 |
|
 |
| ||
| ||
|
|
|
|||||||
| التسجيل | التعليمـــات | البحث | مشاركات اليوم | اجعل كافة المشاركات مقروءة |
| القصص و الروايات ما يبدعه قلمك من القصص والروايات |
 |
|
|
LinkBack | أدوات الموضوع |
|
#23
03-06-2006, 24- 19:59
|
||||
|
||||
طلعت بدو ن لا احد يشوفها..... ووصلت للمكتبه العامه وقعدت وكل شوي وضبطت المكياج وتتعطر شوي ومن لاحظت خالد سوت عمرها تقرا الكتاب سلم وقعد وتم يطالعا كاشخه وريحة العطر انتشرت بالمكان قالها: تأخرت عليج؟......مهره: لا اصلا توني داخله.... خالد وهو يطالعها: كل هالكشخه لي انا انا؟مهره بخقه: والله انا طبيعتي جي احب اكشخ وما احب اطلع من البيت الا بكامل اناقتي ضحك وقال لها: بس امس كنتي حلوه وويهج كان مرتاح ترا والله المكياج محلنج بس البنت لما تكون على طبيعتها احلى مهره: اش قصدك انا مب حلوه الحين؟..................خالد: وانا اقدر اقول انج مب حلوه وربي حلوه... وماطلعت مهره من المكتبه الا ورقم خالد عندها.........الله يعينه اعجب بوحده همها اللفلوس ونفسها وبس..... وعن اخو صديق صديقتها من شافته ما عجبها ستايله هي تحب الوسيم اللي يكون جيبه مليان فلوس ولا الفقير اللي بزور محصل لقمه ياكلها............ (مر شهر ) ومهره وخالد يتقابلون بالسر وقلبه تولع في مهره وهي تقربت منه علشان فلوسه وكانت تقوله الكلام المعسول علشان يفكر فيها ويتولع اكثر...... الساعه....عشر الصبح...... دخلت مها غرفه اخوها وشافته منسدح على السرير وعيونه على السقف قربت منه وقالت: خلوود...................ما انتبه لها وقالت له بصوت عالي : خلووود.........قام خايف وقال: مها كيف دخلتي الغرفه؟.......مها: من الباب من وين بعد.......ضحكت وقالت: ها عقلك وفكرك وين؟.........تنهد وقال: آآآه لوتدرين يا مها مهره شو مسويه فيني....... مها وهي تقول بخاطرها: الله ياخذها شكلهاترسم على اخوي......طالعت خالد وقالت له بضيق: ها شو مسويه؟.......................خالد والابتسامه على شفاته: قلبي وياها والله يامها هالبنت قلبها طيب ابا اتزوجها اليوم قبل باجر مها متفاجأه: تزوجها ...خلووود ترا مهره تجذب عليك هي حقوده و....قاطعها خالد بعصبيه وقال: ما اسمح لج تتكلمين عنها جي تفهمين هذي اللي تقولين عنها حقوده بتكون زوجتي...............مها: انت اذا تزوجتها بتييب لنفسك المصايب ...........ولكن خالد كل شوي ودافع عن مهره...... بكليه الاداره والاقتصاد بعد المحاضرات قعدت ميره مع صديقاتها الثلاث بالكافتيريا يتكلمون ويتناقشون عن الدراسه لان الاختبارات على الابواب وكيف بيقسمون وقت الدراسه... الظهر... كانت مهره بغرفتها راحت لها ميره ودخلت كانت مهره تتكلم بالتلفون قالت: نعم في شي؟.....ميره بضيق: مضايقه شوي مادري شو فيني؟.......مهره: واحد قالج اني دكتوره نفسيه روحي غرفتج وخمدي يمكن الضيق يروح.......ميره : انتي ليش تعامليني بهالطريقه.......سكرت مهره التلفون وقالت وهي تستهزء بإختها: انتي ليشس تعامليني جي؟.........ميره بحزن: نفسي مره وحده بس اطلع انا وانتي ونروح السنما مع بعض واحس ان عندي اخت؟......مهره وهي تبتسم بسخريه: والله ميره بضيق: انا اختج يا مهره و ....قاطعتها مهره وهي تضحك بصوت عالي : دخيلج بس عاد سكتي والله ضحكتيني.......طلعت ميره من غرفه مهره تصيح دخلت غرفتها وقعدت تفكر..... سمعت صوت االباب يدق لاشعوريا قامت حسبت مهره يايه تراضيها ويوم افتحت الباب كان عبدالله قال لها: ابا ارمسج .....ابتسمت ميره ووبسرعه نست همها وقالت له: ها اشعندك؟......عبدالله خدوده صارت حمره وقالت: ها اشفيك؟........عبدالله : بكلمج بالغرفه...... فاتحهابموضوع الزواج ان وده يتزوج مها.....وهي فرحت له وما صار الليل الا والكل درا ان عبدالله يبا يتزوج مها اخت خالد...ومهره من درت عصبت....بس محد سوالها سالفه.... باليوم الثاني كانت ميره بتطلع مع صديقتها سلاف بيروحون السوق........دخلت مهره الغرفه وقالت: فاضيه؟......طالعتها ميره وقالت: حتى لومشغوله افضي نفسي لج!!!!!....مهره: خالد فاتحني بموضوع الزواج وانا محتاره ياميره..........قعدت مهره ميره وقالت لها: اللي اعرفه انكم تكلمون بعض من فتره.......قامت مهره وقالت: اش تقصدين من كلامج؟.......ابتسمت ميره وقالت: اقصد انكم تكلمون بعض من فتره وانتي تحبينه وهو بعد يحبج وزين منه بعد يبا يتزوجج.....مهره : وليش زين منه؟.......ميره: لان شباب اليوم يكلمون البنات ويقصون عليهم ومايتزوجونها سكتت مهره وهذي اول ماترد على ميره وقالت لها ميره: قلبج شو يقولج؟.......مهره : قلبي ماله خص في هالاشياءانا ما اخلي قلبي يسيرني ....انا فكرت ولقيت ان خالد يصلح لي وكفايه انه بيعيشني بمستوى احسن من اللي اهلي عيشوني اياه.....ميره: بس صدقيني يامهره اللفلوس مب كل شي .........مهره: بنسبه لي اللفلوس كل شي هي اللي تخلي للانسان هيبه وتييب السعاده.........ابتسمت وقالت: تدرين خالد بيسفرني اماكن ماسرتها وانا قلت له ابا حول العالم.......ميره: مب قويه حول العالم شوي مهره: اذا هويحبني بيوديني اي مكان اباه.......قامت ميره وقالت: اذا السعاده بنسبه لج جي الله يوفقج مهره وهي اطالع اختها: انا الحمدالله متوفقه في كل شي اولا حلوه واي شاب يتمناني مب انتي ميره: انا الحين طالعه نكمل كلامنا بعدين لاني مب فاضيه اسمع كلام يغث وباي....... 
|
|
#24
03-06-2006, 24- 20:03
|
||||
|
||||
|
ياالفيصل وحب ايه وربي يعطيكم العافيه بس العيله مب زينه وانا اختكم الصبر ترا القصه تحتاج مني يومين لين ما اكمل واعذروني على القصور
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
المواضيع المتشابهه للموضوع: عندي لكم قصه
|
||||
| الموضوع | كاتب الموضوع | المنتدى | مشاركات | آخر مشاركة |
| عندي مشكله وارجوا منكم الحل السريع | ملكة القلوب | الثقافة و التوجيهات الزوجية | 12 | 16-08-2007 24- 05:39 |
| العيد عندي | صدى الصمت | همس القوافي | 10 | 22-01-2007 24- 07:50 |
| الفلاشات عندي ماتشتغل ساعدوني | ميعاد | برامج الكمبيروتر والإنترنت | 2 | 08-01-2007 24- 12:55 |
| السحور أو الفطور عندي .. تم ولا ماتم | صدوق الود | الألعاب و المسابقات | 71 | 12-11-2006 24- 17:15 |
| عندي مشكلة | رفيق الروح | حل المشاكل العاطفية و الزوجية | 6 | 06-09-2006 24- 08:57 |
