كيف تحرق دم البنات

hossam · #1 02-05-2006, 24- 12:10

كيف يرفع الولد ضغط دم البنت؟؟؟
العملية فى منتهى السهولة و سيتم عرضها من خلال من خلال عدة مواقف متتالية و الله المستعان و ربنا يقدرنا على بنت حواء......

1- اذا كنت ماشفتهاش من زمان و قابلتها صدفة و بتسألك انت عامل ايه ازاى احوالك ؟
ترد بمنتهى السماجة ...انتى مش شايفانى فرحان و سعيد انى قابلتك اقوم ارقص لك يعنى؟
2- ولما ترد و تقول خلاص انا اسفة
ترد و تقول شىء طبيعى
3- لو كنت ماشى فى الشارع و عدت قدامك واحدة حلوة طبعا من الزوق و الادب انك تعاكسها بمنتهى الغتاتة او على الاقل ترش عليها ميه!!
4- لو كنت فى عرابيتك و عدى من جنبيك عربية و فيها بنت حلوة افضل باصص لها و متنح و لما تسالك انت بتبصلى كده ليه شد على الرابع وسيبك منها
5- لو اتصلت بواحد و النمرة غلط و ردت عليك واحدة و قالتلك النمرة غلط من الطبيعى جدا انك ترد عليها و تقولها معلش اصل صوتك شبه صوت حسنى بالظبط.
6- لو ماشى مع بنت جميلة جدا و بتسالك عن رايك فى شكلها قولها
هايلة يا حياتى بس لو فيه منك على حريمى!!!!!!
7- لو عايز تغتت اكتر و اكتر على اى بنت فى الشارع و قف اى واحدة واسالها الساعة كام هتقولك مثلا : الساعة 4.30
بص فى ساعتك و قول لها تمام الساعة بتاعتك مظبوطة!!!!!
8- لو راكب عربية نقل (مقطورة) وعدت قدامك بنت فمن الجنتلة انك تيجى جنبها و تزمر على اخرك..
9- لو نفسك تمشى مع بنت فى كليتك و كانت جاية تطلب منك حاجة للمرة الاولى فى حياتها
هتنادى عليك........
- احمد .... ممكن لو سمحت......
- بصلها و اضحك فى وشها و بعدين دور وشك و طنشها خالص و لا كانك شفتها قبل كده......
طبعا و شها هيبقى شبه الطمطماية لكنها بعد كده هتروح تشتكيك لوميلاتها و تقول عليك انك
ولد تنك و ماعندكش دم و لا ذوق....
و فجاة روح كلمها عادى و لا كان حاجة حصلت......
هتحتار فيك و تعجب بيك.... و يمكن تحبك.....
10- لو انت فى محل ودخلت بعديك بنت طبعا من الزوق انك تقول للبياع خلص الانسة الاول ........
و البياع لسة بيجيبلها الحاجة قوله : ماتخلصنى بقالى ساعة قدامك و بعدين بتمشى الانسة ليه انا جى قبلها
(طبعا اعمل حسابك ان البقال هيضربك باى حاجة فى ايده)

11- لو انت مع بنت و هتركبوا تاكسى و غيران عليها و خايف للسواق يقعد يبصلها فى المراية
طبعا اتصرف على الفور و قعدها جنبه و اقعد انت ورا!!!!!!

12- لو انت مصاحب بنت جادعة قوى و بتقف معاك فى كل المواقف المنيلة اللى بتحصلك و اخر موقف انك نايم على السرير بعد ما انضرت من شوية رجالة كانوا بيعاكسوها و انت عملت فيها احمد عرابى ....
امسك ايديها برومانسية و بص فى عنيها و لو لابسة نضارة ماتبصش وقولها: انا مش عارف ارد جمايلك دى كلها ازاى لما رسبت السنة اللى فاتت و قفتى جنبى... و لما اتثبت و اتسرقت هدومى و فلوسى و قفتى جنبى .....و لما ابويا مات وقفتى جنبى ......
مش عارف ليه يا حياتى حاسس انك فقر و نحس!!!!!!!!

13- لو خطيبتك كانت فى رحلة وورتك صورة متصوراها جنب قفص القرود و بتسالك عن رايك فى الصورة الجنان دى؟؟؟
قولها: هو انتى مين فيهم!!!!!!!!
14- لو كنت ماشى مع بنت سمرة (على فكرة انا بحترم السمر ماتفهمونيش غلط !!) وكانت لابسة فستان احمر و قاليتلك دلعنى....
قولها : يا فحم يا مولع..!!!

15- لو كنت ماشى مع بنت و شفت شاب بيبوس ايد حبيبته (رومانسية طبعا.. وولد جنتل قوى يعنى)
و بتقولك ماتبقى تعمل زيه
رد عليها و قولها : واعمل زيه ازاى و انا ماعرفش البنت اللى بيمشى معاها!!!!!!

16- لو بتسالك فى غيرة ( انا عرفت انك ماشى مع بنت تانية غيرى اسمها دعاء و شقراء) رد و قول لا و الله انا ماشى مع بنت خمرية و اسمها سارة!!!!!!!

17- لو قالتلك اى بنت مش بزمتك انا مالية عليك حياتك
قولها: ايوة بس لو ماكنتش عرفتك كانت محفظتى هتفضل مليانة..

18- لو اى بنت بعتت رسالة او موضوع على منتدي تعمل ايه
طبعا كما لو ان الموضوع مش موجود اساسا.....

(يرجى ماتفهموني غلط ولا تؤاخذوني أنا بهزر)
شكرا

حبرورق · #2 02-05-2006, 24- 12:19

هههههههههههههههههههههههههههههههههههههههههههههههه

هههههههههههههههههههههههههههههههههههههههههههههههههه ههه

تسلم اخوي حسام طبعن تمساح فرعوني هههههههههههههههههههه حلوه يعطيك العافيه

الدانوب · #3 02-05-2006, 24- 13:12

هههههههههههههههههههههههههههههههههههههههههههههههههه ه

طيب ليه والله مانسوى بدون البنات شي

MOONEE · #4 02-05-2006, 24- 14:09

الله يالدانوب علم التماسيح شويا هههههههههههههههههه
حلوووووووووووة حسام بس ايش قلبك علينا

دلوعة زمانها · #5 02-05-2006, 24- 15:17

ههههههههههههههههههههههههههههههههههههه
ماشى يا حسام
هفرجهم على صورتك انت كمان زى ابو ملاك