طرائف زواج المسيار

[ام حنين]

يحكى أن أحدهم لا يشتكي من بلاء في بيته ومستقر مع زوجته لكن نزوة سهلة دفعته إلى زواج المسيار !
يعني بزعمه يوسع صدره بدون تكاليف ومنه قضاء الوقت بشئ مفيد (حسب قوله).

المهم الرجل حط في اعتباره ان الوضع مؤقت وعلى هالأساس ما حب زوجته الاولى تدري لأن حياته مثل ماقال مستقره ولا يبي يزعزعها (عذر أقبح من ذنب )

لكن زوجة المسيار كان لديها رغبه شديده في ان تعلم زوجته الاولى زواجهم ولكن بطريقه لاتوحي بأن لديها يدا في ذلك ( يا عيني على الحنية الزايفه )

فكانت عندما تذهب معه في مشوار تحاول ان تترك منديلا فيه اثر احمر شفاه او ترمي بقلم كحل في ارضيه السياره او غطاء عطر نسائي او .. او.. الخ ..

لكن الرجل كان منتبه لهالحركات ودايم يفحص سيارته .. (عامل نفسه ذكي)

وفي احد الأيام كان طالع مع زوجته المسيار وكان بينه وبين زوجته الاولى موعد يوديها زواج وبعد ماجهزت دقت عليه يجي ياخذها قام طلع من المطعم هو وزوجته المسيار ووداها لبيتها وراح يأخذ زوجته الاولى ..

ركبت الحرمه وتحركت السياره وبعد دقايق لمح الرجال زوج احذية نسائي عند قدميه فتسارعت نبضات قلبه وكادت عينيه تخرج من محجريهما (خله يستاهل)

وتهامس في نفسه : بنت اللذين سوتها فيني !

المهم بدأ يشاغل زوجته بالحديث وشوي شوي يحاول سحب الحذاء بخفه لين ما وصلوا لأحد الإشارات ( من فوائد اشارات المرور)

ويفتح باب السياره وكانه بيناظر شئ ويرمي بالحذاء للشارع ..

يوم ارتاح وتنفس الصعداء ............

يوم وصلوا مكان الزواج وتتلفت الحرمه يمين ويسار بالسياره .. قال لها شفيك؟ قالت حذائي وينه؟كان مضايقني وفسخته لين ما نوصل الزواج ألبسه !!

قال : هاه مــــــــدري ؟! ماشفت شئ


منقول

[الجاسر]

يعطيكي الف عافيه ام حنين

[ميمي ام عبودي]

اللي في بطنه ريح مايستريح
او على قول اخواننا المصريين
الي على راسه بطحى يحسس عليها

[مياسه]

هههههههههه
فعلا قصه طريفه
يعطيك الف الف عااااااااااافيه اختي ام حنين على هذه القصه المسليه
وننتظر جديدك دائما

مياااااااااااااااسه

[غريب2000]

والله مصبيه هالمسيار الي ازعجونا فيه

ههههههههههه شي يضحك


يسلمووو

يعطيك الف الف عافيه