موضوع خاص من جين صبرى ارجوا مساعدتها

لمياء 02 · #1 10-04-2008, 24- 03:12

احتاج مساعدتكم لبنتى حبيبتى

ده اول موضوع لى بنتى حبيبتى كان 3 يوم رمضان من عام ودخلت ورايا المطبخ وكنت كل ما التفت اتخيلها وقعت على الارض والشاى اللى على النار نزل على ظهرها اصرخ اخرجى يا بنتى اخرجى لكنها طبعا مصره على الشقاوه بعدت الشاى من على النار ووضعته على الرخامه راحت جنبه ولعبت بالادراج والصوره لسه بتلاحقنى فخيالى وهى حساعدك يا ماما وبعدت الشاى تانى ورفعته عالبوتاجاز يابنتى اطلعى بره ارجوكى لا يا ماما حساعدك وهى فانتو ثانيه وقت غير كافى مسافة ما اخذت زجاجة المياه ووضعتها بالحوض ومن خجلى من الخادمه لكثرة الاعمال بالمنزل خصوصا لانى كنت لسه والده قولت افتح عليها الميه حتى فالحظه دى بنتى جات من مكان بعيد من البوتاجاز ولبست الجوانتى الجلد وفتحت الفرن وقعدت عليه واتقلب البوتاجاز كله عليها وكان يوم صعب جدا جدا ونزل الشاى الحمد لله على ظهرها واكتافها وفخدها وكان عندها 4 سنوات ونصف وقتها وللعلم الكميه كوبين شاى مش اكتر واتعذبت بنتى 50 يوم علاج خاطىء وبعدين سافرت بيها القاهره وعملت عمليتين ترقيع والحمد لله فكت الرباط الضاغط بعد 6 شهور لان طبيعة جسمها كلو يد يعنى الجسم بعد مايخف يربى انسجه زياده وهنا المشكله يا احبائى كتب لها الدكتور على لازقات سليكون بتعالج الاماكن المرتفعه بس علاج بطىء وبنتى بتحب تلبس اللبس المكشوف زيها زى كل الاطفال بس بتلبس فالبيت بس ولو حبت تطلع البلكونه تحط شال على كتفها تخيلوا مش عارفه التصرف ده منها ادهشنى وألمنى لصغر سنها نفسى فى علاج سريع ومش مهم التكلفه وياريت يا اصدقائى لو حد يعرف قصه مشابهه وراح آثار الحرق وبالذات الكلو يد يحكيها لى عشان احس انه فيه امل انا اسفه ألمتكم بس ده المنتدى الوحيد اللى حبيته وبقعد بالساعات امامه لدرجة انى بتخيل اشكال الأصدقاء فيه وبالذات الأخت نسايم الصباح واضح أنها بتبحث كتير ياريت لو تقدرى يانسايم انت وكل الأخوات تبحثوا عن علاج سريع بالكريمات أو الوصفات وياريت قصص يكون اصحابه طابت والحمدلله بالذات من الكلو يد ( الأ ماكن المرتفعه) أى ربت انسجه زياده وخصوصا أن الصيف داخل وبنتى يادوب عندها 5 سنوات ونصف الأن واجهت مشكلة الملابس المكشوفه الصيف اللى فات والصيف ده كمان أرجوكم ساعدونى أنا آسفه على الأطاله وعلى قصتى بس والله ده المنتدى الوحيد اللى خرجنى شويه من آلامى وأضطرابات معدتى هدأت قليلاوالحمد لله سلام يا أصدقائى واسفه تانى على الاطاله وفى انتظار ردكم

هدا الموضوع كتبته الاخت جين صبرى بقسم خاطئ و انا نقلته لهنا

ارجوا مساعدتها لوجه الله و لا تبخلو عليها بالمشاهده و الخروج بدون ردود

بنوتة جدة · #2 10-04-2008, 24- 03:22

جين صبري

بجد تأ لمت لقصة بنتك ..

وان شاءالله احد بالمنتدى يقدر يساعدك

وربي ان شاءالله يشفي بنتك وترجع زي الاول واحسن

ويفرحك فيها وتشوفيها احلى عروسه..

اللهم امييييييييييين

غــاليتے الأثــــمـا نـــے · #3 10-04-2008, 24- 06:03

/

لااملك لكِ الا الدعاء بأن يشفي الله بنتك

ومن الأفضل البحث عن أطباء متخصصين بالحروق!!

والحمدالله على سلامتها قبل كل شىْ

0

جين صبرى · #4 10-04-2008, 24- 20:58

يااااااااااااااه على سعادتى فى نفس اللحظه اللى رديت فيها على ( نار الشوق) ولكن الف شكر ألف شكر أنا بحب المنتدى وبغار عليه جدا لكم منى الشكر يا أخت لمياء على مجهودك ويا اخت بنوتة جده والأخت غاليه شكرا يا أخواتى

لمياء 02 · #5 14-04-2008, 24- 02:59

iهدا واجب علينا حبيبتي
انا كتبت الرد بس عشان يطلع الموضوع بالصفحات الاولى

الله معك و الله يشفيها