الناس انواع

[كويتي كول]

الله من هم ن لجى بين الاضلاع_هم ن يشظ الصدر شظ الكسيري
والله يعين اللي من البعد ملتاع_والللي بغيته صار من حظ غيري
من صد من كيفه ولا ابدالي وداع_ما اشناه ولا ارجيه مهف طيري
ماهمني مادام في حبنا باع_خله على وجهه ودربه سفيري
واعرف ترى بالناس من كل الانواع_اسمع ترى هذا عدل لاتحيري
ابهم بخيل ن دوم للمال جماع_ومن كثر ما يجمع بماله فقيري
وابهم رجل وافي على الدوم منفاع_اللي على زلة خويه ستيري
وابهم ردي ن دوم للوصل قطاع_وعلى بلاوي الناس دايم شهيري
وابهم رجل عادل وللحق فزاع_للحق دايم مايلف ويديري
وابهم رجل يصبر ولو ذاق الاوجاع_ويضحك وايجامل لو زمانه عسيري
يكتم همومه سده اليوم ماذاع_ما يرتجي غير الولي القديري
هذا صحيح وكل رجل ن له اطباع_والطيب ما تحوزه يدين الحقيري
واهل النميمه ما بها خير وسناع_يلحقك شره ما يجي منه خيري
رحماك يا رب البشر مرسي القاع_واحد احد رحمان رب ن خبيري
وصلاة ربي عد ما هب ذعذاع_على النبي وعداد ما طار طيري

ايضا ارجو واتمنى ان تنال قصائدي اعجاب الجميع وانا احب الشعر القديم فكتابتي مثله

[ليتني طفله]

انا ما احب الشعر
بس صح لسانك هههههههههههه

[كويتي كول]

حياج الله صح بدنج مشكوووووره على مرورج الشعر احساس البشريه نابع من الصميم
هههههههههه

[a7la_3yoon]

صح لسانك كويتي كووووول قصيده في قمة الرووعه

تستاهل تكووون بشاعر المليوووون القصيده عنوان ومضمووون رووووعه

بسراحه انا اكتب شعر لاكن بعد ماقريت قصيدتك الحين بستحي اعرضها اصلا

بصرااااحه تسلم الاياااادي ياكويتي كوووووول

تحياتي.

[اقرع بو كشه]

يا عيني يا عيني اكتب نفسي هلقصيده طل بعيني شرايك فيني مو شاعر المهم خوش شي بس خلك جذي وتصير خوش ولد والقرعه سر النجاح والتالق وهذا يذكرنا بقول الشاعر الكبير عجيب حينما قال
انا عجيب عجيب عجيب * ادق ربابه ماما وبابا ياذوني ود وجيب
ومشكور يا اخوي ولد امي وابوي مع انك عملاق وانا قصاصه بس ما عليه معطيك قصه باجر اصير طولك لووووووووووووووووول