قصيده نبطيه جزله للشاعر ابن زويبن ؟

السيف المهند · #1 30-10-2007, 24- 00:11

نشرت مجلة الوجد في عددها الخامس مايو 2006 قصيدة لعبدالله بن زويبن الحربي ( الجواهر)
تعتبر من نوادر الشعر بمعانيها الثمينة والقيمة وامتدحها الشاعر الكبير والمعروف غازي بن دخيل الله بن عون العتيبي
واطلق عليها أسم ( الدرة ) وأشاد بها في قصيدة منشورة أيضا في نفس المجلة ب17 بيت ونذكر منها 4 ابيات
و محمد المرزوقي قام بمجاراة ابن زويبن
فأليكم هذه الروائع :

قـــصـــيـــدة ابـــــــــن زويــــبـــــن :
سمعت لي كلمة مـدري وش اقصاهـا
حـزة بصـدري وانـا مانـي بهارجـهـا
لـوكـل كلـمـةِ الـيـا جـتـنـا طـردنـاهـا
بـعـنـا الثمـيـنـه بـسـعـرِ مايخـارجـهـا
لــو مــرت السـمـع ماكـنـا سمعنـاهـا
ونقـفـل الـــراس عـنـهـا لايبرمـجـهـا
ومـــن يـــم هـــذا لــهــذا مانقـلـنـاهـا
والنـاس واجـد وتلقـى مــن يروجـهـا
مــن جابـهـا بـيـن خـلـق الله ووداهــا
لوبـه مراجـل تـرى روحـه يسمجـهـا
من عامل النـاس فـي سابـق خطاياهـا
يقـعـد بــدار خـــلا مـــاداج دايـجـهـا
فـي كنـةِ يشـوي الجربـوع رمضاهـا
تابس غصون الشجر من حر واهجها
وان كـان نفسـك هواهـا قــام ينحـاهـا
حط الأعنه بـروس الخيـل وأسرجهـا
وفـكــر بمنـكـافـهـا قــــدام مـغـزاهــا
واضـرب حساباتهـا وتشـوف ناتجهـا

اربع ابيات من قصيدة غازي بن عون :
يابـن زويبـن بعـصـر العـلـم والــذره
انتجـت لــك درةِ يصـعـب مجـاراهـا
مابـه حـدِ فـي مجـارى ركبهـا شــره
ومــن فــز يبرالـهـا مـاهـوب ويـاهــا
فـرعِ مـن الحسـن ومـن التيـه منغـره
ذبـــح زمـيـلـك تمـايـمـهـا وسـمـاهــا
مـن حسنهـا اليعربـي سميتـهـا الــدره
تلـيـق بـأسـمِ يـلـيـق ابـهــا ويـزهـاهـا

مــجـــاراة مــحــمــد الــمــرزوقــي :
قـريـت لــي حكـمـةِ يـازيـن مـبـداهـا
تعـيـش يـاكـاتـب الـقـصـه ومنتـجـهـا
مـالـوم غــازي عليـهـا يــوم سـمـاهـا
الـدره اللـي صـدور الـنـاس تبهجـهـا
مـثـايـلِ تـطــرد الضـيـقـة وتـجـلاهـا
لاشفتـهـا يجـلـي الأحــزان مفلـجـهـا
من زينها اللي حريـر اللبـس يزهاهـا
تـســر الأنـظــار فالـهـامـه تغـنـجـهـا
منتوقـة العنـق ريـح الطـيـب مجنـاهـا
كنـي بـعـد مــرت الأطــراف بنجـهـا
مرت على السـوق والتجـار تنصاهـا
كـلِ يبـا الـزيـن والأســوام تحرجـهـا
ولاندلـي الدلـو فـي جـمِ فضـى ماهـا
لـو الظـوامـي عـنـا الـحـر متولجـهـا
يمنـى المقفـي تـرى الأيـمـان تشنـاهـا
وهـرج الهـزايـل لـهـا نــاسِ تعلجـهـا
وابـن زويبـن نـجـح بالـطـب داواهــا
يــوم ان بـعـض الدكـاتـر ماتعالجـهـا

هذي القصيده منقوله من احد المواقع المهنمه بالشعر

حبيت اضعها هنا لجزالة المعاني اللي فيها والقصيده تعرف نفسها ابي تفاعل لمن يفهم الشعر النبطي.

هذا دمتم بود

انتظر باكر · #2 30-10-2007, 24- 17:46

أخي الغالي يالسيف . مساك الله بالخير يكفيني أن ارد علي هذة الدرر بما قالة : غازي بن عون

اربع ابيات من قصيدة غازي بن عون :
يابـن زويبـن بعـصـر العـلـم والــذره
انتجـت لــك درةِ يصـعـب مجـاراهـا
مابـه حـدِ فـي مجـارى ركبهـا شــره
ومــن فــز يبرالـهـا مـاهـوب ويـاهــا
فـرعِ مـن الحسـن ومـن التيـه منغـره
ذبـــح زمـيـلـك تمـايـمـهـا وسـمـاهــا
مـن حسنهـا اليعربـي سميتـهـا الــدره
تلـيـق بـأسـمِ يـلـيـق ابـهــا ويـزهـاهـا

لك تحياتي علي هذا النقل الرائع

السيف المهند · #3 30-10-2007, 24- 20:13

الله يسلمك انتظر يكفيني مرورك

وبالفعل الشعر الحكمه من ارقى اغراض الشعر

والحمد لله توقعت ماتعجب احد

بس طلعت غلطاااااااااااان ــــــــــــ اثره فيه متذوقين للشعر الحقيقي

تقبل مروري ومساءك ورد يالغالي

بنـــت ابــــــوها · #4 30-10-2007, 24- 23:27

يسلموووو على القصيده الحلووووه

السيف المهند · #5 31-10-2007, 24- 00:18

الله يسلمك بنت ابوهااااااااااااااااااااااااااااا يسلموااااااااااااااااااااااا على مرورك الحلو