 |
|
 |
| ||
| ||
|
|
|
|||||||
| التسجيل | التعليمـــات | البحث | مشاركات اليوم | اجعل كافة المشاركات مقروءة |
| الضحك و الصرقعه ابتسامات وسوالف توسع الصدرمنتدى الصرقعه والقرقعه - ::تنسيم + إقلاع + هسترة = بـدون زعــل |
 |
|
|
LinkBack | أدوات الموضوع |
|
#1
28-11-2007, 24- 03:48
|
||||
|
||||
قصتي انا وولد عمي مناحي هع هع
-------------------------------------------------------------------------------- بسم الله الرحمن الرحيم السلام عليكم ورحمه الله وبركاته اما بعد... <<<< خطبه هلللوووووووووووووو تسيف حالكم ... شخباركم كيف الأهل والإخوان والخوات وسلفكم وخلفكم << اخبار اعلوم انشاء الله تزقحون ادري انكم اشتقتولي : <<< يا شين الثقه ياناس بس عسى احد ما قدر يتحمل بعادي وانتحر >>>> وش عندك ينتحرون عشانك يلا عاد انا جايه اسدح لكم سالووووفه صعنونه وشحلاتها تهبل مثلكم >>> لاتصدقون ويلا عاد مابطول مقدمه بدخل دش بالموزوع نبدااااا 3 2 1..... ترى هذي حال الدنيا : <<< اقول اخلصي ((صراحه مدري شلون أفتح الموضوع ... فكرت إني أسكره بس مالقيت قفل عشان كذا دورت على مفتاح: : المستودع ولقيته مصدي <<< تراي زايده الجرعه إنزلوا وإقروا الموضوع والله يأني وحدتن عندها قرقرن وش كثره : الموووهيم انا بطرح لكم قصتي انا وبابتي وولد عموووو >>>> ياشين الدلع بص مرة من المراريت ونا منبطحه على بطني وماسكه يد السوني والعب ببرشلونه ضد الكويت <<<< احلام سعيده الا ويجيني ذاك الشلوت اللي مايمديكم عليه وطااااخ على ظهري !! جدعت اليد من يدي >>>>>فسروها انتم رفعت مقلتاي المليأتان بالدموع وقلت: وجعتيييييييييييييييييين وظربه خييييير ؟؟ وشذا الميانه اللي فذا البيت؟ ماغير طاخ وطيخ وكله على راسي قصدي ظهري؟؟؟ والف الا والقاه الوالد >>>> يافرحتي قلت له : اوووووه هلاااااااااااا بابووووي هلاااااااااا برب المنزل هلااااااا بولي الامر بتاعي اخبارك؟ انشاء الله تمام؟ قال لي والشرار يتطاير من عينيه هذا غير ان انامله الناعمه تتراقص عند حلقي اسمعي يا ..... ...>>>> الاسم مشفر >>>> القناة الاولى هع هع جايتس ولد عمتس ( مناحي )خاطبتس يا الهيسه وباتسر الشوفه عاد روحي لمّي ذا الكشه وهي كم من يوم وانتي موسعه علينا البيت كود اني اسوي غرفتس حمامن لي قلت له : بااااااااابي دااااااادي (هزبند امي )"< < يمديكم ع اللغه " ارجوووووووووك كلش الا مناحي الخبل تكفى يبه تككككككككفى انت ما تدري وش سوى فيني هالخبل؟ هذا كان يروح البقاله ويشري له علك بس عشان يجدعه في كشتي هذا كان يمصعني من رقبتي وينزلني من الدرج يقول خلينا نلعب طفشان هذا كان يمسك اصابعي ويقص اظافري مايبقي فيها شي يقولي "باديكير ما تعرفين انتي " هذا دمار شامل باااااااااااابي جلس الوالد وتكى ع المركه وقام يملس لحيته ويطالعني ثلاثة ارباع العين : لقد تغاضيتي ايتها الفجله عن بعض المقاطع الا وهيا : انتسي كنتي قبل ما يرقع العلك بكشتس كنتي قد صببتي علبه كامله من الزبده على شعره لقد كنتي قبل ما يمصعتس من رقبتتس وهو طفشان مقومته من نومه وانتي تنتفين شعر رجله وقبل ما يقص اظافرتس كنتي قد حلقتي شعره بالموس ع الصفر تقولين له "نيو لوك" لابارك الله فيتس واللي يجي يخطبتس هذا ان ماكان ابوه غاصبه عليتس يا الناقه مسويتلي فيها براءة الاطفال وانتي الاوبيزت >>>>>>واقول من وين انا متعلمه حركات العنقلش بلعت ريقي ودموعي تصبصب <<< امطار مهوب عين ولفيت على ابوي بحركه سينيمائيه وقلت : جايب هالقساوه منين ؟ منين منين ؟؟يا طيب !! قال لي :وانتي لين الحين ما تعرفين تحتسين الا بالاغاني؟ ينعن ابو هالفره يالله انـــــــــــهجي قلت له : بابي اولا للرد على سؤالك نعم حتسيي فيه نغم فيه كثير من الشعر و حتسي اللي فاهمين الدنيا ثانيا ماااااااااااااااانيب ماخذته جعله في حفرتن مالها قاع قول امين قال : امين بعدين استوعب وسطعني بالعقال على خشتي وارفع جلابيتي واعضها ( لاتخافون علي سروال خط البلده ماخذه احتياطاتي لمثل هذه المواقف) وادعسسسس على غرفتي سييييييييييدا عقب ما قفلت الباب الا واسمع احدن يحتسي يقول لي: هيه انتي يا الدرجه يمديتس تنحاشين وتعرسين لتس على اللي تبين بدال ما يغصبونتس اهلتس على واحدن ما تبينه صح ولا لا؟ قلت: الا صح بس من انت؟ قال : انا بليس جعلتس المر قولي امين قلت: امين بس وشلون ابنحاش ياطويل العمر؟ قال : كيت كيت كيت <<<<< يعني ساسرني هع هع المهم واعجبتني الفتسره بس قلت له : انا يا الهيس انا ما ابي انحاش من عند اهلي مرتن وحده تراني بنتن لهم مهوب شغاله حسبي الله على بليسك يوم قلت ( حسبي الله على بليسك) ناظرني بنص عين وعداها لي وقال : هاه يا باش مهندسه كم يوم تبين تنحاشين؟ قلت : يا افندم والله لو يحصل يوم واحد يكفي تعرف انت حفل عزوبيه وحركات قبل لا اعرس قال : ماشالله والله انتس حركات منتيب سهلتن ابدن اقول الخلا لا اعطيتس ركبه اخليتس تسنتس عنز(ن) مخنوقه طالعته بنص عين وبرطمي يرتفع الى اعلى بنصف ابتسامه واقول دواك عندي يا وجه الركبه ( واتعوذ من ابليس وهو اللي يختفي ) عقب قمت أقلب الفتسره في مخي على نار هاديه وطبعا استعملت زيت العربي عشان تصير اطعم واعجبتني الصراحه وقلت هو يومن واحد وماراح ينعاد علي وسميت بالله وبدأ التنفيذ رحت لوخيتي في الكتشن >>> مايمديكم لو تيطيرون والقاها تطبخ تشكن >>> اقووووووول ابعدوا عن دربي ما يمديكم ابد والله اني استكووووووووووزا واتميلح عندها واقولها : خيتووو ازييك يا أمر ؟ عامله ايه لينا ع العشى؟ قالت بدون نفس وماده رجلها تبي ترفسني بس فكني الله وتراجعت خطوتين الى الوراء مقلوبه جعل كبدتس تقلب عليتس قولي امين قلت : امين اقول حبيبتي انتي دريتي عن مناحي ولد عمي خاطبني ؟ : قالت : ايه هو ابوه توه مكلم ابوي ويقول عقب الشوفه باتسر العرس بيكون عقب اسبوع قلت : حرااااااااااااااااااااااااااااام ما ابيه يا شيخه ياختي روقينا : : قالت : اها يا بنت لا اجيب العجرا : قلت : وش عقب اسبوع حتى خروف العيد يحجزونه قبل شهر قالت: على طاري الخرفان تبين في عرستس مندي ولا مظبي؟ تكرفست انا للوراء بكرامتي وطلعت من المطبخ : وقلت لاااااه الخطه منفذه منفذه الله لا يعوق بشر واروح غرفتي وابدأ بالتنفيذ الصدزي ويوم اصبح الصبح وتمغط بنوره لين وصل الى بؤبؤ عيني اللوزيتان كبست وفزيت مرتاعه وقلت : شفت موتي وانا حي واروح اتلبس واتطيب واتكشخ واحط الديرمه وذاك الظل البنفسجي : والكحل اللي يشق العين : : وانزل لوخيتي واقولها : صباحك سكر يا أشطه قالت : وانتي بخير, ماشالله عليتس قضيتي وتقرب مني وتشمني وتقول: وانا اقول وين عطر المغاسل : : الله يلعن شكلتس يا المخيسه >>>>>مهوب عطر بعد المطهر الاصفر ذاك المهم وانا اللي اقولها : مهوب عطر خلاص يعني المغاسل اولى مني؟ : وتروح اختي وتقول ابوتس هو اللي بيقدر عليتس مافيني حيل شد شعر وما الى ذالك : واقولها وهي معطيتني مقفاها : متى بيجي هالهيس؟ قالت : الهيسه انتي قلت: والهيسه ما تاخذ الا هيس <<<< فاهمه الدعوه غلط : المهم قالت انهم في الطريق وانا اللي تجيني ام الركب بس جاني خويي ( ابليس) وهو اللي يذكرني بالخطه ( وهي اني احاتسيه بالاغاني لين يطفش <<< فيروزة زماني خابرتن انا ابوي واخواني يطفشون اذا حاتسيتهم بالاغاني : ماغير الشغاله تستانس علي ويضرب الجرس وترجعلي ام الركب مرتن اخرى ياوليييييييييييه وشلون ابحاتسيه ذا من زمان ماشفته هالرخمه : ويروح ابوي ويفتح الباب وبيدخلهم المجلس وانا في الصاله ما تحركت عقب خمس دقايق جاني الوالد قال : يالله انهجي ادخلي : قلت : خمس دقايق كمااااان ماشوفتكشي من زماااان ( لـ خالد سليم ) قال بلا دقايق بلا جح قلت : يبه انت تقول جح والناس والعالم وخاصه المصاريه ما يقولون بلا جح يقولون بلا بطيخ <<< يقالي بصرفه ويسحبني من قذلتي ويدخلني بالغصب : : وانا اللي اوقف مندهشه واقول : ماشالله تبارك الله احلى مني ؟؟!! واجلس جنب ابوي وهو جنب ابوي من الجهه الاخرى وانا مدنقه مع الحيا وهو يقول : وشلونتس .......؟>>الاسم مشفرهع هع قلت وصوتي ما ينسمع : بخير بعدين تذكرت اني ما ابي اعرس واذا صار مناحي يهبل غصب اخذه يعني ؟ لا مهوب غصب <<< هذا اللي انتم خابرين المهم وانا اللي ارجع الخطه في بالي وارد عليه بصوت جهوري : احبس دموعي حبيبي ... قال : تحبيني؟ قلت :تبغى الصدق؟ اكذب عليك .. اكذب عليك قال : بسيطه .. بكره تتذكر وتعرف قيمة احساسي قلت:اختلفنا مين يحب الثاني اكثر قال : انت ايه مش كفايه عليك تقرحني حرام عليك : قلت في نفسي : والله المنافس القوي ان فاز علي اخذته وارجع اقول له : ناويلك على نيه بس انت اصبر شويه : قال : امنتك الله يا حبيبي ابرحل قلت: مصيره يرد مصيره يرد مصيره لا ذكر يشتاق : قال :لما تسألكم علي لحدن يدلها علي فجأه قام ابوي وقطع المنافسه وقال خلاص يكفي بعد اسبوع كل واحد للثاني اها انهجي : واطلع وانا اقول : احسن مادام انك زعلت احسن وعمرك ما رضيت المهم جلس هو مع ابوي دقايق بعدين طلع قاللي ابوي: اسمعي تراني اخذت رقمه وعطيته رقمتس بما ان الملتسه بكره قلت: لااااااااااااااااااااااااااااااااا وهو اللي يدبغني ويقشعني لغرفتي ولا ابوي الله يحفظه قايل له اني ابتصل لكن لو يفطس ما اتصلت ويدق هو ما رديت ويدق ولا ارد لين رديت قام يزاعق يقول : ما اتصلتي ..ما سالتي : قلت : لا تعاتبني على مزحي معاك .. وتعتبر مزحي وسيله للجفا : قال : اها بس الخلا يا خبله قلت: طيب وهاك في الحتسي واقعد اتشره عليه ليه وليه وليه ليه تحط العلك في شعراتي الخلاّبات؟ قال : انتي اللي كابه الزبده في شعري يا الهيسه وهاك وعط في الحتسي لين قفلت الخط عقب ما حلف حلف انه لو عليه ما اخذني بس غصبن عليه قلت انا : وش الفايده ابي اطفشك انا تقول لي غصبن علي؟ قال :اجل تحسبيني جاي من حلايا هالكشه؟ قلت : من زينك انت وعصاقيلك تقل عيدان شوي وقفل الخط في وجهي وانا الابتسامه تشق وجهي شق قلت الحين هو منا يهوش على اهله وانا منا اهوش على اهلي وانشالله يوافقون بس حكم القوي وراحت علي ايام العزوبيه وبرشلونه وه بس يئطع الحب شو بيزل خخخ تم بحمد الله ما يستفاد: 1- شجع فريقك بلا امل 2- كتشن = مطبخ 3- تشكن = دجاج 4- اي اغنيه انا حاضره <<< صديقة سوء 5- الاغاني ما حفظتها قاعده انقلها من اللسته <<< خلف الكواليس القصه خيال في خيال خخخخخخخخخ ادري خفيفه دم وارثتها يلا لاتكسفووني وحطو اللي تقدرون عليه 
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
