مـــــــاتغيـــــر شــــــــئ....لكــــــــــن؟؟؟؟

[غــاليتے الأثــــمـا نـــے]

.
.
.

ما تغيَّر شي .. لكن .. صار فاضي هـ المكـان
يعني إنتَ شفت قلبي طحت مِنْ عيني وعينـه

[ كان ] لك قلبي مدينه ولاحظ إني قلت : كان
يعني إنتَ الحين واحد خارج حدود [ المدينه ]

ليه مستغرب كلامي وليـه أعطيـك الأمـان
وليه تَكْذِب في كلامك العـذر وينـك ووينـه

ما ألومك كان قلبـك ثـارت أمواجـه وخـان
الخطا منَّي لأني صرت فـي بحـرك سفينـه

والسؤال اللَّي كتمته وما نِطَـق فيـه اللسـان
كيف إيدك إطعنتني وآنا أحْسِبْهَـا أمينـه ....؟

جرحي ما يرضيه قلبك لو يجــــي كلِّـه حنـان
لو تبوس الجرح فيني ولـو تقبلهـا إيدينـه

يُوم أحبك قلت كلمه : ( يكرَم المرء أو يُهان )
وإنتَ قلبي ما كرمته وما قدرت إنِّـك تهينـه

[ عزِّتي ].. ما هي جديدهـ آنا شامخ من زمان
إغسل إيدك من رجوعي وروح يا إبن اللذينه

طاب خاطر قلبي منِّك وهذي الفرقـى رهـان
وحتَّى لو قلبي يحبـك ربِّـي بـ فراقـك يعينـه

تدري لما قلت أحبك قلت وما عنـدي ضمـان
وإختياري كان خاطىء تجربه بالحيـل شينـه

كنت تخطي وكنت أسامح مرَّهـ مرتين وثمـان
أدمح الزله عشانك وأكتـم أنفـاس الغبينـه

كنت أحبك وكنت أعزك والغلا فينـي جبـان
خاف تزعل لو ألومك ضعت ما بينـك وبينـه

في عيون الناس عادي بس في عيني جنـان
وكان قلبي من يشوفك تفضحه نظـرهـ حنينـه

ماني أوَّل من يحب ومنتَ آخر شخص خـان
المحبه في زمانك [ بحرها ] من غيـر مينـه


[ الفشل ] .. كان النتيجه وأعتقـد آن الأوان
أبني مستقبل حياتي وأنسى قصتنـا الحزينـه

وخطوتي الأولى غيابك وراح أطبقها عشـان
يبكي قلبك لا فقدني والندم .. يملـي سنينـه

جاي تسأل عن مكانك !! هو بقى فيني مكان ؟
الله يرحمها المشاعر اللي كانت لـك رهينـه

قلت لك [ قلبي مدينهـ ] فيها لك حشمه وشـان
لكن إنتَ الحين أغرب شخص في هذي المدينــه ...
|
\
|

صــــــح لــــــسان شاعرها

[ايمان القلوب]

كلمات رااااااااااااااااااااااااائعه

مشكووووووره والله يعطيك الف عافيه

وعلى فكره:أسمك جميل قوى

*** غاليه الأثمان***

ماشاء الله
الله يبارك لك

[**الألماسه**]

غاليتي غالية الأثمان..

كلمات في قمة الروعه
الله يعطيك العافية

على هذا التالق الرائع

والموضوع المتميز

في انتظار جديدك

[انتظر باكر]

تخيـل قـد ماتقـدر تعايـش ساعـة الحرمـان
تصـور كيفهـا حالـك إذا خانـوبـك أحبـابـك
تخيل روحك بكـف وبخـل فيهـا عليـك إنسـان
مصيبه تنسرق روحك ولانتـه حاسـب حسابـك
وتخيل صدمة الغفله تجي من كـف لـه ولهـان
تصور واقع الصدمـه وتأثيـره علـى أعصابـك


أختي الكريمة غالية الأثمان

سطرتي لنا أعذب الكلمات رغم أنها تحمل بين طياتها

جرح الخيانة ونزيف الحروف إلا أنها رائعة

جئت هنا لكي أشهد نزف الحروف ودموعها

رائعه بكل معانيها .

لك مني كل الود

[عاشق الرومنسيه]

غاليةالاثمان
دائمـا هذا القلم الذهبي

والانامل الماسيه تعزف لنا
أجمل وأروع الكلمات

ذالك الاحـساس الدافي ينبض
من ذالك القلب الذهبي
ودمتي بحفظ