن تنقال بهاللحظه...يبي يسأل وش اللي حصل بس مو قادر ياخذ شي... (فيصل) بألم : استهدي بالله ياعم ...اطلبو له الرحمه والمغفره ....ترى البكى مايرجع اللي راح (أبو عبدالمجيد) بصوت خانقته العبره : اتصل فيني قال انه بيتأخر شوي مع خلود ...قال ....عندهم مشوار ااااااه ياعبدالمجيد ....وينك ؟؟؟......ليه رحت بدون ماتقول لي ليييييييه...!! بدت الدموع تنهمر من عيونه وجلس يستغفر ويدعي بصوت عالي ....ويترحم عليه طلع الدكتور من الغرفه وتوجه بنظراته لجميع الموجودين وسأل الاخت مشاعل موجوده !! قراءه ممتعه
|
|
| مواقع النشر |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
المواضيع المتشابهه للموضوع: وانت يالفجر البعيد نااامت عيونك...للكاتبه ذبول الورد
|
||||
| الموضوع | كاتب الموضوع | المنتدى | مشاركات | آخر مشاركة |
| تبين عيونك تلمع كأنك لابسة عدسات ادخلي وشوفي بنفسك | جرح العمر | العناية بالبشرة و الجسم | 4 | 14-04-2008 24- 21:33 |
