مساجلة شعرية - دعوة عامة للمبدعين من اعضاء المنتدى

[جــــــــوري]

ياعين غلطانه و يا قلب غلطــــان
.... ما للبكـــــى و الحزن و الضيق داعي

.

عوايد الدنيا مواصل و هجران
.... هذاك مستانس و هذاكـ ناعي

.

و لولا الرجـــا ما طابت ايام الانسان
.... تمضي حياته من ضياع لضياعي

.

من عاش مثلي بين رغبه و حرمان
.... طويت في بحر المحبـه اشراعي

.

و اعيش في الدنيا الحــــالي علشـان
.... ما تبكي اعيوني نهار الوداعي

:: ::

[عاشق الرومنسيه]

ياشينها لا صرت معجـب و خجـلان
خوف المصـارح لا يجيـب المطمّـه
اخاف اصـارح بالغـلا ذاك الإنسـان
و ينقلـب جـوو المصـارح مـذمّـه
ويا شينها لا صرت مغـرم و زعـلان
محد ٍ يراضـي قلبـك و محـدً يلمـه
وان رحت محد ٍ قال لك:وين يافـلان
روحتك مع جيّتـك .. ماهـي مهمّـه
ويا شينها لا صرت عايـش بحرمـان
مثل اليتيـم اللـي فقـد شوفـة أمّـه
ماخوذ حقّه وانظلـم شـوف الأعيـان
واللي اظلموه عيـال لحمـه و دمّـه
ويا شيـن صاحبـك لاصـار ثعبـان
لا هو تركـك و لا نفـث فيـك سمّـه