عندي لكم قصه

اريــــــــــج · #1 26-05-2006, 24- 14:10

السلام عليكم ورحمه الله وبركاته....

انا قلت لكم من قبل اني احب اكتب قصص رومنسيه واجتماعيه....
وحبيت انكم انكم تقرون هالقصه وتعطوني رايكم بصراحه لاني انا اللي كتبتها...
انا بحطيلكم جزء منها وذا عجبتكم وطلبتوا اني اكمها بكمها بس ابا تشجيع منكم....

وانا سميت القصه]وجه المرايا[

ميره شخصيتها غير عن اختها توأمها الثاني مهره لان ميره مولوده بعرج في ريلها اليسرى ومن خوف امها عليها رفضت تسويلها عمليه الا انها مرحه وتعودت على شكلها......
هي تدرس اداره واقتصاد وعندها ثلاث صديقات سلافه واسماء ومنى يدرسون نفس التخصص
اخوانهم الشباب محمد اكبرهم يدرس بالخارج طب اعصاب,وعبدالله اللي معروف بالرومنسي لان يوم يتكلم يهمس, وراشد اصغرهم مراهق ماهمه غير يلاحق القصات والماركات واي شي كوول
الصبح :الساعه 9
كانت ميره اتريق مع امها قعد عبدالله وقالت له امه: عبدالله اميه وديني بطريجك لبيت عمتك.
عبدالله وهو يطالع امه ويقول بهمس: اش حقه تبين تروحين؟
ضحكت ميره وقالت: يمايه يقولج اش حقه تبين تروحين.
امهم: عازمتني على شاي الضحى .
نزلت مهره من قوق كانت كاشخه اللي يشوفها يقول انها رايحه عرس من شافتها امها قالت :ها عندكم حفله اليوم!!!
مهره شوي خقاقه ومتعاليه قالت لامها: اي حفله يمايه انا كاشخه لان اليوم البنات يبونا نطلع بعد الجامعه ونروح الشاليه
عبدالله:انزين بعد ماتخلصي محاضرات ردي البيت وكشخي مب الحين عنبو ريحة العطر وصلت لهنيه قبل لا تنزلين!!!!
مهره: ماعندي وقت بعدين انا اول ما اخلص على طول بنروح الشاليه ...... كانت بتروح وقالت وهي اطالع ميره: بسج اكل يالله
ميره :انزين لحظه المحاضرات تبدا الساعه .... ما خلتها تكمل مهره قاطعتها تقول: لا تقعدين ترمسين وايد يالله عاد
وهم باطريج كانت مهره كل شوي وعدلت المكياج ومهره اطالعها وساكته قالت لها:بعدين اتصلي لامي
ميره: ليش ........مهره: علشان اطرش لج السواق انا مب فاضيه لج
ميره: وليش اتصل انا بروح وياج ودي اتعرف على ربيعاتج!
طالعتها مهره وقالت: شو تتعرفين عليهم ؟ انا اصلا ما قلت لهم ان عندي اخت توأم لي!
ميره : ليش تستحين !
مهره: استحي ليش ؟ انا اصلا ما ابا احد يدري عنج تبين ربيعاتي يتشمتون فيني ويقولون ان اخت مهره عريا !
تفاجأت ميره وقالت:وشو فيها العرجه مب انسانه والله خلقها جي!
مهره: لاتقعدين تتحرطمين بس جب انتي راكبه سيارتي وسكتي لا انزلج هنيه
ميره:لا تنسين اني انا اللي كلمت ابوي علشان يشتري هالسياره
مهره:بتذلينا ...من زين السياره عاد سياره معاقين!
سكتت ميره عنها وتمت مهره تتناوع وياها ....
وصلتها لكليه الاداره والاقتصاد وراحت هي لكليه العلوم ... ميره كانت منصدمه من تفكير اختها اول ما شافت صديقتها سلافه ابتسمت لها ويتها سلافه نركض وقالت:وينج المعيد سأل عنج؟
ميره: ليش ؟..........سلافه:يقول يبا يكلمج ضروري!....

الظهر .... بعد ما خلصوا محاضرات.
قعدت ميره مع صديقاتها الثلاثه وقالت منى: متى بتعرفينا على اختج مهره!
ميره: هي اليوم مب فاضيه اذا تبون باجر انشاءالله لان ماعندنا محاضرات وهي بتكون في البيت.
سلافه:اش عندها اليوم؟.... ميره: بتروح الشاليه مع ربيعاتها.
اسماء : والله لو انا منج اروح وياها علشان استانس
ضحكت ميره وقالت: قلت لها بس هي ماتباني اروح وياها.
سلافه :ليش؟...ميره: علشان هم بيسبحون وهي خافت علي لا اغرق تعرفون اني ما اعرف اسبح!!!......
منى :هي خلاص عيل اش رايكم اليوم نروح السينما؟............سلافه: ماعندي مانع ها بتسيرون؟...........اسماء: ودي اروح وياكم بس والله اليوم خالتي بتزورنا هي وبناتها !
سلافه :ماعليه......رحتي للمعيد؟............ ميره: رحت له......اسماء: شو السالفه .......منى: شو قالج...... ميره:وحده من الزميلات تباني اذاكر لها وكلمت المعيد علشان يقولي .
منى: ومنو هذي؟........ميره: هدى....سلافه: هدى ماغيرها !.... ميره: هي هدى قلت لها تييني البيت اليوم العصر علشان اذاكر لها
سلافه مستغربه: بعد كل اللي قالته عنج بتذاكرين لها!!!!
ميره:انا سامحتها عفى الله عماسلف!!....منى: بس هي تطنزت عليج وتمت اتحرش فيج!
ميره:قلت لكم سامحتها. وغيروا السالفه لانها صارت قديمه !
تواعدوا انهم يروحون السينما بعد صلاة المغرب.....
راحت ميره مع سلافه وهم في الطريج قالت لها سلافه: امر عليج؟..... ميره: لا بخلي اخوي يوصلني....سلافه.خلاص اوكي

مهره كانت مع ربيعاتها بالشاليه يلعبون بالماي ويضحكون ... وبالشاليه الثاني كان فيه شباب .........
خالد اللي يدرس في كليه الهندسه...وسيم الله عطاه جمال وكل بنت تتمنلى تكلمه ونظره منه بس تفرحهم.....وربيعه عبيد اللي يدرس معاه بنفس الكليه وهو ولد خاله...وعبد الرحمن ربيعهم من نفس المنطقه يعني اصدقاء الطفوله......
المهم كان طالع من الشاليه هو ربعه ومعاهم اشياء السباحه وهم يمشوون قال عبد الرحمن وعينه على البنات: ياالربع تشوفون اللي اشوفه..
عبيد مستانس: هي بنات خلود شوف ..... خالد وهويطالع البنات وطاحت عينه على مهره اللي من اول ماطاحت عيونه عليها عجبته كانت تضحك ابتسم وقال:منو هذي.......عبيد:وانا شو دراني شوف اللي هناك الله عليها قمر نازل من السما...
كانت مهره تلعب بالماي ولاحظت ان خالد يطالعها تمت اطالعه وتبتسم له....
شوي وخالد وربعه قربوا من البنات ومن قرب من مهرهوقال:كل هالحلات عندنا بالامارات..... تمت ساكته واطالعه وهو يتأمل جمالها وقال:متزوجه....مهره بخقه:اتزوج ليش؟
خالد:معقوله!كل هالحلاه وماله صاحب يملكه!
مهره: انا ضد فكرت الزواج تبيني انا اتزوج علشان ادفن هالجمال كله وياه!
استغرب خالد من كلامها ولاحظ غرورها...ابتسم وقال:تدرسين؟......مهره: اكيد ادرس في كليه العلوم وانته.
خالد:انا ادرس بكليه الهندسه وهذا آخر سنه لي...وانشاءالله اول ما اتخرج بشتغل في شركه الوالد.
مهره :ابوك عنده شركه شو؟.......خالد:شركه للمقاولات واستيراد وتصديرمن غير الشركات اللي خارج البلاد
مهره تحب الفخفخه واللي عنده فلوس يستوي صديقها
ابتسمت له وقالت:انا ابوي رائد بالجيش...... خالد: هي .باجر بتكونين هنيه؟.....فرحت مهره من خاطرها بس ما بينت له وقالت:لا باجر مب يايه.
خالد:خلاص عيل نلتقي في وقت ثاني.....مهره:اوكي انا مضطره اروح.
عجبته بس لاحظ انها متكبره لاشعوريا قال لها: ممكن اشوفج باجر؟....مهره: انا باجر بروح المكتبه اذا ودك نلتقي هناك...
بالبيت كانت ميره تسوي كيك دخل عبدالله وقال: شوتسوين؟....ميره:اسوي كيك اذا تبا بييب لك اول ما اخلص.
عبدالله:اوكي بس اول ماتخلصين اباج تفهمين.. ميره: انشاءالله .انا بفهمك بس توصلني السينما .....عبدالله: اوكي

يالله انتظر ردودكم وآرااكم واتمنى انها تعجبكم.......
اختكم الصغيـ ام تركي ـــره

غريب2000 · #2 26-05-2006, 24- 19:47

يعطيك العافيه

الفيصــل · #3 26-05-2006, 24- 20:14

يعطيك العافية ام تركي

في انتظااار جديدك

الفيصــل

الحضن الدافي · #4 26-05-2006, 24- 22:21

يعطيك العافيه بس يبغى لها واحد يقراها وهو رايق

اريــــــــــج · #5 26-05-2006, 24- 23:59

مشكورين على المرور بس كنت ابا اعرف رايكم بصراحه علشان اكملها اولاء
وتسلم ياغريب والحضن الدافي والفيصل
والسموحه منك يالفيصل