ايــام الطفوله !!

[بسمات]

 

1 - موقف طفولي يدل على برائه !
ههههههههههههههههههه

كنت لا سويت حاجه وامي تسأل من سواه كنت اقول وفاء تعرف امي اني انا مسويتها

وكمان كنت احب اكل ايسكريم تحت سرير جدتي
*************************
2 - موقف يدل على انك شيطان ! << ادري ما حد بيعترف

كنت احب اسوي الشي اللي امي تقول لاتسونه

مثل تسلق الجدران
*****************************************8

3 - هل كنت زعيم العصابه ولا من اتباعه ! << هذي مافيا مو طفوله

كنت اجمع بنات خالي وعيالهم الصغار واقعدهم على الدرجه واعمل فيها مذيعة

اطفال ويش اسمك؟؟ وعندك نشوده وخذ هديه

وكانت الهدايا صحون وقدور امي
**************************************
4 - شنو الأفلام الكرتون المفضل لك !

عدنان ولينا , ليدي , وسالي, وهايدي, وفلونه

الى اليوم وانا اشوفها
******************************
5 - شنو كانوا يدلعونك ! وشنو عيارتك ! << هذي ابصم ما حد معترف

كانو يسبوني بعنب ياعناب وكنت ازعل

ويدلعوني بحنان المفضله

************************************
6 - اكله كلتها من الأستاذ ( ضربه ) متى ! وليه !

خامسه ابتدائي من معلمة العربي وعند اعراب احب الوردة الحمراء

اعربت احب فعل ماضي وكنت واقفه طول الحصه

هئ هئ هئ هئ

************************************
7 - شنو كان يفرحك ! وشنو كان يخوفك !

يفرحني الفستان الجديد والطلعه من البيت

اخاف من الضرب
*****************************

8 - شي كنت تبي تعرفه وتسئل عنه كثير ولا احد يرد عليك والحين يوم عرفة تفاجئة!
ههههههههههههههههههههههههههههههههههه

هي الدنيا لحد فين ؟؟

كانت امي تقول بس الين الجبل

وكنت اسأل الشمس لاغابت فين تروح ؟؟

كانت امي تقول تلف وترجع تشرق من جديد
وكنت اخاف احط رجلي على الارض علشان الشمس ما تحرقني

**************************************
9 - اصعب موقف او معانه مرة عليك ! << لا تقلبونها مآساه

وفاة والدي

وفاة جدتي ام ابويه ويوم يغسلونها وهم شايلينها

*********************************

10 - اغنيه او انشوده كنت ترددها على طول وإلى الأن تعرفها !

يامطره رشي رشي على قرعة بنت اختي

بنت اختي جابت ولد سميته عبد الصمد

وعبد الصمد يبغى الحليب والحليب في البقره

والبقره تبغى الحشيش والحشيش في الجبل

والجبل يبغى المطر والمطر من عند ربي

صيني على صيني والرب يعطيني

دخلت بيت الله لقيت حمام الله

يدور السكر ويدور العنبر

ههههههههههههههههههههههه

الله عليك شهريار ايام ما احد ينساها

علشان كذا انا عمري لليوم 11ونص

[غريب2000]

 

ههههههههههههههه

حلوه طفولتك كانتي قريبه من امك كثير

الله يخليها لكم

ويسكن والدك فسيح جناته يارب

[احســاس]

 

مســاء الخير


هذا جوابي
عذروني من الحين راح اطول عليكم
ترى انا إذا انسئلة ارد بتفصيل ^_^

1 - موقف طفولي يدل على برائه !
إذا جاوا لضيوف ..اضرب لهم آحلى تحيه <<<العسكريه ^_^
واغرد عليهم آحلى قصيده <<<اي عدال ياشاعره ....كنت اقول ..
ياهلا والله بالمسك والعود
فرشنالك المكان كله مشموم
بس خل للوالده اشووي <<<<بذمتكم هذا شعر...هههههههههه تفكير اصغيرررر ^_^
الوالد يعصب علي وكله يقولي فشلتينا
الحين ابوي للتذكر يضحك ...ويقولي عيديها حلوه


2 - موقف يدل على انك شيطان ! << ادري ما حد بيعترف
تقرياً هذي السالفه كان عمري 3 -4 اسنين ..انا ماذكرها حيل بس الوالده ذكرتني فيها
انا مو منوعية المغامرين
بس مره كانوا الأهل الوالده جااين ..وكنا جمعة اعياااال كبيره
ولد خالي كان عمره تقريباً 10 اسنين اهو اكبر واحد فيهم
قال للشباب اللي وياه قوموا نطلع ..فبزينا احنا البنات وجيهنا عليهم
فقالوا قولوا للأمهاتكم إذا رضوا تعالوا <<مسوين روحهم طيوبين الشبااب ^_^
رحت للوالده وقلت لها ...وهي لا حياة لمن تنادي
اهي كانت مشغوله عشان العزيمه ومو فاضيه لي
فمن كثر الحنه ..تعبة وقالت روحي
البنات ..مارضوا امهاتهم ..الا انا ..
حضرتي مستنانسه ..وقاعده اقهر البنااات ..ليش اني بروح وهم لا
رحت للشباب وطلعت معاهم ..
المهم انه قمنا نحاوط ونحاوط بجنب الفريج ..ورحنا اشوي بعيد ...والله اذكر الشمس اللهبه
اللي صمعة راسي ^_^
تعبنا واحنا نمشي .. شفنا مكان كبير فاضي ..كله رمل
قعدنا فيه عشان نرتاح <<< صرنا سندباد ^_^
الشباب قاموا يلعبون بالرمل ..انا قلت اروح العب وياهم ..<<حشرن مع الناس عيد ^_^
انا قمت احفر الرمل ..قلت يمكن يطلعلي كنز ولا شي <<متأثره بالكرتون ^_^
ظليه احفر احفر ...المهم لمسة شي وانا احفر ..سحبة بقووه وطلعته
لقيه في ايدي شي غريب ..انا ماعرفة شنو !!
بس رحت على طوول ووديته للشباب ..اول ماشوفوه قاموا يصرخون ولا يقولي ارميه
ولي يقول لا تجين يمي ..انا مو فاهمه شو السالفه !!
المهم الشبااب انحاشوا وهدووني يركضون وانا اركض ويااهم
ومازلت ماسكه هذا الشي في ايدي ...واصيح ليش يهدوني ومايمسكوني
ولد خالي يصوت هدي هدي ..وانا ولا شي .<< تصدقون ليومكم اقول ليش ماهديته مادري !!
ونركض ونركض ..المهم وصلنا اقريب البيت يعني مو جنب البيت
بس نفس الشارع ... انا تعبة وظليت واقفه مكاني ..
الشبااب دخلوا ..ويوم ارجعوا لقية الوالد وياهم ..الوالد على طول صوت علي
وقالي هدي اللي في ايدك ..وانا اقول ليش يابابا ..شكله حلو ..حرام عليكم مسكين هدوه اهله لحاله
الوالد عصب حده وصوت علي هديها ...اخر شي هديتها ..وانا اصيح ..مو عشان الوالد صوت علي
لا عشان انني هديتها ...على طول الوالد ماصدق خبر ...سحبني ودخلني البيت
وعلى طول وين ..في التواليت ..وهاك ياصابون ..وشمبوا ..ومادري ايش
اذكر امي غسلتني بصابونات البيت كلها ..حتى بصابون غسيل الثياب
وحصلتي تهزيئه عقبها ..ما انسها ..بس خلاص الحين لو اموت ماسويها <<لا والله كبرتي يابنت ^_^
المهم ..
اكيد تبون تعرفون شنو الشي اللي طلعته !!
انا اقول لكم
طلعته راس إنسان بس وجه هيكلي ..بس فيه شعر في الراس ..والظاهر انه حرمه لأنه الشعر طويل
شفتوا المغامره المخيفه ..تصدقون إذا تذكرتة اشمئز من نفسي


3 - هل كنت زعيم العصابه ولا من اتباعه ! << هذي مافيا مو طفوله
لا بعد السالفه اللي فوق ماني زعيمه ولا حتى عضوه في الزعامه ^_^

4 - شنو الأفلام الكرتون المفضل لك !
وااايد
سالي <<عشان الدمعتين
ليدي << عشان الحصان اللي فيه ..ولا اهي موحلوه ^_^
كبماروا <<هذا جنااان ولي ماشفه اول ..فاتتة الطفوله ^_^
عدنان ولينا <<كنت استانس على عبسي حركاته تضحك
وبعد في بس مااذاكر


5 - شنو كانوا يدلعونك ! وشنو عيارتك ! << هذي ابصم ما حد معترف
يدلعوني ريومه ...عيارتي سي سو << مادري شو معناه ^_^

6 - اكله كلتها من الأستاذ ( ضربه ) متى ! وليه !
ولا مره ...مو لأني شاطره ..لأني كنت محترمه نفسي ..لا علي من احد ولا احد عليه مني


7 - شنو كان يفرحك ! وشنو كان يخوفك !
كان يفرحني ..إذا اخواني انقهروا وغاروا مني لأن الوالد يدلعني
يخوفني .. من اول إلى اليوم ..المستقبل


8 - شي كنت تبي تعرفه وتسئل عنه كثير ولا احد يرد عليك والحين يوم عرفة تفاجئة!
كنت اسئل عن كل شي ..
بس في سؤال دايماً يمر علي ..وكله اسئل عن ... إلى الأن هـ السؤال في بالي...وماني محصله جواب
على انه الأجوبه قدامي ..بس ابررها عشان ماتكون هي الأجوبه
كنت اسئلهم ...ليه احنا مانكون مثل اليابانيين نخترع كل شي !!!<< ادري السؤال سخيف


9 - اصعب موقف او معانه مرة عليك ! << لا تقلبونها مآساه
يوم كان عمري 12 سنه <<بس ماني معلمتكم ^_^
بس الحين عدة على خير واحاول اتناساها

10 - اغنيه او انشوده كنت ترددها على طول وإلى الأن تعرفها !

الوالد يستناس علي ..وكله يقولي غني ..وانا ماصدق خبر رقص واغاني <<<عاشوا البنات ^_^
كنت اغني ..
يه يه يود يتــئيل يه يه يمشـيـبـني يااااااااه
دنا بالي طويل وانت ..انت عقبني يه يه يه يود يتأيل<<<ماذاكر البااقي
حلوه صح ^_^

عذروني ترى انا ماينفتح لي باب إذا فتح مايتسكر ^_^
طولة عليكم عذروني

[MOONEE]

 

هههههههههههههههههههههههههههه
يسلمو يااحلى شهريار
والله انك جريئة من صغرك مسكتي اموات ههههههههههههههههههههه

[غريب2000]

 

ههههههههههههههههههههههه

والله صادقه يا موني من شفت سالفتها

شكلك كنتي تلعبين في مقبره ههههههههههههههه

يسلمووووووووووووووووو شهريار