نـاقـتـي يـانـاقـتـي لا ربـاع ولا سـدّيـس ,,, لـنـاصـر الفـراعـنـه

ليتني طفله · #1 11-01-2008, 24- 06:06


	ناقـتـي ياناقـتـي .. لا ربــاع ولا سـديـس وصلينـي لابتـي مـن ورى هــاك الطـعـوس حايل(ن) رابع سنـه مـن خيـار العيـس عيـس خفهـا لا درهمـت كـنـه بالـنـار محـسـوس في دجى خالـي خـلا .. لا حسيـس ولا نسيـس تدوخـك مـن شـدة البـرد طقطقـة الضـروس فـي عيونـي يكفـخ الطيـر ويطيـح الفـريـس وإنتهـض جسـاس مـن دون خالتـه البسـوس وفي خفوقي فـرخ جنيـة(ن) يضـرس ضريـس يـوم أوّردهـا هجـوس(ن) وأصّدرهـا هجـوس ديرتـي دار إبـن ضـاري وإبـن غثلـم جريـس ديـرة إللـي دوّجـو فـي فيافـي نجـد جـوس ديرتـي يـا بنـت شيـخ(ن) ومعدنهـا نفـيـس عيطمـوس(ن) دونـهـا دثرتـنـي عيطـمـوس جادل(ن) مطـرق جسدهـا مـع الغربـي يميـس طينـة(ن) مـن تربـه الخلـد والـدم محمـوس نقشت خمس(ن) من الخمس فـي يـوم الخميـس ليّـت شعـري مــا أرادت بـهـذا دختـنـوس كـم تمنـى إمـعـه مثلـهـا فتـنـه إبلـيـس كـان يمكـن قـد قلـب نصـف أمتنـا مجـوس كـن دمـاث الصـدر منهـا كنيسـه أو كنـيـس صومعـة رهبـان ديـن(ن) يـؤدون الطـقـوس آتقـوس مــع تـقـوس نواهـدهـا وأقـيـس قبتين(ن) قاب قوسيـن قـوس(ن) جنـب قـوس خصرهـا يحكـي لنـا واقـع القـوم التعـيـس وردفهـا عـن غطرسـة بـوش يعطينـا دروس وبالرغـم مـن قصرهـا مـا يجالسهـا جلـيـس تصبح أطول نسوه الأرض فـي وضـع الجلـوس العروسـه ماتبـي غيـر أبـو تركـي عـريـس العروسـه نجـد مـاهـي بحـيـا الله عــروس نجـد بنـت المجـد ونسـة مونسـة الونـيـس مـا عسفهـا إلا معـزي ضحـى يـوم العبـوس كل أهل نجد(ن) هلي مـن آجـا حتـى الخميـس فـي ذراهـم بلتجـي عـن مقففـة الـرسـوس وعيشتي ما بين أسـود(ن) ولـو مانـي رئيـس خير من كونـي رئيـس(ن) علـى شلقـه تيـوس وليـس عيـب إن خدعنـي بمكـره كـل هيـس لأن مـا يفهـم بطبـع الهـيـوس إلا الهـيـوس مصطفـى فـي مأدبـه عمـه البـابـا لـويـس كبـر اللقمـه تحـت ضـوء حمـراء الـكـؤوس وطسـم حدتهـا علـى حائـط المبكـى جديـس يـوم شقـت ثوبهـا بنـت عـفـار الشـمـوس سيـده هـاك القصـر إسمـهـا الأول لمـيـس دونهـا سمـر الحناجـر بترهـا حــد مــوس قسقست لأحرارهم ,, قيس ,, قيس ,, قيس ,, قيس وألبستهـم مـن مهانتـهـم أنــواع اللـبـوس بين خدعـه كعـب أخيـل(ن) ومولـد أدوريـس درسونـا الإلـه والـمـدرس هــو مــروس ويش لاقو من قناه السويـس أهـل السويـس ؟؟ وويش لاقـو مـن تلمسـان قـوم منسنـوس ؟؟ كلهـم مـن شـدة الجـوع راحــو خنـدريـس بيـن غيبوبـه مخـدر وصحـوه عـرق سـوس ثـورة(ن) راحـو سببهـا بـتـوع الأوتوبـيـس وش نبـي فيهـا وهـي مـا تهـز إلا الغـروس آفه المرء إثنتـان .. إلـف كـاس وحـب كيـس والنفـوس إليـا بغيـت تعرفهـا ,, إرم الفلـوس ينكشـف زيـف الشعـارات لا حمـي الوطـيـس ترجع الأذنـاب أذنـاب ,, وتبقـى الـروس روس صدق لا قال العـرب مـا يحـوص إلا الخسيـس ولا يوطي الرؤوس شـي مثـل ضعـف النفـوس ناقتـي يــا ناقـتـي لا ربــاع ولا سـديـس وصلينـي لابتـي مـن ورى هــاك الطـعـوس