تراحيب
الموضوع الي ابي نتناقش فيه ونعرف اسبابه ومسبباته وليش هالتصرف من الزوج كذا
وممكن تكون نفس الطريقه بالزوجه
بس الاهم والمهم هو الحلول او النقاش الجذري لحل هالقضيه
موضوعي
هو تقويمه الصلاة بالذات
الحين الزوجه تقوم زوجها ما اقول لكل فرض بس ان كانت صاحيه او ما غلب عليها النوم وقامت
الزوجه :::راحت للزوج ويله يافلان قوم للصلاة بالطرق المعروووفه للتقويم يعني برومنسيات وعطف وحنان <<<هناك طرق خاصه جدا للتقويم الزوج من النوم وكذلك الزوجه بشكل رايق وابتسامه عريضه ..
الزوج :::طيب اصبري شوي توه ماذن
الزوجه ::: يله يبيلك وضو وعلى ما تصحصح وتمشي للمسجد الا هو مقيم
الزوج :::طيب طيب
راح يصلي ما فيه اي مشكله لحد الحين
وهي صاحيه خلقه مثل العصر والمغرب والعشاء
الزوج يلعب بلايستيشن او يتفرج على التلفزيون
الزوجه::: سمعت الاذن طنشت
تقول بينها وبين نفسها هو يسمع مو نايم
تصبر شوي والزوج ما زال بشغله الي هو عليه
يحكها لسانها
الزوجه ::: يا فلان تراه اذن
الزوج ::: طيب طيب هذاني قمت
تسكت الزوجه
الدعوه اقام
الزوجه :::: يا فلان تراه اقام
قام وراح صلى
للحين نخض باللبن الزبده من موضوعي ما بعد طلعت
يعني للحين مو هنا المشكله
نجي للزبده
الزوج يجي اي وقت ما قد قال لزوجته لاتتاخرين على الصلاة صليتي <<مثلا بالاوقات غير الي فيها نايمه
الاوقات الي فيها نايمه تعالو شوفو <<< وحدث ولا حرج
يدخل الزوج لو اهو من بعد صلاة الفجر وشايف زوجته نايمه
له طريقتين بس في هاللحظه لما يشوف زوجته نايمه
ومدري عن حركات الازواج بس هذا الوحيد الي لا حظته
المهم
لما يشوف الزوجه نايمه
الطريقه الاولى
اما يقولها يا فلانه باسمها بحت لا كلمه لا منا ولا منا وبتنغيز من اصابعه على رجلينها ولا ظهرها
الزوج :::فلانه فلانه قومي صلي <<<حتى اي وقت ما يقول لا فجر لا ظهر لا مغرب
الزوجه ::: طيب طيب
الزوج ::: استحاله يحاول مره ثانيه يقومها
طيب افرض كلامك دخل بالحلم مع احلامها وما تدري اصلا انك تقومها
والطاعون الي مجنني ليش ما يقومها برومنسيه وكلمات وشئ من الحنان والعاطفه
كنه يقوم له وحده من اخواته
ما بقي الا يوقف عند باب الغرفه ويصبخ بالباب وصرخ الصلاة الصلاة قومو صلوو
الطريقه الثانيه
انه يندعس بالفراش وينام
تقوم الزوجه مفجووعه
اثاري الوقت فات ودخل وقت ثاني
يا فلان ليش ما قومتني اصلي
الزوج ::: هاه نسيت
والمشكله مو مره ولا مرتين ينساها
الي مجنني ليش الغالب في الزوجات والامهات على عيالهم
كل شوي يذكرونهم وهم نايمين كل شوي يجونهم وواثقين انهم مهما حكو فلا عتب عليهم لانهم نايمين
والازواج لا
مره وبالكثير مرتين وبسلامتها قامت والا النائم حتى يستيقظ
ليش الازواج يغلب عليهم هالطابع وهو اهمال الطرف الاخر
حتى بالصلاة
يا الازواج كل شئ الا الصلاة لا ترمونا للنار بيديكم وما تشدووون على يدينا وتساعدونا
اي نعم الي دينه قوي بيحرص على الصلاه
واذا الشخص قايم ما نقول ليش لانه يسمعه بس حتى حرص الطرف الاخر على الثاني ما فيه ؟؟؟
اذا نايم <<فهو مغلوب على امره ليش يهمله الطرف الاخر؟؟؟
انتم معي بهالموضوووع ولا ؟؟؟
تحياتي
....وش طاعونـــــــــــــــكم يالازواج.....؟؟؟
