ما رأيك فيمن : يشتمك ,,, يسخر منك ,,, ويجرحك ,,, ثم يقول " هههه انا امزح معك ........

[عشق السحايب]

السلام عليكم ورحمة الله وبركاته



موضوع شفته باحد المنتديات وعجبني واايد لانه حاصل كثير هالايام واحب اشوف رأيكم فيه


* * * * * *

لاشك ان جميعنا او أغلبنا يحب الضحك والمرح ويحب ان يبتسم
بروح الدعابة مما يضفي جو البهجة والسرور في قلوب وعقول
من يصادقه ...
لكن هل كل ضحك مباح وكل مرح فى محله؟؟
اذا جاك شخص يضحك على فلان وفلان
ما خلا شي عنه
بس عشان يضحك ولا علييه من هذا الشخص
ولكن يوم يغتاض الشخص
رد عليييه وقال
افا عليك انا امزح انت زعلت؟؟


هنـــا السؤال؟

شو هو حدود المزح بين البعض؟
يعني لازم في كل وقت نستخف بدمنا؟؟
ما نصيحتك لمن تمزح لتصل لجرح مشاعر غيرها بإسلوبها
الساخر الذى يصل لحد عدم اللياقة والبغض ؟؟
ما نصيحتك لمن تتقبل هذة الطريقة فى المزاح ؟؟
و ما رايكن بهؤلاء الأشخاص الذين يمزحون في كل الأوقات
وحتى التي تتطلب الجد ومنهم هؤلاء
الذين يجرحون ويشتمون ثم وبكل وقاحة يوجهون لك هذه العبارة
( ماذا بكِ امزح معك) ..!!
هل يدخل المزاح في الشتم والتجريح ؟!!
هذي المواقف كثير منتشره عندنا وحبيييت اعرف رايكم

قول النبي صلى الله عليه وسلم (( لا تكثر الضحك ، فإن كثرة الضحك تميت القلب))
واتذكر ايضا قول سيدنا عمر بن الخطاب رضي الله عنه ( من كثر ضحكه قلت هيبته ، ومن مزح استخف به ، ومن أكثر من شيء عُرف به ) ، وقال المارودي : فوصمة المزاح أن يذهب عنه الهيبة والبهاء ويجرّي عليه الغوغاء والسفهاء



اتتظر ارائكم

الصمت الخجول

[غريب2000]

فعلآ موضوعك قوي ومهم

وانا في رائي لا تستعجل بالمزح مع اي احد

حتى تتأكد من هويته المرحيه يعني هل هو يقبل المزح من النوع هذا او لا

اذا وقع الفاس في الراس وقلت مزحت الي ضايقتك

حاول انك تمسك نفسك انت الي تم المزح معك

ممكن تدقه بكلمه عسى يفهمها هو لحاله

وفي انتظار البقيه

يسلمو يالصمت الخجول

ربي يسعد ايااااااااامك

[لـولـيـتـا]

الموضوع من جد يحتاج إلى نقاش .

أنا من رأي إنه اذا كان اخي أو أختي فعادي عندي ..لأنه اخوي ..

أما اذا كانت صديقتي فعلى حسب لاصديق أو الصديقه لانه احيانا تكون بيننا زماله فقط لا اقل ولا اكثر ..

حتى اقاربي ينطبق عليهم هذا الشيء .. بعدين اللي يضحك على الناس هو نفسه الناس راح تضحك عليه..

[mssk]

فعلا موضوع مهم

واللي يستخدم هاالاسلوب بصراحه غبي لانه يقصد التجريح في الاساس

وذا احرج وتمت معاتبته تهرب بأنه يدعي المزح اي مزح ؟؟؟؟؟؟؟؟؟؟؟؟؟

عمومآ هذي النوعيه من الناس جبناء ولا يستطيعون المواجهه

لذا يجب عدم السماح لهم من البدايه في التمادي في الكلام وتوضيح حجمهم الفعلي .........

رايي الخاص اتمنى ان لا يضايق احد

والف شكر الصمت على هالموضوع المميز

[احســاس]

مساكم ورد ..


احنا هـ الايام نصادف اشكال مختلفه من البشر
ممكن تلقى اللي يبتسم وبس
واللي يفتح قلبه لك
وتلقى اللي يرمي عليك الكلمه ومايثمنها
وتلقى اللي مزحه اثقل من الكره الارضيه و اللي واللي............ألخ
الناس اشكال واللوان
ولازم نحدد اللوان اللي احنا ننتمي له

اعتقد بانه صعبه اني اتقبل مزح من اي احد
او امزح مع اي احد
لان الحياه اسلوب ومعامله

اللي يشتم او يسخر
مفروض مانتعب قلوبنا معاه
اولاً ..مانزل مستوانا لمستواه
ثانياً ..الشتيمه رااجعه له

والمزح مو في كل الحالات مقبوول

اعذريني طلوولة يالغاليه
مشكوره على الموووضووع
والله يعافيكِ
احســاس