ماهو فى مصلحة الفتاة ,, الدراسه ام الزواج؟؟؟؟؟؟؟

[عاشق الرومنسيه]

[align=center]

الكثير من العوائل ترفض تزويج بناتها فى مرحلة الدراسة فالدراسة أولاً ومن ثم الزواج ..هل وجهة نظرهم صحيحة ؟؟

أم ان الدراسة لاتمثل عائقا لزواج الفتاة حيث انها تستطيع التوفيق بينهما ؟؟

هل الشهادة الدراسية أكثر ضماناً لمستقبل الفتاة من الزواج ؟؟

هل الزواج فى سن مبكرة السبب لحالات الطلاق حيث يكون الزوجان غير مهيئين لتحمل المسؤلية وحل المشاكل

كذلك

انشغال الفتاة فى الدراسة قد يلهيها عن واجباتها اتجاه زوجها وبيتها فيحدث الانفصال من أول مشكلة أو خلاف..؟؟

فما هي وجهة نظركم ياترى ؟ ؟

ارجو من الجميع مناقشة الموضوع وطرح وجهة نظره ولا يكتفي بالمرور وكتابة رد بدون ان يطرح وجهة نظره لكي تعم الفائدة ونصل

لرأي يخدم الجميع

لكم تحياتي[/align]

[السيف المهند]

السلام عليكم

عاشق الرومناسيه دمت بود يالغالي

وقول لي تعليق

وهو أن الفتاه الزواج أهم لها من الدراسة لانه ممكن تنسق مع زوجها وتشرط عليه تكمل دراستها معاه وبكذا يسود التفاهم وتخلص دراستها وتتزوج وتعين من الله خير .

الدراسه ملحوق عليها ممكن تكملها انتساب او حتى انتظام بس مع تنسيق مسبق مع زوجها لكن بيتها وزوجها اهم فهو اساس الحياه الزواج وانجاب الاطفال وان تربي الاطفال وتدرس فلامانع من الدراسه مدامت لاتعيق زواجها.

كذلك ليس الزواج بسن مبكره مدعاة الى الطلاق هذا ليس صحيح فلو كشفت عن اسباب الطلاق لوجدتها كثيره وهذا قد يكون سبب من اسبابها ولكن ليس سبب رئيسي لذلك اقول الفتاه الان تتزوج بسن 19 او ال 20 وهو سن الزواج الذي يتمنى الشباب فيه ارتباط بفتاه .

اذن الخلاصه ان تاخير الزواج ليس من صالح الفتاه بل قد يسبب لها العنوسه لذلك اقول الزواج اهم للفتاه صدقوني من اكمال دراستها لكن على الزوج العاقل ان لايمنع شريكه حياته من اكمال تعليمها

هذا ودمتم بود

وشكرا على مواضيعك اللي بصراحه جدا مفيده

[كويتي كول]

الله يعطيك العافيه اخوووووي عاشق ومشكوووووور على هالموضوع المشوق
اما بالنسبه لوجهة نظري.......
اكيد انا مأيد فكرة الزواج بعد الدراسه لأن ممكن البنت ما تقدر توفق بين الدراسه وواجبات البيت هذا شي اكيد لأنه مهما بذلت من مجهود يبي يجي قصور او اهمال وممكن البيت والزواج هم يلهيها عن دراستها...........
لاحظنا بالاونه الاخيره ان الطلاق كثر جنه لعبه بيدين الشباب او البنات يعني من اول كف او غلط من الرجل تطلب الطلاق البنت او اي غلط بسيط من البنت ممكن يقوم الشاب ويطلق وانا اقول للبنت تكمل الدراسه وبعدين تتزوج احسن من لا تشرط على الزوج الدراسه وما ادري شنو اخر شي بكلمتين يضحك عليها خخخخ بهذه الطريقه تضمن مستقبلها اكيد لانه ممكن تصير مشكله ويطلقها تكون عندها شهاده وتتوظف وتصرف على نفسها احسن من انها تكون عاله على عائلتها...........
واكيد بالنسبه لي الشهاده اهم من الزواج
اما بالنسبه للطلاق والزواج المبكر هذا صحيح من اهم او من عوامل الطلاق عدم المسؤوليه وعدم معرفة حل المشاكل لانه مثل ما قلت من جم مشكله اكيد يبي يقول هذي بقره شنو يفهمها اطلقها واخذ غيرها شنو بنات الناس صارو لعبه اكيد هذي اخطر مشكله عدم تحمل المسؤوليه..................
هذه وجهت نظري ودمت بخير تقبل مروري

[بنـــت ابــــــوها]

بالنسبه لي ايدها اول شي تكمل دراستها كلها حتى تخلص الجامعه وبعدين تتزوج

لحقه على الهم والمسؤليه ماتوقع تطلع حلوه زواج مع دراسه احس مره تعب

ماتقدر تجيب درجات عاليه او بتقعد يوم تروح المدرسه وعشره ايام غايبه

اذا صارت وظيفتها بيدها تتزوووج وانا ايد كذا

لانو ماحد يضمن الرجال اللي معها بكره يطلقها وهي ماكملت دراستها مين راح يصرف عليها

عكس اذا كانت وظيفتها بيدها او شهادتها بيدها خلاص مايضيق صدرها تتوظف ولا تندم على اللي طلقها

بناااااااات نصيحتي كلكم لاتتزوجين الا شهادتك بيدك صدقوووني ماراح تضمنين الايااااام ولا تضمنين زوجك

ولاتقولين بكمل دراستي وانا متزوجه لانو ماراح تجيبين درجات كويسه ولاتقدرين تتوظفين

عااااااااااااااااااااااشق موضوعك يجنننننننننننننننن ياليت الكل يقراه ونشوف ردودهم
يعطيك العافيه عزيزي

[جــــــــوري]

موضوع روعه ومهم مشكور عاشق الرومنسيه

وانا رأيي ان الشهاده اهم من الزواج هي السلاح الوحيد للبنت وبالشهاده بس تقدر توقف بوجه غدر الزمن

الزوج ممكن يجي يوم وينقلب ضدها والاهل مو دايمين لها لكن بالشهاده تقدر تعتمد على نفسها وتعيش حياتها

بدون ما تحتاج لاحد والزمن ماله امان

زمانك لو صفالك يوم ...لا تحسب صفالك دوم

وعينك لاهتنت بالنوم ...ترى الايام غداره

وانصح كل بنت تبدي شهادتها اول

اذا قبل الخطيب اهلا وسهلا ماقبل المركب اللي تودي ولا تجيب

ولا تصدق اللي يقول تكمل بعد الزواج ممكن يغير رايه ويمنعها وهذا من حقه لان كل شي بيدينه

لكن من البدايه ماتزوج الا وشهادتها بيدها

صحيح بيواجهون مشاكل في بداية حياتهم بس لازم يتحملون والدعوه كلها كم سنه

واشكرك مره ثانيه على الموضوع المهم لنا يالبنات