 |
|
 |
| ||
| ||
|
|
|
|||||||
| التسجيل | التعليمـــات | البحث | مشاركات اليوم | اجعل كافة المشاركات مقروءة |
| القصص و الروايات ما يبدعه قلمك من القصص والروايات |
 |
|
|
LinkBack | أدوات الموضوع |
|
#32
09-06-2006, 24- 02:51
|
||||
|
||||
|
|
#35
17-06-2006, 24- 05:43
|
||||
|
||||
|
وآآآسفه على التأخير.... خالد ملج على مهره.. وعزمها على العشا بمطعم بعد ماقعدواا كانت مهره تختار الاكل وخالدعينه على مهره كل شوي وطالعهاوقالت له: المكياج مب ضابط؟؟......خالد: ضابط بس مب صدق انج جدامي واللي حبيتها صارت زوجتي!!!! تنهدت مهره وقالت: صدق!!......خالد: والله مب مصدق!!!......مهره بضيق: صدق اشفيك؟؟؟....ابتسم وقال: يبت لج هديه؟؟؟عاد مهره عينها على ايد خالد وتلتفت يمين ويساروتقول: وينها؟؟؟ طلع خالد الكيس صغير من تحت الطاوله وقال: هذي الهديه...كان بيعطيها بس مسك الكيس وقال: لحظه شو اتوقعين بالكيس؟؟ مهره مستانسه: اكيد خاتم!! ..خالد: لا ...مهره وهي تدله: اكيد الساعه اللي عيبتني شريتها لي ياقلبي!!!! خالد: لامب ساعه!!...مهره: اكيد طقم الماس..خالد: وانتي ما في بالج غير هالاكسسوارات؟؟؟....مهره : عيل مكياج...خالد: انا لو اعرف للمكياج جان شريت لج ؟؟؟ احتارت مهره وقالت:خلصني عاد شو اللي فالكيس؟؟...عطاها الكيس ومهره على السريع تفتح الكيس ومستانسه بس تفاجأت وقالت: نقاب؟؟؟ طالعته وتغير شكلها وقالت: الحين هذي هديتك؟؟؟...خالد: اش رايج اكيد عيبتج؟؟؟.....فرته عليه وقالت: تباني انا البسه ليش؟؟؟ كبرت ولا ويهي احترق!!! استغرب خالد من كلامها وقال: اغلب المتزوجات يلبسونه وانتي الحين زوجتي ولازم تلبسنه!! مهره: لازم!! عيل اشوف اختك ماتلبسه ولاانت ماتقدر الا علي انا؟؟...تنرفز بس هداا نفسه وقال لها: اغار عليج!! وما ابا احد يشوفج غيري!! مهره: لا والله الحين اغطي هالويه الحلو علشان غيرتك عيل غيرتك على اختك وينها؟؟؟...خالد: اشفيج؟؟ اختك واختك!! باجر مها بتعرس وعبدالله بيليسها النقاب غصب عنها!! مهره:لا حبيبي اذا اختك عادي عندها انا مستحيل البسه...تنهد خالد وقال: انتي ليش ماتسمعين كلامي؟؟؟....مهره: لاتزوجنا بسمعه مب الحين.....خالد: بس انتي الحين زوجتي على سنه الله ورسوله!!! مهره:ملجنا ماتزوجنا....ضحك وقال: امبلا زوجتي وعادي لو آخذج الحين واوديج بيتنا الانج زوجتي!!....مهره بسخريه: لاما تقدر الحين انا اطلع من بيت ابوي جي بدون عرس....خالد: انتي اشفيج ؟؟ اتغشمر وياج ماتتحملين كله معصبه وبس.. التفتت عنه وقال: يعني بالذمه تبيني آخذج البيت جي!!! لازم اسويلج عرس احلى عرس.. بنفس الوقت كانت ميره تتغدا مع امها واخوها عبدالله وراشد... قالت لها امها: اخوج متى بيرد؟؟؟...ميره: يقول آخر الاسبوع ان شاءالله..راشد: يا سلام اكيد يايبلي هدااايا؟؟....ميره: وانت هذا اللي هامك!!....عبد الله مب وياهمياكل بهدووء قالت لهميره وهي تهمس: عبد الله.....طالعها وقال:هلا..ميره: وين رحت؟؟ عبد الله: وياكم بس افكر!!....ضحك راشد وقال: يمايه انا بعد ودي اتزوج...امهم: توك صغير...راشد: اي صغير خطبيلي الحين والعرس بعد ما اخلص الثانويه....عبد الله: رشود؟؟... راشد: اشفيك؟؟؟ ودي احس بأحساس الحب ومشاعره...ضحكت ميره وقالت: صدق انك فاضي.... بعد الغداااا.. دخلت ميره ترتب كتبهاإلا ومهره تدخل تفاجأت ميره وقالت: بسم الله!!. اشفيج خوفتيني...دخلت وقالت: سؤال وااحدوابا اجابه هيه او لا؟؟؟....ميره: خير ان شاءالله شو السؤال؟؟؟؟...مهره: انتي كلمتي خالد وقلتيله ينقبني؟؟..ميره: وانا شو يخصني...مهره: قوليلي قلتيله ولا لا.... ميره: ماقلت له شي يمكن هو يغار عليج ويبا ينقبج...مهره معصبه: هذا اللي ناقص اصير كيس زباله..ميره: الحين اللي يتنقب كيس زباله.... والله هو يحبج ويمكن يبا....قاطعتها مهره بعصبيه:حبته القراده كان حبه جي ..انا اغطي ويهي ..لا ومسونه لي هديه...ميره مبتسمه: ماشاءالله يبا...بعد قاطعتها مهره وقالت: لاتفرحين واايد تحسبيني مثلج!!!طوفه هبيطه وغبيه اي وااحد يبا يمشي كلامه علي...انا مب مثلج!!....ميره : الله يهديج بس....مهره: ماعندج غير هالكلمه شايفتني مينونه؟؟؟....ميره: وفي احد مايبا الهدايه....مهره متنرفزه ومعصبه فرت الكيس وقالت: اخذيه يمكن ينفع تكثر.....ميره: مشكووره....مهره: بس والله لو دريت يا ميرووه انج انتي اللي قايله لخالد ماتلومين الا نفسج....ميره: اشحقه تهددين تحسبيني بخاف....مهره بسخريه: ماشاءالله والله وطلع لج السان متى ربيتيه ؟؟؟....ميره: سمعي انتي من اول مادخلتي وانتي تحسبيني انا كلمته ولو كلمته بقول لج وليش اخاف .....مهره: والله وصرتي تصفين كلام.... ميره معصبه: اذا انتي بتعامليني بهالطريقه افضل انج لاتكلميني...مهره بطنازه: ميره لا دخيلج بموت كلميني كلميني...زين يت منج وفكه طلعت مهره من غرفت ميره وقعدت ميره معصبه...وتفكر..
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
المواضيع المتشابهه للموضوع: عندي لكم قصه
|
||||
| الموضوع | كاتب الموضوع | المنتدى | مشاركات | آخر مشاركة |
| عندي مشكله وارجوا منكم الحل السريع | ملكة القلوب | الثقافة و التوجيهات الزوجية | 12 | 16-08-2007 24- 05:39 |
| العيد عندي | صدى الصمت | همس القوافي | 10 | 22-01-2007 24- 07:50 |
| الفلاشات عندي ماتشتغل ساعدوني | ميعاد | برامج الكمبيروتر والإنترنت | 2 | 08-01-2007 24- 12:55 |
| السحور أو الفطور عندي .. تم ولا ماتم | صدوق الود | الألعاب و المسابقات | 71 | 12-11-2006 24- 17:15 |
| عندي مشكلة | رفيق الروح | حل المشاكل العاطفية و الزوجية | 6 | 06-09-2006 24- 08:57 |
