الفصل الخامس عشر
:::::::::::::::::::::
الشاليه ..
لميس جاية من برى معصبه وعلى طول دخلت الغرفه بدون ماتكلم حد ولا ترد على حد ولا بحرف ..
وهشام جاي وراها وشكله معصب ومتنرفز والكل مستغرب ويتسائل ..
لكن هشام مارد عليهم دخل الغرفه اللي كانت فيها لميس ..
راكان / وش فيهم ؟؟ قبل شوي وش حلاتهم بهالسرعه تزاعلوااا ؟؟!!
رنيم / تتوقع زعلانييين ؟
شوق تناظر رنيم / شرايك ؟ كل واحد جاي من برى ولحاله ومعصب بعد ماطلعوا مبسووطين
وماسكين ايد بعض ..وحركااات ..
ام هشام قلبها انشغل عليهم بس مابينت لهم / اسكتوااا .. ماعليكم منهم يمكن شي بسييط .. وهاللحين يطلعوا متراضيين ..
:::::::::::::::::
اول مادخل هشام الغرفه ..
لقى لميس جالسة بطرف السرير وحاطه يدها على عيونها ..
هشام / لميس وش فيك .. ماقلت لك شي .. هذا جزاني اني خايف عليك ,,
لميس شالت يدها من عيونها بعصبيه / وشايفني مناظره حد ولا مبتسمه لحد ؟؟
قلت لي البسي النقاب ولبسته .قلت مو مشكله . اما تقولي تغطي بالغطا وتتحكم بمشيتي
وتحركاتي ونظراتي ليه ؟؟
هشام بعصبيه / لا يعني اخليك براحتك تناظري هذا وذاك .. ماشفتي هالشباب
وهما يتبسمووا بوجهك .. طبعا مااراح اسكت ..
لميس نزلوا دموعها بسرعه / طيب انا وش دخلني فيهم .. ليه تعصب علي اناا
وتصارخ بوجهي قدام الكل ..
هشام قرب منها وجلس جنبها / انا ماعصبت من كيفي .. لااا من اللي شفته ..
هذاني جنبك وهما يبتسمووا لك ماباقي الا يرقمونك بعد !
لميس / طيب كان عصبت عليهم هم مو انااا ..
هشام حس بغلطته ( جد هي وش ذنبها .. كان لازم اوقف هذولا عن حدهم مو اهي ! )
هشام / ...................
لميس بجديه لفت وجهها عنه يعني زعلانه ..
هشام ماتحمل يشوف دموعها ويسكت و.. مسك يدها وبنبرة رجا / لميييس ..
لميس / .............
هشام قرب منها وحظنها بحظنه / حيااتي مااحب اشوف دمووعك ..
لميس ( هشاام والله احرجتني .. يعني جد ماعرفت تتصرف كويس ) / ...................
هشام / طيب خلاااص .. افرديهااا .. حنا جايين ننبسط مو نتزاعل
لميس / مو انت اللي تبي ..
هشام / اناا .. لا .. بالعكس .. اصلا انا خاطري نسافر مع بعض شهر عسل بس انتي راافضه ..
لميس التفتت عليه بجديه / ليه نسافر هاللحين وحنا بعد شهرين راييحين لأمريكا لبعثتك ..
يعني نظل هنا بوسط اهلي واهلك احسن ...
هشام بأبتسامه تذبح / فدييييييييت اللي يفكرون صح ..
لميس ( ياحلاة ابتساامتك بس .. ) بأبتسامه احلى / اووكيه يعني اقتنعت ..؟
هشام لف يده على رقبتها وكتفها / اكيييد ..انا مايهمني غير رضاك علي ..
لميس بنظرة رجا / بليييز هشام لا تتصرف ثاني كذاا وتصارخ علي قدام الكل ..
هشام وهو يناظر عيونها بلهفه / من عيوووني ..ياعيووني انتي ..
::::::::::::::::::::
ريناد مع بو وليد بسيارته الهمر ..
بو وليد / اقوول رنودا
ريناد ( حتى هذا يعرف يدلع ) ردت عليه بهدوء / نعم ..
بو وليد / عارفه ان اول ماشفتج ماتوقعتج بهالجمال وهالحلا ..
ريناد ( ماجبت شي جديد ..) / ..........
بو وليد كمل حكي .. / بس صج توني احس اني محظوظ فيج .. صبرت وصبرت
وآخر شي طحت على وحده احلى من القمر ..
ريناد (( لاتحاول .. وتتقرب مني بهالكلام .. ولا تفكر اني راح اميل لك ؟؟
جد انا مجبوره عليك ومجبورة اني اطلع معك بس مو معناتها تجبر قلبي ومشاعري بعد .. ))
بو وليد التفت عليها / شفيج ساكته ؟؟
ريناد وهي ضامه كفوفها بتوتر .. / مااعندي شي اقووله ..
بو وليد لاحظ انها متوتره .. مد يده وحطها على كفوفها ..
ريناد بسرعه بعدت ايديها وتكتفت ..
بو وليد ( وش فيهااا لهالدرجه مستحيه مني ؟؟ ولا انها مو متقبلتني اصلا .. ب
س بسيطه ياريناد بصبر عليج .. وبتحملج للنهايه .. )
وصلوا للمطعم .. ووقف سيارته ..
بو وليد / يلااا هذا حنا وصلنا نزلي ..
فتح الباب ونزل ..
ريناد ببطئ فتحت الباب ونزلت ...
مشى وراح جنبها علشان يدخلوا المطعم سواا ..
دخلوا داخل .. وطبعا المكان في حواجز للعوايل ..
سكر الباب وجلسوا عالطاوله ..
بو وليد جلس قبالهااا وريناد طول الوقت منزله عيونها ماتحب تناظره ..
بو وليد / هههههه شفيج ؟ فتحي الغطا مافي احد هنا ..
ريناد وهي متأففه فتحت نقابها وحطته جنبها .. وعدلت الشيله ولفتها بسرعه على راسها ..
بو وليد جالس يتأمل في وجهها ودقة ملامحها البريئه ..
ويناظر في شعرها الكستنائي الحرير اللي مبين نصه من تحت الشيله ..
ريناد ( وش ذا الحاااله بيظل هذا يناظرني كذا طول الوقت .. وربي احس اني بستفرغ ! ..)
بو وليد كسر حاجز الصمت اللي بينهم .. / هااا ايش حابه تاكليين ؟
ريناد تناظره ببرود بس عيونها ماتلاقت مع عيونه ابد / اي حاجه ..
بو وليد / اووكيه على ذوقي يعني ..
ريناد بسرعه هزت راسها بأيه .علشان مايسألها اكثر .
بو وليد طلع من عندها ومعه المنيو ..
ريناد اول ماطلع تأففت بقووه / آآآآآآآآففففففف
الا يدق جوالهاااا ..
ريناد عرفت من النغمه انها ريهام ..
ريناد / هلااا رهوومه ..
ريهام / هلا فيك قلبي .. كيفك ؟
ريناد / مثل الزفت ..
ريهام شهقت / افااا ليه ؟؟ ايش صاير ؟
ريناد / تخيلي انا بالمطعم مع ابو الشباب ..
ريهام / جد ؟؟
ريناد / اي جد والله .. هاللحين هو طالع يجيب اكل ..ههههههه تخيلي حددددي جووعااانه
بس شكلي ماراح آكل شي ...
ريهام / ههههههههههه ليه كلي ماعليك منه ..
ريناد بأبتسامه عريضه / جد رهووما ماقلت لك رضت علي خالتي ام عبدالله ..
ريهام تحمست كثير / احلللللللللفي اخيرررا كييف ؟؟؟
ريناد وهي تتتنهد / آآآآهـ ياريهام .. نادتني بحنيه وحكت معي وانا حظنتهااا
بصدري وجلست ابكي من قلب ..
ريهام / اووووه فيلم هندي صار ...
ريناد / هههههه .ايوااا
ريهام / وندى اكيد بكت معك الهبله ...
ريناد / لااا ندوو طالعه مع العاشق الولهان .. مسيو عماد
ريهام / ههههههههه ماشاء الله عليكم طلعات وحركااات ..
الا يدخل بو وليد .. ويجلس بجنبهااا
ريناد بصوت وااطي مره / رهووما اخليك انا هاللحين طيب ..
ريهام / اكيد جااا الغثه !! طيب سلمي عليه بااااااااااااااي ..
ريناد سكرت الجوال وحطته جنبهاا عالطاوله ..
ظلت ريناد ساكته ..( يالله وش جابك جنبي .. ريحتك تنرفزني ابعد .. )
بو وليد طفش وزهق ..وهو ماسك جواله بعدها تركه على جنب
بو وليد / ريناد شفيج ماتسولفين ؟؟ تراني زهقت ..
ريناد ( زهقت . وانا بعد اكثر ) وببرود / ماعندي شي اقوله ..
الا ينضرب الباب.. الجسون جاب معه العشا حطه عالطاوله وطلع ..
بو وليد / ليش ماعندج شي تقولينه ؟ اي شي عاادي .. شخاطرج فيه ؟
كلميني عن دراستج ؟ شحابه تتخصصين مثلااا ؟؟!! يعني من هالكلام ..
ريناد ( الا يعني اسوولف .. ) / اممم حابه اتخصص طب ..
بو وليد / اممم حلووو والله .. بس حابه تدرسين هنا ولا بالكويت ..
ريناد شهقت / لاا هنا طبعا ..
بو وليد / اووكيه على راحتج ..
وهو يناظرها / طيب اكلي ..
ريناد مدت يدها على عصير الكوكتيل .. ورشفت منه شويه ..
بو وليد وهو يراقبها / ادري انك يوعانه .. اكلي
ريناد عقدت حواجبها ( ليكون سمعني وانا اكلكم ريهام يوم اقول لها حدي جوعانه ! يااي احرااج )
:::::::::::::::::::
ندى في بيت عماد ..
وبعد ماتعشوا .. راحوا جلسوا الصاله
ام سعود / ان شالله عجبكم العشااا
ندى بأبتسامه / اي .. اكيد يعطيكم العافيه ..
عهود / الله يعاافيك .. ترى كله من ايدي انا ومنى ..
غيداء / مع وجهك .. انا مصلحه هالحلى ..
عماد / غصب عنك مصلحته ..
غيداء بدلع / لااااا .. انت بس ذوقه واحكم ..
مدت الصحن له .. واخذ قطعه منه ..
عماد وهو يتمسخر / وععععععععع
غيدا فتحت عيونها للآخر / لا تقرفنا بس ..
ندى / ههههههههههههه
عماد / لحظة .. << مد يده واخذ قطعة ثانيه / احكمي يااندى ..
ندى اخذتها منه بالشوكه وكلت منها شووي / اممممممم لذيذ
عماد / يالغبيه ليه ؟؟ خلينا نوسوسها
غيدا / ههههههههههه احسن .. اصلا انا وااثقه مايحتاج راي حد ..
ام سعود تناظر عماد / يلااا عاد حدد موعد الزواج خلينا نفرح فيكم بسرعه ..
عماد مسك يد ندى وضمها بكفوفه وبثقه / والله حنا قررنا بعد ثلاث اربع شهور
ندى ارتبكت من مسك يدها بقووه .. / عماد يلاا تأخرت عالبيت ..
الكل / بدري ..
ندى / بدري من اعماركم .. بس جد تأخرت الساعة 11 ونص هاللحين ..
عماد يبيها من الله / طيب يلااا البسي ..
ندى لبست عبايتها وحطت الشيله ورى رقبتها ..
ام عماد / سلمي على عالوالده ..
ندى / ان شالله خالتي .. يلااا مع السلااااامه
سلمت عليهم كلهم وطلعت مع عماد ..
اول ماطلعت ..
منى / يااااااااااي تهبببل .. شفتوا وش لابسه يجنن
غيدا ببرود / عاادي .. كله اصلا مكياج ..ماشفتيها كيف تتدلع وكل شوي تضحك يعني علشان غمازتها تبين ..
عهود / ههههههههه بس هي حلووة وجذاابه ..
ام عماد / حسبي الله عليكم ماامداها طلعت تحكون فيها ..
غيدا / مااغتبناها طيب .. حنا نعللق بس على اللي شفناه منها
منى / هههههههههههههه ينقال عنك صرفتيها
:::
عماد وندى بالحديقه قبل لايركبوا السيارة ..وقبل ما ندى تغطي نفسها وتسكر ازرة عبايتها ..
عماد قرب من ندى بقوووه وحظنها .. / ....
ندى كانت نبضات قلبها تدق بقووه .. /.......
عماد بهمس / وحشتيييييييييني .. اشتقت لأحظانك ..
ندى حست بحرارة جسمها وهو متعلق بأحظانها بعدت منه ببطئ ..
عماد وهو يناظرها بنظرات حب من تحت لفوق ليمن وصل لعيونها / عجبتيني اليووم ..<< وناظر فمها / تجنني بهالروج الأحمر
ندى حست انها بتموت من نظراته اللي تدوخ .. نزلت راسها بسرعه
ولفت الشيله على راسها وتنقبت ..
عماد بخبث / هههههههه خجلتك ؟
ندى مااتدري وش تقول .. بلعت ريقها / اممممم يلااا نطلع ..
::::::::::::::::::::
