 |
|
 |
|
||
|
||
|
|
|
|||||||
| التسجيل | التعليمـــات | البحث | مشاركات اليوم | اجعل كافة المشاركات مقروءة |
| القصص و الروايات ما يبدعه قلمك من القصص والروايات |
 |
|
|
LinkBack | أدوات الموضوع |
|
#1
10-09-2007, 24- 01:18
|
|||
|
|||
قصة الديك
قصة الديك هذي قصة راعي ديك مولّي... المهم تقول لكم القصة: فيه ولد طفران (ماعنده ولا فلس) راح لابوه وقال له: يبا عطني دينار ونص, ودي أشتري كرة... الأب: أقول إنجلع عني ترى واصله معاي.. الولد: تكفا يبا, بس دينار ونص... والاّ أقول لك.. خلها دينارين.. الأب: ما عندي فلوس... إذا تبي فلوس روح بيع الديك مالك المريض اللي بالحوش.. الولد: بس هذا مريض ومحد يشتريه.. الأب: ما علي منك.. دبر نفسك. والله الولد استسلم للأمر الواقع وأخذ الديك.. أول واحد شافه في ويهه.. اكيد ابوه... قال له الولد: تشتري الديك؟ الأب: أقول بتنجلع عن ويهي ولاّ أقوم ادوس ابـ بطنك؟ الولد: خلاص خلاص لا تنفخ... طلع الولد من البيت ومعاه الديك في محاولة يائسة إن الديك ينباع.. عرض الديك على أهل الفريج كلهم ولا واحد فيهم رضى إنه يشتريه. قال الولد: ممممممممم, والله مالي إلا فلانة, عقلها خفيف وأكيد بقدر العب عليها بسهوله.. فلانه هذي كانت وحدة متزوجه بس للأسف كانت رايحة فيها وتلعب بذيلها من ورا زوجها.. راح لها الولد عشان يبيع عليها الديك.. الولد: تشترين الديك.. تكفين؟ فلانة: هلا والله بحبيبي.. تعال قرب مني عشان ابوسك بوسة خفيفة.. الولد: أقول ماني فاضي لك.. اخذي مني الديك وخليني اروح.. فلانة: تروح وين يا عمري؟! أنا ما صدقت إني شفت ريّال عندي في البيت... (والله رايحة فيها) الولد: ومنهو اللي قال لك إني ريّال؟ اخذي مني الديك وخليني أنجلع. شوي الاّ الباب يدق.. خافت فلانة وقالت للولد: تعال إندعس هني في الكبت لا يطلع زوجي ونروح فيها. حطت الولد في الكبت وراحت فتحت الباب.. إلاّ وطلع لها صديقها اللي تخون زوجها معاه.. فلانة: هلا والله بعمري وحياتي.. (ما قلت لكم إنها رايحة فيها!) الريّال: يا هلا فيك عمري.. ما أمدا الريّال يكمل كلمته إلاّ والباب يطق.. فلانة: يا ويلي ويلاه.. هذا شكله زوجي.. تعال ادخل في الكبت. دخل الريّال في الكبت.. وفجأة في عز الظلام سمع صوت يكلمه من داخل الكبت ويقول له: تشتري الديك؟ الريّال: أصصصصصصصص... وط صوتك الله يرحم والديك لا تفضحنا.. الولد: أقول تشتري الديك؟ الريّال: يا خوي خلاص بشتري الديك بس قصر حسك تكفا.. الولد: زين.. الريّال: بس كم تبي فيه؟ الولد: عشر دنانير.. الريّال: شنو؟؟!!هالديك المنتّف بعشر دنانير؟؟!!! الولد: تبي تشتري ولا ارفع صوتي؟ الريّال: لا لا خلاص.. اشتري وأمري لله.. عقب خمس دقايق.. الولد: تبيع الديك؟ الريّال: توّك بايعه علي يابن الحلال!! الولد: تبيعه علي ولاّ ارفع صوتي؟ الريّال: لا لا خلاص.. أببيعه وأمري لله.. بكم تشتريه؟ الولد: 100 قلس.. الريّال: شنو!! 100 فلس؟؟!! أنا مشتريه منك عشر دنانير وانت تشتريه مني بـ 100 فلس؟؟!!! الولد: تبيعه علي ولاّ ارفع صوتي؟ الريّال: لا لا خلاص.. أببيعه وأمري لله.. خمش دقايق مرّت.. الولد: تشتري الديك؟ الريّال: يا خوي توني مشتريه منك! الولد: تبي تشتري ولاّ ارفع صوتي؟ الريّال: لا لا خلاص.. اشتري وأمري لله.. بكم تبيعه؟ الولد: عشرين دينار.. الريّال: الله يلعنك.. توني مشتريه منك بعشر دنانير! الولد: تبي تشتري ولاّ ارفع صوتي؟ الريّال: لا لا خلاص.. اشتري وأمري لله.. عقب خمس دقايق.. الولد: تبيع الديك؟ الريّال: إنا لله وإنا إليه راجعون.. بكم تبي تشتريه؟ الولد: 100 فلس.. الريّال: شتبيني أقول!! تبيني أبكي ولاّ اشقق هدومي... يالله اخذ الديك وببلاش.. أخذ الولد الديك.. شوي الاّ فلانة فاتحه عليهم الكبت وقالت لهم: يالله بسرعة انحاشوا مدام زوجي بالحمام.. بس واحد ورا الثاني وشوي شوي عشان لا يحس فيكم.. طلع الريّال وانحاش ولحقه الولد بعده بـ 5 دقايق.. المهم.. قام الولد يتمشى في الشارع وهو مستانس ليش صار عنده فلوس.. بعدين راح البيت.. يوم دخل البيت شاف ابوه جدّامه.. راح قال لابوه: تشتري الديك؟ الأب طالعه والشرار طالع من عيونه وقال له: ما يكفيك يابن الـ (كح كح احم)... المهم قال له: ماتكفيك الثلاثين دينار اللي اخذتها مني في الكبت؟؟؟ 
|
|
#2
10-09-2007, 24- 03:06
|
||||
|
||||
|
حلوة ..صحيح مضحكة بس فيها عبرة[/align]
|
|
#4
13-09-2007, 24- 14:52
|
||||
|
||||
|
ههههههههههههههه الله يعطيك العافيه قصه كويتيه ميه بالميه هههههههههه اخر شي طلع ابوه لو معطيه من الاول احسن له ههههههههه الحين عاد ما يقدر يقول شي الابو للولد لا يعلم امه كركركركركركركر مشكووووووووووور والله صج ضحكتني الله يجزاك خير تقبل مروري وكل عام وانت بخير
|
|
#5
14-09-2007, 24- 02:21
|
||||
|
||||
|
|
|
| مواقع النشر |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
المواضيع المتشابهه للموضوع: قصة الديك
|
||||
| الموضوع | كاتب الموضوع | المنتدى | مشاركات | آخر مشاركة |
| قصة تفطس من الضحك !!هههههههههههههههههه | العفريتة | القصص و الروايات | 7 | 10-10-2007 24- 19:51 |
| اذا متوا من الضحك مالي دخل | أبو ريماس | صور | 12 | 31-08-2007 24- 20:22 |
| لاااااااتفوتك!!!!!!!!!!!!!!! | العفريتة | الضحك و الصرقعه | 0 | 01-08-2007 24- 10:19 |
| لماذا يرى الحمار الشياطين ويرى الديك الملائكة | جنات | المراة المسلمة | 8 | 13-12-2006 24- 22:12 |
| لماذا يرى الديك الملائكه والحمار الشياطين ؟؟ | الإمبراطوره | المراة المسلمة | 11 | 26-11-2006 24- 19:22 |
