وانت يالفجر البعيد نااامت عيونك...للكاتبه ذبول الورد

[no000r]

(الكويت)


(في أحد الأحياء القديمه )

(في ذالك البيت الصغير)

فتاه في عمر الزهور أخذ منها الزمن بجبروته ماأخذ خذلوها أقرب الناس تركوها وحيده تصارع من أجل

البقاء لتسقط في نهاية المطاف مطااااااف مشته حتى تهاوت كأن لم تكن يوما

لم يدفع الثمن سواها أخطأت ولكنهم أخطئو قبلها


لها ثلاث أيام ماطلعت من غرفتها من ذالك اليوم المشؤم اللي كرهت فيه كل شي حتى نفسها

كانت جالسه ومتكوره على عمرها والدمع ماجف من عينها لييييه ؟؟ لييييييه سوا فيها كذا؟

لهاالدرجه كنت سهله مغفله غبييييييييه علا صوتها وبدت تصارخ ليييييييه ؟؟

أنا مجرمه أنا ذبحتهاااا ااااااااااه يانوف ليتني سمعت كلامج ليييييتني وش تفيد ليت الحين؟؟!

ارتسم قدام عيونها المنظر رجعت تصرخ أقوى من قبل لااااااااا أنا ماسويت شي هو السبب هووو


جاها صوت جدتها الدافي الحنون وراحت ركض لحضنها

(درعه): بسم الله عليج يمه بسم الله وشفيج يابنيتي وشبلاج ليه هالصياااااح وأنا أمج ؟!!

كانت تبكي وتشهق بألم بانكسار خلااااااااص حياتها انتهت جاسم دمر حياتها وعفسها من يوم عرفته وهي ذليله

تسوي كل اللي يبيه لأنها حبته بس حظها العاثر وقعها بيدين واحد نذل مثله

(بدور) بين دموعها : ااااااه يمه تكفييين يمه خليج يمي لاتتركيني بروحي الله يخليج

(درعه) وهي متأثره ومفجوعه بنفس الوقت ماتدري وش اللي حصل وخلى بنت ولدها منهاره بهالطريقه

حاولت تهديها بس مافي فايده بدور كانت كل مالها تزيد صياح ويزيد تعلقها بحظن جدتها وفجأه سكتت وماعد

سمعت درعه صوت لبدور

جلست تتحسس بنت أخوها وتمسك يدها بس للأسف مافي أستجابه صاحت العجوز من الفجعه ونادت على

الخدامه الفلبينيه اللي جت ركض وشالوا بدور من الأرض كانت جثه هامده لاحس ولاصوت

درعه كانت تبكي ومي عارفه وش تسوي بالذات انها ماتشوف ومن زمان ماطلعت من بيتها

جابت الخدامه كاسة مويه ورشت على وجه بدور عشان تصحى بس كمان مافي فايده

بالنهايه طلعت الخدامه بأمر من درعه للجيران تطلب مساعده

/
/
/
/
/
/
/
/
/
/
/
/
/
/


في بيت أبو راكان

كان واقف عند الباب متردد يدخل عليها ولالا يظل ماخذ موقف المتفرج وبس!! بس حالها زاد ولازم يكلمها

قرر بعد فتره انه يدخل تنحنح وطق الباب

(عبير) اللي كانت تقرى قران كملت الآيه اللي وصلت عندها وردت مين؟؟

(بندر): أنا ممكن أدخل ولا مشغوله؟!

قامت له بسرعه وقفلت القران وفتحت الباب

بندر وهو واقف مبتسم ومتكتف : و أخيييييرا وأخيييييرا اتكرمت الملكه عبير وخلتنا نشوفها

عبير اللي تقلب وجهها وأنحرجت من أخوها لأنه ببساطه صادق : أنا...كنت...

دخل بندر ومسكها مع يدها وجلس جنبها على الفراش

(بندر) بأسى : يعني حرام عليكم أنا ولد الهنديه أسبوووع ماأحد سائل فيني من يوم راحت رهيييييف

وأنا مهمش بهالبيت وينك يارهيييييف وينك تجين تشوفين أخوك حبيبك وش صار فيه؟؟

(عبير)وهي تحاول ماتناظر باخوها : حراااااام عليك ليه تقول كذا ؟؟

وقف بندر وقال: اسألي نفسك حابسه عمرك أسبوع من يوم عرس رهف ماشفناك وأمك أربع وعشرين ساعه

بغرفتها مره تبكي على راكان ومره على رهف

(عبير): يابندر حرام عليك قدر شوي ضربتين بالراس توجع انت تدري أمي وش كثر تغلي راكان

اللي دوم مسوي لها جو بالبيت ورهف أم لسانين ماكان يمر يوم من غير مانسمع صياحها

حتى عبدالعزيز رجع جده يخلص أموره وماندري يمكن تكون وظيفته هناك باختصاااااار البيت فضى

عليهاوبقوووووووووووه يبي لها وقت عشان تتأقلم على الوضع وتتعود

(بندر) والكلام مو عاجبه : ليه واحنا وين رحنا ؟؟! اذا بتتكلمين عن أحد تكلمي عن نفسك

ناظرته عبير بنظرة استغراب وصدمه من كلامه

كمل بندر بحده : ايه ياعبير لاتناظريني كذاأنتي أكثر وحده زعلانه عليها أمي ولاعاجبك وضعك

كانت عبير بتقاطعه أشرلها بيده تسكت وكمل: ياعبير انتي ماعدتي عبير الأولى عبير اللي الضحكه

ماتفارق وجهها الحين حتى الأبتسامه مستكثرتها على عمرك وعلى اللي حولك تغيرتي حيييييييل ياعبير

وكل ذا عشان ايش عشان ماتوفقت بحياتك مره الحياه ماوقفت عند ولد سالم والله بيعوضك خييير

ان شاء الله بس هاللي تسوينه ترى ماينفعك الا يضرك ويضرنا معك

عبيركانت تناظره بملامح شبه ميته أنا مع غير خالد مستحيييل كيف وشلون ؟؟

سرحت بفكرها ونست الآدمي اللي جالس جنبها بكبره

(بندر) وهو يأشر بيده قدام عينها : هيييييي وين وصلتي ؟!

ردت عليه مفجوعه ماكأنه كان معها بنفس الغرفه من وقت هاااا ...أنا..أنا..

(بندر) بحده : انت انت اييييش ايييش أبي أفهم مو أنتي اللي طلبتي الطلاق خالد حفى وراك

شهرين كامله وانت اللي تمسكتي برايك الحين انت جالسه تعاقبين ميييييييين؟؟! أبي أفهم؟؟

اللي أشوفه أنك قاعده تعاقبين نفسك وتعاقبين أهلك معك تدرين ليه؟؟ لأن فرحك فرحهم وحزنك حزنهم

(عبير) ماكانت متحمله هالكلام وبدت ترتجف وفكها يهتز ونزلت دموعها بسهوله شديده الدموع اللي تعودت

عليها صارت أقرب لها من نفسها

ضم بندر أخته لصدره وربت على كتفها بحنيه: خلاااااااص عبير أنا ماأتحمل أشوف دموعك

دموعك غاليه علي وربي شاهد أنا لو قسيت عليك بالكلام فهذا عشانك لأني مو متحمل أشوفك بهالشكل

وين عبيرالأوليه أبي عبوووور أختي ترجع

منظرها من جد كان مقطع قلبه كانت تبكي وتشهق بصمت ومتعلقه بأخوها كأنه طوق النجاه

اللي بيشلها من هالعذاب وبيريحها من التفكييييييييييييييير

وبعد فتره

(بندر) وهو يمسح دموعها ويبعد خصل من شعرها طاحت على وجهها أشر بيده جهة باب الغرفه وقال: أبطلع

من هالباب اللي دخلت منه وأبي أرجع ألاقي عبير عبير القويه الواثقه المبتسمه والمتفائله

لاتخلين الحزن يتغلب عليك لاتنعزلين عنا لاتحكمين على نفسك وعلى هالروح اللي تحملينها

واللي لسه ماشافت الدنيا بالموت.. الحياه حلوه وفيها ناس يستاهلون تعيشين حياتك عشانهم

وأولهم اللي في بطنك.. الحياه ياعبير دروس ولاتصيرين ضحية أول درس يواجهك

باسها على راسها وقام وهو متألم عشان أخته

طلع بندر بعد هالحوار اللي دار بينه وبين عبير وهو حزين ماتستاهل تتحمل

هالهم بدري طلع وهو متأمل انه قدر يقنعها بكلامه وترجع عبير اللي يعرفها

طلع وهو يدعي من قلب صادق محب

طلع وترك وراه انسانه شبه محطمه من حبيب قاسي من ناس ظالمه من دنيا مالها أمان

بالرغم من انفجار الدمع من محاجرها وهطوله مثل مطر غزيييير بجو بارد تجرد من أي

دفى وتجردو أهله من المشاعر الا انها وقفت باتزان ناظرت بنفسها في المرايا كانت تتأمل تقاسيم

وجهها وكأنها لأول مره تشوفه لأن هالمره غيييييير هالمره شافت جانب من شخصيتها أتضح قدام

عيونها شافت ضعفها اللي عمرها ماشافته ماحسسها بهالضعف غير خالد

كلام بندر رغم قساوته الشديده على نفسها المكسوره الا انه وااااااقع

رغم انها تألمت من كلماته بس اللي قاله واااقع

الكلمه اللي دايما نخاف منها لانها أصدق مايمكن حدوثه كل كلمه قالها كانت صحيحه

كل كلمه قالها تتردد بمسامعها وتحاول تستوعبها بس ماقدرت تتخيل نفسها مع شخص ثاني

ماقدرت تقارن خالد بأي شخص ماقدرت ترسم حياه جديده مع غيره مو بيدها مو قادره

محد راضي يفهم لا أبوها ولا أمها اللي ميته حزن عليها ولاأخوانها ولاأحد

أحيانا أسأل نفسي ياترى ليه محد راضي يفهم موقفها ؟؟ليه مو حاسين باللي تحسه بالرغم من أنهم

أهلها وأقرب الناس لها بعد تفكير طويل لقيت الجواب وكان شديد البساطه

باختصار عبير حبت خالد بكل مافيه واللي يحب بصدق استحاله يكره أو ينسى

بس مايحس بألمه وعذابه من هالحب غيره وهذا اللي حصل مع عبيرماحد جرب يحط نفسه مكانها

صحيح رفضت حياتها مع خالد مو لأنها كرهته بالعكس لأنها

من قوة حبها له مو قادره تسامحه وتنسى لأنها تخاف .. تخاف ترجع و تنجرح مره ثانيه على ايده

وذاك الوقت بالفعل راح تنتهي وتتلاشى

معاني ماأحد يفهمها الامن جرب وانلسع من هالنار نار الحب الصاااااادق


الحب ذاك العالم الغاااااااامض الذي ترحل فيه قلوب المحبين لتظهر ويظهر عشقها لينير

الدنيا بأمانيهم وأحلامهم أو لتغيب وتحتضنها شمس الرحيل لتحملها رياح شتاء بارد جاف

فتسقط وتهوي كورقة خريفيه يابسه

[no000r]

(في الكويت)

في بيت أبو أحمد

جالسين بالصاله موضي وأخوانها

(موضي) وهي تقرى بجوالها المسج اللي جاها : اااااااه ياشعوله ياحبي لهالبنت ياناس والله بتوحشني

(فراس): هههههه ههههه حشى تحبينها أكثر منا جنها أختج واحنا من الشارع

(موضي): ماتتخيلون فرحتي بجلستي عندهم هالأسبوع تونست وياها وااااااااااايد ماجنت أحس اني ضيفه أبد

(فراس): أي والله ياأحمد سااااحبه علي وقاطه كله مع مشاعل ماجني أخوها لولا الله ثم العيال ومجيد جان طقت

جبدي من زماااااااااااااان ورديت ثاني يوم العرس

(أحمد) بدفاع: مشاعل اختنا يافراس وأكثر ويشهد الله وش كثر هالبنت طيبه وخلوقه ولها معزه

(موضي): ياااااااابعد طواااااايف طوايف هلي انت ولفت على فراس وكملت شووووف شووووف الناس اسمع

الكلام الذرب وتعلم يااخي ماأقول الا الله يعين اللي بتاخذك بس

(فراس) بالجمله المعتاااااااده : أمها داعيه لها

(موضي): الا داعيه عليها المسجينه

(أحمد):ههههههه ههههههههههه هههههه

(فراس): اضحك اضحك وش علييييييه انت الحبيييييييب وأنا الشريييير لي الله بس

(أحمد) بتردد: مم....موضي؟؟

(موضي): سم

(أحمد): حددو موعد العرس ..قصدي مشاعل وبندر متى عرسم؟؟

(موضي) بابتسامه: ايه والله مو مصدقه ان شعوله هالدلوعه بتعرس خلاص ..العرس بشهر سته

يعني بعد شهر ونص من الحين

(أحمد) بنبره حزينه حاول يخفيها قدام أخوانه : الله يوفقها ويسعدها مع ولد سعد والله انه خوش ريال

(موضي) بابتسامه : اميييييين يارب

عم الهدوء فتره والتهت موضي بجوالها

فراس كان يناظر بأحمد وكأنه يقول ليه ماتعلمها وترتاااااااااح

أشر فراس لأحمد اللي كان يحاول يتجاهل نظراته بس في النهايه قرر يعلمها لأنه اجلا أو عاجلا بتدري

(أحمد): موضي

(موضي): سم ياخوي

(أحمد): سم الله عدوتج بس حبيت أقولج على .... على خبر لي فتره عارفه بس ماحبيت أنكد عليج سفرتج

(موضي) بقلق : خير ان شاءالله ياخوي وش صار؟؟

(أحمد):........جا..جاسم في السجن

(موضي) تفاجئت بس ردت بكل هدوء : ليش ؟؟

أحمد هنا تورط وش يقولها ماقدر ينطق بالحقيقه

(موضي): أحمد أحاجيك ليه داخل السجن؟؟

(أحمد):...اا.. عليه.... ديون

(موضي) بنفس الهدوء : بس

(أحمد): ايه بس ليه تعرفين شي؟؟

(موضي): ليه هو في شي ثااااااني؟؟

(أحمد): هاا..لالا مافي شي بس انتي الله يهداج تردين علي بسؤال

(موضي): لا بس غريبه جاسم كان وضعه المادي ممتاز

(أحمد) وهو مرتبك : ماتدرين وش صار وخلاه بهالحال

(موضي): عموما الله يسهلها عليه و تنفرج

(فراس): الا الله يزييييييييده هالخايس اللي مايستحي انتي ياموضي اللي تدعين له انتي المفروض تدعين عليه

(أحمد) وهو يناظر فراس برجا عشان مايفظح السالفه

(موضي): يافراس مو موضي بنت صالح اللي تحقد وتدعي على الناس حتى لو ضرني بيوم الحين خلاص هوله

حياته الخاصه وأنا لي حياتي وهالشي ماراح يتغير

أحمد كان يناظر بأخته وكله فخر بهالأنسانه وعقلها الرزين فعلا كانت نعمه لجاسم اللي مايستاهلها

دعى لها بقلبه ان الله يعوضها خيييييير

عم الهدوء فتره بس فراس كان يناظر بأحمد بقهر لأنه ماقال الحقيقه


دخلت الخدامه ووقفت عند الباب قامت موضي وأخذت الشاي وصبت لأخوانها

نادتها الخدامه اللي لازالت واقفه عند الباب وقالت لها ان في حرمه تبيها عند الباب

قامت وراحت للباب تشوف من هالحرمه اللي تبياها بعد ماطلبت من الخدامه تدخلها

دخلت موضي المجلس وتفاجأت ببنت في العشرينات من عمرهاواقفه عند الباب

(موضي): حياج الله اختي تفضلي

(نوف): يزيد فضلتج

دخلت نوف وجلست مع موضي

(موضي): أمر بغيتي شي ؟؟

(نوف): انت ماتعرفيني بس أنا أعرفك

(موضي) باستغراب: من وين تعرفيني؟؟

(نوف): بصراحه أكثر أنا جايتك مرسول من طرف ناس يعرفون زوجك

(موضي): قصدج سابقا ,, جاسم ماعد بيني وبينه أي شي ومايهمني أعرف عنه شي

(نوف): بس صدقيني أنا مثل ماقلت لج مرسووووول

(موضي): ممكن توضحين؟؟


/
/
/

[أم اياد]

شكرالكي حبيبتي (نووووووووووووووور)على التكمله........وننتظرالبقيه.......

[no000r]

تسلمين حياتي


على مرورك الرائع

[egyption.woman]

شكرا حبيبتى على القصة الرائعة وفى انتظار البقية