 |
|
 |
| ||
| ||
|
|
|
|||||||
| التسجيل | التعليمـــات | البحث | مشاركات اليوم | اجعل كافة المشاركات مقروءة |
| القصص و الروايات ما يبدعه قلمك من القصص والروايات |
 |
|
|
LinkBack | أدوات الموضوع |
|
#41
25-06-2006, 24- 05:24
|
||||
|
||||
باليوم الثاني.... الصبح ... كانت ميره تتريق مع امها ويت سالفه المعرس وامها قالت لها ولد منو واسمه ....... الظهر.... كانت ميره توصي الخداامه تبخر البيت يت لهم مهره وقالت: شسالفه عافسين الصاله...ميره: ما تدرين؟؟....مهره: ما تدري شو السالفه؟؟....ميره: بيون ناس علشان يخطبوني...مهره بطنازه: ومنو هذا اللي امه داااعيه عليه...ميره: دااعيه عليه!!!...مهره: هيه انتي المفروض ماتزوجين ...ميره بستغراب: ليش!! انا مب ان انسانه؟؟؟ مهره: انسانه بس معاقه...ميره: معاقه!!!....مهره: هيه وانا اقول اش سالفتها امس السندريلا ادوور من ونايتها....ميره: مب من حقي استانس ولا انتي بعد ماترضين... بعدين لة انا عندي اعاقه في ريلي اوكي عادي بس بعضهم عندهم اعاقه هني...كانت تأشر على العقل...مهره معصبه: اشتقصدين؟؟....ميره: ما اقصد شي!!مهره بغيظ: لا تفرحين واايد ترا اذا درا المعرس ان انتي معوقه بيهون عنج... ميره: انتي تحسبين كلهم مثلج!! لا مب كلهم ...مهره: انزين وبتشوفين بعد....ميره:اذا هو تفكيره مثل تفكيرج انا مابحزن او بصيح علشانه.....ضحكت مهره وراحت..... قعدت ميره تفكر يا ترى اللي بيخطها هذا بيرفضها علشان ريلها قاطع كلامها محمد وقال: ميره.....طالعته وقال: اشفيج؟؟...ميره: ما فيني شي تبا شي؟؟؟....محمد: اشفيج؟؟...ميره: مافيني شي بس افكر...محمد: فكري على مهلج واليوم شوفيه وانا اذا واافقتي عليه بسألج عنه وبعرف لج عنه كل شي....ميره مبتسمه: خلاص ماعليه...انت بتطلع...محمد: الربع عازميني على الغداا برع وبعدها بنروح السينما ... مهره بحجرتها اتصلت بخالد ماايرد عليها اتصلت اكثر من مره وعصبت وقالت: هذا اشفيه مايرد علي..دقت على رقم غرفته بعد مايرد ..دقت على رقم البيت ردت مها وقالت: الووو ....مهره معصبه: خالد وينه؟؟...مها: الناس تسلم اول!!...مهره: عطيني خالد.....مها وهي مطنشه: وترى السلام لله وببلاش....مهره معصبه وتقول: عطيني خالد....مها: خالد شو تبين فيه؟؟.....مهره: ابا اكلمه يالله بسرعه....كان خالد قاعد يطالع التلفزيون ومندمج وقالت مها: خالد راااقد... مهره: راقد مب من عادته يرقد لهالحزه..مها: والله كيفه بعدين شكله اليوم تعبان دقيله بعدين....مهره: رووحليه وقوميه...مها: اقومه اقولج نايم تقوليلي اقومه لا عيوني...مهره: مها لا تخليني اعصب...مها: انا اللي معصبه منج على حركتج امس...مهره: والله ماعندج سالفه المهم قوليله مهره تباك ضروووري ....مها: مب قايله وانتي قوليله ويالله فارجي...سكرت مها التلفون ومهره تمت مطنقره ومشتططه..... وقت وصول الضيوف كانت ميره قاعد بحجرتها تنتظر امها علشان تخبرها عن ذياب.. يت خداامه لها امها تناديها ذياب يبا يشوفها ..دخلت الميلس وكلها حيا من الضيوف ذياب تم يطالعها وقالت ام ذياب: ما شءالله عليها.....امها: خلاص اميه رووحي....رااحت ميره لغرفتها وقالت ام ميره: وهذي والبنت وشفتوها...امه: ماشاءالله عليها حلوه.....امها: وطيبه فديتها حنونه!!تكلموا عن اشياء كثيره وذياب كان يفكر شافها تعرج وعقله مب مستوعب يرتبط بوحده جي....استأذوا ورااحواا طلعت ميره من البلكونه علشان تشوف ذياب هي يوم ادخلت الميلس ما شافته لانها كانت مستحيه طالعت من البلكونه وهي مستانسه شافتهم اوقفوااوقال: يمايهانا ما اباها..ميره كانت مبتسمه تغير شكلها وقربت علشان تسمعهم وقالت له امه: ليش؟؟ البنت زينه واهلها طيبين!!!...ذياب: ماشفتيها يوم دخلت كانت تعري انا اتزوج وحده جي لا يمايه عيالي اشقايل بيطلعون بعدين!!!!! انصدمت ميره وعلى طول ادمعت عينها وتذكرت كلام مهره وقالت: يعني مهره صدقت.. قعدت بحجرتها تصيح ويوم سمعت صوم امها جريب مسحت دموعها بسرعه وركضت ترتب الاغراض اللي على التسريحه دخلت امها وقالت: ذياب وشفتيه اشرايج فيه؟؟؟...ميره وهي ترتب وتقول: انا ما ابا اتزوج ...امها: شو؟؟؟..ميره: دخيلج اميه انا ما ابا اتزوج توني صغيره ودي اكمل دراستي...امهابضيق: امس يوم رمستج كنتي مستانسه مسرع ماغيرتي راايج مهره قالت لج شي؟؟.....ميره مرتبكه: ماقالت لي شي بس انا ما ابا اعرس دخيلج امايا كلمي ابوي وقوليله اني ما ابا اتزوج... امها: والله انتوا يابنات كل يوم لكم راااي..الحين شو اقول حق الحرمه شو اقول لها....ميره: الللي قلته لج.. وقت العشى.. ميره مالها نفس قعدت بحجرتها تفكر رن تلفونها.. لا سلافه دااقه..ردت عليها: هلاسلوف ...سلافه: هلا وينج يا القاطعه..ميره: موجوده....سلافه : وين موجوده اليوم اشحقه ماييتي الكليه ولا ماخذه اجازه مرضيه....ميره: تعبانه شوي وحابه اقعد بالبيت...حست سلافه ان ميره كلامها متغير ونبرت صوتها حزين قالت لها: خبريني اشفيج ؟؟؟؟....ميره: قلت لج تعبانه...سلافه: تخشين عني نحنا ربيعات ومثل الخواات اذا ماقلتيلي شلي مضايقج ازعل عليج!!!......لاشعوريا قعدت ميره تصيح وقالت لها سلافه: مهره قالت لج شي.....ميره: يا ريتها مهره تعودت على كلامها لكن...باجر اذا شفتج بقولج السالفه... ..تزوجت مهره وخالد وسافروا لشهر العسل مهره ودها تروح رحله حول العالم بس خالد مايقدر يطول لانه يدرس ومهره ولاهمها.....بعد اسبوعين رجعواا.. طبعا في بيت اهله الطابق الثاني كله لخالد امه مها جهزوه له يوم سافر ومها بعد تزوجت....وميره طبعا ارفضت ذياب قبل لا هو يرفضها... 
|
|
#44
04-07-2006, 24- 10:36
|
||||
|
||||
|
وسوري على التأخيلر لاني انشغلت شوي.. الفيصل . اسعدني توااجدك بالصفحه..
|
|
#45
04-07-2006, 24- 10:37
|
||||
|
||||
|
الصبح... قامت ميره وقعدت تتريق مع امها ويا محمد وقعد وقالت امهم: ميروه يمايه اكلي..كانت ميره تاكل شوي وتراجع..وقالت ميره: ان شاءالله.....محمد: بعد ماتخلصين اختبار روحي عند مهره..ميره: ليش؟؟.....امهم: اختج من عرست ما رحتيلها الا مره..سكتت ميره وقالت امهم: زوريها وتغدي عندهم...ميره: مب سايره....امهم: ليش؟؟...ميره: يمايه مهرهبتسويها وبنفشلني جداامهم..محمد: ما بتقدر خالد هناك وهو ما يرضى احد يغلط عليج....ميره وهي تهز راسها: ماعليه بروح بس هذي ثاني مره وآخر مره اروح بيتهم.... وصلها محمد للكليه وراح للمستشفى... بعد الاختبار قعدت ميره مع سلافه بالكافتيريا وميره ساكته وقالت لها سلافه: صار لج فتره متغيره بلاج؟؟؟.....ميره: مب متغيره بس بالي مشغول شوي علشان الاختبارات...سلافه: بس انتي كنتي تقولين لي ان الاختبارات ماتشغل بالج..قوليلي اشفيج؟؟؟....ميره بضيق وتقول لسلافه ان امها واخوهل يبونها تزور اختها... في بيت خالد.. كانت مهره تمشط شعرها قامت وقعدت صوبه وقالت: اشرايك نطلع اليوم ونتغداا برع!!!...خالد: الحين الاختبارات بدت وانتي تبين تطلعين ...مهره: اصلا انا شاطرهوبنجح عادي...خالد: شاطره!!....مهره: يالله قوم..خالد: قلت لج ما ابا ..بعدين من ردينا من السفر وكل اكلنا من برع مليت...مهره: خلاص عيل نتعشى برع..هز راسه وقال: ماعليه.........قعدت مهره تتحايل عليه..تبا تسوي حفله وقال لهل خالد: وليش كل هالفلوس؟؟...مهره بلع: يا قلبي يعني تباني اسويلهم حفله عاديه باجر بيرمسون ويقولون مهره زوجة خالد سوت لنا حفله بايخه وبيقعدون يطنزون علينا... هي قعدت تتكلم وخالد يقول بخاطره: هذي اذا ماسوت اللي براسها بتزعل علي مثل مازعلت علي بشهر العسل ...هز رااسه وقال مره ثانيه بخاطره: اي شهر كانو اسبوعين لا وزعلت فيه من ثاني يوم.!!!...قاطع تفكيره مهره وهي تقول: ها اش قلت؟؟؟....خالد: خلاص سوي اللي تبينه ..سمعوا صوت الباب يدق فتحه خالد الخداامه وقالت: مداام اختي تحت...خالد: خلاص انتي روحي..مهره بعصبيه: انا هالبشكاره ما احبها...استغرب خالد وقال: ليش اش سوت لج؟؟....مهره: رمستها ومن اشوفها شكلها اييب لي الحكه..ضحك خالد وقال: حراام عليج ترا ماشا معانا من 6 سنواتوصارت منا وفينا.. مهره بتكبر: الحين هذي تصير منا وفينا لا هي خداامه وبتم خداامه..خالد: اشفيج انتي اليوم؟؟....مهره: مافيني شي...خالد: يالله عيل خلينا ننزل ميره اختج تحت.... ميره قاعده ومعاها كتبها نزل لها خالد وسلم عليها وقعد وقال: واخيراا ييتي اشحالج؟؟.من زمان ماشفناج...ميره: موجوده..بس تدري اختبارات علشان جي زياراتي قليله..خالد: اي قليله عنتي آخر مره كانت هني وماييتي معاها..ابتسمت وقالت: مشغوله.... ميره شكلها تغير وكله تفكر..خالد رن تلفونه وطلع ويت مهره شوي شوي وهي تنزل من الدري ميره كانت تبا تبوسها بس مهره قالت لها: المكياج....قعدوا وقالت مهره: غريبه مب من عادتج تزوريني تبين فلوس؟...ميره: ما ابا فلوس....مهره: عيل اشحقه يايه....ميره: ازورج ...مهره: الحين انتي راايحه الكليه جي..ميره: هيه...مهره: لا انتي لازم تدخلين معهد للكشخه على الاقل شهر وتتعلمين اشقايل تكشخين....ضحكت ميره وقالت: خلج من كشختي وقوليلي ماحملتي؟؟...مهره: مب مينونه احمل توني عروس وبعدين انا ما ابا عيال....ميره: ليش الاطفال احباب الله.. والبيت اللي فيه يهال حلو....ضحكت مهره وقالت: اذا انتي عرستي وانا اشك في هالشي ييب لج درزن عيال..سكتت ميره دخل خالد وقال: مهره حطي وقايتج على رااسج؟؟.....مهره: ليش؟؟....خالد: سعيد ولد خالي هني....راحت مهره علشان تغطي شعرها ودخل سعيد ..الله عطاه جمال وطيبة قلب بس مشكلته انه سواا حادث وريل وحده مبتوره...سلم عليهم.. قعدوا يتغدون.. ميره ساكته وخالد وسعيد يتكلمون وقال سعيد: تدرسون ...مهره: هيه ندرس انا بكليه العلوم وميروه بإداره واقتصاد..سعيد: ما شاءالله..خالد: تدري يا سعيد ميره تسوي كيك عجيب وحلو من حلاته ودك تاكله كل يوم..سعيد: والله عيل لازم تذوقنا هالكيك...ميره بالها مب وياهم..قال خالد: ميره........ساكته ضحكت مهره وقالت: ميرووه...حست ان الكل يطالعها وقالت: هلا..خالد: لا انتي مب ويانا اشفيج تفكرين بشو؟؟ ..ميره: تدرون اختبارات واليوم احس اني ماسويت زين...سعيد: ماعليه لاتشغلين بالج واايدمب زين جي..مهره: خلوها تفكر هذي لو ماتلقى شي يشغلها تشغل عمرها بأشياء فاضيه..ضحكت ومهره وقالت ميره: طالعها خالد وقال: انا حاس ان الاختبارات مب شاغلتج في شي ثاني شاغلج.. ميره: صدقني الاختبارات بس..مهره :هي اطالع خالد: بلاك انته هي تفكر بالمعرس اللي طار....ميره: اي معرس..مهره: ذياب اللي ..قاطعها خالد وقال: بس خلاص ..مهره: اشفيك تسكتني..خالد: ماله دااعي ترمسين..ميره: الحمدالله...سعيد: ما اكلتي شي...ميره: الحمدالله شبعت انا بروح....خالد: لا ماتروحين تقعدين هني والعصر انا اوديج البيت.....
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
المواضيع المتشابهه للموضوع: عندي لكم قصه
|
||||
| الموضوع | كاتب الموضوع | المنتدى | مشاركات | آخر مشاركة |
| عندي مشكله وارجوا منكم الحل السريع | ملكة القلوب | الثقافة و التوجيهات الزوجية | 12 | 16-08-2007 24- 05:39 |
| العيد عندي | صدى الصمت | همس القوافي | 10 | 22-01-2007 24- 07:50 |
| الفلاشات عندي ماتشتغل ساعدوني | ميعاد | برامج الكمبيروتر والإنترنت | 2 | 08-01-2007 24- 12:55 |
| السحور أو الفطور عندي .. تم ولا ماتم | صدوق الود | الألعاب و المسابقات | 71 | 12-11-2006 24- 17:15 |
| عندي مشكلة | رفيق الروح | حل المشاكل العاطفية و الزوجية | 6 | 06-09-2006 24- 08:57 |
