ابي حل مع سلفتي تكفون============

[جمالي يجنن]

السلام عليكم كيفكم وبصراحة ابدخل في الموضوع على طول انا متزوجة من زمان وساكنة مع اهل زوجي وعندي سلفتي ساكنة معانا في نفس البيت مشكلتي انو هالسلفة تحاول تقهرني تحاول تستفزني طبعا انا زوجة الكبير واهي متزوجة اصغر واحد مثلا تلبس ملابس قصيرة وتجلس بالصالة واهي عارفة ان زوجي يدخل فجاة عشان يشوف امة ويسلم عليها وتحاول تقهرني باي طريقة على الرغم انها انسانة عادية جدا وليست جميلة وانا واعوذباللة من كلمة انا مالها داعي امدح نفسي الكل يشهد بس ماذبحني الا وزني الزائد مو مررررررررة دبة بس اعتبر نفسي مليانة واهي عرفت نقطة ضعفي تقوم تمشي بالصالة مايكون عليها رداء اوشرشف الصلاة و زوجي كل دقيقة يدخل ويطلع واهي اللة واعلم وش في نيتها هل تحاول تلفت انتباة زوجي استغفر اللة العظيم اللي اعرفة ان اهلها مطاوعة وراعين دين وتقوى بس اهي قاهرتني كم مرة زوجي يشوفها وكم مرة امشيها واقول غلطة ما انتبهت بس الظاهر انها تقصد وعيالي ينبهونها ترا بابا في الصالة لا تطلعين البسي شرشفك واهي تطلع من غرفتها بعض الاحيان لابسة قميص نوم وتدخل المطبخ على كيفها مافية احد ام زوجي كلمتها وقلت لها مليون مرررة عنها ولا حركت ساكن ولا علمتها انو هذا الشي عيب المفروض يكون الشرشف عليها ادا طلعت من الغرفة سبحان اللة الواحد مايضمن احد يدخل فجاءة وانامترددة ودي افهمها وكلمها بس مابي المشاكل معها وانا عارفة نفسي زين يمكن اعصب عليها واغلط وتصير سالفة كبيرة وش الحل مع هذي النسرة تكفوووووووووووون ردو علي بموت من القهر طفشتني حسبي اللة عليها اللة لا يوفقها ان كانت تحاول تستفزني

[قصيمي1]

جمالك يجنن

اسمعيني لا تتدخلين فيها خاصة بالنصح كلمي زوجك يكلم اخوه وبس

حتى لا تكبر المسألة ويصير زعل بين الاخوان والام

الله يصبرك = وعلم زوجك ان يظهر صوت عند الدخول والخروج بصوت عالي حتى يعرف من حوله انه يبي الستر

للجميع

[أخصائي إجتماعي]

جمالي يجنن

السلام عليكم ورحمة الله وبركاته ,,

أختي الأن أبقدم لك نصايح لعلكي تستفيدين منها .

أخوي قصيمي ماقصر عطاك بعض النصائح وبزيد عليه التالي:-

أول شئ وهو أهم شئ لاتحسسينها بأكبر من حجمها ولا تحسسينها إنك شايله همها ولاتحسسينها إنك تنتبهين لتصرفاتها تجاهليها .

ثانياً كلامك كله والأشياء اللي تحسين فيها وجميع ملاحظاتك لابد أن تكون وبعلم زوجك أي إجلسي مع زوجك وصارحيه باللي تشوفينه وإن هذا الشئ مضيق عليك خلقك لابد أن يحسب مئة الف حساب بنتائج اللي يمكن أن تحصل

ثالثاً إذا زوجك يدخل بستمرار ياليت يخفف دخوله ويقلله إلا إذا هو مظطر فعليه مثل ماقال اخوي قصيمي يصدر أصوات يطرق الباب يتحنحن مثل ماحنا عارفين .

رابعاً إذا كل هذا الشئ مانفع وحس انها طلعت له بالقميص او اي استعراض ياليت ينبهها بطريقه غير مباشره مثل شوفي ياأم أفلان ترى تعبت من طرق الباب واصدار اصوات والظاهر انك ماسمعتيني ولاشفتيني يوم دخلت واسف اني دخلت بدون علم منك وياليت ياأم فلان تلبسين شرشف علشان اللي مثلك عارف ان هذا البيت بيت عائله كبيره وفيها اختلاط لاتحرجيني ولا احرجك .... بهذا الاسلوب بدون رفع صوت او تحسيسها بانها غلطانه بالعمد .

خامسا ً وهو اخر الحلول يكلم اخوه بطريقه غير مباشره مثل ياابو فلان اليوم والله انحرجت واحرجت ام فلان طرقت الباب واكيد انها ماسمعتني وشفتها واحرجتها واحرجتني ياليت تكلمها وتتعذرلي منها وتنصحها وتعلمها ان البيت يظم عايله كبيره لابد ان تاخذ احتياطها .

ان شاء الله هذا الاسلوب يجيب نتيجه ولكن انتي لاتدخلين علشان ماتجيك مشاكل اكبر وياليت تعلميني شو النتائج بعد تطبيق اللي قلته.
هذا وتقبلي تحياتي

[جمالي يجنن]

مشكورين على الرد وانا ان شاء اللة راح اطبق نصائحكم وعسى ولعلى تحس بدمها وتريحيني

[بنـــت ابــــــوها]

جمالي وش حارق رزك لاتتهاوشين معها ولا شي خليكي بارده انتي اذا صرتي تنقهرين من تصرفاتهااا راح تزيد عليك لا تبيني لها ابدااااا

والله كلام قصيمي ووواجتماعي مرررررررره حلووووو

سوي نفس الطريقه وشوفي وش بيصير

بس معليش لبسهاا قصير وبيت كله عائله هذي ماعندها احتراااااام