الفصل الرابع عشر
::::::::::::::
حسام رجع البيت بيأس وحزن على عيونه ..
ام حسام / رجعت ؟ وين رحت ؟ قلبي انشغل عليك ؟؟
حسام بنبرة حزن / يمه انا تعباان
وحط يده على قلبه وفيه العبره .. / القلب يهواهااا ..
ام حسام بنظرات كلها شفقه وحنان / ياوليدي خلاص البنت راحت بنصيبها واذا صدق تحبها تمنى لها السعاده ولك مني ازوجك اللي احلى منها واللي تقدر تسعدك ان شاء الله ..
حسام بكل برود / مهما حكيت مااظن حد يقدر يفهمني ..
ومشى من عندها وصعد فوق لغرفته .بخطوات بطيئة يائسه ...
وقبل لايدخل الغرفه مر غرفة دانه وفتح الغرفه ..لقاها مقفله ..
حسام وهو يضرب باب الغرفة وبعصبيه / دانه .. دانوووه
دانه كانت تكلم جوال بسرعة قفلته وحطته تحت المخده .. وراحت تفتح الباب .. وهي مرعوبه .. (( الله يستر منك .. ))
دانه / نعم ؟؟ في شي ؟؟
حسام يناظرها بحقد .. وكراهيه ماقد ناظرها كذا من قبل
دانه تحرك عيونها يمين وشمال وبسرعه / حسام وش فيك تناظرني كذاا
حسام قرب منها اكثر ومليانه عيونه حقد عليهااا ..
دانه خاافت من نظراته وتراجعت وراهااا ..
حسام مشى وراها ومسكها من شعرها بعصبيه .. / يالحقيره .. ضيعتي اغلى مااتمناه .. عارفه .. ان اللي وحده مثلك مو لازم تعيش .. اللي مثلك لازم تموووت
دانه تستنجد بأعلها صوتهااا / آآآآهـ مامااااااااااا ... ماااااااامااااااا وينك
حسام حط يده على رقبتها وضغط عليها بقووه من القهر اللي داخله وبصوت عاااالي / ابذحك .. فااهمه .. انتي ضيعتي حلمي .. ريناد راحت بسببك انتي ..
دانه وهي تكح وبنفس متقطع / اناااا وش ..... دخــــــلني !!
حسام شال يده من رقبتها ومسكها من قميصها .. / وش دخلك ؟؟ كل هذا بسببك .. رحنا وتقدمنا لها ورفضتني وفضلت علي واحد كبر ابوها ولاهو من دمها ولا هو من ديرتنا ولا شي .. واكيد عارفه ليه رافضتني .. صح ولا لا ؟؟ جاوبيني ..
دانه وهي تناظره برجاا / حسام خلاص اتركني ..
الا تدخل ام حسام ..
ام حسام شهقت / وش فيكم .. ابعد عن اختك ..
حسام رماها عالسرير بقوووه .. وبعصبيه ..
دانه عدلت جلستها بسرعه .. / ماماااا ابعديه عندي هذا مجرم يبغى يذبحني ..
حسام / اذبحك واذبح هالشر اللي فيك ..
ام حسام بعصبيه / كفااااايه .. انت معهااا وش هالحاله كل يوم انتم على هالحال مااعندكم الا هالسالفه ..
حسام طلع من غرفتها بعد ماطلع حرته فيهاا ..
:::::::::::::::::
الساعة 1 ونص بالليل
بغرفة ريناد ..
ريناد طبعا اول ماجات من المستشفى كانت مرره تعبانة انسدحت عالسرير ولا حست بعمرها الا وهي ناااايمة ..
فجأة دق جوالهااا وهذي مو اول مرة يدق كان يدق وبعد ربع ساعة او اقل يدق ثانيه ..
ريناد حست ان جوالها يدق .. فتحت عيونها ببطء والتفتت على جنب واخذت الجوال وردت ..
ريناد بصوت باين عليه النوم والتعب / آآلوو
كان بو وليد معها عالخط ..
بو وليد / هلاا ريناد وينج ماتردين ؟
ريناد ( آآآآآآآف وش يبغا هذاا بعد !!) / كنت ناايمه ..
بو وليد / اهااا نوم العوافي .. بس قعدت احاتيج ولا عشر مرات ادق ..
ريناد مالها خلقه ابد / قلت لك ناايمه ..
بو وليد ( هذي شكلها مو متقبلتني كلش .. ) / طيب حبيبتي انا بخليج تصبحين على خير ..
ريناد / اووكيه باي ..
سكرت الجوال ولقت مكالمات لم يرد عليها 13 ..والمسجات 3
ريناد / ويـــــــــه كل هذوولا ..
اغلبهم مكالمات من بو وليد ومكالمه من ريهام وثانيه من رنيم ..
والمسجات .:..
اول مسج قرته .. (يَاحُبَهَآا .. بِالحِيِـلِ أَعّشَـقْ قَلّبَهَآا
يَآقُرٍبَهَآإ .. ياخِذنِـيِ الشُوٍقْ قُرٍبَهَآا
[ أَحِبَهَآاآ ]
كِثّرٍ المٍطِـرٍ .. كِثّرٍ الرٍمَآالٍ بِدِرٍبِهَاآإ
[ أَحِبَهَآا ]كِلٍ مَادَنِـتٍ شَمّسِ الأَصِيِـلٍ وٍغَرٍبَهَاآ
... أَحِبَهَآآأإأ ...
كان المسج من رقم غرييب مو مسجل بأسم ..لكن تذكرت ريناد انه هالرقم هو رقم بو وليد ..!!
ريناد ( ماشاء الله على الأخ يعرف يرسل مسجات بعد ..!! )
حفظته الرقم عندهااا واحتارت وش تكتب.. تكتب بو وليد .. نااصر .. !!
اكتبت بو وليد ( شنو بو وليد جوال عجووز ولا وحده متزوجة من 20 سنة ..!! )
بعد كذاامسحته واكتبت ناصر ( لااا لااا كأنه جوال ولد اهبل ..!! )
بالأخير فكرت واكتبت .. ( قدري المحتوم !!! ) (( ايووه بالألقااب كذا احسن .. ! ))
ريناد / خليني اشوف المسج الثاني .. من وين ..؟
المسج / ( رنوود اكيد ناايمه .. المهم تصبحي على خير بعد حيي .. والله كان نفسي اسولف معك يلاااا سي يو )
كان المسج من رنيم
اما المسج الثالث مسج عاادي من الأتصالات .. !
ريناد حطت الجوال على جنب وحست بالجوع لأنها مااكلت من جات من المستشفى على طول ناامت ..
اخذت لها شاور عالسريع ونزلت تحت وراحت المطبخ تشوف لها حاجة تاكلهااا
:::::::::::::::::::
( راكان )
كعادته متكئ عالسرير وبحظنه اللاب توب ... وشابك النت ..
الا يدق جواله .. بنغمة نوكيا المملة !!
راكان ببرود / هلاااا عماد..
عماد / هلا فيك .. وينك يابو الشباب ابد ماتنشااف !
راكان / انا ياللي ماانشاف ولا انت من ملكت وانت رافع خشمك علينا
عماد / افاااااااا ..
راكان / جد والله حتى بالشاليهات ماعدت تبين ..
عماد / والله عارف اني مقصر بس هذا حال الدنيا ..
راكان يتمسخر / حاااال الدنياااااااااااااا مرة وحده ..
عماد / هههههههههههه صدقني وقتي مو لي ..
راكان / أي اكيد هذا من البدايه الحكومه ماسكتك ...
عماد / لااا .. لاتظلمها والله من ملكت عليها ماطلعت معها الا يومين بس .. بس والله انشغلت بالبيت وخواتي ..شووي .تعرف مالهم الا انا امشيهم اسواق وغيره ...
راكان / اهااا يلااا مو مشكله .. وينك انت هاللحين ..
عماد / والله تو جاي من برى ..انت وينك ؟
راكان / اهااا ..لا انا من المغرب نايم وتوني صاحي وشبكت النت من الطفش .. .. ..
عماد / اوووه وش عندك نايم بدري ..
راكان قال له كل شي وش صار اليوم بالظبط في المستشفى ! ..
:::::::::::::::::
(لميس وهشام )
جالسين بالصاله عند التلفزيون حاطينه على روتانا سينما .. يناظرون فيلم مصري كوميدي يعني اكيد فيها عادل امام ..!!
وحاطين مكسرات وشيبس وفشاار وكابوتشينو وحركآآآت ..
وهما مندمجين بالفيلم /
لميس / هههههههههههههههه
هشام / هههههههههههههههااااااااااااي
لميس ماسكه بطنها / تكفى هشاااام خلاااص بمووت ضحك ..
هشام وبيده كوب الكابتشيو / ههههه اصبري قربت نهايته .. والله على كثر مااشوفه امووت ضحك ..
لميس استغربت / شااايفه !! صدق ماعندك سالفه ليه تشوفه ثانيه ؟؟
هشام وهو يناظرهاا ورافع حاجبه اليمين / انا مااعندي سااالفه ..!!
لميس ببراءه / لاااا مو قصدي .. بس انا من النوع ياللي مااحب اشوف الشي مرتين ..
هشام وهو مبتسم / لا بس هذا كوميدي .. حلو انك تفرفش وتضحك
لميس تناظره وتسمعه / ...........
هشام يكمل حكي وهو متحمس / ..والأحلى من كذا وقت ما تشوف
الفيلم يكون الجو هاااااااااادئ و شاعري مافيه الا كم ضوء شغال لاااا واذا بجنبك بنوته حلوووه مثل القمر ياللي ياللي جالسه بجنبي .. يكون احلى واحلى .. راح تستمتع وانت تسمع ضحكتها معك ..
لميس مندمجه معه للآخر وبالآخير / ههههههههههههه جد والله !!
هشام وهو يناظرعيونها اللي تدوخ / لمووو عارفه ان ضحكتك حلووة ..... حلوووة مووووووووت ...
لميس نزلت عيوونها بسرعه / ............
هشام قرب منها اكثر ورفع راسها وبصوت قريب للهمس / احبك .. احبك .. احبك ..
عاد هنا لميس دوروا عليهااا البنت راااحت فيهااا !!!
:::::::::::::::::::
