شلون اكسب زوجي؟

BEETY · #1 12-10-2007, 24- 18:54

مرحبا ودي اسالكم شنو اسوي انا احب زوجي وايد وخذينا بعض على حب بس انا طحت عليه يكلم وحدة كان يعرفها اول وبعدها جم مرة اطيح عليه معاها ومع غيرها وكثرت مشاكلنا ووصلت لي الطلاق بس ما قدرنا ورجعنا حق بعض ويقول ماعنده شي وانا كلش مو مقصرة معاه ابد واحاول دايما ارضيه مع ان الشك ذابحني لان الثقة فيه انعدمت ووايد لما نطلع اشوفه يطالع البنات وخصوصا مؤخراتهم مانا بصراحة ضعيفة وجسمي ما يغري بس اهو اختارني وكان طاير فيني اول ما تزوجنا شنو اسوي شلون اخليه وفي لي وشلون اكسبه شسوي يصراحة البنات يخرعون يتحرشون اشكرة وانا معاه بلييز علموني شلون املي عينه وقلبه

بسمه خجل · #2 13-10-2007, 24- 02:19

الله يعينك

حاولي تسمني
عندي فكره اشغلي باله فيك انا اقولك شلون

قوله له مثلا اليوم رجال يطالعني بس خفت اقولك تتهاوش معه

يمكن وقتها ينشغل بالرجال ويترك الحريم وينشغل فيك بعد

مدري هالفكره توها جت ببالي جربيها واذا نفعت كلنا بعد نستخدمها لو احتجناها

شعار الجوده · #3 13-10-2007, 24- 02:26

اتمنى لكي وزوجك السعاده الدايمه انشا الله
وهذي بعض النصايح تستخدمينها مع زوجك وان شا الله تنفع

[size=2]1حطي من عطره المفضل..راح يتفاجأ ويستغرب..بعدين يضحك
2ارسلي مسجات لتلفونه أو على البلوتوث..ذكريه بحبه لك
3ارسلي له بطاقات فلاشيه رومنسيه على ايميله
4ألبسي من ملابسه.
5لا تنتظرينه يقولك(أغسلي ملابسي أو أكويهم) انتي سويهم من نفسك.
كل فتره اهديه هديه حتى لو من غير مناسبه وحتى لو تكون بسيطه(مداليه او ولاعه....)
7أبتسمي بوجهه على طول الا اذا كان زعلان
8قولي له نكت وألغاز أو العبوا مسابقات وأسئله
9أكشخي بالبجامات الحلوه قدامه
10على طول حطي معطر جسم+معطر جو بالغرفه
11حفي جسمك على طول وشيلي الشعر الزايد منه
12لا تنسين قصات الشعر والتسريحات(وانتي قاعده بالبيت معاه)
13لو شفتيه زعلان اتركيه بروحه شوي..وبعدين لاعبيه وأضحكي معاه
14النصيحه الذهبيه:عاملي زوجك كالطفل..لان التشابه بينهم كبير
15 لا تدخلين احد من اهلك او اهله في مشاكلكم الخاصه ولا تطلعين عيوب زوجك لا هللك تفضحينه او تتكلمين عنه بالسوء
16 ألبسي قمصان نوم..وغيري بين الطويل والقصير
17 كل فتره دلكيه(مساج) بالزيوت والكريمات
18 كل فتره فاجئيه بالحمام:اترسي البانيو ماي وحطي فيه رغوه ومعطر جسم..ورشي الحمام معطر جو..ولا تنسين الشموع وتطفين ليت(لمبة)الحمام عشان يصير الجو رومانسي
19 لما يجي ينام ألعبي بشعره ودلكيه
20كل فتره اطلبي منه انكم تطلعون تروحون للبحر او سينما او تشربون عصير في مطعم فخم
21أكثري من السوالف والكلام بينكم(سولفوا عن ايام الصغر والمدرسه)
22 اعطيه فرصه للكلام لان الرجال يحب يتكلم..واستمعي له
23 الاحضان لها دور كبير بالعلاقه الزوجيه..أحضنيه كل يوم
24 ألعبي معه بالغرفه(تركضين ويلحقك) او(تخرعينه لما يجي من الدوام)
25 لا تعطينه فرصه يفكر بغيرك أو بأصدقائه
26 حسسيه انك انتي كل الناس له
27أرقصي له مصري او خليجي(للتغيير)
28 شوفوا افلام فيديو بالبيت(يفضل رعب) عشان لو خفتي ترمين نفسك بحضنه
29 اذا تبين ترفضين له طلب لاتقولين على طول لا وتفشلينه(تحرجينه)..قولي لا بطريقه مختلفه[/size]

ملك جمال الشرق · #4 13-10-2007, 24- 13:29

بلاش فكره بسمه خجل منعا للمشاااااااااااااااااااااااااااااااااااااااكل ...

وتحياتي ليكي بسمه خجل

عطني روحي · #5 16-10-2007, 24- 03:40

انا بصراحه أأيد كلام بسمة خجل
اسمني شوي فيه حبوب تسمن
دلعيه ترى الرجال يموت في الدلع