بليزززززززز لاتطنشوني وانتظر رددوكم بفارغ الصبر

دانيا الودعاني · #1 03-09-2007, 24- 02:00

السلام عليكم ورحمة الله وبركاته

احلى تحيه لاعضاء هذا المنتدى واتمنى من العلي القدير اني اكون عضوه خفيفة الظل لديكم وانكم تساعدوني في مشكلتي
لا اطيل عليكم وادخل في موضوعي مباشره
انا بصراحه ابلغ من العمر30 سنه وتقدموا لي اشخاص كثييير لكن مالله يكتب لي نصيب فيهم وعندي صديقه من زمااااااااان ودايما تنصحني اتزوج مع العلم انها اكبر مني والى الان ماتزوجت والسبب شروطها المعقده،،،،،،بصراحه انا قبل كنت مثلها اتشرط لكن تغيرت فكرتي 180درجه!!
ودايما تذكرلي اشخاص مقدمين ع زواج وتاخذ رايي فيهم وتقنعني اوافق وانا ارفض يايكون اصغر مني او ان من ناحيه الاسريه ماناسبهم اومونفس الشخص اللي اطمح له..
**مع الايام اتصلت علي وامدحت لي شخص بصراحه مواصفاته لا يعلى عليها من الاسر العريقه والمعروفه جامعي وخلوق ومحافظ على الصلاه وعنده خير بإختصار حلم كل فتاه...
هنا بديت اشغل عقلي وبديت اخذ الموضوع بجديه وعندي صديقه" اعتبرها توأمي و اختي اللي ما جابتها امي" واتصلت عليها وعلمتها بالموضوع وشجعتني اكثر عليه بعدها صرت كل يوم استخير وبصراحه حسيت براحه وغير كذا حسيت ان هذا نصيبي..
اتصلت على صديقتي الاولى اللي جابت لي هذا الشخص وقلت لها خلاص انا موافقه وكلمت الشاب وقالت له اني موافقه وطلب يشوفني وارسلت لها صورتي وشافها واعجبته بعد كذا انا طلبت اكلم هذا الشخص كان عندي له كم سؤال اسأله بعدها بقفل!!!!
::::ملاحظه::::
انا طلبت يتم الموضوع بالسر اذا وافقت يصير الكلام رسمي ويتقدم لابوي
** صارت صديقتي تتصل علي شبه يومي وتمدح لي الشخص اكثرلدرجه ولا اخفي عليكم حبيته جد جد حبيته ونفس الشي تتصل عليه وتمدحني عنده..
بعد فتره قصيره ارسل لي الشاب مسج يطلب مني رقم الوالد عشان يتقدم رسمي طبعا ثاني يوم ارسلت له رقم الوالد<<<<<<<ما ارسلته في نفس اللحظه عشان مايقول عني مشفوحه على العرس
اتصلت على صديقتي وقلت لها فلان ارسل لي مسج يطلب رقم الوالد..

الى هنا انتوا مستوعبين اللي انا كتبته&&&

قفلت منها واتصلت علي اخر الليل وطلبتني اسمعها لاخررر لحظه قلت لها تفضلي،،قالت لي بصراحه انا متضايقه وضميري مأنبني انا كذبت عليك ومتندمه اني كذبت قلت لها ليش يافلانه!!!
قالت بصراحه الشاب اللي كلمتك عنه ترا شاب عادي ولعاب وينتمي لاسره عاديه وعلى قده وعايلة الولد ماتناسبكم والادهى والامر قالت لي تراهو راعي شراب!!!!
***ايش تتوقعون كانت ردة فعلي بعد هالكلام مع العلم ان الموضوع له5شهور وتوها تتكلم؟؟؟؟
قفلت منهاوتحطمت وانهدمت كل امالي واحلامي اللي بنيتها...
ثاني يوم صحيت من النوم الا الشاب راسل لي مسج يعتذر مني انه مايقدر يكلم الوالد والسبب ظروفه كنت في قمة القهروذبحني الفضول واتصلت على الشاب وكلمته بأدب وبحدود ابغى اعرف ايش الظروف؟؟؟
ايش تتوقعون قال لي هذا الشاب؟؟؟؟؟؟؟؟؟؟
تصدقون نفس الكلام اللي قالت لي صديقتي عنه وذمته قال له لي وياليت ذمتني واكتفت؟؟؟؟؟؟
ااااااااااااااااااااااااااااااااااااااه يالقهر ماقول غير حسبي الله عليها الا قذفت فيني وحطت العار فيني وفي اهلي مع العلم ان تربطنا علاقه بين اهلي واهلها اكثر من 45سنه والله العظيم ولا في احسن من علاقتنا معهم والبنت نفسها قسما بالله ماضريتها ولابيني وبينها شي عشان تسوي فيني كذا....
يوم قال لي الولد كذا قلت له اجل اسمع حتى انت بعد قالت عنك نفس الكلام وازيدك من الشعر بيت قالت انك راعي شراب...
قال لي وهو يسبها هي وش تبي مني بالضبط؟؟؟؟
رجعت اتصلت على البنت وقلت لها ليش مدحتي الولد بعدين رجعتي ذميتيه قالت لي رجاااء خاص لا عاد تجيبين لي طاريه وماله داعي نخسر بعض والسبب هو وقالت لي إذا تبغين أسألي عنه بطريقتك ولا تدخليني في الموضوع؟؟؟ قلت لها وشلون أسأل بطريقتي وانتي اللي جبتيه لي قالت لي بكيفك وتقدرين تتصرفين!!!!

ما ابغى اطول عليكم والله من القهر لو استمريت في الكتابه ماراح اخلص عن جد مقهووووووووووووره

اللي ابغى تعرفونه بصراحه حبيت الشاب وتعلقت فيه بشكل ماتتخيلون واتصل علي مررره وقال لي انا يابنت الناس شاريك بس اخاف لو اتقدم تسوي لنا هذي مشكله ممكن تقول لاهلك اني اعرفك او لي علاقه بك وكذا يكبر الموضوع وتحطك في موقف و انا بالمثل..
انا بصراحه متمسكه بالشاب ولا ودي افرط فيه وبودي ان الموضوع يهدئ شويه بعدين ارجع افاتحه فيه

دعواتكم لي ان الله يكتب لي اللي فيه الخير والصالح وان الله يجمعني مع هالشخص وصدقوني كل اللي بيساعدوني في الحل والله العظيم ماراح انساهم في الدعاااااء
ولاتنسوووووووون اني مظلومه ودعوة المظلوم مابينها وبين الله حجاب

خاطــــــوف · #2 03-09-2007, 24- 10:16

اختي الكريمه
دانيا
اتسمحين لي بان اقول ان تلك الصديقه ثقي بانها ترتبط مع هذا المذكور بعلاقة
الله اعلم بها وانتي كما ذكرتي فهو شاب ولكن به عيب شرعي وهو اللعب والشراب
وهذا مايدهور العلاقات الشخصيه لاتتعلقي به وانسيه ولو كان صادقاً في حبه وشاريكي
لتقدم لوالدك وطلب يدك واما هذه الصديقه سامحها الله وعفا عنها لعبت بمشاعرك وحاولت
خداعك بمدح ذلك الشخص وفي الاخير تأتي وتذمه هل علاقتها معه انتهت كي تبداء بكشفه
اختي العزيزة
انسي كل شخص بهذة الصفه ولاتتعلقي بخيوط الوهم ولو كانت صديقتك صادقه وامينه
ماتلاعبت بمشاعرك الى هذه الدرجه وهذه ليست صديقه بل عدوه وابتعدي عنها لان نهايتها ستكون
اسرع مما تتوقعين لانها لعابه ومخادعه ابتعدي عنها وعن ذلك الشاب الذئب واتمنى من الله
العلي القدير ان يرزقك ويعوضك بخير منه وان يتمم عليكي السعادة برجل يستحقك
وتكوني له الزوجه والاخت والام والحبيبه ويكتب لكي كل خير
وفقك الله
تحياتي وتقديري

mersaluae · #3 03-09-2007, 24- 11:11

هذي مش صديقة هذي عدوة

ولا تتعلقين بالشاب وترسمين في بالج احلام وردية

عسى ربي يرزقج بالزوج الصالح
ويبعد عنج عيال الحرام

moonsun · #4 03-09-2007, 24- 12:22

الصـــديق الصـــدوق

وعفـــوا هــذي مـا بهــا صفــة الصــدق ولا يمكــن أن تصــل إلـى إليهــا أبــدا
عــزيــزتي دانيــا أبتعــدي عــن الأثنيــن لأنــه مبيــن مـن الموضــوع تـوجـــد عــلاقــة بينهــم وإلا مـا خــدعتــك ، لمــدة 5 أشــهر وهـي تمـدح وتشــرح وفـي لحظــه وفجـأة بــدأت تـذمــه وتغيــر صـورتة الـتي رسـمتها عنـه ، وتقــول بـأنها مـا لهـا دخــل بالموضــوع وهــو مـن بــدأ بالمــوضوع مـش هـي ؟

اللــه لا يســامحها على هـالتصــرف الغيــر إنســاني .

.... ( وعسـى تحبــوا شـيئا وهـوشــرا لكــم ) ....

تحدوهاااا البشر · #5 03-09-2007, 24- 15:11

اخت دانيا من الافضل انك تبتعدين عن الاثنين لانهم راح يسببون لك مشاكل انتي في غنى عنها..والله يرزقك باحسن منه