شوربة الدجاج بالذره لذيذه وسهله وسريعه ...

ريمة · #1 10-12-2005, 24- 22:01

شوربة الدجاج بالذره لذيذه وسهله وسريعه .
--------------------------------------------------------------------------------

هذى الشوربه لذيذه وسريعه وان شاء الله تعجبكم

قبل لا ادخل في مقاديرها حابه اقولكم طريقة الدجاج

تاخذين دجاجه وتطبخينها في ماء فيه بهارات صحيحه ( اعواد قرفه .. وحبات من الهيل .. والقليل من الكركم الناعم .. وحبات من المسمار ... ) او ممكن تضيفي البهارات المتعوده عليها انتي لطبخ الدجاج وملح وتترك تطبخ حتى تنضج تماما

نضعها في مصفى ونخليها تبرد اشوي ثم نفتتها ( ونخليها من العظم والجلد )ونوزعها في 4 اكياس ونضعها في الفريزر .... وناخذ كيس ونعمل منه الشوربه وبهذا نوفر الوقت علينا

المقادير :

كيس من الدجاج المحضر مسبقا

5 كاس ماء

2 حبة مكعبات ماجي

1 كاس حليب سائل

نص كاس ماء مذوب فيه 4 ملاعق نشا

كزبره او اشبنت حسب الموجود

علبة ذره صغيره وعلبة مشروم صغيره

الطريقه :

نضع الخمس اكواب في القدر على النار ونضع الدجاج والمكعبين الماجي

ولما يغلي نحط الذره والمشروم بعد ما نصفيهم من مائهم

ولما يبدي يغلي الخليط نضيف الحليب ونحرك فيه

بعدها نضيف عليه النشا المذوب جيدا في الماء ونحرك الخليط بسرعه وراح نلاحظ انه ثخن بسرعه

بالاخر نضيف الخضره الاشبت او الكزبره

ونخليها على نار وسط لمدة عشر دقايق ثم تقدم

راح نلاحظ انا ما اضفنا عليها اي نوع من البهارات او الملح

وممكن تحطين عليها قطرات من صوص الصويا او عصير الليمون اثناء شربها

وعليكم بالعافيه

مهندس زوجتي · #2 13-12-2005, 24- 16:17

الله يعطيكي 1000 عافية

تشكرات على الوصفة

ريمة · #3 14-12-2005, 24- 13:29

الله يعافيك أخوي وتسلم على مرورك....

بنــ قطـــرـــت · #4 14-12-2005, 24- 14:07

أممممم شوربه ذره اكيد لذيذه مدام
انتي كاتبتها تسلمين حبوبه
وبانتظار المزيد

ريمة · #5 14-12-2005, 24- 17:17

الله يسلمك يا الغالية وتسلمين على مرورك الكريم....